QUARTA DE CONCORDATO FACTO INTER CONVENTUM

SANCTI BENIGNI ET PRIOREM DE WANGIO- NERIVO DE XIII FLORENIS (1)

À tous ceulz qui verront et orront ces présentes lettres, Jehans Gile garde dou seel de la prévosté de Chaumont, salut. Saichent tuit que par devant Guillaume Lesgelay et Drouot Raverre de Chaumont clers jurés estaublis ad ce faire au dit Chaumont et en la chastellerie de par nostre sire le roy, vint en propre personne espéciaulment pour ceste chouse religieuse personne frère Hugues de Fontainnes moinnes de saint Bénigne de Dyion prieux dou prieurtey de Voingnorry, disans et affermans en véritey que comme il et sui prédécesseur prieur dou dit lieu feussent tenu de faire et paier un maingier à leurs despans ou monastère dou dit saint Bénigne, à l’abbey et au couvent d’icelieu par chascun an le jour de la feste de la nativité saint Jehan Baptiste, et il soit ensuit que au

(1) Cette charte, quoique mentionnée dans l'Index chartarum, ne figure pas dans notre Cartulaire. La place qu'elle y devait occuper est restée en blanc. Nous en donnons le texte d’après l'original qui est conservé aux Archives de la Côte-d'Or.

ms 56 2

chaspitre généraul d’icelieu qui se tint environ la feste saint Luc euvangéliste l'an mil trois cens cinquante et huit, dairenier passé, li dis prieux eust traittié et aeourdé au dit abbey dou dit maingier qu'il et sui successeurs en seroient et demourroient quitte à tous jours mais perpétuelment parmi et pour la somme de treze florins de Florence de bon our et de bon poix qu’il en devoient rendre et paier tous les ans à Dyion aux dis abbey et couvent adez la sepmainne devant la dite feste de la nativité saint Jehan Baptiste, pour ce est il que icilz prieur recognut et confessa de sa bonne velonté sens force et sens controintte par devant les dis jurés qu’il doit, est et sera tenuz à rendre et à paier par chascun an perpétuelment dès ci en avent au terme et en la menière que dit est, aux dis abbey et couvent la dite somme de florins pour la cause dessus dite, la quelle somme li dis prieux pour li et ses successeurs promist par sa foy corporelment donnée es mains des dis jurés et sur le veu de sa religion à rendre et à paier par chascun an à tous jours mais aux dis abbey et couvent au terme et en la menière ci dessus contenue et devisey, sens aucun deffault, sur poinne de rendre et restaublir tous coustemens, intérest et dommaiges des que!z li pourterres de ces lettres seroit creus par son simple sairement sens autre preuve faire. Pour les quelz chouses dessus dites mieulx et plus certainnement entériner et acomplir en la propre forme et menière que dessus est dit, contenu et devisé, li dis prieux en a obligié et oblige lui, ses successeurs, tous les biens de son dit prieurtey et des membres d'icelli et de ses successeurs, moubles et non moubles, présens et avenir, les quelz où que il soient et pourront estre trouvés il a soubmis et encou soubmet pour ceste chouse à la juridicion et controintte dou roy nostre sire, dou bailli et dou prévost dou dit Chaumont, de lor successeurs et de lor gens, de tous autres justiciers, et d’un chascun d’aux, envers les quelz ou le quel li pourterres de ces lettres s’en voudra traire auxi comme pour chouse recogneue par devant aux et de eux adjugié en lor cours,

en renoncent en ce fait de certainne science par sa dite foy et sur son dit veu à toutes autres juridicions et controinttes, à toutes graces, frainchises, fraudes, décevances et excepcions, et à toutes autres chouses, paroles et convenances contraires ad ce fait, qui ne seroient contenues ne expressées en ces présentes lettres, espéciaulment au droit disant généraul renonciacion non valoir. En tesmoing de la quelle chouse, je Jehans Gile devant nommés, à la relacion des dis jurés ay seellées ces lettres dou seel de la prévosté dou dit Chaumont et de mon propre seel en contre seel, sauf le droit nostre sire le roy et l’autrui. Ce fu fait dix et nuef jours ou mois de février, l’an de grace mil trois cens cinquante et nuef.

Original : Archives de la Côte-d'Or, fonds de Saint-Bénigne, H 30.