CHAPITRE CXXIII

Comment Louys, dauphin de France, manda la dauphine, sa femme, aller à Namur, appartenant au duc de Bourgongne.

En ceste mesme année, le susdit Louys, dauphin de Viennois, aisné fils du roy Charles de France, qui long-temps n’avoit esté par-devers son père , et qui se tenoit encore ès pays dudit duc de Bourgongne , comme avez ouy ci-devant, manda à la dauphine sa femme, qui estoit fille du duc de Savoye, et laquelle cstoit demeurée au pays de Dauphiné, de venir devers lui en une ville nommée Namur, appartenant au duc de Bourgongne, qui est située sur les marches de Haynault et de Brabant.

Laquelle dauphine, incontinent, qu'elle eut ouy ces nouyelles, sans requérir l’authorité, ne demander la permission dudit duc de Savoye son père, ne du roy Charles, au moins que cela vinst à cognoissance aucune, partit d’icelui pays de Dauphiné, ct ira son chemin par les marches de Bourgongne, cslant accompagnée, jusques audit lieu de Namur , par le prince d'Orange. De quoy icelui dauphin fut fort joyeux, et en sceut grand gré à icelui prince d'Orange. De là tira ès autres places d’icelui duc de Bourgongne, où elle fut grandement ct honorablement fesloyée ct reccue partout.