S. DE MONTEREUL. CHASTILLON. JONVELLE

Chartrier de Thouars. Original.

1475, janvier. Plessis-du-Parc. — Louis XI donne à Georges de La Trémoille le comté de Liney, en Barroïis, confisqué sur le comte de Saint-Pol.

Loys, par la grâce de Dieu, roy de France, savoir faisons à tous présens etavenir, comme à l’occasion de certains grans, énormes et detestables cas, crimes, delitz et maléfices, commis et perpetréz par

feu Loys de Luxembourg, en son vivant conte de Saint-Pol, de Brienne, de Liney, à l’encontre de notre personne, de notre autorité et majesté royal et de toute la chose publique de notre royaume, icelui feu Loys de Luxembourg ait esté naguères declairé par arrest de notre court de Parlement, crimineux de crime de lèze Majesté et comme tel exécuté corporellement en notre ville de Paris, et avecques ce ont esté tous et chacuns ses biens meubles et immeubles déclaréz à nous forfaiz et confisquéz, lesquelz biens nous competent et appartiennent et nous soient advenuz à la dicte cause, et d’iceulx nous loise faire et disposer à noz plaisir et volunté.

Pour ce est-il que nous, aians considéracion aux très grans, louables et recommandables services que notre amé et féal cousin, conseillier et premier chambellan Georges de La Trimoille, chevalier de notre ordre, seigneur de Craon, notre lieutenant général ès pais de Champaigne et de Brye, a par cy devant faitz et fait chacun jour en grant soin, cure et diligence, à nous et à la chose publicque de notre royaume ou fait de noz guerres, en noz grans et privez affaires, que autrement en plusieurs manières, esquelles guerres il a par plusieurs foiz emploié sa personne pour la tuicion et défense de notre royaume, sans y avoir rien espargné, et espérons que encores face ou temps avenir, voulans envers luy recongnoistre les dits services, et eslever et augmenter lui et les siens en honneurs, dignitez, prérogatives et chevance, afin que ce soit exemple à tous autres, et qu’il soit tousjours plus enclin de continuer de bien en mieulx en notre dit service, à icelui notre cousin, pour ces causes et autres très grans considéracions à ce nous mouvans, avons donné, cedé, quicté, transporté et delaissé, donnons, cedons, quictons, transportons et delaissons, de grâce espécial, plene puissance et auctorité royal, pour lui, ses hoirs et successeurs, soient masles

ou fumelles, descendans de lui en loyal mariage, à tousjours, perpétuellement, notre ville, conté, terre et seigneurie de Liney, située et assise ou pais de Barroys, avec ses appartenances, appendences et deppendences quelzoonques, et pareillement tout ce que le dit feu de Luxembourg avoit et possédoit ès terres et seigneuries de Rance, d’Yerre, Saint-Pierre, Lancry, Villemoron, Saint-Mars, Bievron, le tout situé et assis ou dit pays de Barroys et ès baïllages de Troyes et de Chaumont, ainsi que les dites choses se comportent et estendent de toutes pars, tant en justice et juridiction, haulte, moyenne et basse, mere mixte et impère, hommes, hommages, fiefz, arrièrefefz, dixmes, terrages, cens, rentes, revenues, hommes de corps et de condicion, seigneurie, terres labourables et non labourables, places, chasteaulx, hostelz, maisons, granges, manoirs, préz, molins, rivières, boys, buissons, garennes, estangs, reliefz, x, ventes, quints, requints, deniers et autres drois, devoirs et doumaines quelzconques, appartenans à ladite conté, terre et seigneurie de Liney et lieux cy-dessus déclarez, avec tout le droit, nom, raison et action que ledit feu de Luxembourg avoit et povoit avoir èsdites choses et en chacune d’icelles, par avant la prononciacion dudit arrest, à nous avenuz et eschuz et appartenans par les moyens dessusdits, pour le avoir, tenir, possider et exploicter et en jouyr, par notre dit cousin le seigneur de Craon, sesdits hoirs, successeurs et alans cause, à quelque valeur et estimacion qu'ilz soient et puissent estre, et en jouyr plainement et paisiblement doresenavant perpétuellement et à tousjours,etautrement en disposer comme de leur propre héritage, sans aucune chose y reserver ne retenir pour nous et les notres, fors seullement les foy et hommage, ressort et souveraineté, et les choses ordinaires et anciennes à nous deues et à cause et pour raison des dits comptéz, terres et seigneu-

