XI. — PROCLAMATION ROYALE (AOUT

au Roy par mons. Jehan* Esturmi chivaler une bille escrit en ceste forme :

(( Par ceo, chier sire, qe vus mandastes au mareschall par le conestable, par une bille, qu'il feist crier parmy la vile de Lundres, qe tuz iceux qe sunt venuz par vostre somounse ou par prière fussent demayn devaunt eux a seint Poul a houre de prime, e qu'il feissent mettre en roule combien des chivaus des uns e des autres, e ceo vous feissent asavoir, vous prient vostre conestable e vostre mareschal qe ceste chose vousissez commaunder a autre de vostre hostel. E pur ceo, sire, qe vus bien savez qe eux sunt cy venuz par vostre prière e ne mye par somonse, s'il ceo faissent, il entroyent en lur office pur service fere, par quoy il vus prient que vus les voiliez commaunder a autre. »

E le Roi, resceu la dite bille e eu conseil sur ceo, pur ceo qu'il luy sembla qu'il avoyent meyns avysement maundé e ne voloyt mye qu'il en fussent suspris, enveya a eux mons. Geffrey de Geneville, mons. Thomas de Berkeleye, mons. Johan Tregoz, le conestable de la Tour, le gardeyn de Lundres-, mons. Roger Brabazon e mons. Willame de Bereford, pur eux meuz aviser sur ceo, e qu'il purveissent en tieu manere qu'il ne feissent chose qe peust torner en préjudice du Roi ne de lur estât demeyne ; e si autrement ne se vousissent aviser, qe lors lur fustdemaundé s'il avoueynt la dite bille e les paroles iloqes contenues, lesqueles il avouèrent tut outre. Et quant ceste a vouement fut reporté au Roi, il, eu sur ceo conseyl, mist en lu du conte de Hereford conestable mons. Thomas de Berkeleye, e en lu du conte mareschal mons. Geffrey de Geneville, pur ceo que les ditz contes avoient requis que le Roy commaundast a autres, sîcome il est contenu en la dite bille. Sur ceo s'en aloygnerent les contes du Roy e de sa curt. Et tost après ceo le

1. La copie de Cantorbéry et Gotton (p. 331) l'appellent Robert.

2. A la suite d'une tentative faite par te maire pour échapper à la juridiction des juges itinérants, le roi suspendit les privilèges municipaux de Londres, et remplaça le maire élu par un gardien nommé par lui (1285-1298). Cf. Stubbs, Constit. hîst., III, 571. En 1297, le connétable de la Tour était sir Ralph Sandwich, chevalier de Kent, et le gardien de Londres sir John Breton.