XV. — ARTICLES ADDITIONNELS A LA GRANDE CHARTE
Testatut qe le Roi fist feire nad gueres à Wyncestre* n'ad pas esté tenu, voet le Roi qe cel estatut soit de novel envoie en chescun conté, et leu et pupplié quatre foitz par an, ausi corne les deus grantz Chartres, et fermement gardé en chescun point, sur les peines qe lenz sont assises ; e, a cel estatut garder et meintenir, soient chargez les trois chivalers qui sont assignez parmi les contez pur adrescer les choses fêtes contre les grants chartres ; et de ceo eient garant.
18. En dreit des wastz et destruccions fetz en gardes par eschetour et sutheschetour des mesons, parks, bois et vivers, et totes autres choses qe eschient en la mein le Roi, voet le Roi qe celui qe avéra le damage receu eit bref de wast en chauncelerie vers Feschetour de soen fet ou le sutheschetour de son fet, s'il eit de quei respoundre ; e s'il n'ad de quei, si respoigne son soverein par autcle peine quant as damages, corne derrein fust ordené par estatut* sur cens qui fount w^astz en gardes.
19. Derechief, la ou l'eschetour ou le visconte seisit en la mein le Roi autri terres la ou il n'ad reson de seisir, e puis, quant trové est la non reson , les issues du meen temps unt esté cea en arere retenuz et ne mie renduz quant le Roi ad la mein osté, voet le Roi qedesoremes, la ou terres sont issint seisies et puis la mein osté, par ceo q'il n'ad reson de seisir ne de tenir, soient les issues pleinement rendues a celui a qui la terre demoert et avéra le damage receu.
20. Ordené est qe nul orfèvre d'Engleterre ne d'aillours de la seignurie le Roi ne overe ne face de ci en avant nule manere de vessele, dejoiaus, n'autre chose d'or ne d'argent, qe ne seit de bon et de verrai alai, c'est assavoir or de certeine tuche et argent de l'alay de le esterling ou de meillur alay, soluuc la volenté de celui a qui les ovres sont. E qe
1. Le statut de Winchester, promulgué le 8 oct. 1285 est une ordonnance de police générale ; il commence par les mots : « Per ceo qe de jour en jour roberies, homicides, arsuns, plus sovenerement sont fêtes qe avaunt ne soleyent... » Siat. of the realm, I, p. 96; Stubbs, Select charters^ p. 470.
2. Voy. le 1" statut de Westminster (1275), art. 21. Siat. of the realm, I, 32, et le statut de Gloucester (1278), art. 5. Ibid,, p. 48.
nul ne overe pir argent qe moneie ; et qe nul manere de vessele de argent ne parte hors des meins as overers, tant q'ele soit asaie par les gardeins du mester; e q'ele soit signée de une teste de leopart; qe nul ne overe pir or qe tuche de Parys ; e qe les gardeins du mester aillent de shope en shope entre les overers, assaiant qe For soit tiele corne le tuche avantdite ; e s'il trovent nul pir qe la tuche, qe l'overe soit forfet au Roi. Qe nul ne face anels croys, ne fermail crois *, qe nul ne mette piere en or sr ele ne soit naturcle ; qe taillurs des aniaus et des seals qe il rendent a chescuny son poys d'argent et d'or, ausi avant come il le poent sauver sur leur leauté; e les jueus d'or q'il unt entre meins de viele overe, q'il s'en deliverent a plus tost q'il poent ; e, s'il achatent desore en avant de meisme celé overe, q'il le achatent pur despescer et ne mie pur revendre. E en totes les bones viles d'Engleterre ou i a orfèvres , q'il facent meismes les estatutz qe cens de Loundres fount; e qe un viegne de chescune vile pur touz a Loundres, de querre lour certeine tuche; e si nul orfèvre soit atteint qe autrement le face qe desus ne est ordené , soit puny par prison et par ranceon a la volunté le Roi.
En totes les choses desus dites, e chescunes de eles, voet le Roi e entent, il et soen consail, et touz cens qui a cest ordenement furent, qe le droit et la seignurie de sa coroune savez lui soient par tout.
1. Au lieu de fermail crois y une variante donne fermauxt qui parait être une meilleure leçon. Nous pensons qu'il faut interpréter ce passage comme s'il y avait : « qe nul, qe face anels, croys ne fermaux, ne mette piere en or si ele ne soit naturele. »
