Tome V

on en volloit demorer paisiulle, ce dont riens n'estoit fait vaillablement et bien y avoit raison, car redevance de milleur cattel payer est demaine et rente hiretable, quant le cas esquiet, comme sont cens, rentes, possessions liëgies de fief et aultres parties que on doit annuellement et de terme en terme as seigneurs, églises et aultres bonnes gens, en leurs terres et seignouries, desquelles rentes et redevanches de seignourie et demaine nul quel qu'il soit n'est préservet ne affrancquit, monnoyer ne aultre, qu'il ne conviengne, quant question s'en fait, qu'il en sortisse et prende juge devant les lois qui à congnoistre en ont, si comme bailliu et hommes pour fiefs, mayeur et eschevins pour hiretaiges de mainferme, le court de Mons pour alluës et le recepveur des mortesmains de Haynnau pour milleurs cattels, pour successions de fiefs, bastars ou aubains, sans ce que, pour nuls de ces cas, conviengne aller procéder par-devant le prévost de le monnoye, pour ce que en riens n'en a à congnoistre, et mortesmains ne furent oncques entendues tailles de prince, aydes, subcides ne choses frayeres, si n'en puevent donc monnoyers ne aultres gens par vertu de leur dictes lettres yestre afrancquis de les payer, quant le cas esquiel : ossi ne font-il de sortir aultre juge que par-devant ceulx qui commis y sont et qui puissance ont de ent congnoistre; et ossi que ledit de là Derrière fuist ne soit monnoyeur, le dessusdit de Frasne n'en saroit riens, mais supposeit et non congneult qu'il le fuist, si ne l'estoit point ne pooit yestre sedicte femme, car le francquise des monnoyes esquiet as hoirs malles et non point as femelles, et par conséquent, dont ycelui de là Derrière escuser ne délivrer ne se pooit, que, par le trespas de seditte femme, le milleur cattel d'elle demoret ne deuist estre payet audit de Frasne, car combien que ledit de là Derrière desist qu'elle n'euist riens de propre, saufve se grâce, elle avoit de son droit le moittiet en tous les biens meubles qu'il possessoient ensemble, et samblablement es acquests que fais avoient l'un avœcq l'autre. Concluans par ledit de Frasne que, ces choses bien considérées et dont il apparoit tant que pour souffir à boine cause, il poursuiw^oit, si en devoit venir à se intention si que dit est. Et par ledit Jehan de là Derrière estoit oposet contre celi poursuite, disans que à tort et sans cause lidis de Frasne avoit fait lever ledit cattel, si devoit estre rendus et restitués à lui ledit de là Derrière, et avœcq che yestre restitués des coustz et frais fais et à faire en celi ocquison, car, selon le généraul loy et coustume dudit pays de

Haynnau et par espéciaul de leditte court des mortesmains. touttes fois que aucun poursuioit en ycelle pour avoir milleur caltel par le trespas d'aulcune personne, il appertenoil qu'il euist juste et loyaul cause à ce pooir demander, u venir ne pooit à se intention, lequel cose estoit servans à l'intention dudit de là Derrière et au contraire de propos ledit de Frasne, car en l'an mil deux cens nonnante-sept ^, ungs appointemens se fist entre Jehans d'Avesnes, quens de Haynnau, d'une part, et Jehan le Duc, prévost de le monnoie de Valenchiennes, Joffroy le Duc, et pluiseurs et grant plenté de aultres monnoyers et ouvryers, d'autre part, de faire et forgier monnoyes en leditle ville de Valenchiennes et ailleurs, sour certaines devises en coy ly monnoiers, ouvriers et apprentis se convenenchèrent et obligèrent pardevers ledit quens, ses hoirs et sucesseurs, ossi ledit quens leur donna et otlroya ycelle perpétuellement avœcques pluiseurs francquises et, entre les aultres, veult-il qu'il fuissent francq, quitte et délivre, par toutte se terre et contrée, de touttes tailles, de touttes coustumes et de tous payages, et de ces coses ledit quens obliga lui et ses hoirs de les entretenir et acomplir. Encores en l'an mil Ul*' Illl^^ et XI, fu li plaisirs et volentez de monseigneur le duc Aubert, comte de Haynnau, et Guillaume de Bayvière, son aisnet filz, gouvreneur dudit pays, à bailler lettres pattenttes asdis monnoyers et ouvriers, mandans au bailli de Haynnau, à tous bailleux, prévost, chastelains et aultres justices, quiconcques le fuissent ou seroient en temps advenir, que, pour quelconque cause, excepté moudre, larchin et rath, lesdis monnoyers ou leur biens fuissent tenut quitte de malletolte, toulnieu, wisnaige, cauchage et aultres débittes, ainsi que plus plainement apparoit par leursdis previllèges et lettres pour ce faictes *. Et ledit Jehan de là Derrière et seditte femme par ce moyen estoyent ouvrier de laditte monnoye, et se saditte femme n'avoit point ouvret à laditte monnoie, se peuwist-elle bien peuv ouvrer, car les femmes des monnoyers et ouvriers y pueent ossi bien ouvrer que leur maris, et ensi en avoit adiés esté uset de si lonc temps que mémoire n'estoit du contraire, et avoient adiez les femmes desdis monnoyers mariage tenans avœc leur maris et estans vesves eult

