BI

que faite avons aus dis hommes et femmes, bourgois et bourgoisses de la dite ville d’'Ambonville demeurent et habitant en ycelle, avec les convenances toutes et singulères dessus dites, leur avons nous promis et promnettons et par la foy de nostre corps, tenir, entériner et asseur sens aucuns deffaut, pour nous, pour nos hoirs ou pour ceulx qui de nous averunt la cause, et que nous contre la dite donation et chosses dessus dites ne yrons ne aler ne ferons par nous ne par autre en apper ne en requoy, mais les tanrqns, entérinerons entérinemant (1) et fermement pour tous jours mais bien et loiaulment, sus l'obligation de tous nos biens et des biens de nos hors, meubles et non meubles, présens et advenir, quelque part qu’il soient ou puissient estre trouvéz, les quelz quant ad ce aous avons submis et submettons à la juridiciom et contraincte dou roy nostre seignour et de sa gent, pour pranre, vandre et esploitier, et de randre tous coulz et domaiges que les dis habitans pouroient avoir es chosses dessus dites par nous ou par nous hors. En tesmoing de la quelle chosse, nous, Esdouars sires devant nommés, avons fait mettre nostre seel en ces présentes lettres, qui furent faites et saellées le lundi devant la nativité saint Jeham Baptiste, l’an de grace nostre signour mil trois cens soixante et douze.

QUARTA DE USAGIO QUOD ILLI DE WANGIONERIVO HABENT IN NEMORIBUS DE DICTO LOCO

(avant 13732)

À tous, etc., Jehans sires de Saint-Disier et de Voingnory, queux de France, et Marie de Bar sa léaul com-

(1) Entièrement.

paingne et espouse, dame des dis lieux, salut. Comme nostre homme, bourjois et habitant de nostre ville de Voingnory, par les rapors et prinses certinères que leur ont fait et font de jour en jour nostre sergent fourestier et gardes de nos fourelz et bois dou dit Voingnory et plus pour-eulz esploitier et faire leur profit singuler que le nostre, yceulx habitant soient et aient esté souvant orevé ct domaigié et les aucuns si apoyri que à poinnes povons nou: avoir d’eulz les débites, servitutes et redevances es quelles il sont tenu à nous annuelment, ei ses griés et domaiges lourt sont et aient esté fais par nos dis serjant et fourrestier soubz ombre de ce que il sont crehu seur yceulz habitant pour dire que il ont été pris meffasant au foui et au chesne de nos dites fourrelz, et des rapors fais par yceulx serjans nos fourestiers seur yceulx habitant dou dit Voingnory nous vaigne très petis proffis, combien que grant domaige y aient yceulz habitans, si comme il dient, et de ce soiens et aiens esté suffisaument enformés, saichent tuit que nous qui le domaige ne l’amanrissement de la chevance d’iceulx habitans ne voulons mie, mais la multiplication et acroissemant de lour biens et de lourt chevance voulons et désirons de tout nostre cueur, velontey et affection, et à lour grief et domaiges volons remédier si comme faire le povons, sens la lession ou amanrissemant de nostire héritaige, avons à yceulx nos bourgois et bourjoisses pour leur et pour leur hoirs et successours demorans, résidans et habitans en nostre dite ville de Voingnory, perpétuelment donné et ouctroié, donnons et ouctroions leur usaige en tous nos bois et fourelz appendans et appartenans à nostre chastel et chastellerie dou dit Voingnory, au foul et au chasne, pour coper, chargier, charroier, maisonner, édiffier, chaufer, charbonner, eulz affener, et en faire toutes leur aissances et nécessités es lieux et par la menière ou instrumens que bon leur samblera, sens vandre et sens donner fours que l’un à l’autre tant seullemant, et sens paier pour ce à nous ou à aucuns de nos successours ou qui de nous ehust la cause, fourfait ou

