Tome V

Hollande, Zéelande et de Pontieu, dame de Frise, à nostre très chier et féal conseillier Jehan Rasoir, général receveur de nostre païs de Haynnau, salut. Savoir vous faisons que, pour adrechier à nostre très chier et bien amé escuier Gille, seigneur de Potlelles, à la réparation et réfection de sa fortresse et maison dudit Poltelles, laquelle a esté ou ' tempz des guerres très grandement foulée, comme il nous a fait remonstrer, nous luy avons aujourd'uy, par la délibération de nostre conseil, donné et acordé, et par ces présentes donnons et acordons à prendre en nostre forest de Mourmail au lez et plus près de Harbegnies le nombre de vint-six quesnes bons et souflissans, pour d'iceulx faire et édefier aucuns ouvrages de carpentrie. Pourquoy vous mandons et commandons que, appelle avec vous nostre bailli des bois ou son lieutenant en nostreditte forest, présent aussi nostre maistre carpentier, se meslier est, ou ainsi que verrez estre le plus expédient, faites ensengnier de nostre grant martel yceulz vint-six quesnes en la marche dessusditte et les délivrez ou faites délivrer audit Gille, en baillant, quant à ce, vostre descharge à nostredit bailli des bois. Et par raportanl ycelle, avec noz présentes et quittance dudit Gille, nous ferons les vint-six quesnes dessusdis alouer et déduire es comptes de nostredit bailli ou es vostres par noz amez et féaulx les gens du conseil de nostre très chier et très amé frère le duc de Bourgoingne et les nostres, commis ou à commettre à l'audition d'iceulx, ausquelz requerrons que ainsi le facent, sans aucun contredit. Car bien nous plait et le voulons. Données soubx nostre signet de secré, le vintysme jour de janvier, l'an de grâce mil quattre cens vint et huit.

Par madame la ducesse.

J. Gremer.

Original, sur parchemin, auquel est annexé un petit sceau, en cire rouge. — Trésorerie des chartes des comtes de Hainaut, aux Archives de l^Élat, i Mous.

• Ou, au.

MDCLIX.

Lettres par lesquelles la duchesse Jacqueline transporte entre les mains du duc de Bourgogne la rente de 4,000 francs qu'elle tenait du roi de France, sur la recette et les impositions foraines du Fermandois.

(2i janvier 1429, n. st., à Valenciennes.)

Jaque, par la grâce de Dieu, ducesse en Baivière, contesse de Haynnau, Hollande, Zéelande et de Ponlieu, dame de Frise, à tous ceulx qui ces présentes lettres verront, salut. Comme, par certain traittié et appointemeni naghaires fait et consommé entre nostre très chier et très amé frère le duc de Bourgoingne, d'une part, et nous, d'aultre, euissions, entre autres choses, ensemble porté d'acort que nostredit très chier frère doit, par certain terme contenu et déclaré es lettres dudit traittié, ou non ' de nous, prendre, lever et recevoir la somme de quattre mil frans que nous avons et devons avoir et tenir en foyauté et hommage de monsS'^ le Roy, sur ses recepte et impositions foraines ou ' pais de Vermendois; savoir faisons que, pour en faire acquit et devoir, nous, en ensievant quant à ce la forme dudit traittié, avons, aujourd'uy, par la délibération de nostre conseil, donné, mis et transporté, et par ces présentes donnons, mettons et transportons es mains de nostredit très chier frère, pour le terme dessusdit, la cause, droit et action que nous avons et devons avoir comme dit est èsdis quattre mil frans, et luy donnons plain povoir et auctorité de yceulx quattre mile frans prendre, lever et recevoir chacun an aux termes deuz et acoustumez,avecet aussi bien tous les arriérages et paiemens escheuz, comme ceulx qui d'ores en avant eschéront durant ledit terme, et pour de chacun paiement et somme qu'il en recevera, baillier et donner quittance souflTissant en la forme et manière que faire pourrions et devenons se les recevions. Si prions et requerrons aux receveur et officiers de mondit seigneur le Roy à ce commis que lesdis quattre mile frans à nous deuz, comme dit est, paient, baillent et délivrent ou facent paier, baillier et délivrer à nostredit très chier frère ou

' Ou non, au nom.

