PETIT

Chartrier de Thouars. Original.

1476, janvier. — Serment de fidélité au roi de France des trois Etats du duché de Bourgogne.

En nom de Nostre-Seigneur ; Amen. Par ce présent publique instrument appert et soit notoire à tous, que, en l’an mil quatre cent

a — — — —— Cr Ne

soixante et seize, le jeudy, pénultime jour du mois de janvier, heure d'environ quatre heures après midy, au lieu de Dijon, en l’hôstel du Roy, nostre sire, en la grant sale d’icellui hostel, en présence de nous, notaire soubscripz et des tesmoings cy après nommez, les gens représentans les trois estas de ce duchié et pays de Bourgoigne assemblez en bien grant nombre pour faire obéissance au Roy, nostre sire du dit duchié, ont dit et proposé, par la voix et orgain de noble seigneur et saige messire Jehan Joard, chevalier, seigneur d’'Eschevannes et de Gatel, en addressant leurs paroles à révérend père en Dieu, monseigneur l’évesque d’Alby, nobles et puissans seigneurs, messeigneurs, messire George de La Trimouille, conte de Ligney et seigneur de Craon ; messire Charles d’Amboise, conte de Brienne, seigneur de Chaumont et gouverneur de Champaingne, maistres Jehan de Caulers, Guillaume Allegrin et Pierre Turquam, conseilliers du Roy, nostre sire, en sa court de Parlement, commis et depputez de par le Roy, nostre sire, à recevoir la dite obéissance, que iceulx des dis estas illec estant, tanten général que en particulier, congnoissent et confessent au Roy, nostre sire, estre leur souverain et naturel seigneur, pour tel le tiennent et repputent, et à luy comme leur souverain et naturel seigneur, et à ses gens et officiers, commis et depputez de par luy, veuillent et entendent doresenavant obéir, en luy mectant à la personne de mes dis seigneurs, ses commis dessus nommés, la dite duchié en ses mains. Et en signe de ce, ont les diz des estas, baiïller et délivrer à mes dis seigneurs les commis, les clefz des portes de la dite ville de Dijon, comme la chief ville et capitalle de tout la dite duchié, et ont promis et promectent les diz des estas par la voix et orgain que dessus, que ilz et chacun d'eulx, tant en général comme en particulier, seront doresenavant bons et loyaulx subjectz au Roy, et à luy, à sa justice et officiers obeyront

ee Se CS —

comme bons et loyaulx subjectz doivent faire à leur souverain et naturel seigneur, et le serviront doresenavant de corps et de biens envers et contre tous qui peuvent vivre et mourir, sans nuls excepté ne réservé. Après lesquelles choses ainsi dictes pour la partie des diz des estas par la voix et orgain que dessus, mes dis seigneurs les commis dessus nommés ont demandé par la bouche de mon dit seigneur d’Alby aux diz des estas s’ilz advouhoient ce que par le dit messire Jehan Joard avoit esté dit et proposé pour et en nom d’eulx et dont cy-dessus est faicte mencion; lesquels, tous d’un mesme vouloir et consentement, ont répondu que ouy et que ce que icellui messire Jehan Joard avoit dit et proposé par devant mes dis seigneurs les commis, avoit esté conclud et délibéré par les diz des estas d’un mesme vouloir et consentement, comme dit est. Et ce fait, maistre Jehan Bourgeois, official de Beaune, et Simon Lombart, seigneur de Millery, comparens pour très-révérend père en Dieu, maistre Jehan Roolin, cardinal et évesque d'Ostun; maistres Guillaume de Regné et Jehan de Bougy, pour révérend père en Dieu, maistre Jehan de Popet, évesaque de Châlon, révérends pères en Dieu, frère Jehan de Dijon, abbé de Cisteaulx, frère Jehan de Fonteictes, abbé de Saint-Seigne, frère Guillaume de Cussigny, abbé de moustier S' Jehan, frère Thiébault Vyart, abbé de S' Estienne de Dijon, frère Claude de Thinteville, abbé de la Ferté-sur- Grosne, frère {en blanc) de S' Moris, abbé d'Oigny, frère Pierre Margueron, abbé de Masières, révérend père messire Anthoine de Châlon, prothonotaire du saint siége appostolique et doyen de Saint Ladre d'Ostun, pour chappitre du dit Ostun; le dit maistre Jehan Bourgeois, pour chappitre de l’église de Beaune; maistre Anthoine de Rye, doyen de la chappelle de Dijon et maistre Guy Vyon, chanoine de la dite chappelle, pour chappitre d'icelle; messire :

Laurent Chotereaul, pour chappitre de Saulieu ; maistre Jehan de La Roichecte, doyen d’Avalon, et maistre Jehan Petitbault pour chappitre d'Avalon ; tous pour l’estat de messieurs de l’église.

