ANCIENNE TOUR DE LA JUSTICE SEIGNEURIALE DE BOBIGNY
BOBIGNY
alèrent au bordeau de Tiron, ou quel ils prindrent une iille de péché qui illec seoit, la quelle ils menèrent boire à la ville de la Pissotte prez les vignes du bois de Yincennes, et avecques eulx estoit un compaignon nommé Perrin de Creux. Esquelles vignes et en sa présence y celluy de Saint-Cloud et aussi le dit de Creux orent compaignie charnelle à la dite fille; et après ce, d’un gros échalas qu’il print en y celle vigne, fery y celle hile un coup sur la teste, du quel elle chey à terre; et ce fait s’aproucha d’icelle hile et d’un petit coustel qu’il avoit à sa sainture lui coupa la gorge. La quelle morte, lui qui parle et le dit de Saint-Cloud devestirent et despouillèrent, et la robe que elle avoir vestue, portèrent vendre, es villes de Saint-Cloud et de Mantes, ne scet combien. Lequel Jehannin recupt l'argent dicelle robe et n’en ot oncques, lui qui dépose, denier aucun à soi, parce que tout feust beu, mengé et dépendu par euxl ensemble. En alant à la quelle ville de Mantes y celluy de Saint-Cloud demanda a lui qui parle s’il n’avait point de tonsure rasée; et il lui dist que non, et que oncques n’en avoit point porté. Et pour ce par le conseil du dit de Saint-Cloud et pour esviter la juridicion et punicion de la court temporelle rist lors fere sa première couronne ès fosbours de la dite ville de Mantes à un barbier qui lors y demouroit.
« Item, dist qu’il a oy dire à un nommé le Beaubarbier qui reppaire en la place Maubert et est un très grant homme aagé de. XXX ans ou environ que lui et un nommé Gilet le Bourguignon, du quel il n’a aucune congnoissance , rompirent le tronc de saint Ladre environ la Nostre-Dame en septembre darrenierement passée et dit que y celui Beaubarbier lui montra l’argent qu'il en avoit tiré en lui disant : Regarde, c’est de l’argent du tronc de saint Ladre. Moy, le dit Gilet et Raoulet de Laon dit la Grue dessus dit, en avons eu nostre part. Ne scet il qui dépose ce qu’il pouvoit avoir d’argent en la main d’ycelluy Barbier, parce qu il ne le compta pas, maiz il se recorde bien qu'il n’y avoit point d’or.
n Item, dist que environ un pou apres Pasques darrenièrement passées, que lui et Jehannin du Boys qui est un varlet servant, qui va partout, aagé de XXVI ans ou environ, se partirent de la ville de Montargis, en leur compaignie un jeune home de bel estât nommé Jehannin le Normant, vindrent ensemble jusque à Villeneuve Saint George en la quelle ilz trouvèrent les dessus diz Beaubarbier et Saint-Cloud, beurent
illec ensemble tous cinq; et, en venant à Paris, Beaubarbier dist à lu1 qui parle qu’il ameroit mieulx estre pendus qu’il venist à Paris ainsi mal vestus qu il estoit, et le Normant devant dit feust si bien vestus qu’il estoit. Lors y cellui Beaubarbier et lui qui parle, estans environ les vignes de Vittry, prindrent complot ensemble de tuer y cellui Normant. Et quant ilz vindrent au dehors d’icelles vignes, il qui parleod’un bâton qu’il tenoit, fery le dit Normant un coup par la teste du quel il le list cheoir à terre, ez blez estans au plus prez du chemin, et Beaubarbier le acheva de tuer d'une grosse pierre qu’il trouva à ses piez, de la quelle il fery plusieurs coups le dit Normant sur la teste; et dist qu'il estoit environ une ou deux heures de la nuit quant le dit fait fut fait et accompli. Lequel Normant ils devestirent, et des biens d’icellui, ot à sa part un petit fermeillet d’or, qui estoit attaché à un chappeau de bièvre que portoit sur sa teste le dit Normant ; le dit Jehannin du Bois, le chappeau de bièvre ou estoit attaché le dit fermeillet d'or; le dit de Saint-Cloud, deux paires de chausses semelées et une longue houppelande de drap vermeil fourrée de gris rouge ; le dit Beaubarbier, un manteau doublé à usage de homme court, de drap de vermeil par dehors et de noir par dedans; avecques environ VII francs en or et en argent, que ilz beurent et mengèrent, et despendirent celle nuit qu’il fu tuez, ensemble en la ville de Paris, ou ils vindrent boire, n'est record du lieu, ne de la taverne, le juppon du quel murdy, y cellui de Saint-Cloud print et vendi le lendemain en la ville de Saint-Cloud XII francs, lesqueulx ilz burent et despendirent ensemble au dit lieu le lendemain matin du dit fait et murdre advenu.