' Ouf au.

à certain commis de par luy, chacun an, par la manière dessusditte. Car tout ce desdis paiemens que par luy ou son ordonnance en sera fait, paie, distribué et quitté, nous le tendrons et aurons ferme et agréable tout ainsi comme se fait estoit par nous, sauf à nous la propriété et hirètage d'iceiuy nostre fief. Tesmoing ces présentes, séelléez de nostreséel. Données en nostre ville de Valenchiennes, le vint-unysme jour de janvier, l'an de grâce mil quattre cens vint et huit.

(Sur le pli ;)

Par madame la ducesse, présens de son conseil mons^"^ Louys de Montfort, le seigneur de Haynin, Jaquemart Hanequart et pluiseurs autres;

J. Gremer.

Original, sur parchemin, auquel est appendu par une double bande de même un sceau, en cire rouge, détérioré^ — Archives départementales du Nord, à Lille : Chambre des comptes, B. 1481.

MDCLX.

Lettres de Philippe^ duc de Bourgogne, et de Jacqueline, duchesse en Bavière, comtesse de Hainaut, etc., contenant les conditions de l'abandon fait par celle-ci, en exécution du traité de paix conclu entre eux, des revenus des pays de Hainaut, de Hollande, de Zélande et de Frise, à la réserve du douaire de la duchesse Marguerite,

(24 janvier 1429, n. st., à Valenciennes.)

Phelippe, duc de Bourgoingne, conte de Flandres, d'Artois et de Bourgoingne, palatin, seigneur de Salins et de Malines, bail, mambour, gouverneur et hoir des pays de Haynau, de Hollande, de Zellande et de Frise, et Jaques, par la grâce de Dieu, duchesse en Baivière, contesse de Haynau, de Hollande, de Zellande et de Pontieu, et dame de Frise, à tous ceulx qui ces présentes lettres verront, salut. Comme, par le traittié de la paix

naguères faicte entre nous deux,»soit ordonné, entre autres choses, que nous duc aurons le gouvernement des pays de Haynau, de Hollande, de Zeilande et de Frise dessusdiz, certain temps durant, déclairé es lettres faicles de et sur ladicte paix, et que nous duchesse aurons et percevrons les rentes, proufliz, revenues et émolumens desdis pays, par les mains des oiïiciers de nous duc; mais, pour ce que lesdictes rentes et revenues sont par les grans charges estans sur lesdiz pays, meismement sur les offices d'iceulx, de si petite valeur que nous duchesse n'en povons maintenir nostre estât, laquelle chose tourne à grant desplaisir à nous duc, qui de tout nostre cuer désirons que nostre très chière et très amée seur la duchesse dessus nommée ait de quoy honnorablement maintenir son estât comme à lui appartient; Nous duc et duchesse dessus nommez, vueillans à ce pourveoir, avons, par l'advis des gens du conseil de nous deux, amiablement accordé et conclu, pour le bien et prouffit de nous et de noz pais, terres, seignouries et subgez, les poins et articles qui s'ensuivent: Premiers, nous duchesse laisserons et oltroierons à nostre très chier et très amé frère le duc dessus nommé, le temps de son gouvernement durant, selon le traictîé de ladicte paix, toutes les rentes, revenues et prouffiz entièrement de nosdis pays de Haynau, de Hollande, de Zeilande et de Frise, aussi bien du West comme de l'Oost-Frise, tant du demaine comme de la monnoie, forfaitures, tonlieux et autres choses quelconques en quelque manière que l'en les pourroit nommer, sauve telles charges raisonnables, comme sont sur lesdiz pays, lesquelles seront veues et visitées par les gens du conseil de nous deux, en-dedens le jour S*-Jehan-Baptiste prouchain venant, et tout ce qu'ilz trouveront estre raisonnable nous duc serons tenuz de paier, et en ce ne sont point comprins les aides et subvencions, qui èsdis pays sont accordez ou pourroient cy-après estre donnez. Avec ce, nous duchesse laisserons et oltroierons à nostredit frère la somme de quatre mil frans de rente hérilabie par an que nostre conté de Haynau a sur la recepte de Vermendois, et à ce ferons à noz despens, dedens les mettes de noz pays, ce que faire devons; mais s'il avenoit que, pour ce, nous convenist traire hors de noz pays, ce seroit aux despens et soubz la seurté de nous duc, en alant, séiournant et retournant dedens les mètes de sesdiz pays. En oultre, nous duchesse laisserons et ottroierons à nostre frère dessus nommé mil florins que nostredicte conté a chacun an sur la ville de Dynant,

