ET HISTORIQUES

Au tens plein de félonie^ (72) D'envie , et; de traïson , De tort et de mesprison, Sans bien et sans cortoisie, Et que entre maint Barons veons (a) Tôt le siècle empirier, Que je vois escomunier Ceus, qui plus offrent raison^ Lors Yueil faire une chançon.

Le roiaume de Surie Nous dit et crie à haut ton, Se nos ne nos amendons, Por Deu, que n'i alons mie.

N'i ferions se mal non.

Dex aime fin cuer droiturier:

De tel gent se veut aidier. Cil essauceront son non Et conquerront sa maison.

Encor vault mielx toute voie (b) Demorer en son païs, Que aller pauvres chaitis Là où n'a solas ne joie, (c) Philipe, on doit paradis (d) Conquerre par mal avoir : (e) Que vos n'i trouverez voir

Bon eslre ne jeu ne ris , Mnsi que avés apris.

Amours a courut en proie (f) Et si m'eninaine tôt pris En Tostel , ci m'est avis , Dont ja issir ne querroie , S'il estoit à mon devis.

Dame , qui beautés fait oir, (g) Je vos fais bien assavoir, Ja de prison n'istrai vis :

Ains morrai loiaus amis.

Dame , moi convient remaindre :

De vos ne me puis partir.

De vos amer et servir Ne me sens onques jor faindre.

Si me vaut bien un morir (h) L'amors , qui m'assaut sovent. fi) Adès vostre merci atent ; Car bien ne me puet venir, Se n'est par vostre plaisir.

Chançon, va moi dire Lorent Qu'il se gart outréement De grant folie envaïr ; Qu'en lui aurait faus martir. (j)

Commencerai à faire un lai (73) De la millor. Forment m'esmai , Que trop parai fait de dolour , Dont mi chant corront en plour.

Mère , Virge savorée , Se vos faites demorée De proier 1^ Haut Seignour, Bien doi avoir grant pavour 10

lift

Dou deauble , dou félon , Qui en la noire prison

Nos velt mener, Dont nus ne puet eschaper.

Et j'ai forlfait , douce Dame, A perdre le cors et Tame , Se ne m'aidiez. Doux Dex !

Aiez merci de mes viez péchiez !

Où sera merci trovée , S'ele est de vous refusée,

Qui tant valez ?

Sire , droiture oubliez Et destendez vostre corde.

Vos viegne miséricorde

Por nos aidier.

Nos n'avons de droit mestier ; Quant sor tos estes puissans , Bien devez de vos serjans

Avoir merci.

Biau dous Sire , je vous pri , Ne me metez en obli.

Se pitïez ne vaint venjance, Donc serons nous sans doutance Trop mal menez.

Dame , pleine de bontez , Vostre dous mos savorez Ne soient pas obliez :

Proiez por nos.

James ne serons rescous , Se ne le sommes par vous :

De voir le sai.

Ci laisserai :

Et Dex nos doint sans délai Avoir secors verai I

Dame , ensi esl qu'il m'en convient aler, (74) Et départir de la douce contrée , Où tant ai maus souffers et endurés.

Quant je vos lais , drois est que je m'en hée. Dex ! por quoi fut la terre d'outremer , Qui tant amans aura fait déssevrer , Dont puis ne fut l'amour réconforté ;, Ne ne porent lor joie remembrer ! (a)

Ja sans amor ne poroie durer ; Tant par i truis fermement ma pensée ! Ne mes fins cuers ne m'en laist retoroer: Ains suis à li 15, où il veut et bée. (b) Trop ai apris durement a amer ; Pour ce ne voi comment puisse durer Sans joie avoir de la plus désirée , Qu'onques nus homs osast merci crier.

Je ne voi pas, quant de lui sui partis, Que puisse avoir bien , ne solas , no joie. Car onques riens ne fis si à enviz Com vos laissier : se je jamès vos voie , Trop par en sui dolant et esbahis.