• L'accord mentionné est du 25 août 1297. On en trouve le texte dans les Recherches sur les monnaies des comtes de Hainaut, par Renier Chalon, pp. 168-173.

* Voir ce mandement du 26 décembre 13UI, t. Il, p. 515, n» DCCXIX.

telles francquises comme leurdis maris meismes. Et ensi lidis de là Derrière pooit conclure que ledit de Frasne n 'estoit point fondez sour justice ne loyaul cause dudit meilleur caltel avoir fait lever, si devoit estre astrains à lui ent départir. Et à chou que lidis Jehan de Frasne disoit qu'il estoit sires de le ville d'Estroen par don à lui fait par no très redoublée damme la contesse de Haynnau, et à celi cause avoit en ycelle ville toutte justice haulte, moyenne et basse, et ossi généralment les cattelz de tous ceulx et celles qui y aloyent de vye à trespassement, en lequelle le femme dudit de là Derrière estoit trespassée, si avoit bien euv cause de faire lever ledit cattel^ disoit et respondoit ledit de là Derrière que le congnissance que lidis de Frasne avoit faille à se cause plaidier de en leditte terre d'Estroen avoir droit par don à lui fait par noditte très redoublée damme, prist-il dès adont et encores faisoit à son pourfit, car ledit de Frasne ne pooit seditte terre tenir plus francque que noditte très redoublée damme et si prédicesseurs le tenoyent, et il n'y avoyenl riens as milleurs cattelz demolrez des monnoyers et ouvriers, ne de leur femme quant en ycelle terre alioient de vie à trespassement : car à yceulx et à tous aullres cas quelconcques frayer avoient renonchiet, horsmis mourdre, larchin et rath, et ensi la généralité proposée par ledit de Frasne li defFalloit, car li fait espéciaul propposet par ledit de là Derrière corompoit et deslruisoit le généralitet dudit de Frasne. Et là où lidis de Frasne disoit que, se lidis de là Derrière estoit monnoyers et ouvriers, et avœcq ce euwist le francquise telle qu'il le propposoit, se ne le peull oncques sedicle femme avoir, tant pour ce que avoir ne pooit ottelle francquise que sondit marit, si que dit est dessus, comme pour ce que de droit et selonc loy avoit le moilliet en tous les biens de sondit marit, et ensi en euist esté s'il se fuissent divorsyet. Si avoit bien euv cause dudit cattel demander. Disoit et respondoit ledit de là Derrière que bien prouveroit que li previlèges donneit asdis monnoyers et ouvriers, estoient telz que devant est dit, et ossi oncques ne fu divorsyet de seditte femme; et pour tant que tous les biens meubles estoient et appertenoient à lui ledit de là Derrière, il avoient et ont esté affrancquit dudit milleur cattel payer. Car il affrancquissent le femme et ses enffans, soient masles ou femelles, comme lesdis monnoyers et ouvriers meismes, et ensi en estoit avenu oudit pays de Haynnau, et en espécial en laditte ville d'Estroen, de le mère dudit de là Derrière, de Lottart de Foucquenière, de se femme cl de

