LECLERC
Chartrier de Thouars. Original.
1471, 29 juillet. Tours. — Mandement du sire de Craon à Jean Perrigault, receveur de Touraine.
Georges de La Trémoille, seigneur de Craon, conseiller et premier chambellan du Roy, nostresire, et gouverneur de Touraine, à Jehan Perrigault, receveur pour le Roy du domaine de la duché de Touraine, nous vous mandons que des deniers que vous devez par chacun an, à cause du bailliage et gouvernement de Touraine, vous payez, baïllez et délivrez à Jehan Fourrateau, nostre lieutenant et garde du chasteau de Tours, la somme de cinquante livres
tournois, pour ses gaiges de ceste présente année mil rn° Lxx1, et que en ce n’y ayt point de faulte, et, en nous rapportant ces présentes avecques quictance dudit Fourrateau tant seullement, nous vous promectons tenir quicte de ladite somme de L livres, et la vous faire alouer en vostre compte.
Tesmoing cestes présentes, signées de nostre main, à Tours, le xxx jour de juillet, mil ri Lxxi.
CRAON
Chartrier de Thouars. Original.
1472, 4 juin. — Quittance de Jean Fourrateau au receveur de Touraine.
Je Jehan Fourrateau, lieutenant du chastel de Tours, confesse avoir receu de Gilles Perrigault, recepveur de Thoraine, la somme de quinze livres quatorze soulz qui m'’estoient deuz à cause de certaine mise et despance que j'ay faicte pour monseigneur de Craon, ainssin qu’il appert par cédulle de mon dit Seigneur, donnée à Tours, du xnu* jour de mars mil rtf Lxx1, adresente au dit receveur ; de laquelle somme de xv livres xun soulz, dessus dits, je me tiens pour comptent et bien paié et en quipte le dit receveur et
touz aultrez. Tesmoign le signe de ma main cÿ mis, le mn jour de juign, mil nu soixante et douze.
J. FOURRATEAU.
Chartrier de Thouars. Original.
1471,25 août. Amboise.— Lettres patentes autorisant le sire de Craon à tenir sa femme, Marie de Montauban, close et emmurée.
Loys, par la grâce de Dieu, roy de France, à toux ceulx qui ces présentes lettres verront, salut. |
Comme, par procès deuement fait par nostre commission et ordonnance, nous soions applain informez que Marie, dame de Montauban, femme espouse de nostre très chier et féal cousin, conseiller et premier chambellan, le sire de Craon, se soit forfaite et à pluseurs personnes, et par diverses foys ait commis adultère, fait faire certains veuz, carathères et autres choses contre les termes de nostre foy, et en oultre ait voulu pourchasser de le fair mourir par poisons et sur ce traicté et appoincté avecques feu Ambroys Roichelle, qui la congnoissoit charnellement et mantenoit en adultère, de baïller et faire user desdiz poisons audit sire de Craon,
son mary, au quel Ambroys Roichelle elle avoit promis s’en aller avecques luy et l’espouser et prandre à mary après que ledit sire de Craon seroit mort ; lequel Ambroys Roichelle, pour ces causes et par sa confession , en laquelle il a persévéré jusques à la mort , ait par sentence donnée esté condempné à mourir et ait esté exécuté et descapité publicquement en nostre ville de Tours, et à l’eure de sa mort encore dit et confessa, de son propre mouvement, que ladicte femme le luy faisoit faire. Par quoy nostredit cousin, conseiller et premier chambellan, le sire de Craon, et ses parens et amys, voyans la vie et conversacion de sa dicte femme, et que s’il n’y donnoit provision et qu’elle demourast en sa liberté, il pourroit être en dangier qu'elle le feist mourir par poisons ou autrement ; aussi pourroit avenir que, par ses adultères, elle pourroit succiter audit sire de Craon ung héritier qui ne seroit point sien et néantmoins se voudroit porter héritier et donner trouble en sa succession, qui seroit chose bien pernicieuse, veu qu’il est extraict de grande et noble maison et a de belles et grandes seigneuries qui, par ce moyen, pourroit sortir hors de la ligne à qui naturellement et par raison elles appartiennent, nous ont les dictes choses remonstrées, en nous humblement requérant que, sur ce,luy veillons donner et octroyer provision. |
Savoir faisons que nous, voulans obvier à l’inconvénient qui à cause de ce pourroit avenir, et ne souffrir ne parmectre telz et si détestables cas et crimes estre faiz et traictez par les femmes contre leurs mariz, dès tantoust après que lesdiz cas furent venuz à congnoissance, octroiasmes et permismes audit sire de Craon, et encores à présent, de nostre certaine science, plaine puissance et auctorité royal, avons voulu et ordonné, octroyé et permis, voulons et ordonnons, octroyons et permectons que ledit seigneur de Craon
tiengne et puisse tenir le corps et la personne de sadicte femme enclose et enmurée en quelque lieu seur, en manière qu'elle ne puisse converser avecques personnes, affin que les adulterres, cas, crimes et inconvéniens dessusdiz ne puissent avenir ; et de ce faire, dès tantoust après la congnoissance desdiz cas, donnasmes et encoures de présent avons audit sire de Craon donné et donnons plain povoir et auctorité, sans ce que par justice ne autrement il en puisse estre reprins, ne que par aucuns de noz officiers, par les parens et amis de ladicte femme ne autres quelxconques, luy en puisse estre faicte question ne demande, en pourvoiant toutesfoys ladicte femme de vivre et alimens, vesteures et chausseures convenablement, selon sa neccessité.
