XIV. — CONFIRMATION DES CHARTES (OCT.-NOV

roiaume en le temps le Roi Hanry nostre père, soient tenues en touz leur pointz, saunz nul blêmissement. E volums ke meismes celés chartres desouz nostre seal soient envieez a noz justices, ausi bien de la forest sicume as autres, e a touz les viscountes des counteez, e a toutz nos autres ministres e a toutes noz cyteez par my la terre, ensemblement ove nos brefs, en les quieux serra countenu k'il facent les avauntdites chartres puplier, e ke il facent dire au pueple ke nous les avuns grauntées de tenir les en toutz leur pointz; e a nos justices, viscountes* e maires e autres ministres, qui la loy de la terre desoutz nous e par nous ount a guier, meismes les chartres en toutz lur pointz en pledz devaunt eaux e en jugementz les facent alower; c'est a savoir la graunt chartre des fraunchises cume loi commune, e la chartre de la forest solounc Tasise de la forest*, a l'amendement de nostre pueple.

2. E volums ke, si nuls jugementz soient donez desoremes encountre les pointz des chartres avauntdites par justices e par nos autres ministres qui countre les pointz des chartres tienent pledz devaunt eaux, soient defez e pur nyent tenuz.

3. E voloms ke meismes celés chartres desoutz nostre seal soient envieez as églises cathédrales parmi nostre roiaume e la demoergent, e soient deus fiez par an lues devaunt le poeple.

4. E ke arceeveesques, evesques, doingnent sentences du graunt escumenger countre touz ceaux qui countre les avauntdites chartres vendrount ou en fait, ou en ayde, ou en consal, ou nul poynt enfreindrent, ou encountre vendrount ; e ke celés sentences soient denunciez e pupliez deux foyz par an par les avantditz prelas ; e si meismes les prelas, evesques, ou nul d'eux soient necgligentz a la

1. Il est fait sans doute allusion ici au document intitulé d'ordinaire « Consuetudines et assise foreste ». Dans les Statutea ofthe realnty I, p. 243, il est raneé parmi les statuts sans date certaine, après ceux d'Edouard II. Dans les anciens recueils mss. de statuts, il est placé entre des textes de 1290 à 1291. Manwood le date résolument, mais nous ne savons d'après quelle autorité, de la 6« année d'Edouard I (1278). Voy. plus haut, p. 78, art. 5.

denunciaciuQ susdite faire, par les arceevesques de Caunterbire e de Everwyk, qui pur temps serrount, sicume covyent, soient repris e destreintz a meismes celé denunciaciun fere en la fourme avauntdite.

5. E pur coe ke aukune gentz de nostre roiaume se doutent qe les aides e les mises , les queles il nous unt fait avaunt ces houres pur nos guerres e autres busoignes, de leur graunt e de leur bone volenté, en quele manere qe fez soient, peussent tourner en servage a eux et a leur heyrs , par coe qu'il serroient autrefoytz trovez en roulle , e ausint prises qe unt esté faites par my le roiaume par nos ministres en nostre noun , avuns graunté pur nous e pur nos heyrs, qe mes teles aydes, mises, ne prises, ne trerroms a coustume, pur nule chose qe soit fayte ou ke par roulle ou en autre manere pust estre trovée.

6. E ausint avuns graunté pur nous e pur nos heyrs as arceevesques, evesques, abbées, priours, e as autre gentz de seint église, e as countes e barouns e a toute la communauté de la terre, qe mes pur nule busoignie tieu manere des aydes, mises, ne prises, de nostre roiaume ne prenderons, fors ke par commun assent de tout le roiaume e a commun profist de meismes le roiaume, sauve les auncienes aydes e prises dues e acoustumées.

7. E pur coe ke tout le plus de la communauté del roiaume se sentent durement grevez de la maie toute des leynes, c'est asaver de chescun sac de leyne quarante sous, e nous unt prié ke nous les vousissions relesser, nous a leur prière les avuns pleinement relessé; e avuns graunté que celé ne autre mes ne prendrons, sauntz leur commun assent e lur bone volenté; sauve a nous e a nos heyrs la coustume des leynes, peaux e quirs avaunt grauntez par la communauté du roiaume avâuntdit. En tesmoinauncc des quieux choses nous avuns fait faire cestes nos lettres overtes. Douées a Gaunt le quint jour de novembre Tan de nostre règne vintisme quint.