et avec ce les renies que l'en doit à nostre conté de Hollande par les citez d'Utrecht et d'Amersfort, et gënéralment toutes autres renies et revenues que l'en doit à la seignourie de nosdiz pays, posé ores que on les deust hors d'iceulx pays, pour par nous duc en joïr avec des arréraiges d'icelles, le temps dudit gouvernement durant. Et se ceulz de Dynant acquittoient et rachettoient ladicte somme de mil florins, comme faire pevent par et selon les lettres et traictié sur ce faictes, nous duchesse, en ce cas, en recevrons seule l'argent, mais nostredit frère nous feroit lors chacun an rabatre ladicte somme de mil florins de la somme cy-après dëclairée. Ilem, en ce ne sont point comprins les terres, seignouries, rentes et revenues que dame Marguerite* de Bourgoingne, mère de nous duchesse, lient en douaire èsdis pays, desquelles ellejoïra sa vie durant, selon le contenu des lettres qu'elle en a. Et s'il avenoit qu'elle alast de vie à trespas, pendant le temps dudit gouvernement, que Dieu ne vueille! nous duchesse en aurions et perceverions tous les ëmolumens, fourfuilures, renies, proufliz et revenues, en oullre et par-dessus la somme dont cy-après est faicle mention, et pareillement des terres, seignouries, rentes, proufliz et ëmolumens que feu nostre très chier et très amé oncle le duc Jehan de Baivière, dont Dieu ait l'âme, tenoit en son vivant èsdis pays de Haynau, de Hollande et de Zellande, par ainsi que ce pendant elles seroient adiugées à nous duchesse, se entre nous deux n'en esloit autrement appointié, mais nous duc les aurions lors en gouvernement comme les autres villes et seignouries d'iceulx pays, selon le traictié de ladicte paix, //em, nous duc dessus nommé ne pourrons amenrir ne empirer aucun hërilaige appartenant à la seignourie desdis pays de Haynau, de Hollande, de Zellande et de Frise, ne y faire fouyr aucun mour autrement que pour la provision de nostre hostel et de ceulx qui auront le gouvernement en nostre absence desdis pays de Hollande et de Zellande, ne aussi faire copper ou abalre aucun bois hors taille. Hem, nous duc dessus nommé ordonnerons que, de lors en avant, aucunes bestes ne yront pasturer en la forest et boys de la Haye de Berkeuris ne es autres bois et foreslz de la conlé de Hollande, sur certaines grosses paines à fourfaire par ceulx qui feroient le contraire. Item, nous duc recevrons, à noz despens, toutes les forlresses, maisons etëdiflices appartenans à la seigneurie desdis pays, en tel eslat ou meilleur qu'elles sont de présent, et nous duchesse povons demourer partout en noz maisons où il nous plaira et y tenir nostre

