CHAPITRE CXXV

De l’ambassade que envoya cesle dite année le roy Lancelot devers Ie roy Charles.

Vers la fin de ladite année, le roy Lancelot !,

qui lors se disoit roy de Honguerie ct de Bo-

hesme, envoya devers. le roy Charles, qui pour lors se lenoit en la ville de Tours, une très grosse ambassade, parmi laquelle 1l y avoit un archevesque, un évesque et un comte, avec plusieurs autres grands seigneurs , qui estoient en nombre de six à sepl cents chevaux, ou environ, en bel arroy, pour conclure et parfaire le traité du mariage de madame Magdelaine de France, fille du roy Charles, lequel fut tout fait ct accordé par les parlies ; qui estoit chose bien desplaisante au duc de Bourgongne, .pource qu'il faisoit guerre audit roy Lancelot, au sujet du duché de Luxembourg ; car bien lui sembloit-il que, par le moyen d’icelui traité, le roy Charles bailleroit ayde et confort à ce roy Lancelot, ce qui lui pouvoit porter grand préjudice, et à ses pays et subjets. Or, ainsi comme ceste ambassade devoit parüir de la ville de Tours, et mener avec eux ladite Magdelaine devers leur

roy Lancelot, nouvelles vindrentauxditsambas-

1 Ladislas.

sadeurs que, droit le jour Saint-Clément, icejui roy Lancelot estoit allé de vie à trespas. Desquelles nouvelles le roy Charles, avec ceux de sa cour, et espécialement les seigneurs de ladite ambassade, furent fort desplaisants et couroucés, et non sans cause; car ladite alliance pouvoit estre fort profitable auxdites parties , c’est à sçavoir au roy Charles et à ce roy Lancelot, tant pour la cause dudit Luxembourg comme pource qu’icelui roy Charles esloit disposé de r’avoir ct reprendre en ses mains les terres engagécs audit duc de Bourgongne, tant sur la rivière de Somme comme ès autres marches de ce royaume. Et, assez tost après, icelles nouvelles estant venues à la cognoissance des seigneurs dessusdits, le roy Charles fit faire, en l’église Saint-Martin de Tours, un très beau et solemnel service, pour le trespas dudit feu roy Lancelot, où tous les seigneurs là venus en ladite ambassade se trouvèrent, comme aussi le roy en personne, avec plusieurs princes et grands seigneurs de la maison de France. Puis, quand tout cut esté fait, tant ct si honorablement que plus on ne pouvoit, lesdits ambassadeurs, voyants une telle fortune arrivée , conclurent de retourner en leur marche, ct prinrent congé du roy, de la royne et de ladite Magdelaine, à laquelle ils délaissèrent et donnèrent tous les joyaux et présents que ledit feu roy Lancelot leur seigneur lui envoyoit ; el si firent de beaux dons de plusieurs autres grands joyaux, tant à la royne comme à plusieurs des princes et seigneurs de la cour. Et, après que ‘le roy leur eut fait délivrer trente mille francs, pour fournir à la despense de leur retour , le roy rescripyit à ceux de Paris, et aussi à ses officiers qui estoient là, qu’ils festoyassent lesdits ambassadeurs , en toutes les manières qu'ils ‘pourroient. Puis toutes ces choses eslant ainsi faites et préparées, ils partirent de ladite ville de Tours, depuis laquelle ils furent convoyés et conduits par plusieurs grands seigneurs , et autres officiers en grand nombre ; et tirèrent leur chemin vers la ville de Paris.

