CHAPITRE V
Voyageant vn jour, mon frère, sieur de la Brousse, et moy, durant nos guerres ciuiîes, nous renconstrasmes vn gentil-homme de bonne façon ; il estoit du party contraire au nostre, mais je n'en sauois rien, car il se contrefaisoit autre; et le pis de ces guerres, c'est que les cartes sont si meslées, votre ennemy n'estant distingué d'auec vous d'aucune marque apparente, ny de langage, ny de port, nourry en mesmes loix, mœurs et mesme air, qu'il est malaisé d'y éuiter confusion et désordre. Cela me faisoit craindre à moy-mesme de rencontrer nos troupes en lieu où je ne fusse connu, pour n'estre en peine de dire mon nom, et de pis à l'aduenture, comme il m'estoit autrefois aduenu; car en vn tel mesconte je perdis et hommes et cheuaux, et m'y
tua Ion misérablement, entr'autres, un page gentil-homme italien que je nourrissois soigneusement ; et fut éteinte en luy une très belle enfance et pleine de grande espérance. Mais cettui-cy en auoit vne frayeur si éperdue, et je le voyois si mort à chaque rencontre d'hommes à cheual et passage de villes qui tenoient pour le roy, que je deuinai enfin que cestoient alarmes que sa conscience lui donnoit. Il sembloit à ce panure homme, qu'au trauers de son masque et des croix de sa casaque on iroit lire jusques dans son cœur ses secrettes intentions. Tant est merveilleux l'effort de la conscience: elle nous fait trahir, accuser et combattre nous-mesmes, et à faute de tesmoin estranger, elle produit contre nous : ce conte est en la bouche des enfants. Bessus Pœonien, reproché d'avoir de cgayeté de cœur abattu un nid de moineaux, et les auoir tués , disoit auoir eu raison, parceque ces oysillons ne cessoient de l'accuser faussement du meurtre de son père. Ce parricide jusques lors auoit esté occulte et inconnu ; mais les furies vengeresses de la conscience le firent mettre hors à celuy mesme qui en deuoit porter la pénitence. Hésiode corrige le dire de Platon, que
la peine suit de bien près le péché, car il dit qu'elle naist en l'instant et quant et quant le péché. Quiconque attend la peine , il la souffre, et quiconque l'a méritée, l'attend. La meschanceté fabrique des tourments contre soy. Comme la mousche-guespe picque et offense autruy, mais plusque soy-mesme, car elle y perd son aiguillon et sa force pour jamais ; les cantharides ont en elles quelque partie qui sert contre leur poison de contrepoison, par vne contrariété de nature. Ainsi à mesme qu'on prend le plaisir au vice , il s'engendre un déplaisir contraire en la conscience qui nous tourmente de plusieurs imaginations pénibles, veillants et dormants.
Apollodorus songeoit qu'il se voyoit écorcher par les Scythes, et puis bouillir dedans vne marmite, et que son cœur murmuroit en disant : Je te suis cause de tous ces maux. Aucune cachette ne sert aux méchants, disoit Épicurus, parcequ'ils ne se peuuent assurer d'estre cachez, la conscience les découurant à eux-mesmes, comme elle nous remplit de crainte ; aussi fait-elle d'asseurance et de confiance. Et je puis dire avoir marché en plusieurs hasards d'vn pas bien plus ferme, en
