CHASSEUR

Comment t enfant fut baptisé et nommé Es-

plandian.

Lors luy conta comme il avoit trouvé un enfant nouveau -né entre les dent» de la lyonne qui le portoit à ses petitz, lequel il avait recous par la permission de Dieu, et depuis, atendant leur venue,' fait allaiter par elle-mesmes avec l'ayde de sa brebis. Par quoy il est seur que nostre Seigneur l'a réservé pour son service, l'ayant préservé de si grand inconvénient.

Et pourtant ma sœur, m'amye, disok-il, je vous prie penser de luy désormais et l'eslever jusqu'à ce qu'il puisse estre capable de recevoir si peu de doctrine que je luy pourray enseigner, puis vous me le ramènerez, et s'il plaist à nostre Seigneur lui prester longue vie , j'espère qu'il sera si preudhomme, qu'il recognoistra le bien que luy avez fait.

Adonc l'Hermite la mena où l'enfant dormoit , qui estoit couché sur un peu de fougère, et quand elle le vit, il luy sembla beau à merveille, et demanda au saint homme comnfe il avoit nom. En vérité, respondit-il, je n'en

i4« UN ENFANT

scays rien; mais pour nous en mettre hors de doute , je le baptiserai présentement. Lors commanda qu'on le desmaillotast, et ainsy qu'elle luy ostoit ses langes, elle aperçust les caractères qu'il avoit souz les té tins, et les monstra à FHermite, lequel mit si grand peine à les entendre qu'il cogneut escrit aux lettres latines ce mot Esplandian , mais il ne peut rien comprendre aux lettres grecques. Et à cette cause pensa que puisqu'il avait apporté ce nom du ventre maternel, qu'il ne luy seroitosté, et de fait le luy conferma, et fut nommé Esplandian, et depuis pour tel cogneu enmaintzpays estranges» où il mist fin à plusieurs avantures. Mais, pour le présent, nous nous en tairons.

Comment Esplandian chassait en la forêt de

l'Hermitage.

Ayant donc Esplandian ataint l'aage de quatre ans ou environ, Nàscian cognoissant estre temps de Papefler aux choses de vertu, envoya prier sa soeur de luy ramener, ce qu'elle fist. Lors lUermite le voyant si grand et de tant belle taille , jugea en son esprit que nostre Seigneur l'avait réservé pour quelque

CHASSEUR. i43

grand oeuvre, en sorte que si au premier il avoit eu de luy quelque présumption du bonheur, il ajousta plus de foy à sa fantaisie qu'auparavant, et délibéra de tascher par tous moyens à l'endoctriner et aproprier à tous actes à quoy gentilhomme se doit acheminer, et l'aymoit tellement, qu'il le baisoit et acoloit ainsi que s'il eust esté son propre filz. Mais certes ce n'estoit sans raison; car l'enfant luy monstroit tant, de signes d'amour, qu'il n'en eust peu faire d'avantage à sa mère nourrice. Au moyen de quoy Nascian délibéra de le retenir et renvoyer sa sœur, la priant toutefois de luy laisser un sien enfant pour tenir compagnie à Esplandian , lequel avoit esté nourry avec luy et d'un mesme lait, ce que la bonne dame luy accorda.

Ainsi fut lUermite dé là en avant leur conducteur et gouverneur, lequel, pour leur donner passetemps, les envoyoit souvent chasser parmy la forest, tant qu'une fois entr'autres estans deslogez matin pour mieux trouver leur gibier, Esplandian, se trouvant las, s'assist sur le bord d'une fontaine et se print à dormir. Là survint la lyonne de laquelle ci-de-

vant vous a esté parlé, qui, trouvant ceste nouvelle proye, se print à la fleurer, comme si nature lui, eust interdit de ne faire mal à la créature qu'elle-mesmes avait au premier eslevée, et de fait recogneut si bien celuy qui avoit esté nourri de son lait, qu'à l'instant, sans luy faire mal quelconque, se coucha à ses piedz. Ce que voyant le compagnon d'Esplandian qui veilloit, eut telle frayeur qu'il s'enfuit vers lUermite, luy criant qu'il avoit laissé son frère qu'un grand chien vouloit menger, ainsi qu'il dormoit joignant la fontaine.

Le saint Hermite s'esmeut soudainement et eut peur d'Esplandian. Par quoy il commanda à son neveu de le mener où c'estoit, ce qu'il fit; mais s'approchant près avisa la lyonne et l'enfant se jouans ensemble, lequel, voyant lUermite approcher, luy dit : Père, ce beau chien est-il nostre? Mon amy, respondit Nascian, il est de Dieu seulement, à qui appartiennent toutes choses. Certes, père, dit Esplandian, je serois fort ayse s'il estoit à nous, et l'aymerions bien pour aller à la chasse.

