CHAPITRE VI

habet iinde suiim paupertas pascat amorem. Aussi ne devons-nous douter qu'il n'y eust toutes sortes de somptuositez et dissolutions en habits, desquelles on se pouvoit adviser. Car mesmes Olivier Maillard se courrouce de ce que les femmes des advocats, ausquels, après avoir acheté leurs offices, ne restoyent pas dix francs de rente, estoyent pompeuses comme princesses. Et tant luy que Menot reprochent aux femmes qu'il ne faut autres tesmoins de leur lasciveté que leurs habillemens; et, entr'autres choses, en ce qu'elles ne cachoyent point ce que l'honnesteté leur commandoit cacher (fueill. 61, col. 2) : Vos juvenes mulieres, quœ aperitis pectora vestra ad ostendendum mamillas. Menot pareillement, en deux ou trois endroits, est fort indigné de ce qu'elles avoyent leurs robbes tellement ouvertes qu'on les voyoit jusques au ventre (i). Ce mesme les reprend de plusieurs façons de faire déshonnestes, et entr'autres de ceste-ci : « Si mademoiselle » (dit-il) « est en l'église, et arrive quelque gentillastre, il faut (pour entretenir les coustumes de noblesse), encore que ce soit à l'heure qu'on est en la plus grande dévotion, qu'elle se lève parmi tout le peuple, et qu'elle le baise bec à bec. A tous les diables » (dit-il) « telle façon de faire! Ad omnes diabolos talis modus faciendi! » Mais il est temps d'ouïr comment

(i) De femmes qui monstrent leurs sains, Leurs tetins, leurs poictrines froides, On doit présumer que telz sainctz Ne demandent que chandelles roides.

(Coquillart, les Droits nouveaulx.) Elle vous auoit puis après Mancherons descarlatte verte, Robe de pers large et ouuerte (l'entends à l'endroict des tetins), Chausses noires, petits patins...

(C. Marot, Dialogue nouveau.) Voyez encore Epigramme CLXXVI, De Barbe et de Jaquette.

IIO

ces mesmes prescheurs chantoyent la leçon aux gens d'Église, ou plustost la réprimende qu'ils leur faisoyent : si toutesfois la réprimende des foibles peut valoir contre les forts, et si la voix de ceux qui crient peut entrer aux oreilles mieux bouche'es que ne furent oncq celles d'Ulysse, de peur d'ouïr le doucement mieleux ou le mieleusement doux chant des sirènes : s'il m'est permis ici de pleïadizer, c'est à dire contrepéter le language de messieurs les poètes de la pléiade.