PI. XVIII
sf D
LE
| eo” + —æ
EC o'e « À VE TRANSMISSION DU BOUQUET PROVINCIAL DE BEAUVAIS A LIANCOURT (1924)
Original from de à
Charte des Archers de Valenciennes
Chi après s'ensuit li frankise qui fut ottryé as archiers à main de le ville de Valenchiennes par le prevost et les jurés et le conseil de le ville, qui en fu d’acord en la basse halle des signeurs le XXVI° jour dou mois de fevrier l’an mil trois cens soixante quatre, en le prevosté Jehan Partit et ses pers en l’eskievinage, sur la supplication qu’il avoient faite, dont li fourme s'ensuit chi après :
A leurs chiers signeurs le prouvost et les jurés et à tout le conseil de le ville de Valenchiennes suplient li compagnon archier, liquel sont appareilliet à vous et à le boine ville siervir, que li frankise que octryet leur avés soit registree ou pappier de le ville, en le maniere comme il est fait des arbalestriers, et que, avoec chou, pour le honneur et exaucement de le ville, vous leur voelliés otryer les grasces et fraukises qui s’ensuiwent.
Premiers, que li compagnon archier dessusdit puissent faire une fiertre en le honneur de Dieu et de la benoite Vierge Marie se douche chiere mere et du benoit corps saint monsieur saint Sebastien, et ordener une messe lequel seroit celebree cascun an une fie au jour monsieur saint Sebastien, en quelle eglise il plaira à vous, chier signeur, au frait des compagnons, en lequelle eglise li fiertre reposeroit,
et qu’il puissent cascun an porter le fiertre au jour de la pourcession, selon l’ordenanche que li arbalestrier ont par le deposition de vous, cher signeur, et qu’il puissent ossi faire cottes et caprons à leur frait, as pourcession cascun an.
Item que li compagnon archier dessusdit puissent faire quatre petites banieres esquelles il ait en cascune ung archier ouvret de ung des premiers capprons qui leur furent donnet de vous, chier signeur, et douze pignons dont cascuns aroit son disenier et qu’il puissent avoir quatre falos, et que cascuns des diseniers ait les compagnons de se disaine par nom et par sournom cascun, et ossi li compagnon qui soient maistre aient tous les compagnons en escript par deviers yaus, dont il y aroit quatre mestres en le maniere qu’il plaira à vous, cher signeur.
Item que tout li compagnon aient boins ars et souffisamment et cascuns une douzaine de saiaites dou mains, et que li quatre mestre qui commis y seront puissent prendre et eslire boins compagnons, à fait qu’il leur venront, cascuns pour dix sous d’entree en l’aide des frais de la compagnie, et quiconques des compagnons qui fauroient d’i estre, à le semonsse des quatre mestres, as pourcessions, u pour l’onneur de le ville, qu’il soit enkeu :en deux sous, en l’ayde des frais dessusdis. Et doivent osterli quatre mestre tous compagnons pour bruis et meslius, et que li quatre mestre puissent aviser combien cascuns en le compagnie paieroit parmyÿ raison pour les fret dou commenchement de le fiertre, liquel sont à present sept vingts de compagnons, et queli compagnon aient ossi cascuns espee et boukeler souffessant avec son arck.
Item, s’il plaist à vous, chier signeur, que li quatre mestre qui premiers ont estet ordenet de vous leur demorreçent, c’est assavoir Jehan Partit, Jehans de Hon, Jehans li Armoyeur et Reniers Des Près, c’est bien li grés de tous les compagnons qu’il y demeureçent en le maniere que commis leur avés, par maniere que si li uns d'iaux aloit en aucuns voiages u trespassoit de cest siecle, que li autre trois puissent prendre ung autre des compagnons de leur Serment mestre avoec yaus et que li quatre mestre dessusdit, u cil qui commis y seroient soient, tenus de faire boin compte caucun an de chou que rechut aront, par devant les douze diseniers et de tous les autres compagnons qui y estre y voront le jour saint Sebastien, et que s’il y avoit aucuns des compagnons qui alast demorer hors u qui demorast trop longhement, li quatre mestre poroient celui oster hors de le compagnie et metre autre, et que toutes ces coses soient aussi registrees ou papier de le ville en l’acroissement des frankises que otryet leur avés.
Item fu acordet, de le presvostet Jakemés Lamelin et ses pers en l’eskievinage, l’an LXXI, que li compagnon archier peuissent cascun an faire de nouveaux “DORE s’il leur plaisoit, en le maniere que font les arbalestriers.
D’après H. Caffiaux, Essai sur l'organisation militaire de la ville de Valenciennes (Valenciennes, 1878, in-8), p. 118.
Extraits du “ Livre du Roy Modus ” concernant l'emploi de l'arc à la chasse (XIVe siècle)
Il est contenu ou livre d’archerie comment le roy Modus dist à ses aprentis: que arc estoit un baston et ung instrument tant pour soy deliter et deduire comme pour le prouffit de la deffence de son corps ; et leur dit que le premier homme qui trouva arc ot nom Secmodus, lequel ot un fils qui ot nom Tarquin, qui fut le meilleur archer qui onques fust. Et tant ama l’art et le mestier de traire qu’il en sceut l’art et la maniere, tant par l’aprinse et introduction de son pere qui de Modus l’avoit apprins, comme par la doctrine de Modus qu’il ot oye. Et fut ferme de la main tant que à chascun trait il ostoit une pomme d’un bougon de sus le bout d’un baston, de trente affours loing. Et ainsi, comme dit Modus, Tarquin n’avoit que huit ans quand Secmodus son pere lui fist un arc et lui enseigna tout l’art en la maniere de traire, ainsi comme avoit retenu de la doctrine Modus. Mais les deduis qu’on puet avoir du mestier d’arcerie ne lui furent mie monstrés. Si dirons comment Secmodus enseigna son filz du mestier d’arcerie.