Quand le preudhomme l'ouyt parler si asseu-

CHASSEUR. i45

*ement , il fut tout assuré , et Rapprochant plus près d'Esplandian , vit qu'il baisoit la lyonne comme il eust fait un espaigneul, et à ceste cause il luy dist : Mon filz, voulezvous luy donner à menger? Je vous en prie, respondit Esplandian. Àdonc l'Henni te tira de sa bezace la cuysse d'un dain, qu'un veneur luy avait donnée, et la bailla à l'enfant, lequel la jetta à la lyonne en luy disant : lien, chien, mange. La lyonne print la venaison, et tandis qu'elle la dévoroit, Esplandian luy manyoit les oreilles, la queue et les pattes, ainsy que bon luy sembloit, sans que la beste luy fist non plus de desplaisir qu'elle eut fait à l'un de ses petits faons, ains recogneut si bien, et d'un instinct naturel l'ayma tantchè- ! rement, qu'elle le suyvit jusques en l'hermi-

' tage, sans guères lliabandonner de là en avant,

'mais y retournoit chacun jour après avoir pourchassé sa proye ny plus ny moins que si domestiquement elle y eust esté nourrie , dont il avint que les enfans prindrent telle familiarité avec elle., que bien souvent ilz la menoient à la chasse, ainsi qu'ils eussent fait un petit brachet, ce que voyant Nascian, s'avisa de leur

faire uni arc selon leur force : desquelz néantmoins ils tuoient ordinairement maint cerf, biche ou chevreul, avec l'ayde de la lyonne, laquelle estoit duyte de courir après aussitost qu'elle les voyoit navrez.

Comment le Roy et les Dames trouvèrent Esplandian dans la forêt de l'Hermitage.

En la saison gaye du verd moys de may , le Roy Lisvart, estant de long séjour, fut prié par les Dames de les mener à la chasse, ce qu'il leur accorda très-volontiers; et dès l'heure commanda à ses veneurs faire tendre ses toyles en la prochaine forest et dresser les tentes joignant la fontaine des Sept. Fouteaux, qui estoit à l'endroit du bois plus plaisant et délectable pour le temps; là auprès estoit l'hermitage où Nascian, le saint homme, nourissoit Esplandian.

Or, avint le jour mesmes que le Roy, se trouvant à l'assemblée, ayant laissé les Dames en leurs pavillons, poursuyvit si longuement un cerf mal mené et eschappé des toyles, qu'il le contraignit prendre la route de la haute forest tout le long d'un grand costau bien

CHASSEUR. x47

couvert de buyssons et fors haliers. Et aussitost qu'il fut au-dessus , avisa de l'autre part descendre nastivement un jeune Damoysel aagé peult-estre de cinq à six ans, qui menoit en lesse une lyonne, lequel voyant ce cerf fuyr et eschauffé la halla après; au moyen de quoy elle le poursuivit de si grande vitesse, qu'elle le vint abattre devant le Roy. Âdoncq' le Damoysel, joyeux de si bonne prinse, y courut légèrement, et un autre enfant, son compagnon, lequel, se saisissant de la venaison, print son couteau pour la massacrer; puis sonna un cor tant qu'il peut, apellant à haulte voix deux petitz brachetz qui les suivoient ordinairement, lesquelz survindrent tost après, et eurent curée du sang.de la beste et la lyonne semblablement. Ce fait, la reprindrent et attachèrent en une petite lesse, et ayant couplé leurs petitz chiens, prindrent leur chemin au travers du bois... Le Roy trouva Nascian, qui lui conta comment il avoit trouvé l'enfant... Peu après, une très-belle Damoy selle, montée sur un puissant hobin, bailla au Roy une lettre dlJrgande la Descognue, laquelle mandait au Roy que le Damoisel alaité de trois diverses

i48 UN ENFANT

nourrices estoit issu de semence royale des deux côtés , et tiendrait du naturel des créatures qui Pont allaité : fort et magnanime, doux , et débonnaire, et oncques gentilhomme ne fut de meilleur esprit ne plus catholique, n'açcomply en toutes conditions....

... Or le Roy avisa de loin venir le bon Hermite et les deux Damoiseaux Esplandian et Sergil avec deux vavasseurs parens de Nascian , en l'équipage que je vous diray. Esplandian avoit sur ses épaules un grand lièvre et deux perdrix qu'il avoit tuées de son arc en chemin. Sergil menoit la lyonne en lesse, attachée d'une petite corde, et les suivoit Nascian et les deux autres, l'un desquels portoit le cerf que la lyonne avoit prins le jour précédent devant le Roy, et l'autre tenoit les deux brachets d^splandian couplez. Mais quand les Dames aperceurent la lyonne en si petite garde , elles eurent telle frayeur , qu'elles se vindrent toutes jeter autour du Roy, lequel pour les asseurer se mist à rire, en leur disant que nul ne s'esmeuve, celuy à qui elle est a bien puissance de nous défendre de plus dangereuse beste que ceste-cy. Je ne sçay , resjpondit Galaor, quel pouvoir il en a; mais si