DES COMTES DE HAINAUT. m

estât ainsi que bon nous semblera, et noz chevah'ers et maistres de nostre hostel pourront congnoistre et appointier de toutes choses qui avenront en nostredit hostel et seront faictes par les gens d'icellui, et les corrigier ainsi que de tout temps il a esté acoustumé, sans ce que autres y puissent ou doyent avoir aucune congnoissance; et nous duchesse pourrons mettre et ordonner tous portiers et autres officiers de nostredit hostel ainsi que bon nous semblera. Item, nous duc ferons toute diligence et nostre loial povoir, selon le traiclié de ladicte paix, que nostredicte seur puist joïr de son douaire de Pontieu. de Crièvecuer, de iMortaigne, d'Arleux et autrement, selon les lettres qu'elle en a, sans aucun empeschement. Jfem, pour ce que nous duc dessusdit avons le gouvernement desdis pays et ainsi que cy-dessus est spécifié, aurons et percevrons à nostre proudit toutes les rentes, revenues et prouffiz d'iceulx. Nous duc baillerons et assignerons à nostredicte suer, de franc et seur argent, chacun an, la somme de vint et quatre mil escus de Bourgoingne derreinement forgiez en Hollande ou le payement à la valeur, sans coust ou charge, ne icelle somme lui amenrir en aucune manière, pour cause de guerre ne autre chose qui èsdis pays pourroit sourdre ou avenir, ou qu'il en pourroit mettre avant, à quatre termes en l'an, assavoir : à Pasques, à la Saint-Jehan-Baptiste, à la Saint-Remi et au Noël, à chacun terme six mil des escuz dessusdiz, dont le premier terme sera à Pasques prouchains venans, et ainsi de terme en terme jusques à la parpaie de ladicte somme; et pour icelle somme ainsi estre paiée aux termes dessusdis, tant que ledit gouvernement durera, nous duc ferons telle promesse et seureté que l'on sera d'accord. Item, nous duchesse aurons, pardessus ladicte somme, telle part et porcion es aydes accordez en nosdis païs qui fu ordonné quant l'en bailla iceulx. Ilem^ se nous duc baillions otlroy et licence de faire aucuns nouveaulx dicaiges en la rivière de l'Yssel ' ou autres nouveaulx cours d'eaue, en ce cas les prouffiz qui en vendront seront partiz par nous duc et duchesse à chacun de nous deux la moitié, mais d'autres dicaiges ou escluses, s'aucuns se faisoient èsdis païs, nous duc en aurons les prouffis seul et pour le tout. Jlem, s'il avenoit que aucuns previllèges,admortissemens. légitimacions ou autres semblables choses estoient

' L'Yssel est une rivière de la Hollande, qui prend sa source en Westphalie, traverse la Gueldrc, une partie de l'Over-Yssel, et se jette dans le Zuyderzée, à l'O. de la forteresse de Campcn.

donnez ou accordez èsdis pays, il se fera de la voulenté et consentement de nous duc et duchesse ensemble, et s'aucun prouffit en venoient, ilz appartendroient à nous deux, à chacun la moitié. Ilem, de toutes seignouries, fiefz et tènemens avec leurs appartenances qui, par mort, escherront à la seigneurie desdis pays, nous duc et duchesse les ferons de commun accord vendre ou les retenrons ainsi que trouverons en conseil, et de tout ce qui en sera levé, soit de la vendicion ou des rentes, nous duc en aurons l'une moitié el nous duchesse l'autre moitié. Item, s'il avenoit que les terres de Dreysschier ou aucunes autres, qui sont données par la seignourie desdis pays, eschéissent à icelle seignourie par la mort de ceulx ou de celles qui les tiennent de présent, elles demouront de lors en avant à la conté, sans estre vendues; et nous duc et duchesse partirons toutes les rentes, revenues et proulïlz qui en vendront égalment. Ilem^ que nous duc ferons toute diligence et nostre loial povoir à lui aidier avoir solucion et paiement de telles debtes que le duc de Ghelre et le pays de Gheire lui doivent, et de tout ce que pendant ledit gouvernement on en pourra recouvrer nous duc aurons la moitié et nous duchesse l'autre moitié. Ilem, nous duchesse, en oultre et par-dessus la somme et poins dessus déclairez, aurons, quand serons en nostre pays de Haynau, pour la provision de nostre hostel la pescherie de noz viviers de Hyon ', de Deffors, du Grant Hon, du moyen Hon et du petit Hon *, et aussi du vivier emprès Bavay, et les ferons peschier à noz despens, quand ilz seront en saison. Et pareillement nous duchesse aurons et recevrons à nous telles herbages, foings que l'en est acoustumé de livrer pour nostre hostel, et les ferons fener à noz despens, et pareillement de faire copper tous bois pour le chauffage de nostredit hostel, autant qu'il en sera besoing, èsquelz bois nous pourrons faire mettre et tenir autant de bestes et

