Epaphras prisonnier avec moy en Jésus-Christ

24. Marc, Aristarque, Dénias et Luc mes coadjuteurs te saluën

"^ ••rovvc ce plaisir l'c toy.

25. La grâce de nostre Seigneur Jésus-Christ soit avec vostre esprit, Amen.

Envoyée de Rome par Onésime serf.

20. Voire, frère, que je jouisse de toy au Seigneur. Cesle affirmation est mise pourexhorterenplus grande véhémence : comme s'il eust dit, A ceste fois on cognoistra bien que tu n'as rien séparé de moy, que tu ne sois vrayement addonné à me faire plaisir, et que tout ton bien ne soit à mon com-. mandement, si tu reçois en grâce celuy qui m'est si conjoint, en mettant en oubli ses fautes passées. Et derechef, il répète la mesme manière de parler de récréer les entrailles. Or de là nous recueillons que l'ordre politique n'est point renversé par la foy de l'Evangile, et que le droict et la puissance que les maîstres ont sur leurs serfs n'est point abolie. Car Philémon n'estoit point quelque homme du commun populaire, mais coadjuteur de sainct Paul à cultiver la vigne de Christ : et nonobstant la maistrise qu'il avoit sur son serf qui estoit permise par les loix, ne luy est pas ostée : mais il luy est seulement commandé de le recevoir en luy pardonnant sa faute humainement : mesme sainct Paul le prie humblement qu'il retourne en son premier estât. Au reste, ce que S. Paul s'abbaisse ainsi en priant pour un autre, nous admoneste combien sont loin encore de vray amendement ceux, qui excusent leurs vices opiniastrément, ou qui sans honte et sans aucun signe d'humilité confessent tellement avoir offensé que c'est à leur dire comme si jamais ils n'avoyent offensé. Certes quand Onésime voyoit qu'un si excellent Âpostre de Christ prioit si songneusement pour luy, il se devoit bien humilier davantage, pour faire plier le cœur de son maistre à user de clémence envers luy. A cela se rapporte ce qu'il s'excuse d'avoir escrit un peu bien hardiment, pource

qu'il sçavoit bien que Philémon feroit plus qu'on ne luy demandoit.

22. Mais amsi qtuintei qtuint prépare-moy logis, etc. Geste confiance de S. Paul a deu servir d'un aiguillon pour esmouvoir Pbilémon : en après il le met en espérance qu'il s'esjouira de sa venue. Or combien qu'on ne sçacbe point si S.Paul a esté depuis délivré de prison : il n'y aura point d'absurdité en son propos, encore qu'il ait esté frustré de l'espérance qu'il avoit conceue d'un bénéfice temporel de Dieu. Car il n'a point esté persuadé autrement de sa délivrance, sinon entant que ce fust le bon plaisir de Dieu. Ainsi il a tousjours tenu son esprit en suspens, jusques à ce que la volonté de Dieu fust manifestée par l'issue. Il faut aussi noter ce qu'il dit, que ce que les fidèles obtienent par leurs prières^ leur est donné. Car de là nous recueillons que nos prières, jà soit qu'elles ne soyent point sans effet, ne valent rien toutesfois par leur mérite, d'autant que tout ce qui leur est ottroyé est gratuit.

24. Démas. C'est cestuy-ci qui l'a depuis laissé, comme il se plaind en la deuxième à Timothée, IV, v. 10. Que s'il est advenu à un des coadjuteurs de sainct Paul, de s'ennuyer et perdre courage, et que la vanité du monde l'ait derecbet attiré : avisons de ne nous fier \^àv trop à l'ardeur et zèle d'un an : mais considérans combien de cbemin nous avons encore à faire en noslre course, demandons à nostre Dieu qu'il nous donne une bonne constance.

EXÉGÈSE. IZH