ES
LE
PROCURATIO AD SPIRITUALEM PRIORATUS ADMINISTRATIONEM
Universis presentes inspecturis, salutem in domino. Notum facimus quod nos frater Petrus M. ordinis sancti Benedicti, humilis prior prioratus sancti Stephani Wangionis rivi, dependentis à monasterio sancti Benigni Divionensis, Lingonensis diocesis, de industria, scientia, moribus, vita et honestate dilecti nostri N, sufficienter informati, certis de causis ad hoc animum nostrum moventibus, in magistri N. notarii ac testium infra scriptorum presentia, constituimus, ordinavimus et fecimus, facimusque per presentes, constituimus, ordinamus predictum dominum N. nostrum vicarium generalem in spiritualibus, scilicet specialiter et expresse dantes eidem predicto nostro vicario omnimodam potestatem ad quecunque beneficia, curata et non curata, in nostra presentatione vel collatione, ratione dicti nostri prioratus existentia, quovismodo vacantia aut vacatura, presentandum et conferendum, promittentes sub voto nostre relligionis nos ratum, firmum, gratum atque stabile habere et perpetuo habiturum omne id et quidquid per predictum nostrum vicarium, actum gestumve fuerit in premissis, ac si presentes et personaliter interessemus et per nosmetipsos factum fuisset. In cujus rei robur, fidem ac testimonium, sigillum nostrum presentibus litteris duximus apponendum. Datum in prefato nostro prioratu Wangionis rivi, anno domini, etc..., die, mense, etc...; presentibus testibus N. N. testibus ad hoc vocatis specialiter atque rogatis. Presentibus litteris valituris et irrevocabilibus per terminum aut sicut placuerit a data earum computando.
EL
J “mp. À . Gerin Dijon. Le Clert. del
1 Jean 11 de DAMPIERRE. 2 Contre sceau du même
