DIALOGUES ET PASTOURELLES

— Bauduin, il sont dui amaiil , (52) Qui aiment de cuer sans trichier

Une pucelle de jouvent :

Li quels la doit miex desrainier ?

Li uns aime por ses valors

El por sa cortoisie aussi :

Li autres l'aime par amors,

Por la grand beauté , qu'est en ii. »

— Sire, saichiez certainement Que celui doit tenir plus chier Qui por son bon enseignement L'aime de loial cuer entier.

Car cortoisie et grans honors Plaisent plus à loial ami , Que beautés ne fresche colors, Où il n'a pitié ne merci. »

— Bauduin , la très grant beauté A valors et mainte vertu :

S'ele disoit grant nicetez , (a) Oncques si cortois mos ne fu. Grans beautés fait cuer forsener Plus que nule autre rien vivant :

Ne nus ne puet son cuer doner Se la beauté n'i est avant. »

— Sire , saichiez de vérité Beautez a tout son non perdu, Puis que valors a esîevé

A Dame son nom et creu.

Cortoisie Dame fait loer (b)

Et son beaux acointement,

Et tosjors en bon pris monter ;

Ce dont beautez ne fait noient. »

— Bauduin , assez vieille trove-t-en Plus laide que nus chiens ,

Qui a cortoisie et grant sens ;

Mais au couchier ne valt riens, (c)

Si la fait or si boin amer ,

Por ce que bel vos parlera.

La bêle ne puet mal parler ;

Ains est bon , quant qu'ele dira. » (d)

— Sire , ce ne dirai oan Qu'à vieille soie, ne ja siens (e) Ne serai mais. Si com j'entens , Blâmer me volez les grans biens , Que bêle Dame scet montrer , Qui cortoisie et bon pris a.

Miex deveriez celui blasmer , Qui por beauté valor laira. »

— Bauduin , seul d'un regarder Et d'un ris , quant le me fera

La bêle , que je n'os nommer , Vaut quant que la laide donra. »

— Sire, li miens cuer remuer Ne se velt de celé, qui l'a. (f) Valors l'a fait emprisoner , A qui cortoisie le dona. »

-Bons roisThiébaut^ en chantant responclez(a)?(55^

Jeune dame très belle et avenant

Sor toute rien de fin cuer amerez ;

Mais n'en porrez avoir votre talent,

S'a vostre col gésir ne la portez

Chiés un autre , qui de li est amez ,

Or se celi ne li faites venir

En vostre hostel , pour avec li gésir. »

— Beaudouin, voir , mauvais jeu me portez. Mais por avoir ma Dame à mon talent (b)

La porterai , puisque il est ses grez , Entre mes bras baisant et acolant.

Ja ne croirai que soit sa volontez, S'on me juroit cent fois saint Barnabe , Après ce bien , qu'el me veuille trahir. Fins amis doit ou atendre ou mourir. »

— Por Dieu ! Sire , trop avez meschoisi , Quant vos de li volez saisir celui,

Que ele tient por son loial ami.

Ne la verrez jamais jor sans ennui ,

Puisque celui vos en aurez saisi.

Trop a le cuer mauvais et endormi,

Qui s'amie porte autrui à son col.

J'aim miex soffrir qu'on me tenist par fol. »

— Bauduin , cil a bien d'amors menti , Qui sa Dame vuet laissier à nullui.

S'on me devoit détranchier tôt par mi,

Ne la puis je guerpir, dès que sien sui.

Ains me plait tant Fatente de merci ,

Que le vilain envieux en obli ,

Que je molt hé , foi que je dois saint Pol.

Mais tôt le monde ne pris sans li un chol. »

-— Certes , Sire , onques de cuer n'ama , Qui s'amie vuet chiés autrui îaissier.

Et qui de ce à droit jugier voudra , Je doi servir ce qu'elle aime et tient chier , Tant m'ennuit-il ce qu'ele en fera.

Miex vueil soffrir que cil , qu'ele amera , En mon hostel en face son voloir , Qu'il fust saisis , et j'aimasse en espoir. » (c)

— Baudouin , voir , ja chiez moi n'entrera Mes anemis por ma Dame baillier.

Mais ma Dame la , où il li plaira , Veuil je porter et servir sans dangier. Ne ja por riens mes cuers n'en retraira , S'ele me dit : — Biaux amis, je vois là. » C'est fainlise ; je n'en cuid pas de voir ; Car el le dit por moi faire doloir. »

— Bons rois Thiébaut, Sire^ conseillez moi?(o4) Une dame moll ai lonc tems amée De cuer loial , sachiez, en bonne foi.

Mais ne li os descovrir ma pensée ; Tel paor ai que ne me soit vée De li l'amors , qui me deslraint sovent. Dites, Sire, qu'en font li fin amant ? Sueffrent il tuit aussi si grant dolor, Ou s'il dient le mal , qu'il ont d'amour ? »

— Glers, je vos lo et prie que teigniez cois. Ne dites pas porquoi ele vos hée :

Mais servez tant et faites le porquoi Qu'ele sache ce que voslre cuers bée; Que par servir est mainte amor donée.

Par mos couvers et par cointes semblans , Et par signes doit on venir avant ; Qu'ele sache le mal et la dolor, Que trait por li fins amis nuit et jor. »

— Par Dieu, Sire, tel consoil me donez Oii ma mort gist et ma grant mésestance : Que moz couvers et signe , ce savez ,

Et tel semblant viennent de décevance.