Quand les Parisiens et les officiers du roy, ‘auxquels il avoit escript furent advertis qu'ils ‘arrivoient , ils partirent de ladite ville , et, en ‘belle ordonnance ils allèrent au-devant d'eux, “bien loin hors de ladite ville : si y furent avec ‘eux aussi les comtes d’Eu et d’Armagnac, et le seigneur de Gaucourt, qui estoit grand-maistre d’hostel du roy. Et arrivèrent audit Paris

par un samedy , huitiesme jour de janvier auditan; etle lendemain furent menés par les seigneurs et officiers dessusdits en la sainte chapelle du palais , où là leur furent monstrées les saintes reliques , c’est à sçavoir la sainte couronne , le cloud , le fer de la lance, et aucune chose de la verge de Moyse. Puis, le lundy ensuivant, fut fait dans l’église de Nostre- Dame un très beau et solemnel service, pour le trespas du susdit feu roy Lancelot, auquel se trouvèrent en très bel arroy les seigneurs dessusdits, (ous en deuil. Et, le mercredy ensuivant, icelle ambassade partit de Paris, pour s’en retourner en leur pays de Honguerie. Si furent conyvoyés hors de ladite ville par les seigneurs et officiers dessusdits , tant et si honorablement que plus ils n’en pouvyoient faire. Et pource qu'iceux ambassadeurs doubtoient beaucoup que ledit duc de Bourgongne ne leur voulust faire aucun desplaisir, pour autant qu'ils sçavoient bien que leurdit maistre n’avoit pas esté bien content de lui, à cause de ladite duché de Luxembourg qu’il délenoit contre sa volonté, et que de ces doubles ils avoicnt parlé audit roy Charles, icelui roy les fit conduire par ceux de ses ordonnances, jusques au nombre de cent lances, qui prinrent leur chemin par les duchés de Bar et de Lorraine, et ainsi s’en allérent.

Le mardy, dixiesme jour d'octobre, en l’an mil quatre cents cinquante-huit , en la ville de Vendosme , le roy Charles estant présent, accompagné de ses douze pairs de France, et de plusieurs grands scigneurs, tant de son sang comme autres, avec plusieurs en grand nombre de notables conseillers, tant de sa cour de parlement comme de ceux de son grand conseil, estants Iez lui, messire Jean, duc d'Alençon, dont ci-devant est faite mention, fut par le roy condamné, pour les traités ct alliances qu'il avoit faites avec les Anglois, qui estoient anciens ennemis dudit roy Charles, et au grand préjudice et dommage de lui et de tout son royaume, c'est à sçavoir: qu'il fut déclaré criminel du crime de lèze-majesté, et comme tel, condamné à souffrir et recepvoir la mort , et avec ce, tous ses biens entièrement confisqués au roy. Mais, en faisant icelle condamnation, le roy y retint sur le tout son bon plaisir, lequel il déclara prestement, et fut tel: que son plaisir esloit, qu’au regard de la personne dudit d'Alençon, il lui plaisoit que l’exé-

cution de sa personne ne s’en feroit jusques à son bon plaisir ; et quant aux biens qui furent audit d'Alençon, jà-soit-ce que veu l’énormité des cas el crimes, les enfants dudit d’A- Jlençon , selon droit, raison cet les usages gardés et observés en tel cas, deussent estre privés et déboutés de tous biens, honneurs et prérogatives, et mis en lelle pauvreté et mendicilè, que ce fust exemple à tous autres, loutesfois, eu regard aux services des prédécesseurs dudit d'Alençon, faits aux prédécesseurs du roy Charles, et à la chose publique du royaume, en espérant aussi que lesdits cnfants se conduiront cet gouverneront envers le roy comme bons ct loyaux subjets doivent faire envers leur souverain scigneur, et en faveur et contemplation des grandes requestes faites au roy, par Artus, duc de Bretagne, comte de Richemont , oncle dudit d’Alençon ; lc roy , de sa grace, en modérant la confiscation ct forfaiture des biens dessusdits, voulut , déclara et lui pleut: que tous les biens meubles qui furent trouvés appartenants audit duc d’Alençon, seroient et demeureroient à sa femme et à ses enfants, réservé l'artillerie, harnois et ‘autres habillements de guerre eslants en ses places ou autre part à lui appartenants, lesquels le roy relint à soy nuement, sans moyen.

