QUATRIÈME CHAPITRE

Des cordes pour les arcs

En la seconde partie de ce present livre, qui doit parler des cordes, vous sera dit de combien de fachons on doit faire les cordes et la matiere de quoy on les fait pour les meilleurs. On fait cordes à arc de soye verte et de chanvre. Les cordes que on fait de soie verte sont bonnes à tirer au loing pour trois raisons, comme dist Sexmodus. La premiere, si est que la soye est si forte que elle dure plus sans rompre que nulle aultre chose. La seconde, si est que on la pœult faire si gresle que l’on vœult. Et la tierche, quant elle est si bien assemblee elle est tant singlant qu'elle envoie son trait si loing et si donne plus grans coups que nulle autre chose fait. Et

Co ogle

mms ve

doibt estre verte la droitte soye et bonne pour tant qu’elle n’est point brulee à la tainture, car elle vient ainsi de ses vers. L'autre matiere de quoy l’on fait les cordes c’est de chanvre, et en est de deux fachons de mascle et de femelle. Le mascle est gros et rude, et pour ce ne vault il rien pour cordes d’arc. Et la femelle y est bonne mais qu’elle soit bien esleute et très bien choisie. Et ne doit point estre une bonne corde collee mais gommee. Et si doibt estre l’ueillet le plus petit que faire se pœult bonnement, et estendue fort à bonnes pierres de fais. Et se bien voulez cognoistre une bonne corde, destordez la par le mylieu, et se vous trouvez les trois cordons sans tenir l’un à l’autre sachiez qu’elle est bonne, moiennant toutefois que quant elle sera en son entier qu’elle soit dure et ferme, car comme plus est dure tant mieulz vault.

CINQUIÈME CHAPITRE Du trait appartenant à l'arc

Et pour moy bien acquiter, il fault que je parle en ceste tierce partie du trait, puis que j'ai parlé en la premiere et en la seconde des arcs et des cordes.

Vous devez savoir que il n’est que de deux fachons de trait, c’est à entendre de trait collé et de trait cyré. Le trait cyré est de deux fachons dont l’un est empenné du hault costé de la penne et n’est fors pour tyrer à la bute, et l’aultre est empenné du dosset et sont propices et bons à tirer aux chapperons. Et devez entendre que rond bon trait cyré doit estre empenné de cisne reservé ceulz à tirer au loing dont je parlerai cy après. On en fait et empenne bien de pennes d’oie, mais il n’est pas si bon et n’est trait que pour artillerie. On empenne aussi du trait cyré de plumes de gerfault, elles seroient meilleurs, lesquels sont propices et bonnes à tirer au loing et non autrement. Mais qu’elles soient ferrees de ung fer bien legier, et ne doibvent estre lesdittes flesches gaires plus grosses que ung volet, et du plus legier bois et plus roide, comme je diray cy après.

Se le fer de ta flesche est legier les pennons doivent estre bas tailliez et plus cours, et se il est pesant il doit estre plus hault et plus long. Les flesches à tirer à la bute et aux chapperons doivent avoir le barbiau à l'endroit de l’encoce de la flesce, et à celles à tirer au loing il n’y a point de dangier, car le fer doit estre tout rond comme une corne.

Plus est dure la soye sur la cyre et plus est le trait errant et plus dure. Et ne doit pas estre le boiz fort cuit et par especial de flesces à tirer au loing, car elles s’en rompent plustost à l’escousse. Toute bonne flesche pour tirer à la bute et aux chapperons doit estre de tranne sechié à par luy sans ayde de feu ung an ou deux. Les flesches à tyrer au loing se peuvent bien faire d’aultre bois plus roide comme de boulle et de cerisier.

On fait bien des flesches de fresne, maiz elles ne servent que à esprouver

Go ogle

harnois. Elles doivent estre grosses envers le fer et menues envers le bout des pennes pour l’escousse.

On fait pareillement du trait creuz en fachon de matras à longue teste, et ne servent que à mettre ung volet dedens à tirer au loing pour gaigure, et ont verni dessus et dessoubz ; et ce souffisse quant au trait cyré.

On fait des flesches toutes pareilles à tyrer au loing pour en baillier le chois à son compaignon, et n’y a point de faulte que cellui qui choisit ne le perde se d'aventure ilz sont à plains champs, car l’une sert à tirer contre vent et l’autre avant vent. |

SINIÈME CHAPITRE

Du trait colle

Il est de deux fachons de trait collé, c’est assavoir de tacles et de vollets. Les tacles sont par coustume groz de bois et ont haulte penne de cisne et moult grandes en fachon de vollets, et ont les fers ronds, et est le propre trait de quoy les Anglois tirent à la bute et aux chapperons, car ilz le treuvent et aussi est il plus juste que nul quelque trait cvré.

Et pour savoir que c’est que de tacle, selon les Anglois tout trait collé et ferré est dit tacle soit gros ou menu.

SEPTIÈME CHAPITRE Des vollets à tyrer de l'arc

Tout vollet doit estre de bois legier et roide. Et ne sont pas les vollets de pardeça si bons que ceulz d’angleterre, par faulte que pardeça nous n’avons pas du boiz tel dont les angloiz font les bons volets, et à ceste cause n’est il vollet que d’angleterre, car ledit boiz est plus legier et plus roide que boiz que nous ayons pardeça.

Et doit tout vollet estre empenné de coulon ou de canart, et ne y a en chascune aile que une plume bonne, c’est à savoir le sarciau. Ung voillet proprement est ung delié trait qui va plus loing que tout aultre trait à petite plume, et peut estre encorné et ferré; dont il en est qui n’ont que troiz plumes, des aultres qui en ont six, et des aultres qui en ont neuf. Ceulz à six pennes ont les premieres plumes, ainsi que ceulz qui n’en ont que trois et les aultres, au milieu desdites plumes et de la cornette d’en bas, et sont plus petites que celles d’en hault, et doit estre ferré de ung fer peu pesant. Ceulz à neuf plumes les ont assez justemententre les plus haultes et les cornettes d’en bas, et de tant que ïilz ont plus de plumes il leur fault plus pesant fer. Et à la verité ce n’est que une monstre, car ilz valent peu à tirer. Mais les meilleurs sont ceulz à trois plumes, et en est de deux fachons, c’est assavoir des

Original from