Assez trueve on ^ qui set faire semblance De bien amer sans grant dolour souffrir. Mais fins amis ne puet son mal covrir , Que il ne die ce, dont au cuer ii vient Par l'angoisse doa mal, que il sostient. »

— Clers , je vois bien que haster vos volés. Et bien est droit ; qu'en clers n'a astenance. fa) Mais se j'amoie autant , com dit avez ,

Ne r diroie por quant qu'il a en France. Car quant Ton est devant li en présence, Adonc viennent trembler et grief sospir ; Et li cuer faut , quant doit la bouche ouvrir. N'est pas amis , qui sa Dame ne crient ; Car la criente de la grant Amors vient. » (b)

— Par Deu, Sire, pou sentez, ce m'est vis, La grant dolour, le mal et la juise, (c)

Que nuit et jour trait fins loiaus amis. Ne savez pas comment Amors justise Ce qui sien est et en sa comAcdise.

Je sai de voir que, se le seifSez, Ja dou dire ne me repreissiez ; Car por ce fait Amors ami doloir, Que de son mal regehisse le voir. »

— Clers, je voi bien que tant estes espris Que la corone est bien en vos assise. Quant dou proier parestes si hastis,

Ce fait li maux des rains, qui vos alise : (d) Itex Amours n'est pas au cuer assise.

Dites li tost , quant vos si angoissiez ; Ou losl Taiez, ou vcs tost la laissiez. Car bien puet on à vos diz percevoir Qu'aillors volez changier vostre voloir. »

— Par Deu ! Sire, j'aim de cuer sans faintise: Mais vous guiez Araors ; por ce cuidiez

Que je soie aussi ireslot changiez Com vos estes, qui mis à nonchaloir Avez A mors, et ceus de son pooir. »

— Clers , puisqu'à moi avez tel guerre prise, Et vos de rien mon consoil ne prisiez.

Criez merci, mains jointes, à ses pies,

Et li distes tout quant que vos voudrés. » (e)

— Dame^ merci ! une riens vous demant : (55) Dites moi voir , se Dieu vous beneie , (a) Quant vous morrez et je ( mais c'iert avant ; Car après vos ne vivroie je mie, ) (b)

Que devenra Amors celé esbahie?

Que tant avés sens , valeur , et j'aim tant

Que je croi bien qu'après nous iert faillie. » (c)

— Par Dieu ! Thiebaul , selon mon escient Amors n'iert ja pour nulo mort périe.

Ne je ne sai se vous m'alez gabant , (dj Que trop maigres n'estes vos encor mie. (e) Quant nous morrons , Diex nous doint bone vie !

Bien sai qu'Araors dommage i aura granl ; iMais tos jors iert valors d'Amor joïe » (f)

— Dame, certes ne devés pas cuidier, Mais bien savoir que trop vous ai amée.

De la joie m'en aim g' plus et tieng chier : (g) Et por ce ai ma graisse recovrée ; (h) Qu'ains Diex ne fîst si très bêle riens née Com vous. Mais ce me fait trop esmaier, Quant nous morrons, qu'Amors sera finée. »

— Taisiés, Thiebault ! Nul ne doit commencier (i) Raison , qui soit de tous droits desevrée.

Yous le dites pour moi amoloier Encontre vous , que tant avez guillée.

Je ne di pas certes que je vous hée ; Mais se d'Amors me convenoit jugier, Ele en seroit servie et honourée. »

— Dame , Diex doint que vos jugiez k droit , Et conoissiés les maus , qui me font plaindre ! Que je sai bien quels que li jugement soit , Se je en muir , qu'Amors convendra faindre , Se vous , Dame , ne le faites remaindre Dedans son leus, arrière oii ele estoit : (j) Qu'à vostre sens ne porroit nus aiaindre. » (1)

-Thiébaul, s'Amors vous fait pour moi destraindre, Ne vous grief pas ; que s'araer m'estovoit , (m) J'ai bien un cuer , qui ne se sauroit faindre. »

— Frère , qui fait miex à prisier , (56) (A vous en est li gieus partis,) De deux amans, qui sans trichier

Ont en Amour leur cuer assis?

Mais l'un aime par tel devis Qu'il a tout son vouloir entier.

L'autre n'a fors le donoier ;

Mais il est fis Que son bon li lairait faire

S'amie la débonnaire :

Mais pour s'onor veut targier. »

— Sire, mentir ne vous quier Que ne vous en soit le voir dis :

Qui refuse son désirier, (a) Moult est recréans et faillis ; Puis qu'à son bon en est saisis, Et que celle l'a tant chier (b) Que elle li veut otroier.

Je sui tous fis, Que famé est de tel afaire^

Que tost set son cuer retraire D'orame, qui la veut espargnier. »

— Frère, mal ce est conseillier : (c) Par qui vous l'avez ainsi pris?

Ne ja pour famé blastengier Ne croistra le vostre pris, (d) Garder se doit loyaus amis (e) De chose emprendre à commencier.

Qui puist tourner a reprouvier. (f)

Je sui tous fis, Qui pour son bon à chief traire

Fet a s'amie contraire , Moult miek la convainroit laissier. (g) »

— Sire, s*à droit voulez jugier.

Ce tesmoigneriés à envis

Que me doie desavenir D'estre à boens de m'amie toudis.

Miex vaut prendre, ce m'est avis, (h) Que face atendre le cuidier. (i) A l'ueuvre connoist-on l'ouvrier ;

Car je sui fis, Qui son service ne veut parfaire.

Ne veut retraire.

Par droit doit perdre son louier. »

— Frère, ce ne puis je noier :

A chascun plest moult ces délis.

