LA DERNIÈRE BENEDICTION DE L’ARCHEVÊQUE

Paien s’en fuient curuçus e iriet ,

2165 Envers Espaigne tendent de P espleitier,

Li quens Rollanz ne ’s ad dune encalciez.

Perdut i ad Yeillantif sun destrier :

Yoeillet o nun , remés i est à pied.

A P arcevesque Turpin alat aidier,

2170 Sun helme ad or li deslaçat de P chief ,

Si li tolit le blanc osberc legier,

E sun blialt li ad tut detrenchiet ,

En ses granz plaies les pans li ad fichiet ;

Cuntre sun piz, pois, si P ad embraciet;

2175 Sur l’herbe verte, pois, l’ad suef culchiet.

Mult dulcement li ad Rollanz preiet :

« E! gentilz hum, kar me dunez cungied.

« Noz cumpaignuns, que oümes tant chiers , cc Or sunt il mort , ne’s i devum laissier ;

2180 « Jo’es voeill aler e querre e entercier,

<c Dedevant vus juster e enrengier. »

Dist l’Arcevesques : « Alez e repairiez.

<c Cist camps est vostre, la mercit Deu, e miens. » Aoi.

Rollanz s’en turnet , par le camp vait tut suis ,

2185 Cerchet les vais e si cerchet les munz;

Iloec truvat Ivoerie e Ivun,

Truvat Gerin, Gerier sun cumpaignun,

« Tant de nobles rois se sont déjà mis aux pieds de V Empereur.

« Ce n'est pas Marsile qui nous pourra jamais sauver ,

« El nous avons perdu la riche Espagne ,

« Si l'Émir ne vient la défendre pour nous . »