TROISIÈME CHAPITRE

Des corneltes pour les arcs

Puis que j’ay parlé du boiz et de la fachon des arcs, c’est raison queje die quelque chose des cornettes. On fait coustumierement aux arcs des cornettes de corne de vache, et la raison si est pour ce qu’elle est plus molle et plus endormie, et est bien propice aux arcs quarrez et aux arcs rondz, de quoy on tire aux chapperons, car elle p’a pas trop rude escousse. Mais pour tirer au loing elles valent mieulz des bouts de cornes d’un cherf, car plus est la corne dure et plus donne grant escousse à l'arc. Et devez savoir que toute corne doibt estre grossete envers l'arc affin que la corde n’aproce point si près du boiz, et plus est courte et meilleure est, mais que on puist bender l’arc. Aulcunes gens font encorner leurs arcs d'argent, mais je n ‘appreuve point ce estre utile ne prouffitable, car j’ay esprouvé l’un et l’autre.