CR

sance, a requeneu que il a fait eschange au priour de Woignory, de Marie, sa famme, fille Duirant de Buisères, et de Vibor, fille Jobert de Feroncles, famme au devant dis priour, an tel meniere que la devant ditte Marie conta et aura et sui hoir tout l’eritaige la devant dite Vibor et la dites Vibors conta et aura et sui hoir tout l’eritaige la devant dicte Marie quitemant et am pais. Et fais à savoir que li oirt qui itront de la dite Marie serunt au priour de Woingnory et li oir qui seront de la dite Vibor seront à monsignour Gautier de Louveres ou à ses hoirs de lui defaillant, et de cest eschange a premis mes sires Gautier de Louveres au priour de sus dit à porter leaul garantie vers totes gent. Ou tesmoing de la quel chosse je ay fait ces lettres saeler de mon seel, à la requeste de mon signour Gautier chevalier de Louveres, et ce fuit fait an l’an de grace mil cc et cinquante, ou mois de may.