XV. — ARTICLES ADDITIONNELS A LA GRANDE CHARTE
est dit. E ne entend mie le Roi ne soen consail qe, par cest estatut, riens descresse au Roi de soen droit des auDcienes prises dues et acustumés, corne des vyns et autres biens, mes qe en touz pointz pleinement lui soit sauvé.
3. De Testât du seneschal e des marchais, et des plez qe eus deivent tenir et cornent, ordené est qe desoremes ne tiegnent plai de franc tenement, ne de dette, ne de covenant, ne de contract de gentz du pueple, fors tant suiement des trespas de Tostel et autres trépas faitz dedenz la verge, et de contractz et convenantz qe ascun de Tostel le Roi avéra fait a autre de meisme Tostel e en meisme Tostel , et ne mie aillours ; e nul plai de trespas ne pledront autre qe ne soit attaché par eus, avant ceo qe le Roi isse hors de la verge ou le trespas serra fait, et les pledera hastivement de jour en jour, issint q'il soient parpledez e terminés avant ceo qe le Roi isse hors des bundes de celé verge ou le trespas fut fait; e si, par cas, dedenz les bundes de cele verge ne poent estre terminés, cessent cens plais devant le seneschal, et soient les pleintifs a la commune Ici ; ne desoremes ne preigne le seneschal conisances des dettes ne d'autre chose, fors qe des gentz de l'hostel avantdit; ne nul autre plai ne tiegnent par obligacion faite a la destresce du seneschal e des mareschaus ; e, si le seneschal ou les mareschaus rien facent countre cest ordenement, soit leur fet tenu pur nul. E pur ceo qe devant ces houres moutz des félonies fêtes dedenz la verge unt esté despunies, pur ceo qe les coroners des pais ne se sont pas entremis d'enquerre de tieus maneres des félonies dedenz la verge, mes le coroner de Tostel le Roi qui est passant, de qui issue ne ad mie esté fête en due manere, ne les félons mis en exigendes ne utlaghés, ne rien de ceo présenté en eire, qe ad esté a grant damage du Roi e a meins bone garde de sa pees, ordené est qe desoremes, en cas de mort de homme ou office de coroner apent as vewes et enquestes de ceo fere, soit mandé le coroner du pais qui ensemblement ove le coroner de l'hostel face l'office qe i apent et le mette en roulle. E ceo qc ne porra raie devant le seneschal estre terminé par ceo qe
les félons ne i porront estre attachetz, ou par autre encheson, demoerge a la commune lei , issint qe les exigendes , utlagheries et presentementz en eire soient de ceo fetz par le coroner du pais, ausint corne des autres félonies fêtes dehors la verge ; mes pur ceo ne soit lessé qe les attachementz ne soient fetz freschement sur les félonies faites.
4. Estre ceo, nul commun plai ne seit desoremes tenu a l'escheqer countre la fourme de la grant chartre.
5. D'autre part le Roi voet qe la chauncelerie et les justices de soen banc lui suient, issint q'il eit touz jours près de lui ascuns sages de la lei qui sachent les busoignes qe viegnent a la curt duement deliverer a totes les foiz qe mester serra.
6. Desutz le petit seal ne isse desoremes nul bref qe touche la commune lei.
7. Le conestable du chastel de Dovere ne plede desoremes a la porte du chastel nul plai forein du conté qe ne tuche la garde du chastel ; ledit conestable ne destreigne les gentz de Cinks Portz a pleder aillours ne en autre manere q'il ne deyvent, solonc la fourme des Chartres q'il unt des Rois de leur franchises auncienes afermées par la grant chartre.
8. Le Roi ad granté a son poeple q'il eient csleccion de leur viscontes en chescun comté ou visconte ne est mie de fee, s'il voelent.
9. Le Roi voet et comande qe nul visconte ne baillif ne mette en enquestes ne en jurées plus des genz ne autres, ne en autre manere q'il n'est ordené par estatut, et q'il mettent en teles enquestes et jurées les plus procheins, plus suffisantz et meins suspecenous ; e qi autrement le fra et de ceo soit atteint, rende au pleintif ses damages au duble, et soit en la grève merci le Roi.
10. Endroit des conspirateurs, faus enfourmours et mauveis procureours des duzeines, enquestes, assises et jurées,
