ONT DE RECHEF INSISTÉ
Il plaira à vostre Majesté donner responce par escript sur rassemblée generalle, requise des Provinces, en outre limitter le temps et le lieu pour tenir ladicte assemblée. En attendant laquelle, est vostre Majesté suppliée vouloir faire délivrer ausdicts Députez la responce aux cayers des Estats de Bloys, veu que la plus grande partie des articles contenus en leurs cayers, y est renvoyée.
Les supplians se doibvent contenter de la response que le Roy leur afaicte de sa propre bouche sur ladite assemblée, qui est plus à estimer que tout escript qui leur en scauroit estre baillé, Et quant à VEdict faict sur les cahiers gêner aulx, il sera envoyé à la Court de Parlement de Rouen ainsi qu'il se doibt faire.
Et outre déclarer vostre volonté sur les levées des deniers à vous accordez par les Estats, vous suppliant vous vouloir
CAHIER DE MARS l57Ç). 55
contenter des sommes contenues aux cayers, attendu la pauvreté et nécessité du peuple.
Sa Majesté a faict asse^ entendre sa volunté sur cest article par Messieurs le Duc de Mont-morency et Président de Bellievre, Qui est qu'elle désire que la levée de la taille, creuë et taillon se face selon les Commissions particullieres qui ont esté despesche\, deduict\ les cent mil livres de descharge qu'elle a accorde^, Et ce sans prejudicier à la forme accoustumée en tel cas, qui sera cy après observée.
Depuis sadite Majesté ayant esgard à ce qui luy a esté remonstré de la pauvreté du pays, leur a encores quité et remis la somme de vingt mil livres outre les cent mil, qui sera en tout six vingt mil livres, lesquels vingt mil livres seront départis comme il a esté faict des premiers cent mil.
La Confirmation entière (s'il vous plaist) de la Chartre Normande.
Le Roy ne peult plus avant se déclarer en cela, que ce qui est contenu en la responce des articles, Par lesquels il leur accorde Confirmation generalle de leurs privilèges.
La suppression generalle (dès à présent) des nouveaux Officiers, tant de Judicature que de Finances. A tout le moins les suspendre de l'exercice de leurs estats, jusques à ce que Ton ayt procédé à la recherche et reformation d'iceux, d'autant que l'on ne trouvera aucuns tesmoings qui veulent déposer contre eux, pendant qu'ilz seront audict exercice.
Le Roy ne peut riens changer en ce qu'il a ar donné là dessus, par la responce des articles,
Regarder le mal-contentement que porte la generallité du peuple en ce que Ton leur a osté les Communes : Suppliant vostre Majesté les leur vouloir faire rendre, sans aucun rem-, boursement.
77 ne se peut ainsi riens changer ny adjouster à la responce qui en a jà esté faicte.
De toutes lesquelles responces faictes par vostre Majesté, il plaira à icelle commander lettres patentes estre expédiées, ausquelles lesdictes articles et responces seront attachées soubz le contreseel, pour estre vérifiées aux Cours Souveraines et autres lieux où besoing sera.
Lesdites expéditions seront depeschées, suy vant la responce faite sur lesdictes Articles.
Faict à Paris, le dix huictiesme jour d'Apvril, mil cinq cens soixante et dix-neuf.
Signé, HENRY.
Et plus bas,
