III

1640. Janvier.] — 178 —

pourquoy. J'abrège donc , pour prier Dieu pour vostre grandeur et prospérité, comme estant de coeur et d'âme , Monseigneur ,

de vostre Altesse très-humble, très-obéysant et très-fidèle serviteur ,

FRANÇOIS D'AERSSEN.

De Londres, ce 19 janvier 1640.

LETTRE IIL \\1

M. de Heeiwliet au Prince d'Orange. Négociations; il désire agir de concert avec M. de Sommelsdyck.

Monseigneur. Depuis ma dernière du 13 de ce mois, j'ay presque eu tous les jours conférence avec Mr de Vaen, et devant hier avec S. M. mesme.

Tous ceulx avec Mr de Vaen ont tendu à luy faire entendre, par des raysons évidentes et très-considérables , que S. M. debvoit consentir ma demande de l'aisnée et que mesmes ses l messieurs de la Royne-mère ne m'avoyent jamais parlé n'y escrit que de la première; que je le priois et suppliois de tesmoigner sur ce subject son affection par les bons offices qu'yl y poulvoit rendre, et que V. A. le recognoistreroit particulièrement par des bienfaits envers les siens, et par son service, lorsqu'yl luy plairat l'employer. Il me protesta qu'yl le feroit, qu'yl accordoit et comprenoit mes raisons; mais devant-hier me vint dire qu'yl ne voyoit du jour pour l'aisnée, et que, si je voulois parler de la seconde, qu'yl croyoit que nous serions bientost d'accord. Je luy dis que je n'avois charge que pour l'aisnée ; il me dict le Roy parlera à vous , à ce soir dans le cabinet de la Royne. Je m'y trouvé ; le Roy entre , s'adresse à moy. Je dis que j'avois supplié à Mr de Vaen de remonstrer à S. M. que V. A. ne faisoit aucune différence de la qualité n'y grandeur de mesdames ses filles, mais que l'unique raison que je parlois de la première

i ces.

179 — [1640. Janvier.

estoit l'âge; que le bien de la maison de V. A. et de nostre Estât consistoit totalement en avoir lignée; que son Altesse, le jeune Prince, auroit bientost quatorze ans et que, par ceste dernière triste nouvelle, yl estoit de rechef le fils unique , et aussy que tout ce qui en estoit à espérer de ceste alliance, tant pour le service de S. M. que le bien de nostre Estât , en dépendoit; qu'yl ne m'appertenoit à pénétrer les desseins que S. M. en poulvoit avoir, mais que j'osois dire que madame sa fille n'en feroit jamais alliance où elle seroit plus honorée et chérie, ny S. M. plus servy et de laquelle ses subjects en receveroyent plus de satisfaction et contentement. Le Roy me dict: „je ne doubte ou monsieur le Prince sera content de la seconde, il le tesmoigne par ses lettres, et s'a esté mon intention comme j'ay tousjours dict à ses ' messieurs ," et que sa seconde fille auroit bientost cincq ans, et que l'aisnée n'estoit que dans la septième , que le Prince n'avoit pas tant d'années. Je dis: „Sire, quatorze ans, le 26 du mois de may à venir, et ses l messieurs ne m'ont jamais parlé n'y escrit que de la Princesse aisnée." Le Roy me respond: jjSes1 messieurs m'ont asseuré que vous seriez trèscontent de la seconde, et aussy n'a-t-yl plus de différence d'âge que de neuf ans, le mesme qui est entre la Royne et moy." Je dis: „Sire, quand à ses messieurs, j'ay leur cyfre, tous leurs lettres et les miennes, et mesme mon journal, je suis prest à les monstrer à, V. M. ou à Mr de Yaen, afin que V. M. voye ou sache que cela n'est point." „Je le crois,'' dit le Roy, „et ay aussi bien jugé depuis vostre premier voyage qu'yls m'ont montré des fausses lettres, car ils me dirent choses les plus extravagantes qu'on peult s'imaginer et vous me tesmoigniés allors le contraire." Je fis encor une instance et après que, si son Altesse, le jeune Prince, avoit 27 ans et madame 18, comme leurs Majestez avoyent, que j'estois bien asseuré que V. A. ne parleroit de l'âge, mais qu'icy la distance de neuf ans estoit entre 14 et 4 ou 5 ans. Là-dessus 1 ces.