Mais cil a trop le cuer légier.

Qui est à son vouloir songis. (j) Si j'ai m'amie en tel point mis Que tout m'otroit sanz efforcier.

Tant doi-ge miez s'onnor gaitier.

Je suis touz fis Que miex vient la preu retraire : (k)

Que son sanctuaire : (1)

Folle est, qui fait tel leu bergier. »

— Sire , bien savez losengier :

Mais je , qui sui d'amours espris , Sai bien , se famé homme chier A comme d'estre à son devis, Lors cuide , se li est eschis ^ Qu'il ne la daigne adomagier.

Et s'aulre amour vueille acointier ,

Je sui tous fis , Que celui doit moult desplaire.

Cil pert(li fols!) par meffere :

Mal uevre^ qui n'ose essaior. »

— Frère, ainsi n'est, je vous plevis :

Que pour mal ne pour destourbier Ne veul ma bonne foy blecier :

Car je sui fis , Espoir ne lardera gaire , Sans li grever et desplaire , Me pourra bien aidier, »

— Sire , encore soit liex vos dis , El pensers si faites lannier.

On ne se puet de vous gaitier.

Je suis tous fis

Que lonc (m)

Vos vois, pour plus bel atraire Celle, que voulez engingnier. »

— Gaces, par droit, me respondés ? (57) De vos ce me co vient oïr :

Se je me sui abandonés Loiaulment à Amors servir , Et se celie me veut traïr, A qui m'estoie abandonnés, Dites moi le quel me loés Ou de l'atente ou del guerpir? »

— Sire, n'en sui pas esgarés :

De ce sai bien le miels choisir.

Se finement de cuer araés, Et loiaus sont vostre désir , N'i ait noiant del repentir; Mais à votre pooir serves.

Nuls n'iert ja tant d' Amors grevés, Qu'elle ne puist mil tans mérir. »

— Qu'est ce, Gace ? estes vos dervés ?

Volez me vos afoletir?

Geste Amor, que vos me loés , Devroit tous li mondes haïr.

Tous jors amer, et puis morir !

Vilainement me confortés.

Quant je ai ies mais endurés , Lors en deveroie joïr. v

— Sire , por Deu , or entendes A droit, à raison maintenir ; Cuers, qui bien est enamorés,

Comment puet-il d'Amors partir ? "^

Nés que ne puis blons devenir ,

N'en poroit il estre tornés.

Se vos plaist , à tant me créés ;

Car il muert verai martir, »

— Gace , bien sai que vos pensés :

Mais Amors lais à convenir.

Ne sui^ pas si amesurés , Que je plus li vueille obéir.

Ne poroie plus consentir Ces felonnesses crualtés. Et vos y qui goûtes ne voies , Ne vos en savés revenir. »

— Sire, ains mais, puis que je fuis nés^ Ne vos vi de riens esbahir.

Or la raison ne m'escoutés ; Que le voir ne volés oïr.

Comment se puet avilenir Fins cuers et loiauls volentés ?

La deviennent vers Anjors faucés , S'ensi li volés retolir. »

— Gace , si est : quant je m'aïr ,

Tous est li gens cors obliés :

Et en douls vis frès colorés Ja ne cuid que mais je sospir. »

— Sire , moult a vilain loisir Fins amis haïs ou amés , Se il est d'Amors sormenés Sorportés , le veult relenquir. » (a)

Li Roys de Navarre à Girart d'Amiens.

— Girart d'Amiens, Amours qui a povoir(58) Sor toutes gens, vous et un autre esprendre Fait de son feu, (dont miex devez valoir) D'une Dame, où il n'a que reprendre.

Se vous voulez, tantost sans plus alendre , Où vous plaira avecques vous l'aurez :

Mais bien sachiez, de li haïs serez.

Ou en tel point que je vous di, l'aura Autre avec lui , et el vous aimera. »

— Roy de Navarre, il doit bien mescheoir A tout homme, qui le bien n'ose prendre, Puis qu'il le puet sans lui meffaire avoir : Car nus amis ne porroit tant mesprendre Que de souffrir , s'il le povoit deffendre , Qu'autre fust ja de sa Dame privés.

Par quoi li biens , qui m'iert abandonnez ,

Par tel eur ne refuserai ja :

N'aulre à mon gré nul jor n'i partira. »

— Giifert d'Amiens , hui mais puis parcevoir Que vous le cuer avez et fol et tendre

A .1. tel fait desloial concevoir.

Si vueil que vous ^ pour vos folie entendre ,

Sachiez qu'amis n'est pas cils, qui engendre

Riens , dont il soit liais ne diffamés

Et de celi, dont il seroit amés

S'il li pIaisoit,^et dont haï sera

Quant tout premiers son gré la décevra. »

— Pour Ipis que mort ne rage recevoir , Sire , ne puis connoistre ni aprendre Qu'il m'en peusl nés un bien escheoir.

Comment pourroie a plus grant doîour tendre Que de laisser tant ma Dame sosprendre Qu'autres eust de li ses voulentez?

Plus ne pourroie estre désespérés !