ries ; lesquelles charges notre dit conseillier et premier chambellan, ses dits hoirs et successeurs et aians cause, seront tenuz paier à eulx et ainsi qu'il appartiendra. |

Si donnons en mandement, par cesdites présentes, à noz améz et féaulx conseilliers les gens de notre court de Parlement à Paris, gens de noz comptes et trésoriers, aux bailliz de Troyes et de Chaumont, et à tous noz autres justiciers et officiers, ou à leurs lieuxtenans, présens et à venir et à chacun d'eulx, si comme à luy appartiendra, que notre dit cousin de Craon, ses dits hoirs, successeurs et aians cause, 1lz facent, seuffrent et laissent joyr et user plainement et paisiblement de noz présens don, cession, quictance et transport, en lui baïillant ou faisant baïller, dès à présent, la possession réelle et actuelle desdits conté, terre et seigneurie de Liney et autres seigneuries cy dessus declarées….

Et afin que ce soit chose ferme et estable à tousjours, nous avons fait mettre notre seel à ces dites présentes, sauf en autres choses notre droit et l’autrui en toutes.

Donné au Plessiz-du-Parc près Tours, ou moys de janvier, l’an de grâce mil nu Lxxv, et de notre règne le xv”.

Sic signatum sub plica : Loys, et supra plicam, par le Roy, l’amyral, les sires de Montagu, de Saint-Père, maistre Guillaume Picart, général, et autres présens. M. Picot. Visa. Et est scriptum, lecta, publicaia et enregistrata in quantum tangit villam, comitatum et dominium de Liney.... Actum in parlamento, XXIIT die marcit anno M° CCCC° LXX V", ante Pascha. Sic signatum : Brunat.

Collatio facta est cum originali.

Arch. nat. Xia 8607, fol. 40 »° et 41.

1476, 1“ août. Liney. — Statuts de la confrairie des archers de la ville de Liney, octroyés par Georges de La Trémoille, seigneur de Craon et comte de Liney.

George, seigneur de Craon, conte de Liney, seigneur de l’Isle- Bouchard et de Rocheffort, premier chambellain du roy, nostre sire, et gouverneur de Touraine, à tous ceulx qui ces présentes lettres veront, salut.

Savoir faisons que comme nostre ville et conté de Liney soit située et assise ès fins et termes du royaume de France, près des frontières et sur les marches de l'empire d'Allemangne, où souventeffois est advenu et advient que plussieurs gens incongneuz, arméz ou desarmés, sans cause raisonnable ou couleur aucune de fait ou de force, viennent logier en nostre dict conté de Liney et ès mectes d’icellui et pays à l'environ, par deçà la rivière de Meuze, prennent, robent et emportent ce qu’ilz puent avoir et trouver, sans de ce faire rendre ou recreance aucune, par quoy les manans et habitans d’icelle nostre dicte ville et conté laissent souvanteffois à faire [leurs voiages] et aller à leur marchandises, et pour aidier et obvier à ce et à pllussieurs autres] maléfices qui de jour en jour se poroient faire et ensuire, et [aussi pour la] garde, teuicion et deffence de nostre dicte ville et conté de Liney, soit expédient d'avoir gens de fait et de traict; nous considérans

que, en icelle nostre dicte ville, a plussieurs jeunes gens fors et habilles à l’exercice du traict de l’arc à main, garnis d’ars et de traict, lesquelz nous ont supplié et requis de leur octroyer et accorder qu'ilz puissent faire et avoir une confraternité, comme ont accoustumé d’avoir en plussieurs bonnes villes les compaignons de traict.

