XX VI

1474, 4 Septembre. Puiseaulx.— Commission donnée par Louis XI au sire de Craon de saisir les revenus de l'évêché de Verdun.

Loys, par la grâce de Dieu, roy de France, à nostre amé et féal cousin, conseiller et premier chambellan le sire de Craon, nostre lieutenant général ès pays et marches de Champaigne, salut et dilection.

Pour certaines grans causes à ce nous mouvans, nous vous mandons et commandons en commectant par ces présentes, que, incontinent et sans délay, vous prenez et mectez ou faites prendre et mectre réaument et de fait en nostre main tout le temporel et places fortes de l’évesché de Verdun, et, au régime, garde et gouvernement d'iceulx commectez personnes souffisans et solvables qui en puissent et sachent respondre et rendre bon compte et reliqua quant et où il appartiendra, et jusques à ce que par nous ou autrement en soit ordonné; et à ce faire et souffrir contraignez ou faictes contraindre tous ceulx qu’il appartiendra et seront à contraindre réaulment et de fait et tout ainsi qu’il est .acoustumé de faire pour noz propres affaires, nonobstant oppositions et appellacions quelxconques, pour lesquelles ne voulons en ce estre aucunement différé de ce faire ; vous donnons plain povoir, auctorité, commission et mandement espécial, mandons et commandons à tous noz lieutenans, officiers et subgectz que à vous, voz commis

et depputez, en ce faisant, obéissent et entendent diligemment, prestent et donnent conseil, confort, aide et prison, si mestier est et requis en sont.

Donné à Puiseaulx, le quatriesme jour de septembre, l'an de grâce mil cccc soixante quatorze, et de nostre règne le x.

Par le Roy, T'ILHART.

Chartrier de Thouars. Original.

1474,.4 Septembre. Puiseaulx. — Louis XI donne au sire de Craon, son lieutenant-général en Champagne, les revenus de l'évêché de Verdun, saisis sur l'évêque, accusé du crime de lèsemajesté.

Loys, par la grâce de Dieu, roy de France, à nos amez et féaulx les trésoriers de France, salut et dilection. |

Savoir vous faisons que, pour considéracion des grans, agréables et continuelz services que nous a faiz, par cy devant, en noz grans affaires et autrement, en maintes manières, nostre cher et féal cousin, conseiller et chambellan, le sire de Craon, nostre lieutenant-général en nostre pays de Champaigne, fait et continue chacun jour, et espérons que plus face ou temps avenir, à icellui, pour ces causes et considéracions, et pour luy aider à

supporter les grans charges et despenses que faire luy convient et conviendra ès mèêtes de sa dicte lieutenancie, où 1l est à présent, avons donné et donnons, de grâce espécial, par ces présentes, oultre les autres dons et bienffais qu’il a de nous, tout le prouffit, revenu et émolument de la temporalité de l’éveschié de Verdun que avons fait prendre et saisir en nostre main, à l’occasion de certains grans Cas, crimes et délitz, tant de crime de lèze-majesté, commis par l’évesque’ du dit Verdun, que autrement, à quelque valeur ou estimacion que le dit proufit et revenu d’icelle temporalité puisse monter, pendant et durant le temps que icelle nostre main mise y sera apposé, à icellui proufit et revenu avoir et prendre par nostre dit cousin, conseiller et chambellan, par ses mains et par sa simple quictance, sans ce que besoing luy soit en avoir ou lever aucune descharge ou descharges du changeur de nostre trésor ne autre acquit que ces dites présentes signées de nostre main. Si vous mandons, et expressément commandons, que icellui nostre cousin vous faites et seuffrez joir et user de noz présens grâce, don et octroy, et par rapportant ces dites présentes, ainsi signées de nostre main, ou vidimus d’icelles, pour une foiz, et quictance ou recongnoissance sur ce d’icellui nostre cousin, conseiller et chambellan, tant seulement, nous voulons cellui ou ceuix de noz receveurs ordinaires ou commissaires, commis au gouvernement des dites terres, et tous autres qu'il appartiendra, en æestre et demeurer quites et deschargez, et ce qe pourra monter et valoir le dit proufit :et revenu d\celle ‘ternporalité, pendant le dit temps de nostre dit maïn mise, estre aloué en leurs comptes et rabatu de Îeurs dites receptes où Commissions par nos amer et féauix gens de no comptes, auxquelz nous mandons ainsi le faire sans aucune difficulté, nonobstant que la valeur du dit revenu ne soit ty déclarée,

que descharge ou descharges n’en soient levées par le changeur de nostre trésor et quelzconques autres ordonnances, mandemens, restrinctions ou deffences à ce contraires. | Donné à Puiseaulx,le quatriesme jour de septembre, l’an de grâce mil cccc soixante et quatorze, et de nostre règne le xx”. / Loys.

