GUITON

A nostre amé et féal cousin le sire de Montfort. Original. (Bibliothèque Mazarine, nis. 4376, f" 362.)

Mandement de Charles de France à Jean Carbonnel, sieur de Sourdeval,de passer les revues des hommes d'armes commandés par le sénéchal des Lannes Colinet de La Croix, aux lieu et place du maréchal de Guyenne.

(24 octobre 1471)

Charles, filz et frère de roys de France, duc de Guyenne, conte de Xanctonge et seigneur de La Rochelle, à nostre amé et feai chevalier, conseiller et chambellan Jehan Carbonnel, sieur de Sourdeval, salut et dilection. Savoir vous faisons que nous, à plain confians de voz sens, loyauté, preudomie et bonne diligence, vous avons commis et ordonné, commettons et ordonnons par ces présentes pour recevoir les monstres et reveues des deux quartiers derrains passés des XX lances de Colinet de La Croix, nostre seneschal des Lannes, en revocquant toute autre commission que nous en pourroyons avoir baillée à quelque personne que ce soit, diligemment ainsi que en tel cas appartient ; lesquelles, ainsi par vous faictes et receues, et les rolles par vous signez et auctorisez, voulions estre vallables et d'autelle vertu et effect, pour l'acquit de nostre amé et féal trésorier de noz guerres maistre Jehan Gaudete, tout ainsi que si faictes avoyent esté et receues et lesdits rolles signez et auctorisez par nostre amé et féal cousin le mareschal de Guyenne ; car tel est nostre plaisir. De ce faire vous donnons povoir, auctorité et mandement especial, mandons audit Colinet de La Croix et gens de guerre de sa dite compaignie que à vous et en ce faisant

obéissent et entendent diligemment. Donné à Saint Sever, le XXIV* jour d'octobre mil CCCG soixante et unze.

Par Monseigneur le duc, vous, le sire de Lenoncourt et autres presens :