Et pour l’estat de messeigneurs les nobles, messire Charles de Beffroymont, seigneur de Sombernom ; messire Claude, seigneur de Ternant et de la Mote de Thoisy ; messire Michault de Saugy, seigneur de Chiffey ; messire Phelippe de Courcelles, seigneur d’Auvilliers ; messire Jehan de Jaulcourt, seigneur de Villarnoul ; Hugues Rabutin, seigneur d’Espiry ; messire Guillaume de Villiers, seigneur d’Igornay ; Jehan, seigneur de Bangiz; Jehan de Clugny, seigneur de Champeculon ; messire Claude de Poquières, seigneur d'Estritigny ; messire Estienne de Saline, seigneur de Courrabeuf ; messire Emard Bouton, seigneur du Fay ; Simon Lombart, seigneur de Milliry ; messire Jehan de Clugny, bailly d'Ostun; Philibert de Boton et Jehan le Maire.

Et pour l’estat de ceulx des dites bonnes villes du dit duchié ceulx qui s'ensuignent, assavoir de la dite ville de Dijon : maistre Estienne Berbisey, l'ainsné, maieur de la dite ville de Dijon, Pierre Bonféal, Philippe Baudot, Anthoine de Loisy et Xiprien Billocart, licencié en lois, et Henry Chambellam, bourgeois et eschevins du dit Dijon. Pour la cité d'Ostun, maistre Guillaume : de Voyo et Nicolas Moreaul, licencié en lois ; et pour la cité de Chalon, maistres Jehan Simon du dit Chalon, Jehan Simon de Louhans, licencié en lois, Loys de Theseul et Anthoine Pelissonnier, eschevin du dit Chalon. Pour la ville de Beaune, Pierre Arbeleste, maieur du dit Beaune, maistre Guy Marqueron, licencié en lois, Jehan Ranviaul et Martin Besançon du dit Beaune ; et pour Nuys, maistre Estienne Le Moyne, licencié en lois, et Guillaume Godart. Et pour Chastillon, maistres Estienne Joffron, Jehan

Remont, François Symonin, licencié en lois, et Perrault Belin, du dit Chastillon. Pour Mombart, Guillaume Boursault. Pour Saulieu, Pierre Verney et Guillaume Bretainne. Pour Seumur en l'Auxois, maistre Nazaire Daubenton et Jehan Bertrand, licencié en lois. Pour Ancilon, Jacquet, François et Jehan Coste. Pour Noyers, Jehan Berthier et Amey de Morrillon. Pour Poilly en Auxois, Jehan Quillault et Nicolas Vyart. Pour S' Jehan de Loosne, Perrin L’escuier et Estienne Katherine le jeune. Et pour Flavigny, Jehan de Moreaul.

Tous lesquels dessus nommés et chacun d’eulx, tant en leurs noms, comme pour et en nom, c'est assavoir, les gens d'église pour leurs église et communaulté, et les autres des villes pour les villes et communaultez par lesquelles 1lz sont envoiés et qu’ilz représentent, et aussi ou nom de tous les autres des diz estas dessus nommés tant présens que absens, en ensuyvant ce que par le dit messire Jehan Joard a esté dit et déclairé, pour et en nom des diz estas, touchant l'obéissance dessus dite, ont fait, en présence de mes dis seigneurs les commis, seremens solennels et en tel cas accoustumez de faire, assavoir que doresenavant ilz seront bons et loyaulx subjectz au Roy,obéiront à luy et à sa justice, officiers, et le serviront de corps et de biens envers et contre tous, sans nulz exceptés ne réservé, comme bons et loyaulx subjectz doivent faire à leur souverain et naturel seigneur, le tout selon et par la forme et manière dite et déclairée par le dit messire Jehan Joard, en cryant par les diz des estas à haulte voix, et autre grant peuple illec assemblé : Vive le Roy! Et ce fait, mes dis seigneurs les commis ont remis ès mains du dit maieur du dit Dijon les clefz des portes d'icelle ville pour les faire garder pour le Roy, et luy ont fait faire serement solennel de garder et faire garder la dite ville pour le dit

