XV. — ARTICLES ADDITIONNELS A LA GRANDE CHARTE

avaatdites ou remédie ne fust avant par commune ley, ausi comme avant est dit, par enprisonement ou par ranceoun ou par amerciement, selonc ceo qe le trespas le demande. Et par ceo n'entend pas le Roi, ne nul de ceaux qe fust a cest ordenement fere, qe les chivaliers avantditz tîegnent nul play par le poer que doné leur serra, en cas ou avant ces houres fust remédie purveu solonc la commune ley par bref, ne qe préjudice en soit fet a la commune ley, ne a les Chartres avantdites ennui de leur poyntz. Et voet le Roi qe, si touz treis ne soient presentz ou ne purront as totes les foiz entendre a faire leur office en la fourme avantdite, qe deus des trois le facent. E ordené est qe les viscontes e les baillifs le Roi soient entendantz as les comandementz des avantdites justices, en quant qe apent a leur office; e, estre cestes choses grantées sur les pointz des chartrcs avantdites, le Roi, de sa grâce especiale, en aleggeance des grevances qe soen poeple ad eu par les guerres qe unt esté, et en amendement de leur estât, e pur taunt q'il soient plus prestz a soen service e plus volentiers aidantz quant il en avéra afere, ad granté ascuns articles, les quieus il entent qui tendront ausi grant lieu a son poeple et ausi grant profist ferront, ou plus, qe les pointz avant grantés.

2. Emprimechief , pur ceo qe une grant grevance est en cest roiaume e damage sanz noumbre de ceo qe le Roi et ses ministres de sa meignée, ausi bien les aliens com les denzeyns, fount leur prises la ou il passent parmi le roiaume et prenent les biens de gentz, des clers e des lays, sanz rien paer, ou bien meins qe la value, ordené est qe, de ci en avant, mil ne preigne prises parmi le roiaume, fors qe les prenours le Roi e ses purveours pur l'ostel le Roi; et qe cens prenours le Roi e purveours pur soen hostel ne preignent riens fors qe pur meisme Tostel; e, des prises qu'il ferront parmi les pais, de manger ou de boyvre et autres mcnuz necessaries pur Tostel, q'il facent la paye ou gré a cens des queus les choses serront prises; e qe touz tiens prenours le Roi, purveours ou achatours, eient cîe ci en avant leur garant ovesqes eus, du grant seal ou du petit

seal le Roi, contenant leur poer et les choses dount il frount prises ou purveaunce, lequel garant il mustreront as ceus des quieus il frount la prise, avant ceo q'il en preignent rien. E qe ceus prenours, purveours ou achatours le Roi, ne preignent plus qe busoigne et mester ne seit pur le Roi et soen hostel e de ses enfantz, e qe riens ne preignent pur ceus qe sont a gages ne pur nul autre, e q'il respoignent en Tostel et en la garderobe pleinement des totes leur prises, sanz fere ailleours leur largesces ou liverées de chose qe pur le Roi soit prise. E si nul prenour de l'hostel le Roi, par garant q*il eit, face prises ou liverées en autre manere qe desus n'est dit, par pleinte fête al seneschal et al tresourer de l'hostel le Roi soit la vérité enquise ; e si de ceo soit atteint, soit gré meintenant fait au pleintif, et soit hosté du service le Roi pur touz jours et demoerge en prison a la volenté le Roi; e si nul face prises santz garant e l'emport encountre la volunté de celui a qui les biens sont, soit meintenant arestu par la ville ou la prise serra fête, et mené a la procheine gaole; e si de ceo soit atteint, soit la fait de lui come de larroun, si la quantité des biens le demande. E quant as prises fere en feires et en bones villes et portz pur la grant garderobe le Roi, eient les prenours leur commun garant par le grant seal, e des choses q'il prendront eient la testmoignance du seal du gardein de la garderobe ; et des choses issint par eus prises de noumbre, de quantité et de la value, soit faite dividende entre les prenours et les gardeins des feires, meire ou chiefs baillifs des villes et portz, par la veue des marchantz desquieus les biens serront issint pris; e riens ne lui soit sufFert de plus prendre q'il ne mette en dividende ; e celé dividende soit porté en garderobe desutz le seal le gardein, meire ouchief baillif avantditz, e lenz demoerge tanqe sur l'aconte du garderober le Roi; e s'il soit trové qe nul eit autrement pris que fere ne deveroit, soit puny sur l'aconte par le gardein de la garderobe le Roi solom sa déserte; e si nul face tiens prises sanz garant, et sur ceo soit atteint, soit fait de lui come de ceus qe fount prises pur l'hostel le Roi sanz garant, come desus