* Hyon, village situé à */» •• S.-E. de Mons. Voyez t. I, p. 105; t. II, pp. 246, 287. Le poisson des viviers d'Hyon était très estimé. Dom Baudry rapporte, dans ses Annales de Vabbaye de Saint-Ghislain, que la duchesse Jacqueline, sa mère et le duc de Bourgogne, d'après un compte du I*' juillet 1428 au 1" juillet 1429, « se faisoient amener au Quesnoy, à Valenciennes et à Lille, par corvées, le poisson de » Hion, renommé alors à cause de sa bonté et de sa grosseur prodigieuse. » {Monuments pour servir à l'hist. des prov. de Namur, de Ilainaut et de Luxembourg, t. VIII, p. 548.)

* Des lettres patentes de Charles-Quint, du 18 juillet 1538, assignèrent à la ville de Mons, en garantie de la levée qu'elle avait faite pour le service du prince, la généralité de ses revenus domaniaux et spécialement ceux des grands et petits viviers de Hon, en la prévôté de Bavay, la maison de la pêcherie, à Hyon, etc.

pourcheaulx qu'il sera neccessité pour la provision d'icellui nostre hostel. Et quand nous duchesse serons en nostre pais de Hollande, nous aurons et recevrons à nous le Hofflant gisant emprès la Haye, et en joyrons pour la provision de nostre hostel avec les poulailles qui eschient ou ' renlmeysterscap de Noirt Hollande, et aussi nostre pescherie de Pynackermeer. Avec ce, nous duchesse aurons tous les cignes et butors qui eschient ou * renlmeisterscap de Karemerlant et de Frise, et aussi les anguilles que l'en est acoustumé de livrer èsdis rentmeisterscap ; pareillement retenrons le mour gisant emprès la Haye, pour à noz despens y faire fouyr noz tourbes. Item, aurons nous duchesse et recevrons en noz pays de Haynau, de Hollande et de Zellandeles serfz*, bisses, bestessauvaiges, porcs, lièvres, conins, hérons, faisans, pertris et tout autre sauvagine, pour nous et la provision de nostre hostel, et tous services de chars, chevaulx, de harnois, corouées, services sur abbayes et maisons Dieu et autrement seront et demourront à nous duchesse, ainsi qu'il est acoustumé. El quant nous duc serons en aucuns des pays dessusdis où nostredicte seur ne seroit point, lors nous aurons les provisions et joyrons des services dessusdis, ainsi et par la manière que feroit nostredicte s\ier, selle y estoit présente. Et s'il avenoit que nous duc et duchesse feussons ensemble en aucuns des pays dessusdis, nous joyrons égalment des provisions et services dessus déclairez moitié à moitié. Item, ou ' denier que l'on fera forgier en Haynau et Hollande seront mis les noms et armes de nous duc et duchesse en la meilleure fourme et manière que l'en saura adviser. Item, nous duc aiderons à nostre très chière tante, dame Marguerite de Bourgoingne dessus nommée, qu'elle ait entièrement son douaire et assenne en Haynau, Hollande, Zellande et Frise, et es appartenances, et qu'elle en puisse joyr paisiblement selon le contenu des lettres qu'elle en a, et lui en ferons toute diligence à son avancement. Aussi est pourparlé, s'il avenoit que nous duchesse ne fussions paiée à chacun desdis termes ou dedens ung mois après sans malengien de la somme dessus déclairée, nous duc serons lors tenuz de paier à nostredicte suer le cincquiesme denier plus, c'est assavoir : pour les six mil escuz qui à ce terme seroient escheuz, elle aura lors sept mil cinq cens escuz, que l'en lui sera

' Ou, au.

• Cerfs.