seigneur envers tous et contre tous qui peuvent vivre et mourir, sans nul excepter, tant par luy que par celluy ou ceulx qu'il appartiendra. De toutes lesquelles choses mes dis seigneurs les commis ont quis et demandé à nous les dis notaires instrument au profit du Roy, nostre sire, que leur avons ouctroié et mis en ceste forme.

En tesmoingnaige desquelles choses, nous, les dis notaires, avons requis et fait mectre à ces présentes le seel du Roy, duquel l’on use aux contraulx royaulx en sa ville du dit Dijon. Présens révérend père en Dieu, monseigneur l’évesque et duc de Lengres, per de France et chancellier de l’ordre du Roy, hault et puissant seigneur, monseigneur le prince d’Oranges et seigneur d’Arlay, Yvon d’Illiers, conseiller et chambellam du Roy, Pierre de Lautrec, Jacques de Bois, viguier d’Alby, escuiers, et plusieurs autres tesmoings ad ce appelés et requis.

Et depuis, assavoir le darnier jour du dit présent mois, heure d'environ huit heures avant midy du dit jour, en l’hostel de mon dit seigneur le prince, en présence de nous les dis notaire, sont venuz devers mes dis seigneurs les commis de par le Roy, nostre sire, les nommez cy-après, assavoir messire Phelippe de Hocberge, seigneur de Baudeville de S' George et de Seurre ; messire Phelippe de Crux, seigneur de Trouhans ; messire Guy de La Baulme, seigneur de La Roiche-Duvanneaul ; messire Alixandre de Saulx, seigneur de Ventoux ; messire Claude de Mailly, seigneur d’Acelot; messire Simon de Mailly, seigneur d'Arc sur Thille; messire Girard de Rossillon, seigneur de Clomon ; Jacques Regnard, seigneur de La Chaulme ; messire Jehan du Saulx, seigneur du Mex; messire Jehan, seigneur de Champdro ; Pierre de S' Seine, seigneur de Rosières ; messire

ee — — A ———— — —

Erard de Saulx, seigneur d’Orram ; Odille de Montjeu, seigneur d'Ognay ; messire Jehan de Fontecte, seigneur de Verrey ; messire Oudot de Malan, seigneur de Lux ; Pierre d'Achey, seigneur de Vesurote ; messire Phelippe Bouton, bailly de Dijon ; messire Jehan de Rupt, bailly de Chalon ; messire Hugues de Thoisy, seigneur de Mymeures, bailly d'Auxois ; Humbert de Montigny, seigneur de Vergey ; messire Alixandre de Saulx, l'ansné et le jeune ; messire Phelippe de Scorrey ; messire Regnier Pot, commandeur de Châlon, tant en son nom comme pour et en nom de ses frères; Charles Perron, seigneur de Mypont; Jacot de Benières, seigneur de Horches; Guillaume de Morbeuf ; Estienne de La Palu, seigneur de Meilly ; Guillaume Poinsot, seigneur de Montigny ; messire Claude de Blésy, seigneur de Coulches ; Helion de Granson, filz de messire Simon de Grantson, pour son père; Jacques de Vichy, filz de Claude de Vichy, seigneur d’Agencourt; et Estienne de La Palu, seigneur de Meilly. Tous lesquels dessus nommés et chacun d’eulx, ont fait le serement ès mains de mes dis seigneurs les commis dessus nommés tel et semblable comme l’avoient fait les autres des dis estas cy-dessus nommés. Et de ce mes dis seigneurs les commis ont quis et demandé à nous les diz notaires, instrument, pour et au prouffit du Roy, que leur avons octroyé, présent les diz messires Jehan Joard, Michiel de Sangy, Jehan Jaquelin, messire Phelippe de Courcelles, chevalier, seigneur de Pollans, et plusieurs autres, tesmoings ad ce appelés et requis.