‘Si donnons èn mandement à noz amez et féaux gens de nostre grant conseil, gens de nostre court de Parlement et à tous noz autres justiciers et officiers, que de nostre présent octroy et permission et de tout le contenu en ces présentes ilz facent, seuffrent et laissent ledit sire de Craon joïr et user plainement et paisiblement, sans luy faire ne donner aucun destorbier ou empeschement au contraire, ne pour ce souffrir aucune demande luy estre faicte par aucuns de noz officiers, procureurs, par les parens et amys de ladicte femme ne autres personnes quelxconques, auxquels quand ad ce nous avons imposé et imposons silence perpétuel, sans ce que eulx ne aucun d’eulx en puissent aucune chose demander audit sire de Craon ne aux siens, en quelque action qu'ilz en voudroient ou pourroient prétendre, Nous, de nostre certaine science, plaine puissance et auctorité royal, avons estainct et aboly, estaignons et abolyssons par cesdictes présentes; car ainsi nous plaist-il et voulons
estre fait. En tesmoing de ce, nous avons fait mectre nostre séel à ces dictes présentes.
Donné à Amboize, le XXV° jour d’aougst, l'an de grâce mil cccc soixante unze, et de nostre règne le XIe.
Par le Roy en son conseil : J. ne Mouiws.
Vidimus, en parchemin, délivré en 1476. Chartrier de Thouars.
1471, 11 décembre. Montbason. — Lettre du roi au sire de Craon, sur sa mission auprès du duc de Bourgogne.
A nostre chier et amé cousin, conseiller et premier chambellan, le sire de Craon, et à nostre amé et féal conseiller et général de nos finances, maistre Pierre d’Oriole.
Monsieur de Craon, et vous, monsieur le Général, j’ay reçu voz lectres et par icelles veu comme monsieur de Bourgongne vous a fait bon recueil, dont je suis bien joyeulx et m'en tiens bien tenu à luy. Je vous prie que, le plus diligemment que vous pourrez, vous mectez peyne de parachever ce que aurez eu charge de faire et de conclure tout. Et m'en faites savoir des nouvelles le plus toust que vous pourrez.
* Donné à Montbazon, le xitme jour de décembre. Loys.
TILHART.
Chartrier de Thouars. Original.
1471. 7 février. Amboise. — Commission donnée par Louis XI à Georges de La Trémoille pour conduire les nobles à Lusignan et marcher contre les Anglais et autres ennemis qui ravageaient la Guyenne.