pluiseurs aultres, et ottellement on avoit adés uset et usoit en touttes les villes qui estoient et avoient esté à nodicte très redoutée damme et à ses prédicesseurs. Pourcoy apparoir pooit clèrement que à tort et sans cause ledit Jehan de Frasne avoit fait prendre et lever le milleur catlel demoret de le femme dudit de là Derrière. Si devoit yestre constrains à ycelui restituer et avœcq rendre les frais dudit proches si que devant est dit. Ensi que touttes ches coses avœcq pluiseurs aultres à chou servans lesdittes parties avoient proposé, et sour ce fait pluiseurs productions et monstranches tant sour princhipau comme sour reproches, si qu'il apparoit plainement par l'encqueste qui de chou estoit faicte et parfaicte, et après ce que ycelie encqueste qui close et scellée estoit, et là où Andrieu Puche et Grard Brongnart avoient esté comme enquéreur par laditte court, avœcq Gille Hoston, clercq sermenté d'icelle, eult esté ouverte, lieute, colatye et examinée bien et diliganment en grande délibération de conseil, tant que pour souflir, en le présence et ou * tesmoing de pluiseurs hommes de fief et de ceulx qui y estoient du conseil et serment de ieditte court, tant et en tel manière que nous et tout chil qui audit conseil furent, en fûmes sour une opinion et d'acord par-devant les pluiseurs d'iaux et aultres, quant on fu widiet de le cambre du conseil, en déterminasmes et sentenciasmes, comme recepveres desdittes mortesmains, par le fourme et manière qui s'enssuit et qu'il est dit etdeviset en ces présentes lettres. C'est assavoir que, bien veult et considéret les raisons d'une part et de l'autre, ossi les monslrances sour ce faîctes et tout chou qui en ce cas y faisoit à voyr et considérer, ledit Jehan de Frasne n'avoit de se poursuilte fait cose apparoir pour coy il ne deuist de ce présent procès dékéyr, et ledit Jehan de là Derrière du catlel que, à cause de sedilte femme, on lui avoit levet, yestre restitués; et se devoit ledit de Frasne rendre et payer les despens de cedit procès à le taxation et ordonnance de Ieditte court des mortesmains. Et pour chou que ceste sentence soit ferme, estable et bien tenue, en avons nous ïhiery le Roy dessusdis, comme recepveur desdittes mortesmains, ces présentes lettres séelléez de nostre séel. Et si pryons et requerrons à saiges et honnourables nos chiers et boins amis Piérart Hellin, Obert le Crespe, Ghui Bourdon, Grart Brongnart, clerc de le court de Mons, Jehan de Saint-Ghillain, maistre Jehan

' Ou, au.

i66 CARTULAIRE

Druelin, Jehan Rollant, Grarl Brongnart le fil, Jehan Moriel, Sandrart d'ElIegnies, Fédricq Escavée, Colinet de Gembluex, Hanin Asquilloit el Gille Hoslon, clerc de ladilte court des mortesmains, qui furent présent comme hommes de fief à madicte très redoubtëe dame la contesse de Haynnau et de Hollande^ pour ce espécialment appeliez, tant les aucuns d'iaux avœcq aultres, à ledicte enqueste conseillier comme en ycelle déterminer en le manière que deseure est dit et deviset, qu'il vœllent mettre et appendre leur seaulx à ces présentes lettres avœcq le nostre, en aprobation de vérité. Et nous li dessusdis hommes de fief, pour ce que nous fûmes présens as choses dessusdittes par espéciaul appellet en le manière que dit est, chil de nous qui seyaulx avons et requis en avons esté, avons à ces présentes mis et appendus nos sceaulx avoec le séel dudit receveur, en congnoissance de plus grant vérité. Cheste scentence fu faicte et prononchie à Mons, à l'ostel dudit recepveur des mortesmains, en plains plais, par j joedi xxvj® jour ou * mois de féverier, l'an de grâce INostre-Seigneur mil Ï1I1« XXXil.

