C. DAGONELLE. CHEVALIER
Chartrier de Thouars. Original.
1476, mars. — Mandat de la somme de on7e francs par Georges de La Trémoille au profit de Charles de Saint-Seine, écuyer, pour voyage « touchant aucunes matières secretes ».
George de La Trémoille, conte de Ligny, seigneur de Craon, lieutenant et gouverneur général du Roy ès pays de Bourgongne, Jehan Vurry, receveur général de Bourgongne, nous vous mandons, de par le Roy, que des deniers de votre recepte vous payés et délivrez à Charles de Saint-Seigne, escuier, seigneur dudict lieu, la somme de onze frans, monnoie courrant en Bourgongne, qui deue luy sont pour ung voyaige par luy fait de notre ordonnance et commandement, ou présent mois de mars, dans la ville de Dijon, au lieu d’Amancé, devers le seigneur de Montagu, pour les affaires du Roy, touchant aucunes matières secrètes, dont ne vuoillons estre faicte autre déclaration ; en faisant lequel voiaige il nous a certiffié avoir vacqué par l’espace de huit jours entiers, commenceant le huitième jour dudict présent mois de mars et finissant
continuellement ensuivant, qui au pris pour chacun desdits huict jours, de sèze gros demi dicte monnoie, que luy avons toxé ettoxons par ces présentes, valent iceulx huit jours la devant dicte somme de unze francs dicte monnoie, laquelle somme par rapportant avec ceste quittance dudict Charles de Saint-Seigne, par laquelle il certiffiera en sa conscience avoir vacquez lesdicts huit jours entiers pour les causes que dessus, icelle somme vous sera passée et allouée en la despense de vos comptes par les gens des comptes du Roy à Dijon ou autres qu’il appartiendra, ausquels mandons que ainsi le fassent sans difficulté.
Donné soubz notre nom et seel armoyé de nos armes, le jour de mars, l’an mil quatre cent soixante et sèze.
Signé : CRAON.
Archives départementales de la Côte-d'Or. Chambre des Comptes, B 11,888.
1477, 29 mai. — Certification touchant le bois de la Vraie Croix trouvé dans l'église de Ray.
Aujourd’huy, vingt neuvième jour du mois de may, l'an mil quatre cent soixante et dix-sept, en la personne de nous Robert de Balsac, escuyer, séneschal d'Agenois, Guillaume Gouffier, chevalier, seigneur de Boissy, Regnault du Chatellet, bailly de Sens, Louis de
La Haye, seigneur de Chatel, Ruan de Bellegarde, escuyer, Arthur de Vauldray, chevalier et seigneur de Saint-Falle, Louis de La Pallu, seigneur dudit lieu, Odet d'Avais du Dordame, escuyer, eschanson du Roy et seigneur de Queuce de Mouton, noble et puissant seigneur, monseigneur, messire Georges de La Trémoille, chevalier, seigneur de Craon, comte de Liney, lieutenant et gouverneur général ès pays de Bourgogne, a interrogé et fait jurer par serment solemnel Gauthier de Mont-Saint-Ligier, escuyer, chatelain de Ray, messire Guillaume Charrotines, doyen et chanoine de l’église du dit Ray, assavoir si la Vraye Croix, qui a été trouvée en la ville et chatel du dit Ray, à la prise d’iceux, faite par les gens du Roy, mercredy passé, vingt septième jour du dit mois de may, appartenoit à l’église, ou au seigneur du dit Ray, lesquels Chattelain et doyen sus-nommez, en la présence de nous, de leur pure, franche et libérale volonté, sans force ou contrainte aucune, après le serment par eux fait, ont dit, déposé et affirmé que la dite Vraye Croix n'appartint oncques à la dite église du dit Ray, mais appartenoit seulement au seigneur du dit lieu, et que passé a deux cents ans, par luy dit seigneur du dit Ray avoit été acquise et conquestée outre mer, et par luy pourtée ou envoyée au dit Ray. En tesmoing de laquelle chose, nous dessus-nommez, avons signé ces présentes de nos seings manuels cy mis, l’an et jour dessus dits.
Ainsi signé : Robert de Balzac, G. Gouffier, R. du Chatel et La Haye, Ruand de Bellegarde, Odet d’Avais,de Vaudray, de La Pallu.
Collationné à l'original par moy conseiller, secrétaire du Roy, maison et couronne de France et de ses finances.