Par le Roy,

Lecouz. Chartrier de Thouars. Original,

1474, 4 septembre. Puiseaulx. — Louis XI commande au seigneur de Craon de mettre garnison dans la ville de Bar, pour s'opposer aux Bourguignons.

Loys, par la grâce de Dieu, roy de France, à nostre amé. et féal cousin, conseiller et premier chambellan, le sire de Craon, nostre lieutenant général ès pays et marches de Champaigne, salut et dilection. |

Comme nous ayons esté advertiz que les Bourgongnons, noz adversaires, aient certaine entreprinse sur le pays et duché de Lorraine et Barrois et par espécial en la ville de Bar, appartenant à nostre très chier et très amé oncle et cousin, le roy de Sécille, en entencion de la prendre et usurper, par voye de fait et de hostillité, sur nostre dit oncle, et luy faire et porter et à ses bons et loyaulx

subgectz en icelle tout le dommage que possible leur sera, qui tourneroit au grant dommage de nous et de nostre pays et conté de Champaigne. Par quoy, pour préserver et garder la dite ville de Bar et obvier aux grans maulx et inconvéniens qui s’en pourroient ensuir, s’il advenoit que Dieu ne vueille que la dite ville feust prinse et invasée par les dis Bourgongnons, soit besoing mectre, establir et loger en la dite ville de Bar tel nombre de gens de guerre, pour la tuicion, garde et deffense d’icelle, que besoing sera.

Nous, pour ces causes, vous mandons et commandons, par ces présentes, que, incontinent et sans délay, vous logez et mectez dedans la dite ville de Bar telz de nos gens de guerre et en tel nombre que adviserez estre nécessaire, et leur faites baïller et délivrer logeis, vivres et utencilles pour eulx et pour leurs chevaulx, à pris raisonnable et tel que par vous ou voz commis et depputez sera advisé et ordonné ; et à ce faire et souffrir et à leur baïiller et délivrer les dits logeis, vivres et utencilles, contraignez ou faites contraindre les habitans de la dite ville et pareillement les dits gens de guerre à les leur paier et vivre en bonne ordre et police, le tout selon les ordonnances royaulx sur ce faictes, par toutes voyes et manières d'eux et en tel cas requises, nonobstant oppositions et appellations quelxconques. De ce faire vous donnons plain povoir, ‘auctorité, commission et mandement espécial, mandons et commandons à tous noz justiciers, officiers et subgectz que à tous voz commis et depputez en se faisant soit obey diligemment.

Donné à Puiseaulx, le IIII® jour de septembre, l’an de grâce mil cccc soixante quatorze, et de notre règne le XIIII®.

Par le Roy,

TiLHART.

Chartrier de Thouars. Original.

1474, 26 février. Paris. — Louis XI institue le sire de Craon

son lieutenant-général en Champagne et Brie et dans le duché de Bar.

Loys, par la grâce de Dieu, roy de France, à tous ceulx qui ces présentes lectres verront, salut.

Savoir faisons que nous, confians à plain de la personne de nostre cher et féal cousin le sire de Craon, nostre premier chambellam, et de ses grans sens, vaillance, loyaulté, dilligence, ‘conduite et grande expérience ou fait de guerre, icelluy nostre dit cousin avons fait, constitué, estably et ordonné, et, par la teneur de ces dites présentes, faisons, constituons, establissons et ordonnons nostre lieutenant général en noz pays et contez de Champaigne et Brye, duchié de Bar, et en noz villes et citez de Reims, Laon, Chaalons, Sens, Langres et autres villes adjacentes et pays environ, et luy avons donné et donnons, par ces dites présentes, povoir et auctorité exprès et espécial de mectre sus, mener et conduire ensemble, ou par parties, tous noz gens de guerre, tant de nostre ordonnance, de nostre ban et arrière ban, que de noz francs archiers et autres quelxconques, establiz de par nous pour la garde de nos dis pays, villes, citez et duchié, de prandre par siége, assault, emblée, eschallement, composicion ou autrement, toutes villes, citez, places, chasteaulx et forteresses à

