FR

VIE DE

Quant deuiers la mer repairoient, Chieus vns hostes qui la manoit, Qui volentiers les receuoit,

Et il y passoient souuent,

Car ne pooient autrement Viande auoir en la maison.

L'ostes dont j'ai fait mention

Ot vne fille bielle et gente.

Li diaubles, qui cascun tente, La mesquine tant demena

Κα peciet le conuoia

A .j. cheualier dou pais

Qui de s’amour estoit soupris.

Celle engrossa quant ot concut Et lit peres s’en apiercut.

A mieruelles en est maris; Conmande li a et requis

Que verites ne soit celee, Conment pecies l’a encombree.

Celle qui s'owit coniurer

N'osa le cheualier nonmer

De cui elle auoit conceu,

Ne sai s'il li ot deffendu; Dollante fu et esbahie

Et diaubles qui l’auoit saisie

Ne se voet tant de rien pener Conme de preudonme destourber.

S'une ame prent en dieu repos, Pour celui a le coer si gros,

Ne voet cesser en mal endroit Se l’ait saisie en son destroit.

En tant de tours mal li pourcace, N'est hons qui dire le vous sace; Celi remplist si de hoisdie

Que la verite a guerpie; Cremour de pecies ne viergongne Ne le destourne, ne mencongne.

Quant voit que ses peres l’arguoit Qui en fin sauoir le voloit, Respondut ἃ conme dieruee :

Ja ne vous en feray celee;

Bien connissies frere marin

Qui a le fois sour cest kemin Avoecq le car de l’abeie

Cheens prist herbergerie :

De lui encainte et grosse sui, Ains d'autre toucie ne fui;

Par boisdie m'a decheuwe, Dolante en sui et espierdue,

Car religieus le tenoie

Et volentiers a lui parloie;

Mais tant subtis est en malisce