S'elle me het , Amours pourchacera Que mes n'en iert si tost qu'il li plaira. »

— Girarl d'Amiens, quant plus vous voy mouvoir D'ensi parler, et plus truis vos sens mendres. Nus bons n'entent sa Dame à décevoir, Qui ne desserve que l'on le doie pendre. Se mes heur fait ma Dame descendre A un tel fait , n'en vueil estre encombrés. J'aim trop mieus qu'aultre que moy soit blasmés. S'amer me vueut , plus me proufitera , Qu'un lieulz déduit jamais ne vous vaudra. »

— Sire, ne puis en pensée mais manoir Qu'uns teus profis se puist en bien estendre , Dont li amis cherra en désespoir,

Qu'il n'ose en riens , qu'il perçoive , contendre. Par quoi ja jour ne me quiers vaincu rendre; Que miex ne vueil mon vueil joïr assin De celle , a qui je] suis tous , que delès

Reviengne uns autres, qui en esploitera Honnis soit cilz, qui à ce s'olriera!»

Pastourelle.

J'aloie l'autre jor errant (59) Sans compaignon, Sor mon palefroi, pensant (aj

A faire une chançon, Quand j'oï ne sai conament

Lès un buisson La vois du plus bel enfant, Qu'onques veist nus hom.

Et n'estoit pas enfès si Que n'eust quinze ans et demi.

Onques nule rien ne vi

De si gente façon.

Vers li m'en vois en riant; Mis l'ai à raison :

— Belle, dites moi comment, Pour Dieu, vous avez non? »

Et ele saut maintenant A son baston :

— Si vos venés plus avant , Ja aurez là tençon.

Sire, fuiez vos de ci!

N'ai cure de tel ami ; Que j'ai molt plus biau choisi, Qu'on claime Robeçon. »

Quant je la vis effréer Si durement

Qu'el ne me daigne esgarder Ne faire autre semblant.

Lors commence à porpenser Com faitement

Ele me poroit amer

Et changier son talent.

A terre lès li m'assis ;

Quant plus regart son cler vis,

Tant est plus mes cuers espris , Qui double mon talent.

Lors li pris à demander Molt bêlement Que me daignast esgarder Et faire autre semblant.

Elle commence a plorer Et dist itant :

— Je ne vous puis escouter : (b) Ne sai qu'allez querant. »

Vers li me trais ; si li dis :

— Hé! Belle, pour Dieu , merci.

Elle rit ; si respondit :

— Ne l'fdites pas à la gent, » (c)

Devant moi lors la montai De maintenant.

Et trestout droit m'en alai

Lez un bois verdoianl.

Aval les prez regardai ;

Si oï criant Deux pastors parmi un blé ,

Qui venoient huant , Et le voient un cri grant.

Assez fis , plus que ne di. (d) Je la laisse : si m'enfui ;

N'ai cure de tels gens.

L'autre nuit en mon dormant , (60)

Fui en grant doulance D'un jeu parti en chantant

Et en grant balance, (a) Quant Amors me vient devant , Qui me dist : — Que vas querant ?

Trop as corage movant :

Ce te vient d'enfance. » (b)

Lors tressaillis durement

En grant esmaiance ; Dis li : — Dame , se j'aim tant (c)

A ma grant pesance , C'est par vostre faus semblant. Qui m'a mort si cruelment.

Partir voel de vostre genl

Par vostre esloignance. »

— Cil n'aura ja son voloir A longue durée ,

Qui pour mal et peine avoir

Change sa pensée.

Encor tant pues poc doloir !

Molt doit avoir le cuer noir , Qui pour faire son pooir

Pert sa désirée. »

— Trop savez bien décevoir :

Nus n'i a durée.

Il n'est pas en son pooir

Cil , qui à vous bée.

Por ce m'estuet remanoir :

Ne truis en vos, fors espoir ; Ne bonté ne puis avoir,

S'el n'est comparée. »

■ — N'aies si le cueur effraé ; (d)

Mais en moi te fie.

Qui est en ma poésie ,

Plus mauvais n'est mie :

Ains a cent tens plus bonté , Plus valour , plus largeté , (o) Tost Taurai guerredoné :

Mes t'en ma baillie. d

— Tant m'avez biau sermoné Que je ne lairai raie ,

Que ne face vostre gré.

Mon cuer et ma vie

Mes en vostre volonté ,

Maugré cens, qui m'ont mellé

A vos, qui j'ai créante D'estre en vos baillie. (f)

Or vous pri merci , por Dé !

Que cil , qui tant a amé , A vos s'umilie. »

L'autrier par la matinée (61) Entre un bois et un vergier Une pastore ai trovée Chantant pour soi envoisier.

Et disoit un son premier :

— Ci me tient li maus d'amor. »

Tantost celé part m'entor^ (a) Que je l'oï desrainier.

Si li dis sans délaier :

— Bêle , Diex vous doint bon jor.

Mon salut sans demorée

Me rendit et sans targier.

Molt iert fresche et colourée :

Si me plot à acointier.

— Belle, Yostre amor vous quier.

S'aurez de moi riche ator. »

Elle respond : — Tricheor Sont mais trop li chevalier :

Miex aim Perrin mon bergier Que riche hom menteor. » (b)

— Belle, ce ne dites mie !

Chevalier sont trop vaillant.

Qui set dame avoir amie

Ne servir à son talent , Fors chevaliers et tel gent ?

Mais l'amour d'un bergeron Certes ne vaut un boton.

Partez-vous en à itant.

Et m'amés. Je vous créant.

De moi aurés riche don. »

— Sire , par sainte Marie 1 Vous en parlés por noiant.

Mainte Dame ont or trichie Cil chevalier sodivant.

Trop sont faus et mal pensant ; ( Pis valent que Guenelon. (d) Je m'en vais en ma maison ; Car Perrin , qui m'i atent , M'aime de cuer loiaument.

Abaissiés voslre raison. »

J'enlendi bien la bergière Qu'el me voloit eschaper.