1640. Janvier.] — 180 —

S. M. me demanda si j'avois ordre pour la seconde. Je dis que non: il me respond: „je ne sçaurois pour la première, je vous parle rondement, et vous prie (je dits les mots qu'yl a pieu à S. M. me dire) d'escrire à monsieur le Prince pour en avoir. Je ne veux marchander avec monsieur le Prince, je l'estime trop; je ne le faict pas pour vos Estats, mais seulement pour son amitié, et je vous recommande le tenir encor secret, et de ne rien dire à ses Messieurs ny à personne." Et comm'yls entrèrent deux milords, S. M. me dict: „je n'ose plus parler à vous, pour ne donner soupçon." Un peu après je sortois et allois trouver Mr de Vaen, qui estoit encor à la cour, et à qui le Roy depuis avoit parlé, car yl me dict à son entrée: „le Roy et la Royne m'ont encor commandé de vous dire qu'yls sont marry de ne poulvoir parler à vous , comm' yls désirent, mais cela sera cy-après." Je luy répétois tout; il le sçavoit et me dict: „je vous conseille d'escrire à Son Altesse pour la seconde, car je vois bien qu'yl ne changeront pas." Je dis tout ce que je poulvois, et de l'aversion du peuple , et des meschancetés et ruses de ceste nation contre ce Royaulme, et mesmes encor contre la personne de S. M. durant la vie du feu Roy, quand Hinijosa et Carondelet vindrent icy, et que cela n'estoit point effacé hors la mémoire de plusieurs. Il me respondit qu'il estoit vray, et qu'yl en estoit aussy marry que moy que cela ne poulvoit estre. Je luy demandois si je ne poulvois le communiquer à Mr de Sommelsdyck; qu'aultrement je craignois que quelque jours il pourroit dire aus Estats, que, si je luy eusse donné ouverture de l'affaire, que, par des raisons pregnantes, yl eust bien faict condescendre leurs Majestés pour la première. Il me demandoit si j'avois ordre de le communiquer à Mr de Sommelsdyck. Je luy dis: „ouy, mais avec ceste réserve si S. M. le trouvoit bon;" que je luy donnerois la lettre et parlerois de l'affaire. Il me dict: „nous parlerons encor demain." Je le suppliois encor de monstrer son affection en ce subject et, s'yl trouvoit bon, que je parlerois à la

[1640. Janvier.

Royne. Comme j'estois pour me retirer, me parla de rechef de l'affaire de Mr de Sommelsdycq. Je le suppliois, au nom de Dieu, de luy faire avoir une bonne responce et qu'yl ne me mesleroit dans aucun affaire

d'Estat Je diray aussi à Y. A. que Mr de Vaen trou-

voit bon que je dirois à la Royne-mère la difficulté pour la première et que je la supplierois de parler à la Royne sa fille, ce que j'ay faict, et allégué mes raisons, qui me firent demander la première. S. M. nia promis d'apporter tout ce qu'elle pourra à y induire la Royne sa fille, mais m'a dist qu'elle croyoit que la Royne sa fille estoit en traitté pour l'aisnée avec la Royne sa fille d'Espagne. Je manderay à Y. A. ce que demain Mr de Yaen me proposera, et demeure, Monseigneur,

de Y. A. très-fidèle et très-obéissant serviteur,

d'heenvliet.

Le 20 janvier 1640, de Londres.

* LETTRE DLXXII.