Par maintes fois m'en serai repentis.

Quant j'onques voil aler en ceste voie, Et je recers vos débonnaires dis.

Beau Sire Dex, vers vos me suis guenchis; Tout lais por vos ce que tant amoie.

Le guerredon en doit eslre floris , Quant por vos pert mon soûlas et ma joie, ('c) De vos servir sui louz prêt et garnis : A vous me rend , beau père Jhesus Criz. Si bon seignor avoir je ne porroie :

Cil qui vous sert , ne puet estre trais, (d)

Bien doit mes cuers estre liés et dolans ; Dolans de ce que je part de ma Dame, Et liez de ce que je suis désirans De servir Dieu , qui est mes cuer et m'ame. (e) Icesle amors est trop fine et poissanz : Par là convient venir les plus saichanz. C'est le rubis , l'emeraude el la jame , Qui tout garist les viez péchiez puants.

Dame des ciex, Guand Roïne poissans , Au grant besoing me soies secorrans !

De vos amer puisse avoir droite flame ! Quant Dame pers , Dame me soit aidans î

De chanter ne me puis tenir (15) De la Très Belle Esperilaus, Que riens del mont ne puet servir Qui ja viegne honte ne maus ; Que li Rois célestiaus , Qui en li daigna venir, Ne porroit mie soffrir Qui la sert , qu'il ne fut saus.

Quant Diex la volt tant obéir , Qui n'esîoit muables ne faus , Bien nous i devons donc tenir.

Douce Roine naturaus, Cil , qui vous sera féaus , fa) Yous li saurez bien mérir :

Devant vous pourra venir Plus clers qu'estoile jornaux.

Vostre beauté , qui si resplent , Fait tout le mont resclaircir.

Par vos vint Diex enire la gent (b)

En lerre pour la mort soffrir.

Et à l'anemi tollir

Nous et gieler de torment.

Par vous aurons vanjement ,

Et par vous devons garir.

David le sot premièrement Que de lui deviez issir , Quant il parla si hautement Par la bouche dou Saint Espir.

Vous n'estes mie à florir ; i^c) Ains avez flors si puissant :

C'est Diex , qui onques ne mant , Et par tôt fait son plaisir.

Dame plaine de graut bonté, De cortoisie et de pitié , Par vous est tout enluminé (d) Le monde : et neis li renoié , Quant ils seront ravoié , Et croiront que Diex soit nés , Seront sauf, bien le savés.

Dame , aies de nous pitié !

Douce Dame , or vous pri gié Merci , que me deffendés Que je ne soie darapnés Ne perdu par mon péchié !

De grant travail et de petit exploit, Vois ce siècle chargié et encombré :

Que tant soiues plain de maleurlé Que nus no pense à faire ce qu'il doit.

Ains avons si le deauble trouvé (a) Qu'à lui servir chascuns paine et essaie. Et Diex , qui ot por nos ja cruel plaie , Mettons arrier et sa grant dignité : (h) Molt est hardis, qui por mort ne s'esmaie.

Diex / qui tout set , et tout puet , et tout voit, Nous auroit tost en entre-deus gieté, (c) Se la Dame plaine de grant bonté , Qui est lez lui , pour nos ne li prioit. (d) Si très dous mot plaisant et savouré Le grant courrous dou grant Seigneur apaie. Molt paresl fols , qui autre amor essaie ; Qu'en cestui n'a barat ne fausseté ; N'es autre n'a ne merci ne menaie. (e)

La souris quiert pour son cors garantir Contre l'yver la noix et le froment :

Et nous chailif nous n'alons rien quérant , Quant nous morrons , où nous puissions garir. Nous ne cherchons fors qu'enfer le puant. Or esgardés qu'une beste sauvage Pourvoit de loin encontre son domage :

Et nous n'avons ne sens ne hardement. (f) Il m'est avis que plain sommes de rage.