Premierement il enseigna du mestier d’arcerie neuf choses à son filz. La premiere fut que la corde de son arc fust de soye verde ou autre, pour trois causes, la premiere que la soye est si forte qu’elle dure plus sans rompre, qu’elle ne fait de nulle autre chose. L'autre cause est, quand elle hien assemblee, elle est si singlant qu’elle envoye une sayette ou bougon plus loing, et si bonne greigneur cop que nulle autre corde ne fait. La tierce cause, on la puet faire si gresle comme on veult. Le second enseignement d’arcerie est que, se on veult traire droit, et que la flesche ou bougon voise bien droit, où on le veult traire, garde quant tu metteras ta sayette ou bougon en ton arc, qu’elle soit mise en telle maniere que les pennons de ta sayette queurent de plat contre l'arc, quand tu tireras; que se l’un des pennons seroit contre l’arc, pourtant qu’il y feroit boche, qu’elle n’yroit mie droit. Le tiers enseignement d’arcerie est qu’on doit traire à trois dois, et doit on tenir la coche de la sayette entre le doit qui est emprez le paulz et l’autre doit d’emprez. Le quart enseignement d’arcerie est, que se le fer qui est en la sayette est legier, que les pennons d’icelle soient bas taillés et plus cours, et s’il est pesant, ilz doivent estre plus hauts et plus longs. Le quinct est que tu dois ferrer ta sayette en telle maniere que le turbel du fer responde et soit endroit la coche de la sayette. Le sixiesme est que la sayette de quoy tu tireras doit avoir dix poignés de long,
depuis la coche de la sayette jusques aux barbeaux du fer d’icelle. La septiesme est que arc de droicte moison doit avoir de long, entre la coche du bout d’en haut jusques à celle du bout d’en bas, vingt deux poignés estroitement. Le huitiesme est que, quant ton arc sera tendu, qu’ait entre l’arc et la corde plaine paume, et deux fois eschardement. Le neufviesme enseignement est que tu dois tendre ton arc à la main dextre, et le tenir en la main senestre. Ce sont les enseignemens que Secmodus aprint à Tarquin son fils. Si vous dirons comment Modus enseigna Tarquin et ses autres aprentis des deduiz qui sont au mestier d’arcerie, de quoi Modus faict sept cappitres en son livre: le premier si est de faire le buisson aux arcs ; le deuxiesme de traire entour; le tiers de traire à veue ; le quart de traire à aguet ; le cinquiesme de traire au seulg ; le sixiesme de traire aux feux à la revenue des champs ; le septiesme de traire aux lievres aux casses.
Comment on fait fuure les buissons aux urcs de chiens pour les brisiesr
L’aprentis demande comme on doit faire les buissons aux arcs. Modus respond : on fait les buissons aux arcs en deux manieres. L'une si est aux chiens. L'autre se fait aux gens à amener, et se fait en ceste maniere : Quant on veut faire un buisson où on cuide que bestes demeurent, on regarde de quelle part le vent vient, puis doyvent aler les archers au dessoubz du vent pour eux affuster. Et si le pays où ilz se doivent affuster est de clere fustaye, ils doivent estre afustés plus loing les uns des autres, qu’ilz ne doivent quant ilz s’affustent en pays couvert; et doivent aler chiens à deffences, à ameneurs ensemble ; et doit aler de devant à cheval celuy qui doit assoir les archers et deffenses ; et doit clorre et tailler le buisson en la maniere qu'’autrefois vous ay dict, à faire les buissons pour les noires bestes. Et ainsi comme on faict les hayes du laz, on doit faire haye d’archiers. Et est très bon de faire tousjours crocher les archers au bout ; et ainsi comme autrefois avons dict. Quant on commence à faire les buissons, on doit tousjours commencer enj dessoubz du vent. Et quant les archiers ct deffences seront assis, et le buisson sera clos, on doit laisser au buisson deux chiens ou trois selon que le buisson est grant. Et doivent ceux qui sont es deffences parler les uns aux autres et faire noise, affin que les bestes ne passent parmy eux. Et si les bestes viennent aux archers, celuy à qui la beste vendra doit estre de ceste contenance : Il doit mettre son arc au long de soy, et la main de quoy il tient la corde de son arc, il la doit tenir devant son visage, en tenant la corde, et doit avoir les espaules serrees contre son fust. Et se la beste vient tost sans giet, il doit tout en paix ses bras eslonger, et doit commencer à tirer son arc doucement, et qu’il soit tout tiré avant que la beste soit endroict luy. Et doit estre son arc si aisé et si doux qu’il se puisse entisé longuement, et convoyer la beste, tant qu’elle soit un peu outre luy, en asseant sa main et tenant son corps
lé plus droict et serré contre son fust comme pourra. Et si doit tirer la corde de l’arc droict à son oreille destre. Et doit tirer sa sayette jusques au fer, et doit aussi un peu tenir son arc devant, et esseyer sa main et laisser aler; et si la beste vient à toy bien tost, et qu’elle soit un peu loing de toy, tu dois traire un peu au devant ainsi comme aux espaules ; mais puis qu’une beste vient près, tu dois assoir ta main my le costé, au derriere des espaules. Si te diray les causes pourquoy tu dois laisser la beste, qui vient à fust, avant que tu trayes....