Loys par la grâce de Dieu, roi de France, à tous ceux qui ces présentes lettres verront, salut. Comme pour cuider actraire et gaigner le courage de nostre frère de Guyenne, nous lui ayons baillé belle et grande seigneurie et appanaige, plus grant que oncques fils puisnés de France n'eut, voire plus que six ou huit des fils puisnés de la maison de France n’eurent oncques, et, que par les lois et statuts du royaume faites anciennement et renouvellées par le roy Charles le Quart, ne doivent avoir, néantmoins et nonobstant l’obéissance, fidélité et subjection que nostre dit frère nous doit, tant par nâäture que comme sujet de nous et de la couronne et à cause des terres qu’il tient de nous, nonobstant aussi les grands sermens et promesses qu’il nous a faiz de jamais ne adhérer à quelconque personne que ce soit à l'encontre de nous, ne faire alliance ou colligation contre nous, ou préjudice du royaume ne de nous, toutesvoyes nous avons esté et sommes deuement informez que icelui nostre frère et aucuns ses adhérans, alliés
et complices ont, puis aucun tems en ça, entreprins et conclud de mettre sus la plus grosse armée qu'ils pourront, pour gréver nous, nostre royaume, nos seigneuries et subjets, en demourant sa voulenté, puis aucun temps en ça, jacoit ce qu'il soit deuement acertené que Jehan, n'aguères comte d’'Armignac, ait alliance et colligation avec les Anglois, anciens ennemis de nous et de la couronne de France, et que nostre dit frère, après qu'il a clèrement veu les preuves de ladite colligation et lui mesmes esté d'opinion que devions pugnir ledit d'Armignac comme crimineux de crime de lèze majesté et comme adhérant avec nos dits ennemis, et à ceste occasion dès lors nous demanda et requist le don de la conté d’Armignac et d’aucunes des terres et seigneuries qu'icelui d’Armignac souloit tenir, icelles tenant et réputant comme confisquées et loyaument appartenans à nous, etautre disposition, pour les causes dessus dites, et que ledit d’Armignac ait esté pour tel jugé et condempné par arrest de notre dite cour de Parlement, lesquelles terres lui ayons depuis son dit appanaige libéralement données, pour icelles tenir hommaigement et sous nostre obéissance et subjection, icelui nostre dit frère, en venant directement contre l'autorité de nous et de nostre justice souveraine, et actrait avec lui ledit d'Armignac, lui a baillé les places, terres et seigneuries que avions baïllées et données à nostre dit frère, et, comme on dit, a entencion de mettre entre les mains d’icelui d’Armignac plusieurs des ports de mer et autres plus fortes et dangereuses places que tient à présent nostre dit frère, dont, veu l’obéissance et colligation des dits Anglois et autrement, se pourroient ensuivre plusieurs grands dangiers, maus et inconvéniens à tout nostre dit royaulme, lesquelles choses icelui nostre dit frère a faites par l'ennortement et suggestion d’Odet Daidye, seigneur de Lescun,
lequel, comme avons esté acertenez, a entreprinz le gouvernement de la personne et, des affaires de nostre dit frère de Guyenne, et, en continuant l'obstination et persévérant à la mauvaise voulenté que jà par sept ans entiers il a démonstrée, tant par ce qu’il fut le premier inventeur et principal auteur des troubles, guerres, maulx et divisions qui depuis les dits sept ans ont esté en nostre dit royaulme, et, pour icelles conduire, sous couleur de paix, lui estant en nostre ville de Poitiers, emmena nostre dit frère pour le faire adhérer et joindre à ceux qui désiroient et de longtems avoient conspiré et machiné le mal et destruction de nostre dit royaulme, dont depuis tant de maux sont ensuivis et advenus, à la grant foule et dommaige de la couronne, charge et oppression de nostre peuple; lequel de Lescun est homme de povre et basse condition, dont les prédécesseurs ont été toujours Anglois et tenu le parti contraire, et lui qui est coustumier de telles cédicions, trahisons et conspirations, ne qui est que par moyen d'icelles et par telles aultres dampnables et détestables voyes, soy enrichir iniquement.
Pour quoi et pour les dangiers qui, à cause des choses dessus dites, pourroient avenir, soit besoing de donner prompte provision pour résister aux entreprises dessus dites, avons mandé aucuns des nobles de nostre dit royaulme, et mesmement en assembler certaine partie en nostre ville de Lézignan, pour illec venir et estre tous prêts et en armes dedans le derrenier jour de ce présent mois de février. Et depuis, pour aucunes causes qui à ce nous ont meu, les ayons retardez jusqu'au quinziesme jour de mars prochainement venant pour estre tous prêts à marcher au dit jour, afin de tirer incontinent au dit lieu de Lézignen, et d'eulx y trouver ensemble, ainsi que par nous leur avoitesté mandé, et soit besoing et nécessaire, pour la conduite et gouvernement d’iceulx, commettre