nous contraires, rebelles et désobéissans, en donner les offices, et semblablement les confiscacions de nos dits rebelles, prandre, recevoir, et remectre en nostre bonne grâce les habitants en icelles, pardonner, quicter, remectre et abolir tous cas, crimes et délitz, soient de lèze majesté ou autres, à toutes villes et communautez qui se vouldront remectre et réduire en nostre dite obéissance ou aux particuliers, s’il veoit que bon soit, pugnir et faire pugnir corporellement, criminellement ou autrement tous délinquans, et généralement de faire en toutes choses autant que nous ferions et faire pourrions se présens y estions en nostre personne ; promectans de bonne foy et en parolle de Roy avoir et tenir ferme, estable et agréable, tout ce que par nostre dit cousin, le sire de Craon, nostre lieutenant, sera fait et besoingné en tout ce que dit est ; et en baillerons noz lectres patentes de ratifficacion, confirmacion et approbacion, touteffoiz que requis en serons. Si donnons en mandement à tous noz cappitaines et chiefz de guerre, à tous noz' baillitz, prévostz, et à tous noz autres justiciers et officiers ou à leurs lieuxtenans et à chacun d’eulx, que à nostre dit lieutenant obéissent et entendent tout ce qu'il leur commandera et ordonnera de par nous, tout ainsi qu'ilz feroient à nostre propre personne. En tesmoing de ce, nous avons fait mectre nostre seel à ces présentes.

Donné à Paris, le XXVI”° jour de février, l’an de grâce mil cccc soixante quatorze, et de nostre règne le XITII®°.

Par le Roy, monseigneur le conte de Beaujeu, le sire d’Argenton et autres présens.

DE CERIsaY.

Chartrier de Thouars. Original.

1474, février. Senlis. — Lettre du sire de Craon à monsieur de Saint-Martin.

A monsieur, monsieur de Saint Martin.

Monsieur de Saint Martin, je vous prye que vous vous rendez à moy à Nostre-Dame de Cléry et que vous m’apportez quant et vous des vidimus du partaige de monseigneur de La Trémoille et de moy, tant de nostre père que de nostre mère, à qui Dieu vueille pardonner ; et aussi apportez l’appoinctement de l’Isle-Bouchart d'entre monseigneur de La Trémoille et moy. Je croy que vous avez toutes les ratifficacions des choses dessus dites, quoy que soit, apportez ce que vous avez. Je vous escriptz ces choses par ce que mon intencion est de passer à Bommiers devers monseigneur de La Trémoille, et faictes dilligence, car j'ay espérance de partir aujourduy, et à Dieu soyes.

Escript à Senlis, le derrenier jour de février.

= Le vostre, CRAON.

Chartrier de Thouars. Original.

1474, 12 mars. Paris. — Commission par Louis XI au sire de Craon pour prendre le serment de gens de guerre.

Loys par la grâce de Dieu, roy de France, à nostre chier et féal cousin le sire de Craon, nostre lieutenant général en Champaigne, Brie, païs et villes adjacens, salut et dilection.

Comme pour certaines grandes et raisonnables causes, à ce nous mouvans, nous avons ce jourd’ui donné la charge, office, estat et retenue de cent génetaires et cens laquaiz, que avoit et tenoit par cy-devant Martin de Salzedo, à nostre chier et bien amé Petro de Palacio, et lui en avons octroié noz lectres patentes à vous adrécans ; nous, considéré ce que dit est, vous mandons et expressement enjoignons en commectant, se mestier est, que, par vertu de nos dites lectres, vous mectez et instituez ou faites mectre et instituer de par nous le dit de Palacio en possession et saisine du dit estat, charge et retenue, en recevant de lui le serement sur ce deu et acoustumé, et ce fait recevez ou faites recevoir la monstre des dits cent génetaires. et cent laquaiz, dont avons baillé la charge au dit de Palacio et leur faictes faire le serement en tel cas acoustumé, et pourvoiez au fait de leurs logeis et manière de vivre, ainsi que verrez estre à faire, en leur faisant ou faisant faire inhibicion et deffense de par nous et à tous autres qu’ilz ne soient tant osez ou hardiz de tenir aucunes

