XLVIII
1477, 9 février. — Lettre du Rot au stre de Craon et au comte de Brienne, sur un partage de butin et l'emploi de sa moitié.
A nostre amé et féal cousin, conseiller et premier chambellan le sire de Craon, comte de Ligny, et à nostre amé et féal conseiller et chambellan le comte de Brienne, gouverneur de nostre pais de Champagne. |
Messeigneurs les comtes, j’ay receu vos lettres et vous mercye de l’honneur que me voulez faire de me mettre à butin entre vous. Je veux bien que vous ayez la moictié de l'argent de reste que vous avez trouvé, mais je vous prie que le surplus vous me fassiez mettre ensemble, et vous en aidez à faire reparer les places qui sont sur les frontières des Allemans, et à les pourveoir de ce qu'il y sera nécessaire, en façon que je ne perde rien ; et s’il ne vous sert de rien, je vous prie, envoyez le moy. Touchant les vins du duc de Bourgongne qui sont en ses celliers, je suis content que vous les ayez.
Escript à Péronne, le 1x° jour de febvrier.
Loys.
J. MEsxe.
Chartrier de Thouars. Copie.
1477. — Extrait des comptes de Jean Vurry, receveur général des finances de Bourgogne.
A nobles et puissants seigneurs, messire George de La Trémoille, conte de Ligny, seigneur de Craon, gouverneur de par le Roy des pays de Bourgoingne, et Charles d’Amboise, conte de Briene, seigneur de Chaulmont, lieutenant général du Roy et gouverneur de Champaigne, la somme de 24.354 livres tournois, laquelle somme, après la possession par eulx prinse pour le Roy, nostre sire, desdicts pays de Bourgoingne, et qu'ilz eurent veu l’estat de Jehan Vurry, receveur général avant nommé, pour lequel estat trou vèrent qu'elle demeuroit en ses mains, et icelle receurent comptant dudict receveur général, dont par leurs lectres lui promirent faire acquiter envers le Roy, nostre dict sire, de laquelle somme ilz baillèrent et distribuèrent au paiement et soulde d'aucuns des gens de guerre du Roy, nostre dict sire, à la morte paie et francs archiers, environ la somme de 2.750 livres tournois, et laquelle somme de 24.354 livres tournois, le Roy, nostre dict sire, par ses lectres patentes, signées de sa main, et de maistre Marc Picot, son secrétaire, données à Hesdin, le dixiesme jour d'avril, mil quatre cent soixante et dix-sept, après Pasques, pour les causes et considérations contenues en icelles, a donnée aus dicts seigneurs, mesmement ce qui en povoit estre demeuré de reste en leurs mains pour la départir entre
eulx par égales portions ; et d’icelle somme le Roy, nostre dict sire, en a quicté ledict receveur général par lesdictes lectres patentes signées de sa main, comme dict est, en mandant à messeigneurs des comptes à Dijon que ladicte somme de 24.354 livres tournois ilz allouent et emploient en la despense des comptes dudict receveur et rabattue de sa recepte, comme appert par lesdictes lettres patentes du Roy, nostre dict sire, cy rendues, avec lectres de recongnoissance desdicts seigneurs d'avoir receu lesdicts vingt-quatre mille trois cent cinquante-quatre livres tournois, pour ce, CY. . . . . . . . . . + + 24.354 liv.t.
Archives départementales de la Côte-d'Or. Chambre des Comptes de Dijon. B 1778, fol. 218.
1477, 24 mars. Arras.— Lettre du Roi, accordant au sire de Craon des terres et des places.
A nostre amé et féal cousin, conseiller et premier chambellan le sire de Craon.
Mons’ le conte, J'ay receu les lettres que m'avez escriptes par Merlin et luy ay fait response sur tout ; et, pour ce, je vous prye que le vueilley croire de ce qu’il vous dira. Au surplus, touchant les terres et places que vous demandez et dont Cravant m'a parlé,
prenez-en ce que vous en vouldrez ; maiz, je vous prye, n’en ostez point à gens dont il me peust venir inconvénient; et en deppartez à ceulx qui vous semble qui me puent servir, et entretenez tout le mieulx que vous pourrez. Et adieu.
Escript en la cité d'Arras, le xxur° jour de mars.
Loys.