Molt li fis longue prière :

Mais n'i puis rien conquester.

Lors la pris à acoler; Et ele giète un grant cri:

— Perrinet ! tray ! tray ! »

Dou bois prennent à huer, (d) Je la lais sans demourer :

Sor mon cheval m'en parti.

Quant ele m'en vit aler^ Si me dit pour ramporner :

— Chevaliers sont trop hardi ! »

— ParDieu,SiredeChampaigneetdeBrie, (62) Je me suis molt d'une rien merveiîlez

Que je voi bien que vous ne chantez mie :

Ains estes pou jolis et envoisiez.

Car me dites pourquoi vous le laissiez ?

Esté revient et la saison florie ,

Que tous li mons doit estre baus et liés ;

Et bien sachiez que mains en vaudriés ,

S'Amors s'estoit si tost de vous partie. »

— Philippe , n'ai de chançon faire envie ; Que d'Amours sui partis et esloigniez.

Je l'ai lonctemps honourée et servie ; Si ne voil plus estre de li chargiez.

N'oncques par lui ne fui jor avanciez.

Par tout la voi et remèse et faillie : Molt est ses noms et ses pris abaissiés. Dou tout m'en pars : et vous si ferés , Se ne volés demorer en folie. »

— Sire , à grand tort m'avez Amor blasmée , Et dou partir fol conseil me donnez.

S' Amor avez mal servie et guillée , (a) Por ce n'est pas ses noms deshonorez ;

Que d'Amours vient toute honors et bontés. Qui bien la sert en fais et en pensée , Ne puet faillir ne remaigne honorés ; Que sans Amor n'est nus à droit loés.

Et cil puet bien poc valoir, qui n'i bée. »

— Philippe , Amors est chose forsenée ; Ne nus ne doit sivre ses volentés. (b) Tant com la vois tricher esse provée , (c) Que je pris poc li et ses faussetés.

Ains me sui si de li servir lassés , Que j'en hée ceaus, par qui ele est loée. Pour ce vous pri que jamais n'en chantés ; Que vous serez toujours par li guillés , Si com je fui , qui ains n'en eus soudée. »

— Sire , trop est Amors et douce et chière ; Trop bien me plaist li servir et li noms. Servirai la , sans moi retraire arrière , D'œuvre, de cuer et de faire chançons.

Quant li plaira , j'en aurai guerredon ;

Que je la sai léale et droiturière.

Celé tost est blâmée des félons ,

Des desloiaus, qui quièrent ochoisons :

Et moult m'est bel , quant il la troventfière. »

— Philippe , Amors est fausse et trop légière. Encor dires que voire est ma raisons :

Quant vous saurés conoistre sa manière ,

Ne tendrois pas les partis à bricons. (d)

Trop conois bien Amors et ses façons :

A rencontrer iert de belle chière ; (e)

Puis troverés guiles et traïsons.

Et en la fin ne vaut noient li dons ;

Trop le convient conquerre à grand proière. »

— Sire , dehait qui croira vos sermons ! A fine Amor m'otroi , qui me semont ; Et maintendrai ma pensée première, (f) »

— Philippe, encor venra autre saisons ; Ains qu'en aies conquis les bons respons , (g) Me dires vous qu'Amours n'est pas entière.

— Philippe je vous demant ? (63) Dui amant de cuer verai

Sont, qui aiment loiaument.

Bachelor novel et gai , (a) Li un a tout son talent.

Li autres est à l'essai.

Qui doit plus venir avant (b) Li amés , ou cil qui prie ? »

— Quens , saichiés certainement Li amés est hors d'es mai;

Et pour ce est il plus engrant De mieux valoir^ bien le sai.

Quant plus a, et plus emprent , (cj Et plus fait bien sans délai.

Ne cil ne puet valoir tant, Qui quiert merci et aïe. »

— Philippe , cil, qui requiert, (d) Doit miex valoir par raison ;

Car toute bontés affîert (e) A entendre à si haut don.

Cil s'efforce, qui conquiert :

Mais cil , qui en est à son , (f) Jamais partir ne s'en quiert Pour nul pris d'avec s'amie. »

— Quens , ja nuls prières n'iert, Qui n'ait duel et sospeçon : (g)

Et sa pensée au cuer le fierl Comment il aura pardon.

Mes cil, qui a ce qu'il quiert , Ne pense s'a valeur non : (h) Joie son pris H conquiert El sa Dame , qui l'en prie. »

— Philippe , plus doit valoir Cil , qui veut entendre à li , Et qui aient main et soir

De sa Dame avoir merci.

Cil pensers îi fait avoir

Le cuer vaillant et hardi.

Trop fait cil mains son pooir , (i)

Qui a sa joie acomplie. »

— Quens , sachiez vous bien de voir Que ci vos avez failli ,

S'en vaut mains pour joie avoir, (j)

Dont sont luit amant honi ,

Se cil , qui se doit doloir ,

Vaut miex d'un joieus ami. (k)

Dont faisons Dames savoir

Par tout que nés aiment mie. »

— Philippe , je fais savoir A Auberon mon ami, (I) Qu'il nous en die le voir ; Ou sa langue soit honi ! »

— Cuens à Roogue le voir (m) Mand de par vous , et li prie Qu'il nos en mand son voloir Qui a droit de la partie. »

— Philippe , je vous demant (64) Ce qu'est devenue Amors ?

En cest pais ne aillors Ne fait nus d'amer semblant.

Trop me mervoil durement , Quant ele demeure ainsi !