Nous, eu sur ce advis et deliberacion avec les gens de nostre conseil, et affin que ceulx qui seront dans la dicte confraternité puissent mouvoir aultres gens et compaignons d’estre et entrer en icelle, avons aux dessus dicts octroyé et accordé, octroyons et accordons à tous ceulx qui seront habille pour exercer [l'exercice du] traict de l’arc que, eulx et chacun d’eulx, se puissent assembler sans empleschement] aucun, de prendre, eslire et avoir la dicte confraternité et d’eslire chacun [an], au jour et feste sainct Sebastien ung maistre, deux eschevins et u[ng] doyen d’entre eulx, pour gouverner et maintenir la dicte confraternité [en tout] ce que cy après est escript et devisé.

Premiers: Que qui voldra estre con{frère] et entrer en la dicte confraternité d’iceulx archiers, il jurera et fera bon ser[ment] et loyal de obeyr au dict maïistre, eschevins et doyen, en toutes [les occasions] touchant le fait et exercice du traict de l'arc; et [ne] sera aucun reçu [de la dicte] confraternité s'il n’est bien pourveu de bon et souffisant [arc, d’June trousse de flè[ches] de deux douzaines bien empeinnéez et ferrées, au regard des dicts maïstre, e[schevins], doyen et compaignons. Et, se aucuns des dicts confrères et compaignons [archiers se] vouloient departir et yssir de la dicte confraternité de leur voulenté, [ils seroient] tenus de payer aus dicts

compaignons archiers ou à leur dict maistre dix sols [tournois] pour leur département.

Item, tous les dymanches et festes de garde [.. les dicts] compaignons archiers seront tenus d'aller aux champs pour jouer de [l'exercice] de l’arc à leurs berssaulx (cibles) et y demourront tant et si longuement qu'il plaira à leur dict maistre sans male [.....] s’il n'ont léalle essoine ou excusaltijon. Et qui deffaudra d'y estre sera à six deniers d'amende pour chacune [fois] qu'il y fauldra, duquel essoine sera creu par son simple serment fait en la main dudict maistre, eschevins et doyen. |

Item, tous ceulx qui seront de la dicte confraternité seront tenus de mectre et contribuer au premier dimanche d’un chacun moys de l’an un denier fort à leur boite, pour aidier à soustenir et maintenir leur dicte confraternité. s

Item, tous lesdicts confrères et chacun d’eux, seront tenus de venir en l’église du dict Liney quant ung de leurs compaignons espousera femme à Liney et aussi quant l'un d’eulx trespassera de ce monde, et si yront à l’uys du dict espousé et trespassé pour honneur faire à leur dict confrère s'ilz y sont semons ou non par leur dict doiïien; et ceulx qui seront deffaillant payeront pour chacune foys six deniers d'amende; et parmi ce tous ceulx qui espouseront femme de leurs dicts confrères paieront cinq solz tournois et deux paires de gans pour les dicts maïistre et doien, et pareillement le dict trespassé paiera cinq solz à la dicte confraternité.

Item, tous adjournement et rappors faiz par leur dict doien, icelluy doien en sera creuz, et qui yra contre sa relation sera à six deniers d'amende pour chacune foiz qu'il y contredira.

Item, se aucuns des dicts compaignons confrères avoient aucune noise ou débat du fait et jeu dudict arc, leur dict maistre les pourra mectre d’accort et en doibt estre creu de ce qu’il en fera et dira, et en aura la congnoissance, et qui yra contre sondict accort et

ordonnance payera douze deniers d'amende et sy se tendra le dict accort et ordonnance.

