XXX VII

C’EST LA CHATRE DE LA CONFIRMATION DE LA QUITANCE DOU GISTE DEZ CHIENS ET DES ROUSEULES ET FEULLIES ET DE L’ESQUEST DE L’USAIGE DOU BOIS POUR LES HOMMES DOU PRIOUR DEMORANS A VOINGNORY (1).

Philippe, par la grace de Dieu Roy de France, à touz ceulz. qui ces présentes lettres verront, salut. Savoir faisons que nous avons veu unes lettres contenens la fourme qui s'ensuit : À touz ceulx qui verront et orront ces présentes lettres, Jehan chevalier, sires de Saint-Disier et de Voingnorri et Aalis d'Aufemont, sa loyal compaigne et esSpouse, dame de diz lieux, salut. Saichent tuit que pour. ce que Pierres prieur de Voingnorri, nous a baillié, quitté et délivré souz les seaulz de l'abbé et du couvent de

(1) Ces lettres reproduisent en entier le texte de la charte précédente, mais avec de telles variantes d'orthographe qu’en les donnant toutes deux nous ne croyons pas faire double emploi.

Saint-Bénigne de Dijon, du dyocèse de Lengres, de l’ordre Saint-Benoit, ensamble le seel du quel li diz prieur use en la dicte prieuré, la vente du quart marchié, les havées de sel, les soissante so1lz pour le quart foretage du lendemain de Noel et le sauveur séant lez la fontainne aus moinnes, nous Jehan et Aalis dessus nomméz, d'accord pareil et d’assentement commun, en récompensacion des choses dessus dictes et par pur et loyal eschange, avons quitté et quittons perpétuelment et avons franchi et franchissons à touz jours le ÿrieur et la prieuré dessus dicte d’une rente annuele qui est appellée roisseules et foillies et de touz autres services ou rentes annuelz que nous ou nostre officier demandiens ‘ou poviens ‘avoir sur le prieur ou prieuré dessus dit chascun an le jour de la feste Saint-Estienne, qui est landemain de la nativité nostre Seigneur, pour cinq solz tournois petiz, monnoie coursable pour le temps, que li diz prieur paiera chascun an le dit jour de la feste Saint-Estienne et si successeur aussi en la dicte ville de Voingnorri à nous Jehan dessus nomméz ou à ceulz qui de nous auront cause. Et aussi avons quitté et quittons, remettons et laissons à perpétuité le gite de noz veneours tant de l’un comme de l’autre et de nos chiens aussi, et tout le droit que nous poviens avoir pour cause du dit gite sus les hommes et fames du dit prieuré en quelque lieu et ville que ce soit et par quelque non qu'elle soit appellée ou dite. Avons encor baillié et baillons et avons quitté et quittons et octroions à perpétuité es hommes et fames du dit prieuré demourans à Voingnorri plain usage pour eulz et pour leurs hoiïrs es bois et es forés du dit Voingnorri touz et toutes en la manière et en la fourme que nostre bourgeois demourant au dit Voignorri li ont, ou quel usage li hommes et fames du dit prieuré se disoient avoir droit devant la confeccion de ces lettres, la quelle chose nous Jehan sires dessus nomméz avons trouvé en vérité par informacion deuement faite, des quiex roisseules, foillies et autres rantes ou services, gites de chiens et de veneurs et plain usage es bois et foréz, nous Jehan et .Aalis dessus nomméz pour :

nous et pour nos hoiïrs nous dévestons et le dit prieur et la prieuic pour li et ses successeurs, les hommes et fames de la dicte prieuré touz et toutes pour eulz et pour leurs hoiïrs, et unz chascun pour tant comme à lui touche, en revestons par la tradicion de ces présentes lettres, et n’estans nostre entencion que pour cause du dessus dit eschange nous renoncions à la garde que nous entendons à avoir ou dit prieurtei ne ou droit que nous nous disons avoir sur les hommes et fames de Humbevi!le. Promettons en bonne foi et par nos seremens corporelment donnés pour nous et pour nos hoirs, que nous contre les choses dessus dictes ou contre aucunes d’ycelles ne vanrons ne ferons ou consentirons à venir par nous ne par autre, mais au dit prieur et ses successeurs, et hommes et fames de la dicte prieuré pour eulz et pour leurs hoirs et un chascun d’eulz pour tant comme à lui touche, porterons garantie bonne et loyal envers touz et contre touz, et par tant de foys comme mestier sera, sus obligacion de nous» de nos biens, et de nos hoirs et des biens de nos hoirs, meubles et héritages, présens et à venir, les quiez quant à ce nous avons soubmis et soubmettons en la juridiccion et contraincte de quelquez seigneur ou justice que il plaira miex au dit prieur, et hommes et fames de la dicte prieurté, tant du roy comme d’autre, tant d’église comme séculière, pour les choses dessus dictes toutes et singulaires tenir et accomplir et fermement garder. Renunçons en ce fait à toutes excepcions, décepcions, fraudes, baras, privilèges, indulgences, au droit disant général renunciacion non valoir, et à toute aide et bénéfice de droit canon et civil, à ce que nous puissiens dire estre déceu oultre la moitié de juste pris, et à toutes accions et excepcions de droit ou de fait que contre ces présentes lettres pourroient estre dictes ou opposées. En tesmoing de vérité, nous Jehan et Aalis dessus nomméz avons mis noz grans seelz en ces présentes lettres faites et données le samedi après la purificacion nostre Dame, l’an de grace mil ccc trente et un, ou mois de février. Lesquelles lettres et tout ce qui en ycelles est contenu nous loons, aggréons,

approuvons et ratifions et de nostre plain povoir et auctorité royal confermons, sauf en autres choses nostre droit et en toutes l’autrui. En tesmoing de ce nous avons fait mettre nostre seel en ces présentes lettres. Donné en l’abbaye royal de nostre Dame de lez Pontoise, l’an de grace mil ccc trente et sept ou mois d’avril.

Original : Archives de la Haute-Marne, Vignory, cote 101.