J'ai 01 Des Dames grant plaint ; Et Chevaliers en font maint. »

— Sire , sachiés veraiment Qu'Amours faut par amaours. (a) S'en remaint joie et baudours , (b) ; Et faillent tornoiement.

Si ont colpes médisant, (c) Yieilles et mauvais mari.

N'est failli Por Dam, qu'on aint : (d) Mais es Chevaliers remaint. »

— Philipes, bien m'i acort Qu'il remaint es Chevaliers.

Mais tout ce fait li dangiers , Que Dames mainent tant fort.

Quant il sont jusqu'à la mort , (ej Lors lor mettent achoison. (f)

Bons respons N'i pueent trouver :

S'en font maint désespérer. »

— Sire , il s'en plaignent à tort (^ Et s'en partent de legier ;

Et plus lor plaist l'aaisier (h) Que d'avoir d'Amors confort.

N'aiment valors ne déport;

Ains tollent et font maisons, (i) N'est raisons :

Cil qui veut aimer, Se doit du tout amender. »

— Philippe , legièrement S'en partent ; que pavour ont.

Car les Dames trop leur sont De sauvage acointement.

Dame doit atraire gent (j) Pour miex faire ami baer : (k)

Que d'amer Doit Dame savoir, Pour plus faire ami valoir. »

— Sire , trop hastivement Veulent mais parmi le mont Cil , qui amourous se font , Avoir joie entièrement. (î) Mais Dames à leur talent Veulent lor amis grever, (m)

Endurer Doit on leur voloir Sans plaindre et sans décevoir.

— Philippe , d'Araors voir (n) Ne sevent pas le pooir. »

— Sire , tout pour voir Dames font le mont valoir. »

Quant Amors vit que je 'i aloignoie, (65) Et j'o mon cuer retrait de sa prison^ Si li fust vis que trop la ressoignoie; (a) Lors m'assailli d'une eslrange tenson.

Et disl : — Thiébaus , ja estes vos mes hom? Or me monstres quel tort je vos faisoie , Que me volés guerpir en tel saison. »

— Certes , Amor , assez i troveroie , Por vos guerpir, forfait et mesprison.

Mais ne voi riens, que je conquerre i doie : Por ce vers vos ne deraant se paix non. Si soies Dame , et je uns povres hom , Qui n'a talent que jamais à vos soie, Se Deus me done aillors ma guérison. m

— Certes, Thiébault, je me correceroie, S'encor de moy ne feissiés chanson.

Vostre chanter me plaist et esbanoie ; Car molt vos voy de belle entencion.

Or ne querés|vers moi nulle achoison ; Que bien sachiés que si grant peuple proie, Qn'il ne puet pas à tous faire raison. »

— Ja Deus , Amors , ma proière ne croie. Quant vos en moy jamais aurois parson : Que j'ai le duel, dont li autre ont la joie. Et s'avés fait de moi autrui garson.

Si com l'aveugles quiert la voie à baston ,

Vos ai je quis ; et si ne vous veoie.

Trop estes trouble : et s'avés si cler non ! »

— Comment, Thiébaut, ne vous raurai je dont?» — Nenil , Amors : en pardon se foloie , Qui mais se velt remettre en tel prison. Tous jors a vous portai loiaul temoing : Et vos m'avés jué d'une corroie , Où je ne puis faire se perdre non. »

— Qaens , jefvos part un gieu par^aatie : (66) Et si m'en met sor|vostre jugement.

Dui chevalier aiment chascuns s'amie :

Li uns des deus aime moult léaument , Et li autres guille molt hautement.

Le quels trait pis ,^sé Dex vos beneie , Ou li loiaus , ou cil ^qui j^^triche , etlment , Et déçoit?

Dites m'en droit, Sire, tot^or endroit?

Et si prenez l'un des dui maintenant : Et j'aurai l'autre partie ; Et vos respondrai avenant Selon vos dis en chantant. » (a)

— Messire Guiz , moult me siet la partie : Mais dou moillor vous dirai mon semblant. Que léautez n'ert ja par moi périe : (b) Encor la bée à tenir mon vivant.

Li desléaus ne bien ne mal ne sent :

Endormis est en sa vil tricherie.

Si ne li chaut li quels chiès voist devant, Tort ou droit , Quant il déçoit.

Celui qui tot|mettroit Et cuer et cors en son commandement Déhait ait , qui plus s'i fie !

Qui bien a et bien atant , Ja n'aura son cuer dolent. »

— Quens, je sai bien auques voslre pensée : (c) Ne savés mie d'Amors jusqu'à doloir.

Toutes dolors sont vers celi rosée , Qui d'ome qui aime et ne puel joie avoir, (d) Et je pri Deu qu'il vos face savoir

iO'2

Quel mal' cil. sent, qui aime à recelée. Adonc primes saurez vos bien de voir , Ce m'est vis , Que molt est pris Cil qui aime et trait pis Que li autres, qui guille, et qui déçoit. Et a toute honor quittée.

Endroit moi , por nul avoir Ne vueil avoir tel voloir. »

— Messire Gui , tos jors iert honorée La bone Amers là , où ele est por voir. Mains trait de mal , qui toute a sa pensée En la joie , dont muevent tuit sçavoir. Li fols gent n'i puet remanoir ; Ains dit chascuns que trop atend, qui bée. Fins amoreus doit tos jors maintenir (sic) Son cler vis Et son dou ris , Qui li est paradis.

Si ne se doit pas puis de cel doloir, Dont atent joie honorée.