et ordonner aucun notable personnaige de bonne maison à nous seur et féable, scavoir faisons que nous, confians à plain des sens, vaillance, loyauté et bonne diligence de nostre chier et amé cousin George de La Trémoille, chevalier, seigneur de Craon, à icelui pour ces causes et autres à ce nous mouvans, avons donné et donnons, par ces présentes, plain pouvoir, auctorité, commission et mandement spécial de mener et conduire les dits nobles, qui par nostre dite ordonnance ont esté mandez, eulx trouver ou dit Lézignen et à l’entour d'illec, avec le nombre de gens de guerre dont il avait charge de par nous et autres, que tient nostre dit frère de Guyenne, pour les réduire et mettre en obéissance. Et pour ce faire, y procéder par force et puissance d'armes ou autrement, ainsi qu'il verra estre à faire pour le mieux, d'y assiéger villes, châteaux et places fortes, de les prendre par force ou amiable composition, et et aussi ceulx qui servent dedans, et tous autres qui tiendroient à l'encontre de nous, de les recevoir et méctre en nostre bonne grâce, leur abolir, quitter et pardonner, si mestier est, en particulier ou en général, toutes les rebellions, désobéissances et autres cas et crimes qu'ils, ou aulcuns d’eux, auroient commis ou perpétrés envers nous ou aultrement ou de telle manière que ce soit, de promettre et assurer à ceulx des dites villes, cités, chasteaux, places fortes et autres qui se seront ainsi réduiz et mis en nostre dite obéissance, de non jamais estre remis ès mains de nostre dit frère ne autres mains, et aussi de leur donner et confirmer tels priviléges, franchises et libertés qu'il verra estre à faire; pareillement de donner bonnes et loyables seuretés et sauf conduits à toutes manières de gens qui vouldroient parlamenter avec nous ou lui, pour le bien de nous et de nostre dit royaulme, et de recevoir et recueillir en nostre bonne grâce tous les seigneurs, chefs de guerre,
hommes d’armes, archiers et autres officiers, serviteurs et subjets de nostre dit frère, soit gens d'église ou aultres, de quelque estat ou condicion qu'ils soyent, qui se vouldront retraire et venir devers nostre dit cousin, soubs nous et en nostre obéissance, et de tous iceulx et chacun d’eulx, chacun en droit soi, selon son sort, prendre et recevoir le serment qu’ils nous seront bons et loyaulx et serviront contre tous et envers tous; et ce fait, leur baïller et octroyer tels souldes, pensions, retenues, estats, offices et provisions de vivre soubs nous et en nostre service et chargement, et autant qu’il verra estre à faire, et qu'ils avoient ou ont à présent sous nostre dit frère; et avec ce de donner les offices des dites villes, chasteaux, places fortes et autres qu’il aura ainsi réduiz et mis en nostre dite obéissance, et de contraindre nos officiers et toutes autres manières de gens à faire les choses nécessaires pour la conduite de nostre dite armée et entreprinse, et mesmement de l’artillerie qui y conviendra estre menée, soit par emprisonnement de leurs personnes ou autrement, ainsi que le cas le requerra, de faire pugnir ceux de notre dite armée qui ne lui obéiroient et qui vouldroient entreprendre contre lui et son ordonnance, par pugnicion corporelle ou autrement, comme il verra estre à faire. Et sur les choses dessus dites et chacunes d’icelles et autres, concernans le fait et conduite de nostre dite armée et reduction, donner ses lettres telles qu’elles seront nécessaires, et qu'il sera expédient, et généralement de faire et ordonner en toutes autres choses, comme nous mesme ferions, si nous y estions en personne, posé ores qu'il y eust chose qui requist mandement plus spécial ; promettans en bonne foi et en parole de Roi, tenir et avoir agréable tout ce qui aura esté ainsi fait et ordonné par nostre dit cousin, touchant ce que dit est, et de le ratifier et approuver toutes et quantes fois que
requis en serons. En tesmoing de ce, nous avons fait mettre nostre scel à ces dites présentes.
Donné à Amboise, le septiesme jour de février, l'an de grâce mil quatre cens soixante et onze, et de nostre règne le onziesme.
Bibliothèque nationale. Fonds latin; numéro 18,401; t. xxv1 de dom Fonteneau, P- 457.
1472-1474. — Extrait de comptes. Dépenses de Georges de La Trémoille, seigneur de Craon.
1472. 27 février. Baillé à monsieur le maistre (d’oustel, P. de Sallignac) 2 aunes + gris et + aune de soret, pour faire robbe et chausses à Ernoul, portier du chasteau de l'Isle (Bouchard), pour ce 4 escuz vaillant r10 sols.
— 22 octobre. Baillé à Martin 4 aulnes 2/3 noir, pour doubler la robbe de deul de Monseigneur, à 40 s. l’aune, vallent 9 liv. 6 s. 8 d.
— 23 octobre. Baïllé par le commandement de mondit seigneur 3 aulnes r/4 noir, pour faire robe et chausses à Charlot d'Autun, qui estoit prinsonnier en Bretaigne, à 2 escuz + l’aulne ; et 3 aulnes doubleure pour doubler ladite robbe vallent 12 1. 145. 2 d.