Li deable ont geté por nos ravir (g) Quatre ameçons aeschiés de torment.

Convoitise lance premièrement.

Et puis orguel pour sa grant rois emplir : Et luxure va le batel trainant :

Félonie les governe et les nage.

Ensi peschant s'en viengnent au rivage , Dont Diex nous gart par son commandement, En qui Sains Fons nous feismes homage.

Les proudomes doit on lenir molt chiers Là où ils sont, et servir, et amer :

Mais à paînes en puet on nus trover ; Car il sont mais si com li faus deniers , Qui ne puent el trébuchet entrer, (h) Ainz les giete on sans coing et sans balance Tors et péchiés en eus fine et comence. (i) Faus triceor, bien vous devroit membrer Que Dieu prendra de vos cruel vengeance !

A la Dame , qui tout les biens avance T'envoi chançon ; s'el te vieil escouter, (j) Onques ne fu nus de millor chéance.

Diex est ensi comme le pélicans , (77) Qui fait son nit el plus haut arbres sus. Et li mauvais oiseau , qui vient de jus , Ses oiseillons occist , tant est puans.

Le père vient destrois et angoisseus ; Dou bec s'occist ; de son sanc dolereus Vivre refait lantost ses oiseillons.

Diex fist autel, quant vint sa passion : De son dous sanc racheta ses enfans Dou deauble , qui trop estoit poissans. (a)

Le guerredon en est mauvais et lens ; Que bien, et droit, et pitié n'a mais nus. Ains est orguex et baras audessus, Félonie, traïsons et bobans.

Alolt parest or nostre estât périlleus.

Et se ne fust li essamples de ceus , Qui tant aiment et noises et tençons , (Ce est des clers, qui ont laissié sermons Pour guerroier el pour tuer les gens) Jamais en Dieu ne fust nus honi créans. (h)

Notre Chief fait tous les membres doloir ; Pour c'est bien droit qu'à Dieu nous on plaignons. Et grant coupes ra molt sor les Barons, (c) Qui il poise , quant aucuns veult valoir, (d) Et entre gent en sont molt a blâmer : (e) Quant tant sevent et mentir et guiller , Le mal en font dessus eus revenir.

Et qui mal quiert , maus ne ii doit faillir : Qui petit mal pourchasse a son pooir, Li grant ne puet en son cuer remanoir.

Bien devrions ens l'isloire veoir De la bataille , qui fut des deux dragons , ("Si com on trouve en livre des Bretons. j Dont il covint les chastiaus jus cheoir. C'est cist siècle, qui il convient verser, Se Diex ne fait la bataille finer.

Le sens Merlin en convient hors issir ( f ) Pour deviner^ qu'estoità avenir, (g) Mais Antècriz vient, ce poez vos savoir Aus malices, qu'anemis fait movoir. (h)

Savés, qui sont li vil oiseau pugnais , Qui tuent Dieu et ses enfançonnès ?

Li papelart , dont li mont n'est pas nés. (i) Ains sont puant , ort , vil et mauvais, (j) Il occient^ toute la simple gent, (Par leur faus nios) qui sont de Dieu enfans. Papelart font li siècle chanceler.

Par saint Pierre ! mal les fait encontrer. Ils ont tolu joie, et solas, et pais; S'en porteront en enfer le grant fais.

Or nous doint Diex lui servir et amer lit la Dame , qu'on n'i doit oublier !

Et nous voille garder a tous jours mais Des puz oiseaus , qui^ out venin es bès I (k)

Dou très dous nom à la Vierge Marie (78) Vous espondrai cinq lettres plainement : La première est M, qui senefie Que les aimes en sont hors de torment ; Car par li vint ça jus entre la gent Et nous gieta de la noire prison Diex, qui pour nous en sofifrit passion. Iceste M est sa Mère et sa Mie.

A vient après ; droit est que je vous die Qu'en l'A. B. C. est A premièrement.

