Page

3. Fol. 72 vo : « La Court a ordonné et ordonne que les parties appoinctees contraires et en enquestes bailleront leurs dits articles ou escriptures par devant les commissaires commis à faire lesdites enquestes, et icelles discorderont et accorderont par devant eulx au jour assigné par lesdits commissaires, et, s'il y a l'une des parties négligente audit jour, les escriptures de la partie qui fera ou a fait diligence seront tenues pour accordées... ».

4. Fol. 89 : « Pour ce que la Court a esté advertie que les parties, advocatz et procureurs d'icelles, qui ont fait adjourner céans en personne leurs parties adverses, détiennent ou font détenir les charges et informations après le jour de l'adjournement cinq et six jours et plus, en quoy lesdits adjournés sont grandement intéressez et damnisez, elle enjoinet ausdites parties, advocatz et procureurs en icelle, que d'ores en avant ilz mectent ou facent mettre par devers ladite Court toutes et chascunes les charges qu'ilz auront contre lesdits adjournés à comparoir en personne dedans ledit jour de l'adjournement, etc. ».