Chastellain, édition Kervyn de Lettenhove, t. V, p

2. Ordonnances des rois de France, t. XVI, p. 308 : « non ayant iceulx séducteurs consideracion aux choses dessus dictes ne aux maulx et inconveniens qui peuvent advenir par leur mauvaise et dampnée conspiration, ont induit, séduit et suborné nostre frère de Berry, jeune d'aage, et non considérant la mauvaise entencion de ceulx qui ces trahisons, rebellions, machinations et conspirations conduisent à S03' séparer d'avec nous, et par leur faulx donné à entendre soubz umbre et couleur de luy et de plusieurs mensonges controvés pour l'atraire et faire joindre avec eux, et esmouvoir le peuple à l'encontre de nous et à soy séparer de nostre obeyssance, ont fait dire, semer et publier par diverses parties de cedict royaume qu'on vouloit emprisonner nostre dict frère et actempter à sa personne, ce que onques ne pensasmes ; et quant eussions sceu aucun qui ung si dampnable cas eust voulu perpétrer, nous en eussions fait faire telle punicion que ce eust esté exemple à tous les autres ; ainçois pensions et entendions que nostre dict frère fust si content de nous, et nous en tenions si assurez que possible estoit, et luy mesme de sa bouche le nous avoit ainsi dit et affermé avec tant de belles et honnestes parolles qu'il estoit vraisemblable que ainsy estoit... »