PREMIER CHAPITRE
De la naissance du boiz pour faire les arcs
Puis que ainsi est que la premiere partie de ce traittié doibt parler de l'arc, vous devez savoir qu’en l'arc y est trouvé trois choses, c’est à entendre le boiz, la fachon
Go ogle
et les cornettes. Premierement de tous boiz pœult on faire arcs, mais les meilleurs sont de yf. Et à ce propos, dist petrus de Crescens, que le yf ne sert à gaire autre chose que à faire arcs ou arbalestres, et en est de deux manieres, c’est assavoir de blanc et du rouge. Car le blanc yf est nommé yf de portingal, lequel est par coustume lasche et si est aussi de grosse seve. Et tout hois tant plus est de grosse seve et tant plus est voulontiers lasche. Et d’autre part le yf plus rouge nous Île appellons yf de rommenie. Cellui se trouve de trop plus delyé seve que nul auitre, et aussi chasse il plus vistement. et si est plus longuement ferme sans comparoison que le blanc ; aussi est il plus dur à ouvrer et à mettre sur la corde pour la premiere fois, plus dangereuz à rompre que le blanc de portingal. Et se bien voulez cognoistre les meilleurs quartiers d’arc, regardez les sur le costé les plus deliés seves et les plus longues, et se telz les trouvez, soiez tout certain que tel bois est moult bon et propice pour tyrer au loing, ainsi comme je vous vœul bien cy après declairer quant temps et lieu sera. Combien que par cy devant j’ay veu faire de fort loingtains coups de ung arc à main de burge espine, et pareillement de seshuz, voire pour ung coup et non plus. Et touteffoiz la burge espine et le seshus sont de contraire nature l'un à l’autre. Mais si tost qu’on en a tiré ung coup ou deux, de plus en plus se treuvent lascés. Et les autres de vf sont moult bons pour tyrer à la butte, ainsi comme je dirai et declaireray plus au long au premier et prochain chapitre.
SECOND CHAPITRE De la fachon des arcs à main
On fait ares de deux fachons, lesquels servent à tirer en trois manieres, c’est à entendre des quarrez et des ronds. Les quarrez servent à tyrer à la bute pour trois raisons ; la premiere est pour tant qu’il y a plus de dos, et à ceste cause sont plus durables ; la seconde pour tant que la flesce s’y couche mieulx, et la tierce pour ce qu’ilz sont plus propices à tyrer droit, et tiennent mieulx leurs coups. Et doit estre ung arc pour tirer à la butte et aux chapperons tout d’une sorte. On en fait aussi de ronds en deux manieres pour tyrer au chapperon et au loing.
Ceulz qui sont pour tyrer au chapperon ont plus de dos que les autres, pour ce qu'il en fault tyrer plus de coups, et se ils en avoient peu ils ne le pouroient endurer. Et ceulz que l’on fait pour tirer au loing moins en ont et mieulx valent, car le doz ne les fait que endormir et appesantir. Sexmodus en parlant à son filz Tarquin dist : Ton arc, se tu vœulz qu’il te dure, doit avoir deux petites poigniés plus de long que la longeur deux fois de la flesce. Mais cestui Sexmodus n’entend point de ceulz pour tirer au loing, car il ne doit avoir que la poingnié de quoy on tient l’arc franche aveuc lesdites deux longueurs ; et n’en doit on tirer par jour que deux ou trois coups au plus. Et doit estre plus fort tout arc dessus que dessoubz pour trois raisons ; la premiere est que on a deux dois dessoubz la flesche, et la main de quoy
on la tient quy, par droit, doit estre au milieu. La seconde raison si est que tout arc, qui de sa fachon fourchasse, tyre tousjours du costé dont l’arc est le plus foible, et quant il advient que l’arc est fort dessoubz, il le boute et envoie plus hault, et de tant chiet il plus longuement. La tierche cause si est pour tant que tous hommes, qui vœulent tyrer au loing, doibvent pour le plus avantageuz tyrer avecques le vent et hault ; mais touteffois chascun n’est point advisé de ce faire. Et sachiés que quant l'arc est plus fort dessoubz. voulontiers supplée ce deffault. Et doibt pour le mieulx ledit arc estre fort d’entree adoulchissant jusques à une bonne paulme près du fons, et adont ung petit duret. Car combien que la principalle*escousse viengne des bouts, neantmains ne pourroit elle estre très bonne se elle n’estoit aucunement confortee du mylieu. Et doibt estre tout bon arc et bien ordonné gresle et delyé emprès les cornettes le plus que bonnement faire se pœult. Car de tant qu’il est plus gresle et delyé en adeliant du mylieu en amon, et ainsi par en bas de tant doibt il par droit avoir plus grant et plus aspre escousse, et en ce il n’a point de faulte.