SRIGNEUR DE CRAON 77

ES

gens oultre leur nombre, et se aucuns sont trouvez, oultre ledit nombre, qui les suyvent et facent aucuns maulx, griefz ou oppressions à nostre peuple, faites-en ou faites faire telle et si griefve pugnicion que ce soit exemple à tous autres. De ce faire vous avons donné et donnons plain povoir, auctorité, commission et mandement espécial, nonobstant oppositions ou appellations quelzconques, mandons et commandons à tous nos justiciers, officiers et subgectz que à vous, vos commis et depputez, en ce faisant, obéissent et entendent diligemment. :

Donné à Paris, le XII*° jour de mars, l'an de grâce mil ccc soixante quatorze, et de nostre règne le quatorziesme.

Par le Roy, vous l’évesque d'Evreux, le sire de Loheac, mareschal, le sire de Genly et autres présens.

DE CERISAY.

Chartrier de Thouars.

1475, 7 des ides de mai. Rome. — Sixte IV charge l'archevêque de Tours de s’enquérir de la validité d’un mariage clandestin fait entre Alain de Plumaugai et Marie de Montauban, femme de Georges de La Trémoille.

Sixtus episcopus, servus servorum Dei, venerabili fratri archiepiscopo Turonen., salutem et apostolicam benedictionem.

Humilibus supplicum, notis libenter annuimus ea ‘que favoribus prosequimur oportunis oblate nobis pro parte dilecti filii nobilis viri Georgii de La Trimolle, baronis baronie de Insula-Bochardi, Turonen. dioc., petitionis series continebat, quod aliàs, postquam dilectus filius Alanus de Plumaugat, laicus, et dilectain Christo filia, Maria de Montealbano, mulier, Maclovien. dioc., de nobili genere ex utroque parente procreati, inter se clandestine, presentibus tamen fide dignis personis, sponsalia contraxerant, carnali copula subsecuta, prefatus Georgius dicti matrimonii, sicut prefertur, inter eosdem Alanum et Mariam contracti, nullam penitus notitiam habens, et credens prefatam Mariam incorruptam mente et corpore fore, cum ipsam matrimonium licet de facto contraxitilludque carnali copulaconsummavit et eidem Marie pluribus annis ut uxori cohabitavit. Prefatus vero Alanus, post contractum per dictos Georgium et Mariam matrimonium predictum, cum dilecta in Christo filia, Maria de Sancto-Amadore, muliere, Redonen. dioc., dicti prioris contracti matrimonii per dictum Alanum ignara, matrimonium similiter de facto contraxit et carnali copulaconsummavit, prolemqueprocreavit ex eadem. Cum autem sicut eadem petitio subjungebat contracta per Mariam de Monte-Albano cum Georgio et Alano predictos cum Maria de Sancto-Amadore prefatis matrimonia predicta invalida existant, ipse que Georgius cupiat cum alia muliere matrimonialiter adherere et ad obtundendum ora obloquentium contractum per ipsum Georgium cum dicta Maria de Monte-Albano et per Alanum prefatum cum Maria de Sancto-Amadore predictis, matrimonia predicta nulla et invalida declarari, pro parte dicti Georgii nobis fuit humiliter supplicatum ut prefatam Mariam de Monte-Albano, legitimam uxorem prefati Alani fore et tam per Georgium cum Maria de Monte-Albano quam Alanum prefatos cum Maria de

Sancto-Amadore predicta contracta postmodum matrimonia hujusmodi nulla et invalida fuisse et esse, licuisseque et licere tam Georgio cum alia muliere, quam Marie de Sancto-Amadore prefatis cum alio viro matrimonialiter copulari, ac prolem ex hujusmodi matrimonio contracto per eosdem:Alanum de Plumaugat et Mariam de Sancto-Amadore, propter ignorantiam dicte Marie de Sancto-Amadore, legitiman fuisse et esse declarare, prefatosque Alanum et Mariam de Monte-Albano qui scienter secundum matrimonium, stante primo, contrahere et consumare, ac in illo permanere presumpserunt, si id humiliter petierint a reatu hujusmodi a penis quas propterea quomodolibet incurrerunt absolvere et ut invicem cohabitent se que maritali affectione pertractent cogi mandare, aliasque sibi et illis in premissis oportune providere de benignitate apostolica dignaremur.