SKIGNEUR DE CRAON 49
a —— EE
Item pour 2 aulnes de noir baillées. pour faire une robe à madamoiselle de Saint-Just, à 50 s. l’aulne, vallent 100 s. — 25 novembre). Baillé.. 4 aulnes et+ de noir pour faire robbe et chapperon au moyne qui estoit du chasteau, quant il print congié de Monseigneur, à 50 s. l’aulne, vallent
11 iv. 55. | | (Un compte de Pierre de Salignac, maître d'hôtel du seigneur de Craon, porte qu'il avait reçu de Morelet, secrétaire du Roi, pour la. pension et les dons faits par le roi à M. de Craon, sans co:‘npter
ce que celui-ci avait touché directement) :
En l’année 1472. . . . . . . . . . . . . . 2700*
En l’annéé 1473. . . . . . . . . . . . . . 600
Le re juillet 1474 . . . . . . . . . . . . . 5oo
Le 11 août 1474. . . . . . . . . . . . . . 2200
Le r9 décembre 1474. . . . . . . . . . . . 1000 7000 *
(Sur quoi Salignac a envoyé à M. de Craon) :
Le 7 octobre 1473. . . . . . . . . . 500*
Le 8 décembre 1473. . . . . . . . . 2000
Le rer juillet 1474. . . . . . . . . . 500 5000 #
Le 15 septembre r474 . . . . . . . . 1000
Le 4 janvier 1474, V.S. . . . . . . . 1000
Etat de la mise et dépense faite par Pierre de Salleignac des deniers de la pension et don de monseigneur de Craon :
A Pierre Crosnier, fondeur, qui a fait les coulevrines de Monseigneur . . . . + + . . . . + . . . . 200"
Audit Crosnier, a une autre fois . . . . . . 27 1° 3 A lui, à une autre fois. . . . 57 13 9 A lui, pour mener lesdictes ion à Rochefort
[SUP LOITE) = à 4 D SE Se ma à 3 10
A Colin Norgeon, perrier, a esté payé 40 livres
pour 200 quartiers de pierre dure par lui tirée et
menée à la rivière pour envoyer à Jehan Avril à
Craon. . . . 6 dt 4 + 240 Pour mener hotel: pierres di Angiers . . . 8 5 ‘A esté envoyé à La Chastre, en Berry, à Rondons,
faulconnier, par vertu des lettres de Monseigneur
données le 17. jour de septembre 1474 . . . . . 8 Et à celluy qui les luy porta. . . . : 1* 5° Pour les vitres des chambres de M à
ung vitrier de Tours demorant près les Augustins. 21 10 A Gaultier qui a esté au chasteau de Tours garder
le bastard de Callabre |. . . . 2 A André Mangolt, orfèvre, pour * ds us
ymage d'argent qui a esté porté à Clery, comme
appert par quictance du 26 octobre 1472 . . . 125 A deux hommes qui portèrent ledit ymaige à Clery 3 17 6 A un serviteur que ledit Mangolt envoya pour soy
donner garde dudit ymaïige. . . . . . . 1 En autres menues mises pour mectre ledit ymaige
devant l’ymaige Nostre-Dame, et pour le vin aux
varlez. . . . : RE - Pour ung voyage fait ou mois u may 1474, devers
monseigneur de La Tremoille, par monsieur de La
Pallu, maîstre Françoys Hebert et son filz..., pour le
sallaire desdiz maîstre Françoys et son filz et pour toute autre despence .
Pour ung autre voyage fait ou mois Fe ensui-
vant par mondit sieur de La Pallu, maîstre Jehan Loppin et Johannes, devers mondit seigneur de La Trimoille, pour le sallaire dudit Li et pour toute autre despence .
” À maîstre Jehan Cadi, pour ung voyage qu il a fait pour Monseigneur,ouquel voyageil alla luy #, et y fut trois sepmaines ; et au retour estoit luy 4°.
A Guillaume Palu, qui fut avec ledit Cadi .
Pour avoir changié la somme de 185*6*8%en blancs de Savoye et grox de Bretaigne, qui se trouvent à ung paiement de 600" que fist maîstre Morelet à la mykaresme 1473, avant ka mutacion des monnoyes qui après furent muées. :
A Guillemin Poissonnier, S a esté baillé sur les calices.
À maîstre Pierre Gabin, & canonnier. :
Audit Guillemin Poissonnier, orfèvre, pour :les tasses de Monseigneur. du r° jour d'octobre 1474.
A Perinet de La Houssaye, par lectre de Monseigneur et recepisse dudit Perinet, du 8° jour de mars 1474.
Somme.
St
Chartrier de Thouars. Original en papier, signé : De SALL&IGNAC ef MoreLxrT.
14723, 4 janvier. L'Ile Bouchart. — Commission donnée par le sire de Craon pour toucher différentes sommes.
Georges de La Trémoille, seigneur de Craon, de l’Ille-Bouchart et de Rochefort, conseiller et premier chambellan du Roy, nostre sire, et gouverneur de Touraine, à tous ceulx qui ces présentes lectres verront, salut.