Comment on fait les buissons aux arcs sans chiens
Nous avons devisé comment on brise les buissons qu’on fait aux arcs par chiens. Si vous deviserons comment il est fait aux gens sans chiens. Quant les archiers sont affustés, ainsi que nous avons dict, celni qui afusta doit assoir les ameneurs à travers le buisson, et les doit faire crocher aux deux boutz, et les doit assoir dru au ject d’un palet, et doivent venir droit aux archers, siflant et parlant les uns aux autres. Et s’il y a beste ferue, il doit sievir du braquet comme nous avons dit, car il est necessaire d’avoir tousjours un chien bien affaitié pour sievir du sang, lequel est nommé braquet. Et encores vous dirons autres choses necessaires pour le mestier. Premierement, tu dois sçavoir que arc de quoy archer doit traire à fust doit estre plus doux et moins fort que celuy de quoy on trait à veue, pour trois causes: la premiere est que se l’arc est trop fort, il se convient ployer pour le tirer; si se faict eslongner de son fust, et ainsi porroit on estre veu de la beste qui vient au fust. Secondement, il ne porroit longuement tenir son entois si l’arc estoit trop fort. Ce sont les causes pourquoy tous archers qui trayent à fust doive estre maistres de leur arc. Encores y a autres choses qui appartiennent à un bon archer. Archer ne dojt estre sans lime, et doit toujours faire agus les fers de ses sayettes, de quoy il tray, bien trenchans et bien affilés. L'archer doit tousjours avoir une corde à arc en sa bourse, ou deux, et si doit estre vestu de verd ou de couleur qui ressemble au bois. Et si doit avoir un bon braquet, bien sage et bien affaitié, tellement que si la beste estanche, que le braquet soit creu de sa sieutte.
Comment on met les bestes au tour pour traire aux archers
Le second cappitre d’arcerie est comment on met les bestes au tour de deux manieres : l’une si est à affuster les archers quand on treuve les bestes au couvert du cheval, l’autre maniere au couvert d’une charette; si vous dirons la maniere comment. Quand les archers vont au bois, pour trouver les bestes, ilz ne doivent mener que deux chevaux au plus ; la cause est que quand il y a grant foison de chevaux, les bestes attendent maisement, et doivent aler tous ensemble, et celui scet la maniere de mettre aux bestes au tour doit les mener et aler devant; et ilz
doivent aler tous ensemble au couvert de son cheval. Et doivent la beste querre en la haute forest et es cleres fustayes, et doivent aler le petit pas. Et s'ilz treuvent les bestes, ilz ne les doivent trop approcher, fors qu’ilz les puissent tousjours voir, si le pays est cler. Et doivent aler les deux chevaux l’un devant l’autre, bien près à près. Et les archers doivent tous aler au couvert des deux chevaux, et doivent ainsi aler tous ensemble, les arcs tendus assez loing des bestes, tant qu’ilz soyent au dessoubz du vent des bestes. Et quant ilz seront bien à point, ilz doivent chacun mettre sa sayette en la corde de son arc ; et celuy qui est à cheval, qui les affuste, doit dire auquel il veult, qu’il demeure, et luy doit montrer son fust, et il doit demeurer à son fust, au couvert des autres, et doit mettre son arc à loing de luy. Et doit mettre la main de quoy il tient la coche de sa sayette devant son visage bien près, en tenant toujours sa sayette en la corde de l’arc. Et doit avoir l’ueil droit aux bestes, de telle contenance doivent estre tous à leurs fusts. Et celuy qui est à cheval, qui les affuste, doit aler entour les bestes, assez loing, et les doit ainsi affucster assez près, ainsi comme un gect de palet : et où les archers faulront, on doit assoir les autres qui n’ont nulz arcs, au cas que les archers ne seroyent assis entour les bestes. Mais ilz doivent etre assis plus au descouvert, et plus apparemment que les archers qui là seront. Et quant ilz sont mys autour, celui qui est à cheval, qui les assiet, doit retourner le chemin qu’il est venu en approchant les bestes ; et quand ilz sont entre luy et les archers, il les doit approcher de si près qu’il les boute sur les archers ; et ceulx qui n’ont nulz arcs se doivent montrer et toussir, affin que les bestes voisent aux archers ; et s’ilz fierent une beste, ilz la doivent suyvre du braquet, ainsi comme avons dit.
