CHAPITRE CXXIV

Du mariage des deux fils du duc de Sombresset ct des deux filles du roy d’'Escosse.

En icelui temps , la royne d'Angleterre , qui esloil fille du roy de Sccile, voyant que le duc d'Yorck avoit fait ct faisoit tous les jours de grands troubles et cmpeschements dans le royaume d'Angleterre, et qu’il avoit pourchassé la mort du duc de Sombresset , recognoissant aussi qu’il avoit fait et faisoit guerre au roy d’Escosse, traita le mariage des deux fils de Sombresset avec les deux filles du roy d’Escosse, qui pour lors se tenoient à l’hostel du roy Charles ; et parlirent d’icelui hostel environ la Saint-Jean-Baptliste de cest an; et prinrent leur chemin par Paris, pour retourner en Angleterre; et, avec ce, par le moyen dudit

roy de Secile, son père, et de Charles d'Anjou, comte du Maine , son oncle, elle trouva façon envers ledit roy Charles, qu’il mist sus une grosse armée de gens de guerre, pour aller audit royaume d’Anglelerre, en l’ayde dudit roy d'Escosse, contre icelui duc d’Yorck, qui tendoit tousjours à parvenir à la couronne, et estre enfin nommé roy d’Angleterre. Si furent ordonnés pour chef de ladile armée le seigneur de Loheac, mareschal de France, et en sa compagnée, Joachim Rohault, avec autres capitaines. Et si y fut ordonné messire Pierre de Brezé, séneschal de Normandie, dès auparavant la rendilion de Rouen, dont ci-devant est faite mention. Lesquels firent une course audit royaume d’Angicterre, et pillèrent un gros village qui se nommoit le Port, dans lequel ils arrivèrent par un jour de dimanche au matin; et en partirent ledit jour mesme , après qu'ils l'eurent pillé où 1ls gagnèrent un grand bulin ; et si y demeurèrent de morts, de la part d’iceux Anglois, quelques trois à quatre cents hommes, et quelque petit nombre de la part desdits François.