Item, et s’il advenoit qu'ilz meissent la main l’un à l’autre et se batissent, feissent sang, playe ou aultres mallefices, entre deux berssaulx, péril de mort ou mutilacion, ledict maistre en aura la congnoissance par devant luy et ses compaignons confrères pour eulx mectre en bon traictiers et accord, parmi païiant le delinquant l'admande à nous, telle comme raison et coustume de la justice de nostre dicte ville de Liney appartient.

Item, pour ce que les dicts compaignons confrères soient plus enclins à jouer de l'arc, nous, pour l'avis dessusdict, leur avons octroyé et octroions à prendre chacun an, durant leur dicte confrairie, sur nostre recepte de [Liney] la somme de soixante solz tournois quise paieront chacun an à la sainct Remy chief d'octobre. Et si avons octroié et accordé aus dicts compaignons confrères estre francz de toutes corvées, avec ce, touteffois que nostre prévost audict lieu de Liney ou aultres justiciers feront faire justice d'aucune personne à la justice des Champs, iceulx confrères archiers seront tenus d’accompaignier nostre dict prévost, officiers et bourgeois du dict Liney, jusques à la justice des Champs; et pour chacune personne qui sera exécutée voullons, octroions et accordons qu’ilz aient cinq solz tournois toutes et quanteffois que le cas y eschera sur nostre dicte recepte de Linay.

Item, voullons que la place qu'ilz ont acoustumé d’avoir d’ancienneté pour faire leur bersaulx à jouer du jeu de l'arc leur soit délivrée ; et, parmi ce que dict est, les dicts compaignons archiers seront tenus d'aller tous habilliez comme :ilz appartiendra avec nous et nos dicts officiers quant lieu et mestier sera partout où il appartiendra et qu’il sera nécessaire.

Si donnons en mandement à nostre receveur audict Linay, présent et advenir, qu'il paye chacun an aus dicts confrères archiers, ou à leur dict maistre, ladicte somme de soixante solz tournois, ensemble lesdicts cinq solz tournois pour aller à ladicte justice des Champs. Et enrapportant, pour une fois seullement, vidimus souffisant de ces présentes avec quictance de ce que payé leur en aura, il sera alloué en ses comptes, par noz chiers et bien amez les auditeurs d’iceulx, ausquelz nous mandons que ainsi le facent. Mandons en oultre à noz gouverneurs, prévost, procureur et à tous noz aultres justiciers et officiers de nostre dicte ville et conté de Liney, leurs lieuxtenans et à chacun d’eulx, si comme à luy appartiendra, que de nos dictes grâce, consentement et octroi, facent, seuffrent et laissent les dessus dicts confrères, maistre et compaignons d'icelle confrairie d'arc à main, joiret user doresenavant ou temps advenir, plainement et paisiblement, car ainsi nous plaist-il estre fait, et ausdicts compaignons et confrères l'avons octroyé et octroyons de nostre grâce espécial par ces présentes. En tesmoing de ce, nous avons fait mectre nostre seel à ces présentes.

Donné en nostre chastel de Liney, le premier jour d’aoust, l’an mil nu cxxvi. Ainsi signé, R. Nicolas et [.....] Sy avoit escript en marge ou reply d'icelluy: Par le commandement de Monfseigneur] le conte.

Collacion faicte aux lettres originaulx escriptes [en] parchemin, sainnes et enftières] en seel, escripture et signature, par moy Fran{çois]) Morel, tabellion juré ou tabellionnage dudict Liney, tesmoing mon s{eing] manuel cy mis, le dixième jour de décembre, l'an mil cccc soi[xante] dix sept.

F. MorEL.

Chartrier de Thouars. Original.

1476, 19 janvier. Selommes. — Louis XT députe l’évêque d'Alby, les comtes de Liney et de Brienne et autres, pour recevoir le serment de fidélité des habitants de Bourgogne.