Cy devise de la maniere de traire à veue, soit à pié ou à cheval
L’aprentis demande comment le tiers cappitle d’arcerie se fait. Modus répond : Le tiers cappitle d’arcerie si est de traire à veue, et se faict en deux manieres. L'une si est de traire à pié, l’autre est de traire à cheval. Celle qui se faict à traire à pié se faict de ceste maniere : Il faut querre les bestes à pié par la forest, l’arc en sa main, les sayettes à son costé. Et faut que l’arc, de quoy on trait à veue à pié, soit plus fort que celuy de quoi on trait à fust ne à cheval, pour trois causes : La premiere est qu’il faut traire de plus loing, pourquoy il faut traire de plus fort arc. La seconde pour ce que quant l'arc est fort, il faut estendre les bras et baisser le corps, et soy plunger en son arc, et ce ne fait on mie à son fust. La tierce, il ne faut mie tenir arc en tais, ainsi comme à fust ; et si l’on treuve les bestes, il faut tendre son arc et mettre sa sayette en la corde, et les aprocher de plus près qu’on puet, et si on voit qu’on soyt à point, l’on doit traire et tirer son arc fort droit à l'oreille, jusque au fer de la sayette et soy plungier en son arc, et assoir sa main et laisser aler. Et se la beste est ferue, l’archer doit jetter ses brisees et doit aler querre le
Go ogle
braguet en certain lieu où il le doit avoir laissé. Encore y a une autre maniere de traire à pié, qui est meilleure et plus convenable de tous ceux de quoy nous avons parlé, et de quoy les bestes s’effroyent moins. Quant aucun qui scet la maniere de tourner les bestes et les àaprocher sagement, est à cheval, et l’archer va après luy, et se tient bien près de la queue du cheval; quant il voit qu’il est bien à point de traire, et qu’il a la coste de la beste à quoy il veut tirer, il se doit arrester et traire, et celuy de cheval doit tousjours aler, et par ceste maniere attendre mieulx les bestes goust, c’est-à-dire le trait, pour cause qu’ils musent au cheval, et attendent trop mieulx le cheval qu’ilz ne font homme à pié, sans cheval. L'autre maniere de traire à veue à cheval se fait en ceste maniere : l’archer doit estre à cheval, et avoir cheval paisible, et qui s’arreste quant on veult, sans soy remuer, et doit l’archer querre les bestes tout seul à cheval, et s’il les treuve, il doit tendre son arc, lequel doit estre plus foible et plus aisé que celuy de quoy on trait à pié, et doit mettre sa sayette en la corde de l'arc, et doit porter l’arc et sa sayette qui est en corde à la senestre main, et gouverner son cheval à la dextre main, et doit aler au premier tourner d’assez loing. Et si on voit que les bestes ayent les testes levees pourquoy on ne les doit mie trop aprocher, tant qu’on voye qu’elles mettent les testes bas. Et adoncques les doit on bien aprocher en tournoyant tout bellement. Et quant on voit qu’on est à point, et qu'on a le costé de la beste à descouvert, et assez pour traire à ladicte beste, adoncques on doit arrester son cheval, et tirer son arc en telle maniere que l’on tire par derriere soy, non pas à travers, .ne devant soy, en s’appuyant sur son estrier senestre, lequel doit estre un peu plus court que l’autre. Et doit tirer bien fort, jusques au fer de la sayette, en essayant sa main au lieu où il veut ferir sa beste. Et doit tenir ung peu son entois en essayant sa main. Et s’il fiert la beste, il doit aler querre le braquet, ou laisser courre deux saiges chiens, qui mieux la desconfiront, si elle est mauvaisement ferue
Comment on doit traire à aguet et par quelle maniere
L’aprentis demande comme il faut traire à aguet, qui estile quart cappitre d’arcerie. Modus respond : on puet traire à aguet en toutes saisons, en pays où il y a foison de bestes doulces. Mais le temps où l’on puet mieulz traire à cerfz à aguet est depuis la my aoust jusques à la my septembre, pour deux causes. La premiere est : car au mois de juin et de juillet qu’ilz sont en cuer de saisen, ilz s’'embuchent si matin qu’à grand peine les puet on veoir à l’œil. L'autre cause est qu’aprés la my aoust les cerfz musent et quierent les biches, et hurlent tellement les ungs aux autres qu’ilz sont ouys de très loing, et par celle cause se encusent. Le temps qui est plus convenable à traire à aguet, c’est quant il vente fort, et le temps est trouble, et souple, et moyte pour deux causes. La premiere est par ce que les bestes sont
Go ogle
volentiers sus piedz par le temps moyte. La seconde, ilz ne voyent si tost l’archer qui va traire à aguet, pour le vent qui est grand. :
Item l’archer qui veut traire à aguet doit querre les bestes bien matin, ou à la relevee, à l'heure que les bestes sont relevees, et doit aler seul, son arc en sa main, et doit aler contre le vent, de voye en voye, tout bellement, et doit aler les sentiers couvers, parmy le fors, où il cuide mieulx treuver les bestes. Et s’il veoit cerf, ou beste à quoy il vueille traire, garde soy bien que beste ne le voye ; car s’elle le voit, son faict est rompu. Il la doit aprocher en ceste maniere : on se doit couvrir, c’est qu’on se mette derriere ung buisson et tendre son arc, et empoigner la sayette de quoy on veult traire avecques son arc, et soy mettre à genoulx; quant les bouffees de vent viennent, on se doit soudre, et prendre garde si la beste viande, et si elle viande, on la doit avecques la bouffee de vent aprocher, et se doit on traisner et cacher contre terre, et avoir tousjours l’ueil à la beste qu’on poursuit, et se doit on tousjours tenir au dessoubz du vent, et doit avoir en la bouche un petit fueillet verd pour couvrir son visage, et ainsi doit aprocher la beste qu’il veut traire à aguet ; et se ce sont deux cerfz qui hurlent ensemble, tu les dois aprocher, tandis comme ilz se combatront ensemble. Et advient aucunefois qu’on les porroit aprocher pour cause de leur meslee, tellement qu’on en porroit bien tuer ung d’un glaive. Et quant on est si près, et qu’on ne devroit mie faillir, et si doit on tout bellement lever au couvert du buisson et traire. Si aucunefois advient qu’on est si près, qu’il convient traire à un genoul, et pour ce doit estre l’arc de quoy on trait à aguet foible et court, et si doit on estre vestu de la couleur du bois. Autre maniere y a de traire à aguet : Qui treuve cerfz ou autres bestes es haultes fustayes cleres, où on ne se puisse couvrir nullement, qu’on ne soit veu des bestes de bien loing, vous dirons comment on puet approcher les cerfz en telle maniere qu’on puet traire de bien près. Qu’on prengne toille à telle quantité qu’on puisse peindre dessus une biche, et puis que la toille soit tendue à bastons, ainsi comme un cheval à pertris, et celuy qui le doit porter et qui doit traire doit estre au dessouhz du vent. Et la doit porter tout bellement le petit pas, en soy arrestant, et doit avoir l’ueil aux bestes et regarder par les œuilliers qui sont fais comme en un cheval à pertris. Et s’il voit que les bestes ayent les testes levees, il se doit arrester tout coi, tant qu’il voye qu’elles soyent hors d’effroy, puis doit aprocher tout bellement, tant qu’elles puent bien apercevoir que ce n’est mie beste vive. Adoncques se doit mettre à couvert de gros arbres, et aprocher d'arbre en arbre au couvers de sa toille, tant qu’il soit si près qu'il doit et puisse traire ; et adoncques doit appuyer sa toille, si qu'elle se tienne droicte, sans estre tenue, et se doit lever tout bellement, et traire par dessoubz sa toille. Or retien les manieres que je t’ai monstrees de traire à aguet, pour lesquelles on puet avoir de bons deduiz, qui est en bon pays de bestes.
