LE CHATIMENT DES SARRASINS

CG Vil

Morz est Rollanz, Deus en ad Fannie es ciels... — Li Emperere en Rencesvals parvient.

Il nen i ad ne veie, ne sentier,

2400 Ne vuide terre, ne aine, ne plein pied,

Que il n’i ait o Franceis o paien.

Caries escriet : « U estes vus, bels niés?

« U FArcevesques e li quens Oliviers?

« U est Gerins e sis cumpainz Geriers?

2405 « Otes ù est, e li quens Berengiers?

« Ives e Ivories, que j’ aveie tant chiers?

« Qu’ est devemiz li Guascuinz Engeliers,

« Sansun li dux e Anseïs li fiers ?

« U est Gerarz de Russillun , ii vielz,

2410 « Li duze Per que j’ aveie laissiet? »

De ço qui calt, quant nuis nen respundiet?

« Deus, » dist li Reis, « tant me pois esmaier <c Que jo ne fui à l’estur cumencier ! »

Tiret sa barbe cume hum ki est iriez.

2415 Pluret des oilz e si franc chevalier ;

Encuntre tere se pasment vint millier :

Naimes li dux en ad mult grant pitiet.

CCVI1I

En Rencesvals mult grant est la dulur , Il nen i ad chevalier ne barun Que de pitiet mult durement ne plurt ; 2420 Plurent lur filz , lur freres, lur nevulz E lur amis e lur liges seignurs.

Encuntre terre se pasment li plusur*