Sauvages ou champêtres ; du latin ramus

On me souloys ( i) pour les prendre, entremettre A faire briez (2), ou cages pour les mettre ; Ou transnouoys (3) les rivières profondes, Ou r'enforçoys sur le genoil les fondes (4), Puis d'en tirer droict et loing j'apprenoys, Pour chasser loups et abbattre des noix.

O quantes foys aux arbres grimpé j'ay

Pour desnicher ou la pye ou le geay,

Ou pour jetter des friycts ja meurs et beaulx

A mes compaings, qui tendoient leurs chappeaux!

Aucunes foys aux montaignes alloye,

Aucunes foys aux fosses devalloye,

Pour treuver là les gistes des fouynes,

Des hérissons ou les blanches hermynes :

Ou pas à pas le long des buissonnetz

Alloys cherchant les nids des chardonnetz

Ou des sereins, des pinsons ou lynottes.

Desjà pourtant je faisoys quelques nottes

De chant rusticque (5), et dessoubz les ormeaux,

Quasi enfant, sonnoys des chalumeaux.

Si ne scauroys bien dire ne penser,

Qui m'enseigna si tost d'y commencer,

Ou la nature aux Muses inclinée,

Ou ma fortune en cela destinée

A te servyr : si ce ne fut l'ung d'eulx,

Je suis certain que ce furent tous deux