Et tout premiers, qui n'est plains de folie, Doit dire le Salu doucement A la Dame , qui en son beau cors gent Porta le Roi , qui merci atendons.

Premiers fut A ; et après devint bons (a^ Que nostre lois fut faite et establie.

Puis si vient R: ce n'est pas controvaille, (aa) Que R savons que molt sont à prisier. (b) Et si r véons chascun jor tout sans faille , Quant li prestre le liève en son mostier : C'est li cors Deu , qui tout nous doit jugier, Que la Dame dedans son corps porta.

Or li prions, quant la mort nous venra , Que la pitié plus que droit nous i vaille.

I. est tous drois, gent et de belle taille. Tex fut li cors , où il n'ot qu'enseignier De la Dame , qui pour nous se travaille. Beaux , dous et gent , sans tache et sans péchier,

Pour son dous cuer et pour enfer brisier Vint Diex en li, quant ele l'enfanta.

Biaux et bons fu, et bien s'en délivra. Bien fist semblant Diex que de nous 11 chaille.

A. c'est de plaint. Bien savez sans doutance, Quant on dit A , qu'on se plaint durement. Et nous devons plaindre sans demourance A Dam, qui n' va autre chose querant (c) Que pechières viegne à amendement, Tant a douz cuer gentil et esmeré.

Cil, qui Tapelle de cuer sans fausseté , Ja ne faudra à avoir repentance.

Or li prions merci par sa bonté :

Au dous salus , qui se comence Ave Maria , Diex nous gart de meschéance !

Mauvais arbre ne peut florir ; (79j Ains sèche tout et va crollant.

Et hom, qui n'aim , sans mentir Ne porte fruit ; ains va morant. Flour et fruit de cointe semblant Porte cil , en qui naist amour, (a) Et cel fruit a tant de valeur Que nus n'en porroit esligier; Car de tous maus peut allegier.

Fruit de nature l'apelle on : (h) Or vous ai devisé son nom.

De ce fruit ne puet nus sentir , Se Diex ne 1' fait premièrement, (c) Qui à Dieu amer et servir Done cuers et cors et talent , Cil queuU dou fruit Irestot avant; (d)

Et Diex l'en fait riche secors.

Por le fruit fu li premiers plors , (e) Quand Eve fist Adam péchier. (f) Mais qui dou bon fruit veut mangier, Dieu aime et sa Mère et son non ; Si queudra le fruit de saison.

Signor , de l'arbre dit vous ai De nature , dont Amors vient :

Dou fruit meur conté je vous ai^ Que cil quieult , qui à Dieu se tient. Mais dou fruit vert me ressovient, Que ja en moi ne meurira : (g) C'est li fruit, dont Adams pécha.

De ce fruit est plains mes vergiers.

Dès que ma Dame vi premiers, Oi de s'amor plain cuer et cors , Ne à nus jor n'en istra fors.

Bien cuid, dou fruit ne gosterai.

Que quoilli ai. Ainçois m'avient (h) Si com à l'enfant, (bien le saij Qui à la branche se sostient, Et entour l'arbre va et vient ; Ne ja amont ne montera.

Ensi mes cuers folement va : (i) Tant parest grans mes désiriers , Que je en lieng mes grans maus chiers Si suis effraés com li ors (j) Vers li, qui est tous mes trésors.

Diex, se je pooie queilîir Dou fruit meur de vous amer.

Si com vous m'avez fait sentir L'amor d'aval et comperer ,

Lors me porroie bien saoler Et venir à repenlement.

Par votre dous commandement Me donez amer la millor :

Ce est la précieuse flor^ Par qui vous venisles ça jus , Dont le deaubles est confus.

Mère Dieu , par votre douçour , Dou bon fruit me donés savour:

Que de l'autre ai je senti plus Qu'onques encor n'en senti nus. (l) Philippe, laissiez vostre errour.

Je vos vi ja bon chanteour:

Chantez. Et nos dirons dessus Le chant : Te Deum laudamus.