Qui si fait apercevoir , Tuit li doivent mal voloir. » (e)

— A Gilon pri qu'il en die le voir (f) Qui a tort de la meslée :

Ne qui s'en doit plus doloir.

Die le, por pais avoir. »

— Sor Dom Pierron m'en met à son voloir, (g) Qui clou vis ressemble espée ; Qu'il nous face remanoir Et voir die à son pooir. »

lOS

Robert , véez de Pieron , (67) Comme il a le cuer félon Qu'à un si lointain baron (a) Veut sa fille marier , Qui a si clère façon Que l'on si porroit mirer.

Ha Diex ! com ci faut raison î Elle a dous vis a foison , (b) Gente de toute façon.

Or nos l'en vuet on mener! fc) Robert , ne vaut ou boton , Qui si la laira aler. (d) »

— Sire , vos doit-on blasmer, S'ainsi l'en laissiez porter Ce que tant poez amer, Et où avez tel pooir.

Ne r devez laissier aler Pour terre ne por avoir.

Molt paraurez le cuer noir^ Quant vous en saurez le voir.

N'aurez force ne pooir De li veoir ne sentir.

Et sachiés, si bel avoir Doit on près de soi tenir. »

— Robert , je voil miex morir (e) Que l'en laissasse partir

Pour trestote ma contrée, (f) Hélas ! qui lès lui pouroit gésir Une nuit lès son costé , Grant joie auroit recovrée!»

— Sire, Diex vous doinst joïr

De ce qu'avez désiré ! »

— Robert , je m'en crien morir ;

Car il Font fait maugré-bé. (g) »

Frère à Roy de Navarre.

— Sire Frère, fêtes mon jugement (68) Selonc votre ensient d'un geu parti :

Il est uns homs, qui aime loiaument Et tant envers s'amie a déservi, (a) Qu'elle une nuit en son lit le consent Tout nu h nu, sans im\ dosnoiement.

Fors d'acoîer et de baisier aussi.

Dites s'el fait plus pour lui, qu'il pour lui?)

— Frère, eur est de servir a tallent ; Car sans eur sont guerredon péri.

Pour ç'ai servi ma Dame longuement; N'encor ne m'a ne promis ne meri.

Cil sert moult bel ; mais celle moût miex rent^ Qui une nuit son ami ainsi sent.

Et il de plus se tient pour son chasti : Plus fet pour lui ; ainsi l'ai je choisi. >>

— Sire, choisir savez trop malemenl :

Selonc manière de loiale ami Fet celle pour cellui trop durement.

Qui en son lit le met par sa merci, Ne croit sur pleige ne sur sacrement De cose^ à quoi toute s'amour apent.

Cil fet pour lui, quant son bon n'acompli ; Mais celle fait pour li tant et demi. » (aa)

— Frère , moût sont de divers pensement

Ami jeunie et saole mari : (bj

Qui muert de suef et l'iaue a en présent

Là dont n'en boit, il fet plus pour celui,

Qui l'aiguë et le boire li deffent.

Besoins ne tient fiance souvent :

Nature met nourriture en oubli ;

Et besoins a tost le sauté sailli, (cj »

— Sire, chascuns, selonc ce qu'en soi sent Juge des choses : ce sai je de fi.

Assés montrés de quel contenement Vous i estes. Mais seurs d'amours saisi Sont un poi plus loié estroitemenî.

N'est pas raison, qui aime coraument, Qu'amant doivent estre, tant vous en di , Couart de fait et de penser hardi. »

— Sire, loez moi à choisir (69) D'un jeu, li quels doit mieux valoir , Ou souvent s'amie sentir ,

Baisier, acoler sans veoir , Sans parler et sans plus avoir A tos jours mais de ses amors , Ou parler et veoir tos jors Sans sentir et sans atouchier?

Se l'un en convient à laissier , Dites le quels est moins joians , Et du quels la joie est plus grans? »

— Raoul, je vos dis sans mentir (i Que il ne puet nul bien avoir

En prendre ce, dont il morir (b) Convient ainsi par estovoir.

Mais quant il ne puet reraanoir ,

El voir a plus de secors Et el parler, qui est d'amors.

Si bel ris et si sollacier Feront ma dolour allegier :

Que je ne vueil estre semblans Miremelin ne ses parans. » (c)

— Sire, vos avez molt bien pris De vostre amie resgarder ;

Que vostre ventres gros et farsis Ne poroit soffrir l'adeser.

Et por ce amez vos le parler Que vos solas n'est preus ail lors.

Ainsi va de faux plaideors, Dont li semblant sont mensongier.

Mais d'acoler et de baisier Fait bone Dame à son ami Guer large, léal et hardi. »

— Raoul, dou regart m'est avis Qu'il doit plus ami conforter , Qu'estre de nuit lès li pensis.

Là où l'on ne puet alumer , Veoir , oïr , joie mener.

L'on n'i doit aYoir fors que plors.

Et s'ele met sa main aillors , Quant vos cuidera embracier , Se la potence puet baillier, fd) Plus aura duel je vos afifi Que de mon gros ventre farsi. »

— Rois, vos ressemblés le gaignon Qui se venge en abaiant :

Pour ce avez mors en mon baston , De quoi je m'aloie apoiant.

Mais pris avez à loi d'enfant ;

Car il n'est si grans lénébrors,

Se je (enoie le douz cors

De ma douce Dame embracier,

Que je puisse ja m'ennuier.

Et si me puis mieux délivrer

De mon bordon que vos d'eiîïler. »

— Raoul, j'aim miex nostre lençon A laissier tout cortoisement Que dire mal, dont li félon Riroient et vilaine gent; Et nos en serions dolant.