Savoir faisons que nous avons donné et donnons, par ces présentes, commission de recevoir tous et chacuns les deniers à nous ordonnez par le Roy, c’est assavoir nostre pencion de six mille frans sur le quart du sel de Poictou, les cinq mille escuz d’or, parpaye des dix mille escuz, à nous donnez par ledit seigneur l’année passée, et mille livres que le Roy, nostre dit sire, nous doit appointer pour semblable somme que luy prestasmes l’année passée à La Guerche ; de ce faire luy avons donné et donnons, par ces présentes, povoir, mandemant et commission pour y faire et besongner pour et ou non de nous, à nostre prouffit, tout ainsi qu’il verra estre affaire pour le myeulx.
Et en tesmoing de ce, nous avons signé ces présentes de nostre main et fait sceller du scel de noz armes.
A Lille Bouchart, le quatriesme jour de janvier, l'an mil III LXXHI.
CRAON
Chartrier de Thouars. Original parchemin, scellé.
1473. 1° mars. — Quittance de Jean Briconnet pour une décharge de son père, du 30 novembre 1471.
Je Jehan Briconnet, notaire et secrétaire du Roy, nostre sire, et son receveur des assises, huitiesmes et équivalent de Touraine, confesse avoir eu et receu, par la main de maistre Morelet de Museau, aussi notaire et secrétaire dudit Seigneur, une descharge de Jehan Briconnet, mon père, receveur général des finances d’icellui seigneur, dont la teneur s’ensuit : — Les généraulx conseillers du Roy, nostre sire, sur le fait et gouvernement de ses finances, ont fait recevoir par Jehan Briconnet, receveur général des dites finances, de maistre Jehan Briconnet, notaire et secrétaire du Roy, nostre dit sire, et son receveur des assises, huitiesmes et équivalent de Touraine, sur ce qu'il pourra devoir à cause de sa recepte de l’année, commençant le premier jour d’octobre prouchain venant, et dont le dit receveur général a pour ce baillé sa cédule au controlleur de ladite recepte générale, et en ceste mis son signe, la somme de douze cens livres tournois, par messire George de La Trémoille, chevalier, seigneur de Craon, conseiller et chambellan du Roy, nostre dit sire, pour partie de vi” vin‘ zxxv livres tournois, faisant la moitié de x" escuz, dont le dit seigneur lui a fait don, en rémunéracion de pluseurs grans et louables services qu'il a faiz en aucuns des plus grans affaires d'icellui Seigneur, à prendre la dite somme de dix mille
escuz en deux années en suivant, c’est assavoir par chacune année v mille escuz, dont la dite année est la deuxième et dernière.
Escript le xx° jour de novembre, l’an mil cccc soixante onze. Ainsi signé : P. Doriole, J. Briconnet et L. Girard.
Sur laquelle descharge et somme de douze cens livres tournois je n'ay payé que mille soixante livres tournois, et du reste, montant sept vings livres tournois, jen’ay entencion d’aucune chose en payer, tant par ce que ladite somme de xrre livres n’a esté couchée en mon estat que pour mille quatre vings livres tournois que aussi pour le trop chargé dudit estat. |
Fait soubz mon seing manuel, le premier jour de mars, l'an mil cccc soixante treze.
BRICONNET.
Chartrier de Thouars. Original parchemin.
1473, 21 septembre. Le Plessis-du-Parc. — Louis XI nomme le sire de Craon son lieutenant général de l'armée de Champagne.
Loys, par la grâce de Dieu, roy de France, à tous ceulx qui ces présentes lectres verront, salut.
Comme pour résister à aucunes sédicieuses entreprinses que se veulent efforcer faire aucuns de noz adversaires, rebelles et
désobéissans subgez, ainsi que puis nagaires avons esté advertiz, avons délibéré faire marcher en nostre pais de Champaïgne certain grant nombre de gens de guerre de nostre grant ordonnance, de nostre arrière ban et de noz francs archiers, pour la garde, seureté, tuicion et deffense de nostre dit pais de Champaigne, de noz places estant en icellui et de noz pais adjacens, pour la conduicte desquelz noz gens de guerre, et donner ordre aux choses qui pourroient survenir, soit besoing commectre aucun grant et notable personnage prouchain de nous, de grande auctorité et réputacion et à nous seur et féable.
