N* CXXIII. — LETTRE DE LA DUCHESSE D ANGOÜLÉME AU ROI

I>« dacliFMC a lu la lettre que le Roi a écrite A sa mignonne (Margnerite), et se réjouit de ce que rette lettre contient, ainsi que du rétablissement de la santé du Roi.

I JiilUt 1&2».)

Monseigneur, le plus grant bien que j’é eu depuys le commancement de vostre malladie a esté de une lettre que vous avez escripte à vostre mygnone, que elle m’a envoyée : car pour la longue escripture, je congnoys bien que l’esperit et la main sont en bon estât : qui me doyvent rendre certaine de la contynuacion de vostre bonne senté , sur l’esperance de laquelle je me délibéré et resoubz, suyvant vostre intention, de soustenir et porter toutes choses. Et mays qui plaise à Nostre-Seigneur la vous conserver tousjours, croyez, monseigneur, que vos afferes ne peuent faillir à prendre bonne yssue.

Vous entendrez par Robertet, au long, tout ce qui est survenu depuys mes dernieres lectres : qui sera cause , monseigneur, dont ne vous tiendray plus long propos, synon de vous suplier que j’aye ce bien de souvent entendre de voz nouvelles , car se sera ce qui donnera la force et vigueur à soustenir le soin de toute adversyté, à

Vostre, etc.

LOYSE

N* CXXIV. — LETTRE DE CHARLES-Ql'lNT AU ROI.

Il euvoie savoir conimenl le Roi a supporté le vovage de Madrid.

{Juilltt 152&.]

.Monsieur mon bon frere, pour le désir que j’ay de savoir comment vous vous estes senti depuis vostre partement de Madril, et aussy pour entendre de vos nouvelles et bon portement, j’envoye ce porteur, le sieur de Furmenstin, gentilhomme de ma chambre, par lequel vous prie m’en advertir : vous povez estre sehur d’estre sortie tant à vostre bien que pour moy le saurois desirer. Si vous désirés savoir des miennes, j’en ay adverty mon vice-roy de Naples, lequel vous en advertyra et dira autant que sauroit faire celluy qui , à jamais, vous demeurera et trouverés

Vostre bon frere et vray ainy, CHARLES.