Go ogle
Comment on trait au seulg à aguet
L’aprentis demande quel est le deduit en arcerie de traire au seulg. Modus respond : Traire au seulg, qui est le quint cappitre d’arcerie, le meilleur deduit est qu’un archer puisse avoir. La saison où l’on doit traire au seulg est depuis la my octobre jusques à la fin de novembre. Et en ce temps, qui scet ung pays ou ung seulg où les bestes noires demeurent (c’est à entendre une mare où il y ait eaue et boe) car les bestes noires, quant elles viennent de mengier, vont à ces mares pour boire, et pour elles souiller et touiller en la boe. Et si on treuve ung seulg bien hanté des bestes, et que le pays et le buisson en soit bien garny, l’on doit faire son fust sur le seulg, en ceste maniere. Regarde ung arbre ou ung buisson droictement sus le seulg, au plus près que tu porras, et que tu mettes le seulg entre ton fust et la partie dont les bestes viennent des mengues, puis preng quatre fourches, ainsi comme ung siège en quoy tu te puisses ester, et qu’il soit de deux piés de hault. Si te diray la cause pourquoy il est faict et pourquoy il doit estre si hault. Tien fermement que se les bestes noires sont près de toy, soit aval le vent ou contre le vent, ja n’aront le vent de toy, puisque tu seras deux piedz de haut sus terre ; mais s’ilz sont loing de ton fust, si tu n’avois bon vent au venir, elles aroyent le vent de toy ; garde donc que le vent viengne devers les mengues, quant tu yras à ton fust. Et aussi dois prendre garde que la lune t’esclere deux heures devant le jour que tu dois estre à ton fust. Et aussi dois prendre garde que la lune soit belle et clere, le temps bien espuré, affin que tu voyes bien cler entour toy. Les choses dessus dictes gardees, va à ton fust que tu as faict au seulg, et monte hault sur le siege, ton arc en ta main, et une bonne glenne de sayettes bien affilees, et que ton arc soit tendu, et la sayette en coche, et garde et guette entour toy, et lors tu auras très bon deduit ; car toutes manieres de bestes passent volentiers par devant le seulg, qui est bien hanté; si tireras de si près comme tu voudras, en especial aux bestes noires qui entreront au seulg, et se touilleront devant toy.
Cy devise de la maniere de traire à la revenue des champs pour les rouges besles
L'aprentis demande quel est le deduit de traire à aguet à la revenue. A ce respond le roy Modus, et dist que c’est une maniere d’arcerie qui se faict par nuict à la lune, ainsi comme traire au seulg, et est le sixieme cappitre d’arcerie. Si vous diray comment il se fait. Le temps où il se fait mieulx, c’est au moys d’avril et de may que les bestes viandent aux champs. Si doit on prendre garde où les bestes relievent aux champs, et par où elles reviennent au bois par aucun destroict, comme
une anglee, et que accoustumement ruennent par ung pays, adoncques y fait bon. Si te dirons comment on faict les fustz. On regarde les bresches où les bestes puent mieulx passer, et faict en son fust au costé de la bresche, et est la bresche laissee à senestre, et descombre l’on son fust au costé de la bresche, et est la bresche laissee à senestre, et descombre on son fust par hault et par bas, que son arc n’y acroche. Et s’il est trop descouvert, l’on doit mettre devant soy une branche pour soy couvrir, et doit on faire faire de fust comme on a d’archers. Et quant les fustz sont fais, se le vent est bon et qu’il viengne des champs droit aux bois, et que la lune roye bien cler, adoncques dois venir aux fustz, toy ettes compaignons, deux heures ou trois devant le jour, et n’alez mie à vos fustz près des champs, où les bestes doivent estre relevees. Mais alés parmi les bois, si loin des champs que les bestes n’ayent point d’effroy, et vous affustés si en paix comme vous porrez qu’ilz ne vous oyent. Et vous tenez là, les arcs tendus bien coyement, et vous verrez les bestes venir droit à vous le petit pas, et trayez de si près comme vous porrez. En ceste maniere fault faire à revenir d’une basse toille, et fault que la lune roye bien eler. En ceste maniere d’arcerie puet on tuer moult de bestes, et avoir bon deduit.