Savoir faisons que nous, confians à plain de la personne de nostre chier et féal cousin le sire de Craon, nostre premier chambellan, et de ses grans sens, vaillance, loyauté, diligence, conduicte et grande expérience ou fait de la guerre, et pour la seureté et confidence que avons de lui, icellui nostre cousin, avons fait, constitué, estably et ordonné, et, par la teneur de ces présentes, faisons, constituons, establissons et ordonnons nostre lieutenant général et chief de la dicte armée, et lui avons donné et donnons, par ces dites présentes, povoir et auctorité exprès et espécial de mettre sus, mener et conduire ensemble ou par parties tous nos dits gens de guerre de nostre dite armée, ordonnée pour nostre dit pais de Champaigne, tant de nostre dit grant ordonnance d’icellui nostre arrière ban comme de nosdits francs-archiers, de prendre par siége, assault, emblée, eschellement, composition ou autrement toutes villes, citez, places, chasteaux et forteresses à nous contraires, rebelles et désobéissans, en donner les offices, et semblablement les confiscacions de nos dits rebelles, prendre, recevoir et remettre en nostre bonne grâce les habitans en icelles, pardonner, quicter et abolir tous cas, crymes et délist, soient de lèze majesté ou autres, à toutes villes et communautés qui se
vouldront remettre et réduire en nostre dite obéissance ou aux particulliers, s’il voit que bon soit, pugnir et faire pugnir corporellement, criminellement ou autrement tous délinquans, et générallement de faire en toutes choses autant que nous ferions et faire pourrions se présens y estions en nostre personne, promectans de bonne foy et en parole de Roy avoir et tenir ferme, estable et agréable tout ce que par nostre dit cousin le sire de Craon, nostre lieutenant, sera fait et besongné en tout ce que dit est, et en baillerons noz lectres patentes de ratificacion, confirmacion et approbacion touteffoiz que requis en serons. Si donnons en mandement à tous noz cappitaines et chiefz de guerre, à tous noz baillis, prévostz et autres noz justiciers et officiers ou à leurs lieutenans et à chacun d’eulx que, à nostre dit lieutenant, obéissent et entendent en tout ce qu’il leur commandera et ordonnera de par nous, tout ainsi qu'ilz feroient à nostre propre personne. En tesmoing de ce, nous avons signé ces dites présentes de nostre main et à icelles fait mectre nostre seel. |
Donné au Plesseiz du Parc, le XXI”° jour de septembre, l’an de grâce mil cecc soixante treze, et de nostre règne le treziesme.
Loys. — Par le Roy, de Cerisay.
Chartrier de Thouars. Original.
1473, 30 octobre. Jargeau. — Louis XT établit le sire de Craon son lieutenant-général dans les villes de Reims, Langres, Chälons, Sens et autres villes.
Loys, par la grâce de Dieu, roy de France, à tous ceux qui ces présentes lectres verront, salut. |
Comme pour résister à plusieurs mauvaises, sédicieuses et dampnables entreprinses que sont efforcez et de jour en autre s'efforcent faire aucuns de noz adversaires, rebelles et désobéissans subgectz, à l'encontre de nous et de toute la chose publicque de nostre royaume, nous ayons puis naguères envoyé nostre chier et féal cousin et premier chambellan, le sire de Craon, en nostre pais de Champaigne, acompaigné de plusieurs cappitaines et gens de guerre de nostre grant ordonnance, de nostre arrière-ban et de noz francs-archiers, et icelluy nostre cousin ayons fait, estably et ordonné nostre lieutenant en nostre dit pais de Champaigne, ainsi que par noz lectres patentes sur ce par nous commandées peut plus à plain apparoir, et avons esté depuis advertiz que noz villes et citez de Rains, Langres, Chaalons, Sens et autres villes adjacens, auxquelles avons principallement commandé à nostre dit cousin donner provision, ne sont pas comme l'en dit du propre corps de nostre dit conté de Champaigne, aucuns des dites villes, citez et pais adjacens de nostre dit conté de
Champaigne pourroient ignoramment ou autrement faire difficulté d’obéir à nostre dit cousin le sire de Craon comme à nostre lieutenant, se sur ce n’estoit faicte déclaracion de noz plaisir et voulenté.
Savoir faisons que nous, bien recors du povoir par nous donné à nostre dit cousin et des causes qui nous meuvent de ce faire, avons voulu, ordonné et déclairé et, par la teneur de ces présentes, voulons, ordonnons et déclairons que nostre dit cousin, le sire de Craon, soit nostre lieutenanten tout nostre dit conté de Champaigne, en nos dites villes et citez de Rains, Langres, Laon, Sens, Chaalons et autres villes, pais et lieux enclavez, contiguz et prouchains adjacens de nostre dit conté de Champaigne, et voulons et nous plaist qu'il y soit entièrement obey, tout ainsi que se les dites citez, villes, païs et lieux estoient nommément et expressément comprinses et désignées en nos dites lectres de povoir. Si donnons en mandement à tous noz justiciers et officiers des dits lieux, leurs lieutenans, et à tous noz autres justiciers, officiers et subgectz, et à chacun d’eulx, si comme à luy appartiendra, que à nostre dit cousin, le sire de Craon, nostre lieutenant, obéissent et entendent en tout ce qu’il leur commandera et ordonnera de par nous, tout ainsi qu'ilz feroient à nostre propre personne. En tesmoing de ce, nous avons signé ces dites présentes de nostre main et à icelles fait mectre nostre seel.