Loys par la grâce de Dieu, roy de France, à tous ceulx qui ces présentes lectres verront, salut et dilection.

Comme tantost après le trespas de feu Charles, duc de Bourgoigne, en son vivant nostre frère et cousin, noz très chiers et bien amez les gens d'église, nobles, bourgeois des bonnes villes, et autres manans et habitans de nos pays, duchié et conté de Bourgoigne, cognoissant que, à nous par vraye hoirrie et succession et autres justes et raisonnables tiltres et moyens, les dits duchié et conté de Bourgoigne nous compectent et appartiennent, se soient tirez devers noz chiers et féaulx cousins les contes de Liney et de Brienne et aient offert faire en leurs mains, pour etou nom de nous, l’obéissance plaine et entière et les sermens de fidélité quilz nous doyvent et sont tenus de faire comme à leur Roy, souverain et naturel seigneur, ce que nos dits cousins aient différé de faire, parquoy soit besoing, pour les dites choses exécuter et pour estre et assister à certaine journée prouchaine, à laquelle se doivent trouver tous nos dits subjectz de nos dits duchié et conté, commectre, depputer et

ordonner de par nous gens de grant auctorité et prudence prouchains de nous et qui nous soient seeurs et féables.

Savoir faisons que nous, confians à plain des grans sens, prudence, loyaulté, vaillance, bonne conduicte, diligence et grant expérience de nozchiers et féaulx cousins, l’évesque d’Alby, les dits . contes de Liney et de Brienne et de nos améz et féaulx conseillers en nostre court de Parlement à Paris, maistre Jehan de Caulers, Guillaume Allegrin et Pierre Turquan, iceulx ou les cinq, quatre ou trois deux, dont l’ung de nos dits cousins, l’évesque d’Alby et les contes de Liney et de Brienne sera toujours présent en l’absence des autres, avons commis, depputez et ordonnez, et, par la teneur de ces présentes, commectons, depputons et ordonnons, et leur avons donné et donnons plain pouvoir, auctorité, commission et mandement espécial d'’estre, assister et tenir, pour et ou nom de nous, la dite journée et convencion de tousles dits estaz de nos dits duchié et conté de Bourgoigne, recevoir l’obéissance plaine et entière de toutes les citez, villes, chasteaux, places et forteresses, et les sermens de tous nos subjectz et habitans des dits pays, de quelque qualité ou condicion quilz soient, les entretenir, maintenir et garder de par nous en toutes leurs prérogatives, estaz, franchises, honneurs, dignitéz, noblesses et autres droiz quelzconques, les recevoir, prandre, mectre et tenir en nostre bonne grâce et bienveillance, les faire jouyr de tous leurs biens, estaz, offices et bénéfices quelzconques, et généralement de faire et besongner, en ce que dit est et ès deppendances, autant que nous mesmes ferions et faire pourrions si présens y estions en nostre personne, jacoit ce que les choses requissent povoir ou mandement plus especial, promectans de bonne foy et en parolle de Roy, avoir et tenir ferme, estable et agréable tout ce que par nos dits

2 rene © me ee

comis et depputez, ou les cinq, quatre ou trois d’eulx en l’absence | des autres, comme dit est, sera fait et besongné, et en baillerons et ferons bailler noz lectres patentes de ratificacion, confirmacion et approbacion, touteffoys que requis en serons.

En tesmoing de ce, nous avons signé ces dites présentes de nostre main et à icelles fait mectre nostre seel.

Donné à Selommes, le xix"° jour de janvier, l’an de grâce mil cccc soixante seize, et de nostre règne le seizième.

Loys.

(Sur le replis) Par le Roy, le cardinal de Foy, l’arcevesque de Reins, l’évesque d'Evreux, le duc de Calabre, les contes de Beaujeu, de Dunois, de Marle, mareschal de France, Michel Gaillart et maistre Mathieu Beauvarlet, généraulx des finances, et autres présens.