DRAPEAU DE LA SOCIÉTÉ DES ARCHERS DU TOUQOUEI (NORD

Original from

creuz et des massiz. Les creuz sont creuz depuis la corne d’en baz jusques à troiz doiz petiz prez des plumes ; aulcuns les emplissent de ung petit de plomb et les aultres de vif argent ; et sont les plus avantageuz. Les aultres sont tous massifs et sont les plus honnestes à tyrer. °

Car les creuz sont reputez pour deshonnestes pour l'avantage qui y est, laquele on ne voit mie.

Et ont lesdis volets les plumes à trois petis dois près de la coche.

HUITIÈME CHAPITRE De mettre la corde sur l'arc

Puis que je vous ay dit de la fachon de l’arc et des cordes et du trait, bien peu vous serviroie et servir pourroie se ne parloie de la fachon pour la mettre sur l'arc. Vous devez mettre la begue de vostre corde dedens la co£he du bout de hault, et la tyrer fort le long de l’arc, et la prendre trois doiz plus court près de la cornette, et en faire ung las courant sans neu, et y tourner moins de tours que on pœult, car moins y en a et mieulz y vault car mieulz chace. Et doit avoir tout arc à tirer au droit ung petit moins de demy pié de tente. S’il est revers ou se il revient à corde il le fault corrigier selon ce, car se il est revers il lui en fault plus, et s’il revient à corde il lui en fault moins.

NEUVIÈME CHAPITRE De la manière de tirer de l'arc

Ung archier qui vœult avoir belle maniere de tirer doit avoir plusieurs regarts tant à son corps comme à ses piés, comme dist ung livre intitulé l’art de guerre. Premierement ses flesces au costé destre pour ce que l’espee est au costé senestre. Et doit peser son arc sur le pousse de la main dont il le tient en tirant, et le mettre justement en balance pour tirer à la bute. Et se l’arc est bien fait il sera plus long dessus que dessoubz. Et ce temps pendant doit tirer sa flesce à deux fois hors de la trousse, et la cause si est se il n’avoit moult long bras il faudroit que les flesces demourassent enserrees dedens la trousse de quoy les pennes empirroient. Et en la tenant par le mylieu la doit on bouter dedens son arc, et puis la prendre entre deux doys ; et devez savoir que c’est entre le doy qui est auprès du pousse et le grant doy. Et doit tout bon archier tirer à trois doys comme j’ay dit devant, et amener sa flesce à son tetin destre, et en ce faisant il y gaingne longueur de trait. N doibt avoir l’un pié devant l’autre du costé de quoy on tient l’arc, et ne doit avoir que la pointe à terre, affin qu’en rasseant le talon sans desmarchier, baille escousse à la flesce et tourne le costé à la butte. Et quant ce vient au tirer, l’en pœult tirer en

deux fachons ; les ungs tirent de hault et les autres de bas, et sont toutes deux bonnes en diverses fachons. Celle de bas est bonne à tirer à la buteet aux chaperons, et se monstre un archier plus nayf que à tirer de hault, moiennant que la desmarce s’acorde bien au descochier, et aussi il est plus couvert au besoing à cause qu’il ne haulce point le bras si hauit.

Et devez savoir aussi qu’ilz sont plusieurs manieres de descochier, et tient tout à deux choses : à la main de quoy on tire, car on doibt avoir et tenir la corde en la deuxieme jointe du doy auprès du pousse et en la premiere jointe du doy qui est entre le grant doy et le petit, et à la marche de quoy il en est de trois manieres, c’est assavoir à ung pas, à deux et à trois. Celle à ung pas se fait en deux fachons; l’une en marchant du pié du costé de quoy on tient l’arc, l’autre en mettant son bras en arriere en enffonsant son arc et son trait et desmarchier de l’autre pié ; laquele desmarche fait revenir le bras en sa droitture, maiz que elle soit grande et forte en arriere. Les aultres deux fachons sont à deux et trois desmarches. A tyrer à deux desmarches il faut desmarchier du piet de derriere à costé tellement que le pié de devant viengne à point à donner l’escousse au descochier. Et pour les trois fault desmarchier du costé de quoy on tient l'arc et en enfourant comme dessus est dit et puis de l’autre en arriere tellement que quant ce vient au descochier on puist marchier du premier pié de quoy on a commenchié.

Ung bon archier selon l’usage doibt tyrer dix palmes de trait. Il en est bien qui en tirent plus, mais de tant que ilz en tirent, plus le coup en est moindre. Il est bien de bons archiers qui ne tirent pas si long trait et pour tant ne laissent ilz mie à faire de grans coups et de grans fausses aussi grans comme les aultres ; mais se leur croisié se y pœult estendre ilz doibvent tyrer de laditte mesure, car ilz en sont plus beauiz archiers. Et oze bien dire que il est impossible de tyrer long trait de laide maniere se il est enfonsé.

Se vous voulez estre bon archier vous devez tirer en deux manieres ; l’une aux butes et soubz la toille, et l’autre aux chapperons. Car on apprent mieulz à tirer soubz la toille que en auiltre fachon, et à celle fin que vous sachiés comment la toille doibt estre mise je le vous diray. La toille doit estre mise au travers de la butte et au mylieu autant de piés de hault comme il y a de dix pas entre les deux butes. Comme se il y a cent pas elle doit estre de dix piés de hault, et doit estre bordee par en bas de sonnettes à celle fin que se il n’y touchoit que la plume de la flesche que on le sache et que on les oye sonner. Et doit avoir la ditte toile demie aulne de large du moins, affin que on puist mieulx jugier de la verité.

Et à tirer aux chapperons on doit tirer des arcs ronds comme dit est devant. Et doibvent estre entre bons archiers de trois cens pas de long. Combien que autrefois j’ay veu tirer à quatre cens pas, mais il convenoit que ce feussent bons exquiz archiers.

LA GONCLUSION

de ce traittie.

Puis que j’ay parlé des quatre poinz contenuz au prologue de ce traittié, je me puis bien taire. Car quant je l’encommençay je n’entendoie point à dire tout ce qui est dit audit passetemps, maiz seulement ce que j’en ay veu et sceu par les bons archiers, et aussi que j’ay experimenté.

Si prie à tous ceulx qui le traittié lyront ou orront lyre qu’ilz vœullent corriger les faultes s’aucunes en y a et suppleer courtoisement à mon ygnorance.