Donné à Jargueau, le pénultième jour d’octobre, l’an de grâce mil cccc soixante treze, et de nostre règne le treziesme.
Loys. | :
Par le Roy, DE CERISAY.
Chartrier de Thouars. Original.
1473, 30 janvier. Beauvais. — Approbation des congés donnés par le sire de Craon, lieutenant général du roi en Champagne, pour le transport des vins et ardoises du dit pays en Bour-
gogne.
Loys, par la grâce de Dieu, roy de France, à tous ceux qui ces présentes lectres verront, salut. -
Comme puis naguères nous ayons commis, ordonné et establi, nostre cher et féal cousin conseiller et premier chambellam le sire de Craon nostre lieutenant en nostre pays et conté de Champaigne, qui à ceste cause se soit transporté en nostre dit pays et conté de Champaigne, partie duquel il aït trouvé fort stérille et infertille, et où il y avoit grant habondance de vins et ardoyses, lesquelx ne se povoient depescher ne délivrer ou dit pays, obstant la grant povreté et indigence d’icelluy, ains, pour en avoir délivrance, estoit besoing aux habitans et subgectz des dits lieux de les mener ou faire mener et conduire ès pays de Bourgoigne et autres pays voysins d’obéissance à nous contraire, et illec les vendre et en ramener d’autres biens et marchandises, ainsi qu’ilz avoient acoustumé de faire, autrement 11z ne pouroient bonnement vivre ne eulx entretenir ou dit pays, et pour ce qu'ilz ne l’osoient faire sans avoir sur ce noz congié et licence, nostre dit cousin nous en fist advertir, et qu’il estoit besoing pour le bien,
utillité et prouffit de nostre dit pays de donner les dits congiez à iceulx habitans, à ceste cause eussions dès lors rescript à nostre dit cousin de donner les dits congez où il verroit que bon seroit, lequel, sans autre povoir ne puissance de nous, en ait donné à aucuns des dits habitans qui, par vertu d’iceulx, aient mené ou fait mener des vins et ardoises ès dits pays de Bourgoigne et autres, et soit ainsi que nous ayons esté advertiz que, pour le bien, utillité et prouffit de nostre dit pays et conté de Champaigne, soit encores besoing de donner des dits congez et aussi de auctorisez ceulx qui ont esté donnez par nostre dit cousin pour la seureté de ceulx qui les ont obtenuz, à ce que ou temps avenir on ne leur en puisse aucune chose demander.
Savoir faisons que nous, ces choses considérées, désirans le bien, utillité et prouffit de nostre dit pays et conté de Champaigne et des habitans d’icelluy, confians à plain de la personne de nostre dit cousin et de ses grans sens, suffisance, loyauté, preudommie et bonne diligence, et aussi pour et en récompance de plusieurs grans fraiz et mises, par luy faiz en nostre service, et autres grans causes à ce nous mouvans, à icelluy nostre dit cousin avons donné et donnons, par ces présentes, plain povoir, auctorité, commission et mandement espécial que, d’icy au derrenier jour du moys de février prochainement venant, il puisse et luy loyse donner à telz des manans, habitans et subgectz de nostre dit pays et conté de Champaigne, qu’il verra estreaffaire, congié et licence de mener ou faire mener, vins et ardoyses ou pays de Bourgoigne et autres d’obéissance à nous contraire, et iceulx vins et ardoyses mettre à tel taux et pris que bon leur semblera, et d’en prandre et exiger des dits marchans pour saufconduit telle somme de deniers qui verra estre affaire et au cas appartenir, pour illec les vendre,
eschanger ou autrement en faire leur prouffit, et aussi d’en ramener ou dit pays de Champaigne telz autres biens et marchandises que bon leur semblera, et, pour ce faire plus seurement, prandre et obtenir du dit duc de Bourgoigne et autres telles seuretez et saufconduitz qu'ilz verront estre affaire, lesquelx congiez, qui ainsi seront donnez par nostre dit cousin, et aussi ceulx que jà il a donnez par cy devant, nous voulons estre de tel effect et valleur comme si nous les avions donnez ou donnions, et iceulx, dès maintenant, nous avons auctorisez et auctorisons par ces dites présentes, auxquelles, en tesmoing de ce, nous avons fait mettre nostre seel.
Donné à Beauvais, le penultime jour de janvier, l’an de grâce mil cccc soixante treze et de nostre règne le treziesme.
Par le Roy, T'AILHRT.