1 1 Item, dist que, en aoust darrenièrement passé, et un an ou environ, lui et le dit Beaubarbier et Perrin le Breton repairant en la rue des Escouffes à Paris, et le quel est de la cognoissance du seigneur (à l’enseigne) des Bouteilles du dit lieu, marchand de peaulx de mouton, a fere parchemin, et un nommé Gillet le Bourguignon repairant partout, se partirent de la ville de Paris, en entencion d’aler gaigner, et eulx estans au delà de la ville de Vauderland, à une lieue prèz de Louvres en Parisy, ainsi comme entre nuit et jour, trouvèrent un marchant qui menoit sel sur un petit cheval fauvelet à courte queue; le quel nomme et le dit Perrin Breton prindrent aus corps et le abatirent a terre de dessus son dit cheval, et illec le ferirent de plusieurs coups de cousteaux, et tant qu il fu tuez, en
BOBIGNY
la bourse ou tasse du quel homme ilz prindrent VII blans. Le quel homme mort et le sel qu'il menoit, ils laissèrent illec, sanz deveslir y cellui homme ne desrober autrement; et le dit cheval menèrent en la ville de Mante, en la quelle ils vendirent un ou deux jours après le dit fait advenu à un homme qui estoit de la cognoissance du seigneur (de l’enseigne) du Cigne, demourant en y celle ville; et d’y cellui cheval orent trois frans, les quelz ilz dépendirent ensemble en la dite ville, sanz ce que alors ils feissent aucun autre mal mudre ou larrecin qulconques. En alant en la quelle ville de Mante, assez prez et ou chemin de Pierrefrite, à un quart de lieue prez du lieu ou y cellui homme qui conduisoit sel fu tué, ils trouvèrent le dit Beaubarbier et Caisin du Vivier tixerrant de toilles demourant à Paris, le quel est un homme jeune de XXX ans ou environ et rousseau. Les quelx Beaubarbier et Caisin estoient garniz chacun d’une espée et d'une taloche, arc et sagettes, et le dit Caisin d’une cote de fer et d'un bracelez de fer qu’il avoit vestus et miz ; en leur compaignie estoit ledit Saint-Cloud garny d'une dague. Les quelx parlèrent li uns aus autres et sentremandèrent s’ils avoient rien gaigné; les quelx tant d’une partie comme d’autre dirent que non, et à tant se départirent ensemble. De la quelle ville de Mante lui et le dit Breton qui est varlet de Olivier Pasquier, serviteur de mons. le connestable (Olivier de Clisson) se parlèrent et allèrent ensemble dans la ville de Vernon, et le dit Bourguignon s’en ala là où il veult, ne scet où.
« En la quelle ville de Rouen ilz gaignèrent aucune chose; et d'ilec se partirent et alèrent ou voyage que fist le roi notre sire en Almaigne (en juillet 1 388), sanz ce que en alant en y cellui voyage ne en retournant, ilz feissent oncques aucun mûrdre ou larrecin, sinon prendre vivres pour eulz. Duquel voyage d’ Almaigne, lui retourné en la ville de Paris, se acompaigna du dessus dit Jehannin la Grue dit Raoulet de Laon, Jehannin d’Estain et Hennequin le Flament1, repairans partout.
« Et d’icelle ville se partirent ensemble en entencion d’aler gaigner; alèrent en la ville de Brye Conte Robert, voulans aler droit à Prouvins. Et ainsy qu’ils passèrent par un boys que l’on dit Guignes, se arrestèrent illec ou quel lieu ilz trouvèrent un jeune home qui estoit à pié, et y celui sanz lui dire mot aucun atterrèrent illec de coups de baston, et le dit