Mais molt vaudroit mieus en araors Veoir et oïr qu'estre aillors , Rire^ parler et solacier Dous moz, qui font cuer tatoillier, (f ) Etresjoïr, et saoler. Que en ténèbres tastoner. »

— Sire, ne me celez mie, (70) Li quels vous iert miex b gré.

S'il avient que vostre amie, Vous ait parlement mandé Nu à nu lès son côté, Par nuit que n'en verres mie, Ou de jours vous baise et rie

En un beau pré Et en broel , mais ne di mie, (a) N'il i ait de plus parlé? »

— Guillaume, c'est grant folie, (b) Quant ainsi avés chanté.

Le bergier d'une abeie Eust assez miex parlé.

Quant j'aurai lès mon coslé Mon cuer, ma Dame et m'amie,

Quant la aurai Toute ma vie désiré, Lors vous^uit la drurie Et le parlement dou pré.»

— Sire, je di qu'en Tenfance Doit on aprendre d'amors.

Mais molt faites mal semblance Que n'en sentes la dolors.

Poe prisiez esté , ne flors , Gent cors, ne douce acointance, Biaus regars, ne contenance ,

Ne coleors.

En vous n'a point d'astenance : (c) Ce deust prendre un priors.»

— Guillaume, qui ce demande Bien le demaine folors;

Et molt a poc conoissance , Qui n'en va-t-au lit le cors ; Que dessous beau covretors Prent-on tel seurtance.

Dont on s'oste de doutance

Et de freors.

Tant com je soie en balance, N'ert jamais cuer sans paors.»

— Sire, pour riens ne voudroie (d) Que nus m' eust à ce mis :

Quant cele^ que j'araeroie Et qui tant m'auroit conquis ,

Puis voir en mi le vis (e) Et baisier à si grant joie, Et embracier toute voie

A mon devis, Sachiés, se l'autre prenoie, Ne scroie pas amis.»

— Guillaume , se Diex me voie !

Folie avez entrepris :

Que se nue la lenoie.

N'en prendroie paradis.

Ja por regarder son vis Apaiés ne me tenroie, S'aulre chose n'en avoie.

J'ai mieux pris :

Qu'au partir, se vous convoie, N'en porterès qu'un faus ris. »

— Sire, Amours m'a si sopris Que sien sui, où que je soie.

Et sur GilloQ m'en metroie

A son devis Li quels va plus droite voie, Ne li quels maintient le pis. »

— Guillaume, fous et pensis (f) I remaindrés toute voie.

Et cil, qui ensi dosnoie.

Est bien chaitis.

Bien voil que GilUon en croie; Et sor Jehan m'en suis mis.» (g)

— Une chose, Beaudouin^ vous demant : (71) S'il avenoit a [fin loial ami^

Qui sa Dame a amé longuement

Et prié lant^ qu'ele en a merci

Et li mande que parler viegne à li

Tout pour sa volonté faire, Que fera-t-il tout avant pour lui plaire, Quant li dira : — Biaux amis , bien vigniez. Baisera-t-il ou sa bouche, ou ses pies? »

— Sire, Je lo que il premièrement En la bouche la bais ; car je vous di Que de baisier la bouche au cuer descent Une douçors, dont sont tout acompli

Li grans désir, par quoi s'entraiment si.

Et joie, qui cuer esclaire, Ne puet celer loiaus amis ne taire :

Ains li semble qu'il soit tout alegié.

Quant de la bouche a sa Dame baisié. (a) »

— Baudouin, voir ; je n'en mentirai ja : Qui sa Dame velt tout avant baisier

Ens sa bouche, onques le cuer n'ama ; Qu'ainsi baise on la fille à un bergier. J'aim miex baisier ses pies et mercier,

Que faire si grant outraige.

On doit cuidier que sa Dame soit saige : Et sens done que grans humilités (b) Doit bien valoir à estre miex amés. »

— Sire, j'ai bien oï dire pieça Qu'humilités fait l'amant avancier.

Et puis qu'Amors par humilité l'a Tant avancié, que rende le loier

Li acoler, que tant aim et tient chier, (c)

Je di qu'il feroit foîage.

S'en la bouche tôt avant ne la baise :

Car j'ai oï dire, et vous bien le savés : Qui bouche laist pour pies, c'est nicetés, »

— Baudouin, voir ice ne di-je pas Que sa bouche lais por ses pies avoir. Mais baisier voil ses pieds isnele pas , (d) Et puis après sa bouche à mon voloir ,

Et son beau cors , qu'on ne tient mie à voir,

Et ses biaus iex, et sa face.

Et son chief blont, qui le fin or efface. '^ Mais vous estes baus et desmesurés ; Si semble bien que poc d'amor savés. »

— Sire, bien est et recréans et las , Qui congié a de baiser et d'avoir

Les dois soûlas dou cors lonc , graile et gras , Et met douçonr de bouche en nonchaloir Pour pies baisier : ne fait mie savoir.

Ja Diex ne doinst que il face Jamais cose, pourquoi il ait sa grâce ! Que tant est plus le baisiers savorés De la bouche, que cil des pies assés. »

— Bauduin, cil, qui tant chasce

Que il ataint bien, se se tient a eschasce, Quant à ses pieds ne chiet tout inclinés, Je di qu'il est des deables forsenés. »

— Sire y cil , que Amors lace ,

Ne puet muer quant a leu et espace Qu'assevir puist toutes ses volontés , (e) Test n'ait les pies pour la bouche oubliés. »