Cy devise de la maniere de traire aux lievres au casses
L’aprentis demande quel deduit c’est en arcerie que de traire aux casses. Modus respond, et dit que traire aux casses est bon deduit, qui est en bon pays de lievres. Si vous diray comment, et par quelle maniere on le faict : La saison où l’on trait aux casses est au moys d'avril, que les lievres relievent es blés, de haute heure, pour ce que les blés sont si hautz qu’ilz Se peuvent bien couvrir dedens. Celuy qui le veult traire le doit querir à cheval, son arc en sa main, et doit avoir de costé de luy un valet à pié, qui maine un levrier ou deux au costé de luy. Et ainsi doit querir et chercher dedens les blez, et s’il voit le lievre, il doit mettre ses levriers par devers le lievre, afin que le lievre ne le puisse voir : Et adoncques, quant il les voit, il se tapist ou blé, et luy est advis qu’il est bien muchié. Adoncques alez tout bellement entour, en tenant à la senestre part vostre arc tendu, et la sayette en corde : et quant vous venrez près de luy, faites les aux levriers passer oultre, et approchez, en tirant vostre arc, sans arrester vostre cheval. Et sachez que, puisqu'il aura veu les levriers, il attendra le trait d’aussi près comme on vouldra. L’arc de quoy on doit traire ne doit estre ne long ne fort. Et qui traire ne scet à cheval, il puet bien traire à pié, qu’il voise toudis bien près du cheval, tant qu’il vueille traire. Et sachiez que c’est bien plaisant deduit, en pays où il y a foison de lievres.
Extrait du Traité de Gaston Phébus sur la chasse
Aussi peut on prendre bestes à traire aux arcs et aux arbalestres et à l’arc de main que on appelle anglois du truquoys. Et se le veneur veult aler traire aux bestes et il veult avoir arc de main, l’arc doit estre d’if on d’autre bois et doit avoir de long de l’une ousche où la corde se met jusques à l’autre XX pongnees, et doit avoir entre la corde et l’arc, quant il est tendu, tous les cinq doiz de la paulme large ; la corde doit estre de soye, car on la puet faire plus gresle que d’autre chose, et aussi elle est plus forte et dure plus que du chanvre ne de fil, et donne plus singlant et grant coup. L’arc ne doit pas estre trop fort tant que celui à qui il est ne le puisse bien tirer à son aise, sans soy trop desroier, en guise que une beste le puisse veoir, et aussi le tendra il entesé plus longuement et la main plus seure que s’il estoit fort; car aucune foiz une beste vient longuement et escoutant, lors convient il qu’il ait ja entesé et atendre ainsin jusques à tant que la beste soit près pour tirer. Et se il estoit trop fort, il ne pourroit ainsi estre longuement mais le convendroit quant il tueroit à se remouvoir tant que la beste le verroit. La flesche doit estre de VIII pongnees de long de la boce de la coche derriere jusques au barbel de la flesche, et elle doit avoir de large au bout des barbeaux quatre doiz. Et doit taillier de chascune part et bien afilé et agu, et doit avoir cinq doiz de long. Et quant il voudra tirer et mettre sa fleche à la corde pour traire, il doit regarder que les empenons aillent de plat contre son arc. Car quant il descocheroit et laisseroit aller sa saiete, se les empenons estoient devers l’arc, ilz pourroient hurter à l’arc et desiroyer qu’il ne tireroit ja droit. Et s’il veult chacier aux chiens, il doit avoir tous ceulx qui scevent traire aux arcs et mettre au dessoubz du vent tout de renc au giet d’une grosse pierre pongnal, l’un loing de l’autre, s’ilz sont en cler pais ; mais s’ilz ne sont en cler pais, ilz doivent estre plus près devant un arbre chascun et non leurs eschines derriere devers l’arbre, et les archiers doivent estre tous vestuz de vert, puis doit mettre ses deffences tout autour, fors que là où ses archiers seront le plus près qu’il pourra l’un de l’autre selon les gens qu’il aura. Et doivent parler l’un à l’autre et faire noise ainsin comme j’ay dit ça devant, puis doit aler laissier courre dedenz les deffences le quart de ses chiens. Et quant la beste vendra aux archiers, les archiers doivent, dès que ilz auront oy laissier courre, mettre leurs flesches en l’arc et leurs deux mains là où elles doivent estre appareillez de traire.
Carse la beste veoit que on meist la saiete dedenz l'arc, et l’omme se bousjuast, elle s’en yroit d’autre part; pour ce si est bon que ce soit tousjours appareillié de
Go ogle
tirer sanz soy remouvoir, fors tirer du bras. Et se la beste vient tost et tout droit de visaige à l’archier, il la doie laissier venir bien près, et puis traire visaige à visaige parmy le pis, car s’il atendoit qu’elle passast par le costé senestre, la beste pourroit passer au dextre, si n’est mie bien aisié de traire à dextre costé; car il convient que on tourne tout le corps, et s’elle vient par le senestre, je loe qu’il la lesse venir et lui tire au costé. Mais il fault qu’il tire au devant d'elle et non pas au costé, car s’il tiroit entre les quatre membres devant que la saiete feust là, la beste seroit passee une toise ou plus oultre si fauldroit, et où plus loing le passera la beste, plus droit tirer au devant d’elle........ ...
Encore en autre maniere qui est bien seure et de povre gent. Monte un homme sus un cheval et un archier aille avecques lui à pié tousjours couvert au costé du cheval. Et quand il verra qu’il sera asses près, si demeure l’archier sanz soy bougier, et l’omme à eheval s’en aille, et les bestes museront et regarderont tousjours l’omme à cheval, dont pourra l’archier bien aviser son coup et ferir à son aise.
(D'après le manuscrit français 1295 de la Biblinthèque nationale, ff. 101 et 104.)