LEA CEE

amende aucune, excepté tant seulement le perier et le pommier les quelz perier et pommier nous ne voulons mie ne si n’antandons estre compris en ceste présente donation ne que pour yceste donation les autres drois et coustumes que nous avons acoustumés de avoir et pranre en nos dites fourrelz en soient en riens périllié ne amanry. Et est à savoir que pour et parmi la dite donation faite par nous à yceulz nos bourjois et habitans de nostre dite ville de Voingnory, et l’anullemant que nous leur avons fait et faisons dez fourfais et amandes es quelles il povoient encheoir pour le meffait dou foul et dou chasne, nous avons ehu et recehu des dis nos bourjois et habitans la somme de quatre cens florins de Florence de bon our et de juste pois et les en avons quictiés et quictons à tous jours par la tradition de ces présentes lettres. Et la donation, concessions et otroy que faicte avons à yceulz nos bourjois demorans et habitans en nostre dite ville de Voingnory, avec les convenances toutes et singulères dessus dites, lour avons nous promis et promet tons loialment et en bonne foy pour nous et pour nos hoirs celi o1 ceuiz qui de nous ou de nos hoirs averont cause, tenir, guarder, garantir et deffandre vers tous et contre tous en tant de cours et par tant de fois comme mestier leur sera, et le non venir aucunemant encontre par nous ne par autre en apert ne en requoy. Et quant à tenir, garder, garantir et deffandre ycelle donation à yceuiz nos bourjois et habitans, leur hoirs ou successours, habitans, résidens et demorans en nostre dite ville de Voingnory, nous en avons obligié et obligons en la juridic'on et contrainte dou roy nostre sire et de tous autres juges, signeurs séculers ou d'église, tous nos biens et les biens de nos hoirs, meubles et non meubles, présens et advenir, renonçons en ce fait à toutes exeptions, déceptions, fraudes, baras, previlèges et indulgences et à toutes autres choses qui contre ces présentes lettres pourroient estre dites, propossées ou opposées. Et n’est mie nostre entente que pour ceste présente donation aucunes de lour autres lettres ou previlèges que il ont ou puent avoir

OR

autre fois données à eux sur l’usaige des dis bois et fourelz en soient en riens empirées, anullées, amanries ou cassées. Eu tesmoing de vérité, nous Jeham sires dessus nommés, qui la dite Marie nostre leiaul compaigne et espouse avons licensié de ce faire, accorder, agréer, passer et seeller toutes les chouses dessus dites, et nous Marie de Bar dame des dis lieux, qui la dite licence à nous seur ce donnée de mon dit seignour ef mary, avons prinse et recehue en nous, d’um commun accort, voulantey et consantemant, avons mis nos seelz en ces présentes lettres qui furent faites et seellées, etc.

QUARTA DE SCAMBIO FACTO INTER PRIOREM DE VANGIONERIVO ET JOHANNEM DE AMBONVILLA DE SUIS HOMINIBUS ET GENERATIONE EORUM ET POSSESSIONE EORUM

A tous ceulz qui verront et ouront ces présentes lettres, Jehans d’Ambonville escuiers, sires dou dit Ambonville en partie, salut. Saichent tuit que honorable et discrète personne monsire Eude Griffon de Dijon, prieur de Voingnory, et moy, avons traitié et acordé ensamble seur le fait des mariages de Jeham Ledalier d’Ambonville, homme de corps dou dit priourey et de Jehannote sa femme, femme de corps à moy Jehan dessus dit, et auxi dou mariage de Nicolas Bourse Trouvée d'Ambonville, mon homme de corps et de Jehannote, sa femme, fille dou dit Heulier et femme de corps dou dit prioré, par le congié, consantemant et voulanté des dites