Copie, sur papier, coUationnée le 16 mars 1469 (1470, n. sL) par Godefroid de Courières el Henri Siredieu, hommes de fief de la cour de Mods. — Trésorerie des chartes des comtes de Hainaut, aux Archives de l'État, à Mons. (luvent. de Godefroy, CC. 13.)

MDCCXX.

Lettres de Philippe j duc de Bourgogne^ par lesquelles il ordonne de faire payer au comte de Saint-Pol *, sur la recette de l'aide accordée par les états de Hainaut, la somme de 2,000 écus d'or, pour remboursement de pareille somme que ce comte avait levée à frais, sur ses biens et sa personne, à la requête du duc Jean de Brabant.

(9 mars 1433, n. st., à Bruges.)

Phelippe, par la grâce de Dieu, duc de Bourgoingne, de Lothier, de

* Ou, au.

* Pierre de Luxembourg. /

Brabant et de Lembourg, conte de Flandres, d'Artois, de Bourgoingne, palatin et de Namur, marquiz du Saint-Empire, seigneur de Salins et de Malines, bail, mambour, gouverneur et hoir du pays et conté de Haynau, à nostre amé et féal conseillier, trésorier et gouverneur général de toutes noz finances, Guy Guilbaut, salut et dilection. Savoir vous faisons que, pour ce que, par lettres séellées du séel de feu le duc Phelippe de Brabant, derrain trespassé, nostre cousin, cui Dieu pardoint, apparu nous est que nostre très chier et amé cousin le conte de Saint-Pol, de Conversan et de Brienne, vendy piéçà sur lui et à sa charge certaines pensions ou rentes viagières, à la requeste et au prouffit de deffunct le duc Jehan de Brabant, nostre cousin, que Dieu absoille, dont ycellui nostre cousin de Saint-Pol a esté et est intéressé de la somme de deux mil escuz d'or, de cinquante groz, monnoye de Haynau, chacun escu, qui encores deue lui est, si comme il dit; nous, à l'acquit et descharge dudit feu nostre cousin le duc Phelippe de Brabant dont sommes héritier en partie, avons audit nostre cousin le conte de Saint-Pol ordonné et ordonnons avoir et prendre de nous laditte somme de deux mil escuz d'or dudit pris, pour une foiz, des deniers de l'aide à nous nagaires accordé par les trois estas dudit pays de Haynau. Si voulons et vous mandons que ycelle somme de u™ escuz du pris que dessus vous, par nostre receveur et des deniers dudit aide, faites à nostredit cousin de Saint-Pol ou à son certain mandement payer et délivrer, et par rapportant ces présentes ensemble lesdittes lettres du devantdit nostre cousin le duc Phelippe de Brabant et quittance souffissanle de laditte somme, nous voulons qu'elle soit allouée es comptes de nostre receveur dudit aide et rabatut de sa recepte par ceulx qui sesdis comptes auront à oïr, ausquelz mandons que ainsi le facent sans contredit, nonobstant quelxconques mandemens ou deffences à ce contraires. Donné en nostre ville de Bruges, le IX® jour de mars, l'an de grâce mil quatre cens trente-deux, soubz nostre séel de secret en absence du grant.

Par monseigneur le duc, le sK' de Croy, l'arcediacre de Veuguecin, le s^'de et Guy Guilbaut;

HlBEKTl.

{Sur le dos :) Guy Guilbaut, conseillier, trésorier et gouverneur général

de toutes les finances de monseigneur le duc de Bourgoingne et de Brabant, Receveur général de Haynau ou autre commis ou à commettre à savoir de par mondit seigneur, surl'ayde naguères à lui accordée par les trois estas de son pays de Hainau, acomplissez le contenu au blanc de ces présentes, ainsi que mondit seigneur le veult et mande par icelles. £script soubs mon seing manuel, le xj* jour de septembre, l'an mil CCCC trente et trois;