Lettres de Charles VII autorisant la création d'une compagnie d'archers à Évrégnies (Hainaut) (Février 1446)
Charles, etc. Savoir faisons, etc., nous avoir receu l’umble supplication de noz bien amez les manans et habitans du lieu d’'Evregnies ou bailliage de Tournesis, contenant que dès long temps et mesmement durans les guerres et divisions qui ont esté en nostre royaume, pour ce que ledit lieu est marchissant sur les pays de l'Empire, Haynault, Flandres et autres, plusieurs desdiz habitans se sont applicquez au jeu et esbatement de tirer de l’arc, et telement que par la continuation dudit jeu iceulx supplians ont esté et sont repputez des mieulx ou aussi bons joueurs que nulz autres desdites marches d’environ, mais à l’occasion de ce qu’ilz n’ont aucune confraierie entre eulx et qu’ilz n’ont point de serement nul pour raison dudit jeu de l'arc, ilz n’ont peu estre receuz à jouer et tirer avec les autres des lieux et villes voisines quant ilz ont festes et donnent joyaulx audit jeu de Parc, qui pourroit estre cause de leur faire discontinuer ledit jeu de l’arc, et pour ce nous ont humblement fait supplier et requerir que, attendu qu’ilz sont assis sur les marches de nostre royaume, et est bien chose convenable et neccessaire qu’ilz soient gens de
deffense pour la seurté d’eulx et de leurs biens en cas d’eminent peril, aussi qu’ilz ont tousjours esté vraiz obeissans envers nous, il nous plaise sur ce leur pourveoir de nostre grace et remede convenable, savoir faisons que nous, ces choses considerees, inclinans favorablement à la requeste desdiz supplians, à iceulx avons, pour consideration des choses dessusdictes, octroyé et octroyons de grace especial, plaine puissance et auctorité royal, par ces presentes, qu’ilz se puissent assembler audti lieu d’'Evregnies et ilec mectre sus, faire et eslire une compaignie ou confrarie des plus expars, habilles et souffisans audit jeu de l’arc, jusques au nombre de cinquante archiers, et que, pour la conduite et entretenement d’eulx ilz puissent faire et eslire roy et connestable, avoir et porter paisiblement et sans meffaire harnoys, arcs, trousses et autres choses neccessaires pour l’entretenement de leur dite confrarie, et qu’ilz puissent jouer et tirer de l’arc en tous lieux et compaignies comme gens de serement et confrairie, tout ainsi que font et ont acoustumé les autres confrairies dudit pays en pareil cas, pourveu toutes voies que iceulx cinquante archiers en ladicte confrairie feront le serement à nous ou au bailly de Tournay et Tournesis de par nous, et aux religieux, abbé et couvent de Saint Martin de Tournay, seigneurs ordinaires dudit lieu d’Evregnies, d’eulx bien et loyaument gouverner leur dite confrairie, et que par le moyen d’icelle ilz ne feront ou porteront dommaige à noz, à noz subgiez ni autres quelzconques. Si donnons en mandement, etc. Donné à Chinon, ou mois de fevrier l’an de grace mil CCCC quarente et cinq, et de nostre regne le vingt quatriesme.
(Archives nationales, JJ 177, folio 98.)
Serment des Archers de Valenciennes
Vous jurés et promettés à nostre benoit sauveur Jesus Christ, à la benoite Vierge Marie, à Monsieur saint Sebastien, à tous les sains et saintes du paradis et sur les sains evangiles chy dedans escriptes, et sur le pain, le sel et le vin, que vous entrez en la confrerie des archers de ceste ville pour bon amour et confraternié, et que vous entretenerez les ordonnances qui chy vous seront declarees.
Premierement, quand vous saurez, en quelque maniere que ce soit, quela bonne ville, nosseigneurs de la justice et aussi les compagnons dudit Serment seront menacés de quelque mal que ce soit, vous promettez de l’annoncer ou de le faire
Go ogle
annoncer aux justiciers nosdits seigneurs, au roi et au connetable dudit Serment, le plus tost que bonnement faire se pourra.
Vous promettez aussi de garder l’honneur du roi, des connetables et de toutela compagnie, comme aussi l’honneur de leurs femmes et de leurs filles comme le vostre propre, et ne revelerez le secret de la compagnie, ains le tiendrez caché, si ce n’est qu’ils soient dudit Serment.
Vous promettez aussi de venir aux trois jours solennels, savoir au premier jour de mai, ou jour de la procession de la ville et au jour de saint Sebastien, sans y estre semoncé, sur peine d'amende ordinaire.
Vous promettez aussi de vous fournir de deux bons arcs d’if, et du moins d’une trousse de fleches et parures. et à toutes, deux lions et les fleches en croix de Bourgogne, ainsi qu’il est de coustume.
Vous promettez encore que vous ne refuserez aucun office ni gouvernement touchant le fait du Serment et de la confrerie, et si on vous ordonne d'’estre connestable, quatre hommes ou dizenier, vous vous en acquicterez loyalement selon vostre pouvoir.
Vous serez tenu aussi de vous remontrer à toutes les semonces qui vous seront faites par le serviteur. Et toutes fois et quantes que vous serez avertis de venir en parade et que vous y manquerez, vous encourrez l’amende ordinaire.
Si l’on vous ordonne de faire le guet aux portes, barrieres ou forteresses de ceste ville, vous vous en acquicterez selon votre pouvoir.
Vous vous acquicterez enfin de tout ce qui peut et doit appartenirau Serment et à la confraternité des archers, faisant en sorte de garder le droit de l’arc et toutes autres choses qui seront dudit Serment, sans y contredire en aucune maniere que ce soit.
D'après H. Caffiaux, Essai sur l’organisation militaire de la ville de Valenciennes ‘Valenciennes, 1878, in-8), p. 103.
