INTRODUCTION XIII

pensent faire beaucoup pour moy s'ils ajoustent foy à la moitié des histoires qui y sont racontées : comme si la reste estoit forgée à plaisir. Et dont leur procède ceste opinion? Faute (en partie) de considérer ce qu'eux-mesmes tous les jours, voire presque toutes les heures, oyent ou voyent à leurs portes conforme à ce que je raconte. En partie aussi faute d'avoir fréquenté les pays estranges, ou bien, en les fréquentant, d'avoir diligemment remarqué (à l'exemple de l'Ulysse d'Homère) les mœurs d'iceux, et tout ce qui se presentoit à leurs yeux ou oreilles digne d'estre noté. Ou bien s'ils ont esté assez curieux de ceci en leurs voyages, mais ils n'ont eu les moyens de satisfaire à une si bonne curiosité tels que je les pourrois avoir eus , cela doivent-ils considérer, et non pas me vouloir faire rendre conte où j'en ay tant appris. Lesquelles choses je di non seulement pour l'esgard de ce livre , mais aussi pour les autres dont cestuy-ci est comme le traité preparatif.

Il-y-a encore une autre raison fort notable pour laquelle plusieurs tiennent pour incroyable ce qui autrement leur seroit aisé à croire. C'est qu'ils font leur naturel juge de ce qui leur est recité : et (comme nous disons communeement) jugent de leurcueur l'autruy. Gomme, pour exemple, un Néron croira aiseement un acte cruel qui luy sera raconté, au contraire il semblera incroyable à un Tite. Voire mesmes un homme cruel souventesfois aura souspeçon de cruauté où il n'y en aura point. Ainsi en est-il de tous autres vices : combienque le proverbe François ne face mention que d'un, quand il dit, Il semble à un larron que chacun luy ressemble. Ce qui doit aussi estre entendu réciproquement. Qu'il semble à celuy qui n'est point larron, que chacun luy ressemble. Ainsi un desloyal et perjure ajoustera aiseement foy à ce qui luy sera

XrV INTRODUCTION

recité de quelque desloyauté et perjurement : ce que ne fera celuy duquel la conscience a un tel vice en horreur. Voire passera bien plus avant le perjure: c'est qu'oyant jurer, il luy semblera quantetquant ouyr perjurer, pource qu'il jugera de son cueur l'autruy. Et à ce propos, voici qui a esté dict de bonne grâce par un comique Grec nommé Antiphanes,

AécTîOtv', orav Ttç ôjxvûovTO; xaTatppovî), Û [xr) auvotoE rtpoTspov èjjtwpxrjxôxi, 05to; xavaçpoveîv tûv Oeûv èfxot ooxeÎ, Kai ;rpoT:epov ôfxôaas aùxôç èntwpxTjxèvai.

Lesquels vers j'ay ainsi traduits en Latin,

Jurantis ille verba qui temnit viri, Ciii nullius sit consciiis perjurii, ^ Mihi videtur esse contemptor deûm, Perjuriique conscium sibi reor. f

Et en François ainsi :

Quiconque le serment de quelque homme mesprise Lequel il ne sçait point s'estre onques perjuré, C'est luy, à mon avis, qui bien peu les dieux prise, Et qui a autresfois leur nom en vain juré.

Ce qui toutesfois ne doit estre entendu de celuy duquel des) a la conscience peut estre suspecte par quelques dicts ou faicts, encore qu'il ne soit venu jusques au perjurement.

Aucuns au contraire ne font difficulté de croire les contes par moy recitez : et ce toutesfois pour autre raison, à sçavoir pource qu'ils disent en sçavoir quelques autres encore bien plus esmerveillables. Or qu'ils en puissent sçavoir plusieurs autres, je leur accorde (car moy mesme en scay et sçavoisdès lors un grand nombre d'au-