Signor^ sachiez qui or ne s'en ira (80) En celé terre , où Diex fu mors et vis. Et qui la crois d'outremer ne prendra , A peine mais ira en paradis.

Qui a en soi pitié et remembrance Au haut Seignor , doit querre sa vengeance Et délivrer sa terre et son pais.

Tout li mauvais demorront par deçà , Qui n'aiment Dieu, bien , ne honor , ne pris. Et chascuns dis : — Ma feme que fera ? Je na 1' lairoie à nul fuer mes amis. )> Cil sont assis en trop foie atendance; (a) Qu'il n'est ,imis, fors que cil sans doutance, Qui pour nos fut en la vraie crois mis.

Or s'en iront cil vaillant bacheler ,

Qui aiment Diex et l'onour de cest mont, Qui sagement veulent à Diex aler ; Et li morveus, li cendreus demourront. (b) Avugles est , de ce ne dont je mie , Qui un secours ne fait Diex en sa vie , Et pour si poc pert la gloire del mont.

Diex se laissa por nos en crois pener , Et nous dira au jour^ où tuit venront : — Vos , qui ma crois m'aidâtes à porter , Vos en irez là où mes anges sont :

La me verrez et ma mère Marie.

Et vos , par qui je n'oi onques aïe , Descendez tuit en enfer le parfont. » (c)

Chascuns cuide demourer toz haitiez Et que jamais ne doive mal avoir :

Ainsi les tient ennemis et péchiez ; Que ils n'ont sens , hardement, ne pooir. Biau sire Diex , ostez nos tel pensée î Et nos metez en la vostre contrée Si saintement , que vos puissons veoir. (d)

Douce Dame , Roïne coron ée , Proiez pour nos , Vierge bien eurée !

Et puis après ne nos puet mescheoir.

Tant ai Amors servies longuement, (81J Que dès or mais ne m'en doit nus reprendre, Se je m'en part. Or à Dieu les commant. L'on ne doit pas toz jors folie emprendre ; Et cil est fols que ne s'en set deffendre, Ne n'i connoit son mal ne son torment.

L*on me lendroit dès or mais por enfant ; Car chascuns tens doit sa saison étendre.

Je ne sui pas si corne celé autre gent , Qui ont amé et puis sevuelent contendre, Et dient mal par vilain mautalent. fa) On ne doit pas Seigneur service vendre , Ne vers amour mesdire ne mesprendre :

Mais qui s'en part , parte s'en bonement. Endroit de moi veuil je que tout amant Aient grant bien , quant je rien n'i puis prendre.

Amors m'a fait grans biens jusques ici : Ele m'a fait amer sans vilenie La plus très bêle et la meillor aussi , Qui oncques fust mien enscient choisie, (b) Amors le vuet et ma Dame m'en prie Que je m'en parte ; et je moult l'en merci. Quant par le gré ma Dame m'en chasti , Meillor raison n'ai je de ma partie.

Nulle chose ne m'a Amors méri De tant corn j'ai esté en sa baillie.

Mais bien m'a Dex par sa pitié guari, (c) Quant délivré m'a de sa seignorie.

Quant eschapés eu sui sans perdre vie, (d) Ains de mes ieuls si boine eure ne vi. Si cuid-je faire encor maint jus parti, (e) Et maint sonet, et mainte renverdie. (f)

Au commencier se doit on bien garder D'entreprendre chose desmesurée.

Mes bon Amour ne laisse hom assener, (g) Ne bien choisir oii mette sa pensée.

Plustot aime on en estrange contrée^

Où Fon ne puet ne venir ne aler ,

Qu'on ne fait ce qu'on puet tos jors trover : (h)

Illuec ai bien ma folie esprovée. (i).

Or me gart Dex et d'amie et d'amer , ( j ) Fors de cele que l'on doit aorer , Où l'on ne puet faillir à grant soudée.