Lettres de rémission de Louis XI pour un archer meurtrier d'un de ses compagnons d'armes
(Avril 1471) Loys, par la grace de Dieu roy de France, savoir faisons nous avoir receu l’umble supplication de Berdolet de Viliere, archier de nostre ordonnance soubz la charge
du seigneur de Lescun, contenant que, l’annee des divisions derreniers, nous estans à Saint Pourcein, ou voyage que feismes en Bourbonnois, ledit de Viliere faisant le
Go ogle
. guet ung soir en une sale pour nous avecques vingt hommes d’armes et quarante archiers ordonnez la nuyt pour le faire, Guillaume de Corguilleray, cappitaine de Saint Legier, qui lors estoit malade de fievres, dist audit de Viliere suppliant qu’il s'en vensist luy tenir compaignie et passer temps en sa chambre, lequel y ala. Et quant il y fut, luy souvint de sa salade qui estoit garnye d’argent et qu’il avoit laissee en ladicte sale où ilz faisoient le guet; en laquelle sale il s’en retourna incontinent et y trouva aucuns archiers ses compaignons essayans leurs arcs, qui luy en baillerent ung, lequel il ouvry sans fleche; et après luy en baillerent ung autre, disans qu’il ne mectroit point la fleche dedans, et ledit Berdolet dist que si feroit, ou il romproit l’arc ou son bras. Et adonc Loys du Pin luy bailla une fleche qu’il tira d’une trousse; et icelluy Berdolet, cuidant la tirer contre la porte qui estoit entr’ouverte de quatre doiz à demy pié ou environ pour veoir quelle faulcee il feroit, tira en l’ouverture d’icelle porte au dehors de laquelle, en une alee qui là estoit, estoit ung nommé Loys de Tilleres, escuier, sans chandelle, qui regardoit ledit Berdolet et les autres archiers qui ne le veoient point; auquel ladite fleche vint fraper en Pestomac : duquel cop ledit Tilleres peu apres par faulte de gouvernement ou autrement ala de vie à trespas, à l’eure duquel il pardonna audit suppliant comme à celluy qui estoit ignoscent qu’il fust derrier ladite porte. A l’occasion duquel cas ledit suppliant dohte, etc., requiert, etc. Pourquoy, etc. Donné à Amyens ou moys d'avril l’an mil CCCC soixante et unze, et de nostre regne le dixiesme, après Pasques.
(Archives nationales, JJ 195, fol. 141.)
L'Art d'Archerie
(Vers 1510)
PROLOGTE
CY SENSIEUT UNG PETIT ET BEAU TRAITTIE || ENSEIGNANT LA FACHON DE TIRER DE L’ARC A MAIN || FAIT ET COMPOSÉ PAR UNG QUI POINT || NE SE NOMME A LA REQUESTE DE PLUSIEURS !| QUI DESIR AVOIENT D’Y APRENDRE.
Pour tant que plusieurs jeunes gens tant nobles comme aultres passent voulontiers temps à tyrer de l’are. Et ne m’en donne point de merveilles.
Consideré que dès le conmenchement du monde il a esté en usaige, comme il appert par Lameth, au premier livre de la bible, qui en tiroit aux bestes. Et depuis, continué par David, qui en prist son signe avec Jonathas, comme ïül appert au
premier livre des Roys. Encoires par Hercules, lequel fut le plus puissant archier de son temps, qui en tua le Jayant, qui lui avoit desrobé sa femme, au passer le fleuve, ainsi qu’il appert par son histoire. Comme aussi par le sagitaire, qui fut au temps des troyens. Et meismement, dist le livre appelé l’art de guerre, que les anchiens aprenoient à leurs enffans à tyrer de l’arc, et les dressoient à tenir l’arc de la senestre main et tyrer de la droitte, comme plus sera declairé cy après.
| Vegece dist que cet arc se voeult continuer et souvent excercer et meismes des bons maistres et que l’usage en soit necessaire. Dist Cathon, en son livre, que moult proufitent bons archiers en bataille ; et ce tesmoingne Claudius, qui dist que par les archiers estoient plusieurs fois sourmontez ses enemiz en bataille, à tout peu de gens, et semblablement le tesmoigne le vaillant Scipion l’affrican. Et que en livre, que jamais je l’eusse, je n’en trouveray riens par escript senon au livre de Modus et Racio, lequel racompte que Sexmodus enseigna à son fils Tarquin à tirer de l'arc; lequel Tarquin fut tant juste archier que, pour trente dextres de loing. il ne failloit point qu’il ne touchast une pomme fichiee en la pointe de ung pieu.
Et pour tant que, à cause de maladie, me a esté force de habandonner ledit excercice, ay ferme mon propos, pour passer temps, de mettre par escript ce qui est venu à ma cognoissance pour plus esmouvoir ceulz qui ont voulenté de y aprendre. Et, comme dist le philozophe, tant plus sont les choses congneus estre bonnes, et plus sont dignes d’estre amees et cher tenues.
Or est il ainsi que les archiers ont par plusieurs fois gardé, durant lesguerres, les Roiaulmes et pays où ils estoient d’estre pilliez et non pas seulement leur Roiaulme. Ainchoiz ont esté cause de en conquerre des autres, car plusieurs grans batailles en ce Royaulme et ailleurs se sont trouvees gaingnees par les archiers.
Si est bien raison que il soit mis à la clere cognoissance des hommes, lequel se divisera en cinq parties principales, dont en la premiere il parle de l'arc, en la seconde des cornettes, en la tierce de la corde, en la quarte du trait, et en la quinte et derniere la maniere de tyrer. Et pour tant que je cognoiz que plusieurs y prendent plaisir, je me suis deliberé d’en mettre quelque chose, par maniere de passe temps, par escript. Non pas que je ne cognoisse bien qu’il en est plusieurs qui mieulz se y cognoissent que moy, et qu’il n’est ja besoing que je parle latin devant les cordeliers, mais seulement pour tant que vouldroie que chascun fust bon archier, requerant que se faulte y a qu’on le vœule amender, et ce que trouvé sera qui peult servir qu’on le prende en gré.