parties par la menière qui s’ansuit, c’est à savoir quar le dit Eulier baillera et délivrera au dit Nicolas son genre et à la dite Jehannote sa femme, fille dou dit Eulier la tierce partie de ses biens, réservé ceulz que le dit Eulier avoit ehus de par Jehannote sa femme, qui li seront baillés frainchemant, et auxi sera baillié au dit Eulier tout tel droit comme il doit pranre contre la dite Jehannote sa fille par la mort de Ysabel, mère de la dite Jehannote et jadis femme dou dit Eulier. Et quant aus corps des dites Jehannotes femmes dou dit Eulier et dou dit Nicolas et de leur ligniez, elles il demeurent et demourront perpétuelmant à nous signours dessus dis, c’est à savoir la dite Jehannote fille Leulier et sa lignie à moy Jeham d’Ambonville dessus dit et à nos hoirs, et la dite Jehannote fille la Pute Beste (1), femme dou dit Eulier, au prieux et prioré dou dit Voingnory,et sa lignie, de la conditiom que sont les autres hommes et femmes dou dit prioré et de moy en la dite ville d'Ambonville. Et auxi tanront les dites Jehannotes et leur hoirs leur héritaiges en la menière qui s’ansuit, c’est à savoir quar la dite Jehannote, fiile la Pute Beste et femme dou dit Eulier avera et tanra tout l’éritaige de la dite Jehannote fille Leulier quelz qu'il soit, et la dite Jehannotte fille Leulier avera et tanra tout l’éritaige que la dite Jehannote, fille de la Pute Beste, avoit où povoit avoir pour leur et leur hors pour tous jours, et pranront et doient pranre les dites parties leur héritaiges en la manière que eux sont à présent. Et le dit traitié e‘ accort ay je promis et promet à tenir pour moy et pour mes hoirs ferme et estaub'e, sens jamais aler ne faire venir encontre, seur l'obligation de tous mes biens et des biens de mes hoirs présens et advenir. Et pour ce que se soit plus ferme chose, je Jehans d’Ambonville dessus dis ay mis mon

(1) Aymo de Sexfontaine qui vivait au xure siècie, portait le surnom de Pute Penn: (laide plume). Jolibois : La Haute-Marne ancienne et moderne, p. 504. Les mots peur, peutte, dans le sens de laid, laide, se sont conservés dans certains patois de l'Est, notamment en Bourgogne.

seel en ces présentes lettres qui furent faites et seellées le mecredi voille «le [a feste dou saint sacrement, l’an mil trois cens soixante et dix et sept, ou mois de may.

XLIITI

QUARTA DE HOG QUOD PRIOR DE WANGIONERIVO DEBET EPISCOPO LINGONENSI, CAUSA PRO— CURATIONIS ET VISITATIONIS

Noverint universi quod ego Nicolaus Huonis de Musnilleio clericus Lingonensis, procurationum et visitationum reverendo in Xristo patri ac domino domino Guillelmo permissione divina Lingonensi episcopo a personis ecclesiasticis, curatis et... dyocesis Lingonensis debitarum, tam ratione visitationis quam habet et habere consuevit idem dominus episcopus de jure vel consuetudine Super dictis personis ecclesiasticis, earumque ecclesiis, monasteriis ac locis aliis ecclesiasticis, exemptis et non exemptis, dictarum civitatum ac dyocesis, quam alias, super quibus eodem domino meo a sede apostolica extitit facta gratia specialis, ab ipso domino receptor deputatus, recepi et habui occasione hujusmodi pro anno presenti ac nomine visitationis et procurationis dicti domini mei à priore de Vangionerivo, dicte dyocesis, decem libras turonensium parvorum moderatas per vicarios dicti domini mei de summa cuindecim librarum turonensium ipsi priori pro dicta procuratione taxatarum et impositarum, ex et pro eo quod per litteras dictos dominos vicarios et me informavit quod decem libras turonenses duntaxat pro dicta procuratione solvere consuevit, quittens nomine quo supra ‘ictum priorem pro dictis de :em

libris de visitatione, procuratione et pecunie summa supradictis per presentes. Datum sub sigillo curie Lingonensis die xvi® mensis septembri, videlicet die sabbati post festum exaltationis sancte crucis, anno domini millo coc° quadragesimo sexto.