Nos igitur, de premissis certam notitiam non habentes, hujusmodi supplicationibus inclinati fraternitati tue de qua in hiis et aliis specialem in Domino fiduciam obtinemus, per apostolica scripta comittimus et mandamus quatinus, vocatis dictis Alano et Maria de Sancto-Amadore ac Maria de Monte-Albano et aliis qui fuerint evocandi et auditis hincinde propositis super eisdem matrimoniis et prolis suscepte legitimitate appellatione remota decernas, prout de jure fuerit faciendum, faciens quod decreveris per censuram ecclesiasticam firmiter observari, et nichilominus si contractum inter eosdem Alanum et Mariam de Monte-Albano matrimonium predictum, ut prefertur, validum, ipsos que Alanum et Mariam de Monte-Albano legitimos conjuges fore per te, vigore presentium, decerni contigerit, eosdem Alanum et Mariam de Monte-Albano si id humiliter petierint ab excessu hujusmodi contractorum per eos matrimoniorum secundorum, stante primo

predicto, a penis quas propterea incurrerunt, auctoritate nostra, hac vice duntaxat absolvas in forma ecclesie consueta, injunctis inde eis promodo culpe penitentia salutari et aliis que de jure fuerunt injungenda, eosdemque Alanum et Mariam de Monte- Albano ad invicem cohabitandum et se maritali affectione pertractandum, prout de jure fuerit, eadem auctoritate compellas; nonobstantibus premissis ac felicis recordationis Bonifacii pape VIII, predecessoris nostri, quibus cavetur, ne quis extra suam civitatem et dioc., nisi in certis exceptis casibus, etinillis ultra unam dietam a fine sue dioc. ad judicium evocetur ; seu ne judices a sede apostolica deputati extra civitatem et dioc. in quibus deputati fuerint contra quoscunque procedere aut alii vel aliis vices suas committere presumant, et de duabus dietis in concilio generali et aliis apostolicis constitutionibus contrariis quibuscunque, aut si Alano et Marie de Monte-Albano predictis, vel quibusvis aliis communiter vel divisim a sede predicta indultum existat quod interdici, supendi vel excommunicari non possint per litteras apostolicas, non facientes plenam et expressam ac de verbo ad verbum de indulto hujusmodi mentionem.

Datum Rome, apud Sanctum-Petrum, anno Incarnationis Dominice, millesimo quadringentesimo septuagesimo quinto, septimo idus Maii, pontificatus nostri anno quarto.

Chartrier de Thouars. Orig. parch. Sceau de plomb: têtes des S. S. ap. Pierre et Paul : + Sixtus papa IIII.

1475. — Lettre de Georges de La Trémoille, pour avoir de l'argent.

A Monsieur le mestre d’oubtel Pierre de Saleignac.

Monsieur le mestre, je me recommande à vous. Le Roy m'a escrit unez letrez par lesqueles y me fault aler dehors, et me semble que sy la chose se entretient que je ne pardré pas ma peine ; et, pour ce, je vous prie que m'anvoiez le demourant de l’argent que avés de moy par se pourteur. Le Roy m'’a escrit à se matin, et fault que je soie demain vers luy. Fetez savoir au lieutenant de Synon, qui sera pelié de ses facassions de cors [et] de biens, que tous roturyers tenant noblemant en la ville de Chinon, seur pene de confycacion de cors et de biens, m'apourtent, dedans le xxvir° jour de se mois, tousse ces que y tenent noblemant et en fié en ceste ville. Et fetez bien ces que je vous ai dit ; et adieu, monsieur le mestre.

Le vostre,

CRAON

Chartrier de Thouars. Original olographe.

