XI I I

180 « Seignurs baruns, » dist Y emperere Caries,

« Li reis Marsilies m’ad tramis ses messages « De sun aveir me voelt duner grant masse,

« Urs e leuns e veltres caeignables,

« Set cenz cameilz e mil osturs muables ,

185 « Quatre cenz muls cargiez de For d’Arabe,

« Avoec iço plus de cinquante cares ;

« Mais il me mandet que en France m’en alge :

« Il me sivrat ad Ais à mun estage,

« Si recevrat la nostre lei plus salve ;

190 « Chrestiens iert, de mei tiendrai ses Marches ;

« Mais jo ne sai quels en est sis curages. »

Dient Franceis : « Il nus i cuvient guarde. » Aoi.

Li Emperere out sa raisun fenie.

Li quens Rollanz, ki ne l’otriet mie,

195 En piez se drecet, si li vint cuntredire.

Il dist à 1’ Rei : « Ja mar creirez Marsilie.

« Set anz ad pleins qu’en Espaigne venimes :

« Jo vus cunquis e Noples e Commibles;

« Pris ai Valterne e la tere de Pine ,