Et au regard des terres et scigneuries et biens meubles , le roy , en modérant, retint à lui les ville, chasteau ct chastellenie de Verneuil, tant deçà comme delà la rivière, avec les appartlenances, appendances ct dépendances desdites villes, chasteaux, chastcllenies et vicomtés , lesquelles , dès lors, le roy mit, adjoint ct incorpora au patrimoine et domaine de sa couronne ; et avec ce, le roy retint à lui le surplus des chasteaux et chastellenies, tours, vicomtés, seigneuries, rentes, revenus, possessions ct biens immeubles qui furent de ladite duché d'Alençon, avec toutes les appartenances d’icelle duché, ensemble tous les droits, noms, raisons ct actions qui furent ou pourroient escheoir , tenir ou appartenir audit d'Alençon, à cause de ladite duché, {ant en propriétés, possession, comme autrement, et lous autres droits et seigneuries qui cstoient parties de la couronne à partage de France, où qu'ils soient situés , réservé la comté du Perche, dont ciaprès sera faite mention, pour en faire ct ordonner par le roy , à son bon plaisir. Et aussi re-

tint le roy à lui, le chasteau et la chaslellenie, :

terre et seigneurie de Blencetay, en Tourraine: ensemble le péage qu'il avoit et prenoit sur les ponts de Tours, et autres rentes , terres et revenus qu'icelui d'Alençon avoit ct tenoit en ladite ville et chastellenie de Tours. Semblablement il se réserva les services, hommages, droits, devoirs ct recognoissances qui compétoicnt et appartenoient audit d'Alençon, à cause de la comté du Perche, sur toutes les terres et seigneurics de Nogent-le-Rotrou, ses appartenances, ct autres terres appartenants au comte du Maine, à cause de la comlesse sa femme. Et pour le regard des autres scigneuries et biens immeubles qui furent et appartinrent audit d'Alençon , le roy les laissa, et voulut qu’ils fussent et demeurassent aux enfants dudit d'Alençon , ainsi et par la manière qui s'ensuit ; c’est à scavoir la comté, terre et scigneurie du Perche, pour en jouyr par le seul fils dudit d'Alençon, ct par ses hoirs masles, descendants de son corps cn loyal mariage, sans toutesfois aucunes dignités ne prérogatives de parties. Quant au surplus desdites terres ct scigneuries qui furent et apparlinrent audit d'Alençon, il les laissa ct voulut qu’elles fussent ctdemeurassent auxdits enfants d'Alençon, lant masles comme femelles , pour en jouyr et user par lesdits enfants, sous la main du roy, jusques à ce que chacun d'eux fust en age de les tenir ; ct après qu'ils seroient assez agés , par leurs mains , comme leur propre chose, et par leurs hoirs descendus de leurs corps en loyal mariage , le lout selon les coustumes des pays où lesdites terres ct seigneuries sont siluées ct assises.

Après toutes ces choses ainsi faites el prononcées, le roy l’envoya par huil hommes d’armes et vingt de ses archers, en son chasteau de Loches en Berry; ct pour le servir, lui fut ordonné son barbier , qui estoit aussi son valet de chambre.

Vous avez bien ouy, par ci-devant, comment

Je duc Philippe de Bourgongne fit son vœu cn

la ville de Lille, comme aussi plusieurs nobles de ses pays , afin de l’accompagner ; après lesquels vœux ainsi faits, l’empereur envoya audit duc ses lettres missives, et avec ce, certaih advis sur le fait et le dessein dudit voyage, duquel la teneur s'ensuit :