M. de Sommelsdyck et M. Joachimi au Prince d'Oranye. Entretien avec le secrétaire d'Etat Coke.

Monseigneur! Depuis celle du 12 nous avons tousjours demeuré attendre la response du Roy, jusques au 18, que, l'ennuy nous ayant prins de tant de remises dont on nous menoit, nous fusmes en fin nous-mesmes presser M. le secrétaire Koke de nous en voulloir tirer, lequel là-dessus nous dit tout ingénuement qu'il n'y avoit point encor esté pensé, qu'il en feroit ressouvenir au Roy et le prieront d'assembler quelques uns de son conseil, pour en délibérer avec eux, mais que devions considérer les autres plus grands affaires qui se rencontrent, comme du parlement d'Escosse et de France et semblables, qui demandent du temps. Nostre repartye, Monseigneur, fut, que ne désirions que la bonne grâce de S. M. , avec une dé-

1640. Janvier.]

fense à ses subjects de ne servir l'Espagnol contre nous, par l'apport des marchandises de contrebande, réglées au traicté de Suthampton. „Les vostres ," fit-il , „en donnent l'exemple, et encor depuis trois jours avons eu lettres d'Espagne, qu'ils y auroyent aramené grande quantité de poudres et traicté de la vente de navires ;" changeant avec cela de matière, se mit à nous dire avoir feuilleté ses papiers et n'y avoir plus trouvé aucun traicté d'Estat entre cette couronne et les Provinces-unies , bien quelques réglemens au seul faict du commerce ; qu'il seroit bon d'en demander un au Roy pour la défense commune , comme aussy de reprendre les arrhemens de celuy, qui est jà esbauché entre la France, l'Angleterre et nos dictes provinces, et de penser au rhabille ment de nostre différent avec le Roy de Denemarck ; que , sy sa response a esté quelque peu brusque, qu'au dire de Mr Rhoe ' elle se pourroit encor raddoucir, mais que les Roys ne vuellent estre traictés de la façon. Nostre solution fut que , par les loix de l'Estat, tel commerce illicite est punissable et confiscable, que le contraventeur en encourt les peines, s'il vient à estre descouvert. Par après , qu'il a raison qu'il n'y a plus d'autre alliance que celle de Sudhampton, qu'en avons aussy proposé à S. M. le choix d'une nouvelle, mais que, pour les autres négotiations, nous n'en avions instruction, ny pouvoir, et partant le priasmes de nous ayder à vuider simplement ce qui est directement de nostre commission. C'est, Monseigneur, à quoy en sommes demeurés, sans apparence de passer plus avant de long temps; car on prétend , ce semble, de faire de nostre légation une dépendence des affaires et difficultés avec lesquelles elle n'a rien de commun, que pour marchander de nostre présence ailleurs. V. A., s'il luy plaict, nous donnera ses intentions là-dessus , veu que ces longueurs vont sans bout, mais non sans but. — On doubte de la venue des Escossois, à cause de la chaude alarme qu'ils prennent des grands préparatifs pour la guerre qu'ils

1 Thomas Roe (1580 — 1644) ambassadeur d'Angleterre en Danemarck.

— 183 — [1640. Janvier.

voyent en leurs confins. Le marquis de Velada est attendu en cette cour, pour y résider ambassadeur du Roy d'Espagne; cet incident reculera encor les affaires, tandiz qu'on est sur les propos des mariages, qu'il fera durer en filant. Mr l'ambassadeur de France, ayant eu permission de s'en retourner, prend ce jourdbuy congé du Roy; son départ nous est nuysible, car il avoit ses entrées libres en la cour et en pénétroit les desseins et intrigues; son successeur, à ce qu'il nous a dict, ne se nommera qu'après sa relation. Nous prions Dieu de donner à V. A. Monseigneur, en prospérité, très-longue vie.

De V. A. très-humble, très-obéyssant et très-fidèles serviteurs ,

FRANÇOYS D'AERSSEN. ALB. JOACHIMI.

De Londres, ce 22 janvier 1640.