1475, 22 mai. — Attestation de différents capitaines touchant la reddition du chäteau de Champlite par le seigneur de La Bastie entre les mains de Georges de La Trémoille.

Pour ce que question est meue par devant monseigneur de Craon, lieutenant général du roy ès parties de Champaigne et Brye, duché de Bar et pais d’environ, à l’occasion de la prinse du seigneur de La Bastie et autres gentilzhommes, estans ou chastel de Champlite, et des biens que ilz avoient ou dit chastel, et pour en oster les différens et en faire déclairacion par mon dit Seigneur, ont esté examinez et fait faire serement d'en dire et déclairer la vérité aux seigneurs, cappitaines, chefz de guerre, gentilzhommes et autres cy après examinez et soubzscrips, qui ont esté prins, ensemble leurs oppinions et advis. Tous lesquelzs, indifféremment et sans contradicion nulle, ont dit et affermez, sur la foy et serement qu’ilz devoient à Dieu et au roy et sur leurs honneurs et consciences, le traictié fait par le dit seigneur de Craon et les cappitaines avec le dit seigneur de La Bastie estre fait en la manière qui s'ensuit; c’est assavoir que la ville et chastel du dit Champlite et tous les biens estans en la dite ville estoient et demouroient à la voulenté du roy et du dit seigneur de Craon, son lieutenant, et que le dit seigneur de La Bastie payeroit dix mille escuz pour le rachapt du corps de luy et des gentilzhommes estans avec luy ou dit chastel et aussi

pour les biens qu’ilz avoient ou dit chastel seullement, et tiendroit ostaiges le dit seigneur de La Bastie et les diz gentilzhommes jusques à entière solucion et paiement de la dite somme ; et que, pour entretenir les choses prinses, seroit envoyé de chacune compaignie dix lances dedans le dit chastel ; et que depuis pour doubte que, à l'occasion de la fureur des diz francs-archiers et autres gens de guerre qui estoient entrez en la dite ville, 1lz ne feissent aucune chose contre ce qui estoit promis, le dit Seigneur de Craon et le gouverneur de Limosin advisèrent que eulx-mesmes yroient ou dit chastel, ce que le dit Seigneur ne peult faire, pour ce que à celle heure vint ung alarme pour les Bourgongnons que l'on disoit estre prestz pour combatre et envayr l’ost du roy qui estoit à celle heure esmeu et en désordre, et se tira le dit seigneur de Craon et tous les autres cappitaines et leurs enseignes aux champs, excepté le dit gouverneur de Limosin qui ne tint compte du dit alarme et entra ou dit chastel, auquel le dit seigneur de La Bastie le mist et lui fist ouverture à luy et à ses gens en ensuivant et selon la forme du dit appoinctement. Et dient et afferment les seigneurs, chefz de guerre, cappitaines, gentilzhommes et autres, cy-après soubzscrips, sur les dis honneurs et consciences et sur les foy et serement, qu'ilz ont à Dieu et au roy, l’appoinctement traictié avoir esté fait, consenti et accordé en la manière dessus dite, et qu'il doit estre entretenu de point en point sans aucune chose en interrompre. Et en tesmoing de vérité, ilz et chacun d’eulx ont cy mys leurs seings manuelz, le vingt-deuxième jour de mai, l’an mil cccc soixante et quinze.

Charles d'Amboyse. — Gaston du Lyon. — G. de Craon. — Baudricourt. — M. Grangier. — De Maugiron.— De Balegny. — De Bosredont. — De La Palu. — Guy... — Jehan d’Amboise. — Beraud de Lyron ?

Et en oultre, nous Simon de Monstereul, escuier, seigneur de Mareilles, et Chastillon et Jonvelle, héraulx d’armes du Roy, nostre sire, certiffions et affermons en noz conciences et par la foy et serement que nous avons à Dieu et au Roy que nous avons portées toutes les parolles dessus dites d'une part et d'autre qui ont esté faictes et dictes touchant l'appoinctement dessus dit, et qu'il fut fait et appoincté tant d’une part que d’autre tout par la forme et manière que l’est cy-dessus escript et certiffié par les cappitaines et gentilzhommes. Et en tesmoing de ce, nous avons signées ces présentes de noz seings manuelz, les jour et an dessus dis.