« La Majesté Impériale dit que, pour pourvoir à la chose publique, contre les Turcs ct autres ennemis de la foy salutaire, à quoy ilest

très nécessaire de travailler , il faut ordonner une armée grande et puissante, par les princes chrestiens, et qu’elle soit preste et très bien ordonnée, en lieu au plus près des Turcs que faire se pourra, au mois d'avril prochainement

venant. Et pour ce que ladite Majesté Impériale

se veut employer de toute sa puissance à deffendre la sainte foy chrestienne, afin que tous autres princes catholiques, mesmement ceux qui sont subjects à l'Empire, ayent cause et raison de l’ensuivre, baille ladite Majesté, par advertissement, ce qui s'ensuit :

» Premièrement, il est besoin que l’armée qui se fera et assemblera soit telle, si grande etsi puissante, qu’elle ne soit pas seulement suflisante pour résister aux Turcs et ennemis de la foy chrestienne, mais pour reconquérir , les pays qu'ils ont conquestés, et les chasser hors du pays de l’Europe, et que ladile armée soit obéissante à un capitaine, sous la bannière de la croix de l’Empire.

» {tem , qu’il soit pourveu à ce qu’icelle arméc soit tellement ordonnée, qu'elle puisse durer l’espace de trois ans, si besoin en est, et qu’en cesle présente année soit faite provision des choses nécessaires à ladite armée, pour la première année à venir, et qu’en l’autre année, il y soit pourveu pour la seconde année ; et en icelle seconde année, pour la troisiesme.

» Item, pour ladite armée assembler, la Majesté Impériale veut que, par toutes les Allemagnes el pays voisins subjets à l’Empire, trente mesnages ordonneront deux hommes à pied , armés et cmbastonnés suffisamment, propres à passer à monstres ‘ , et par cesle manière, l’on lèvera bien deux cents mille hommes combattants. Mais ladite estimation estant faite, s’il est trouvé que ceste armée ne soit pas suffisante, c’est le plaisir de l’Impériale Majesté, que d'autrenombreau-dessoubs detrentemesnages, l'on ordonne un homme à cheval et deux à pied, pour parvenir à l’accomplissement d'icelle arméc, en ce comprins et entendu l'intention des Hongres ct des Behaignons ?.

» Îlem, que les princes et cités de l’Empire pourvoyent, en cesle présente année, de bombardes, pierres, poudres, chariots et autres convenables engins de guerre, selon leur puissance ct condition, ct ce dont ils voudront servir

1 Revues.

3 Bohémiens.

etayder, apprester, cueillir et mettre par escript.

» Item, qu'ès Allemagnes, il y aura, en trois lieux convenables, des députés et trois suffisants princes ou autres bien experts en armes, ordonnés , auxquels se présenteront lous ceux qui seront destinés et choisis pour aller en ladite armée, afin de faire, aux suffisants et bien habillés, passer les monstres, et les non-suffisants refuser ; et que lesdits trois députés puissent députer et donner d’autres pour passer lesdites monstres, ainsi qu'ils verront que besoin sera.

» Item , pareillement soient ordonnées six personnes notables pour faire les provisions nécessaires pour l’armée dessusdite, à sçavoir trois de la sainte église et trois séculiers, en trois lieux convenables ès Allemagnes, en telle manière que les deux soient en une partie, deux en la seconde, et deux en la troisiesme ; et qu’ils ayent puissance d’ordonner et dépuler aucuns soubs eux, pour pourvoir à ladile armée de vivres, d'argent ct d’autres choses nécessaires, selon que besoin en sera.

» Item, que lesdits six pourvoyeurs ct leurs députés, fassent que la taille ou assiette qui se lèvera et prendra, soit tellement ordonnée entre les riches et les pauvres, selon leur faculté, que l’un ne soit grevé au regard de l’autre.

» Item, que l’on intime et fasse sçavoir au pape, qu'avec le roy d’Arragon , les communautés de Venise et de Gennes, el autres d’Italic, il soit ordonné et résolu d’une armée par mer, apprestée audit mois d'avril prochainement venant au destroit de Galiopoly, pour de là , par Meleline, assaillir le pays de Turquie.

» Item, que ledit pape veuille ordonner, par lc moyen des Véniliens, que Camarran, Sarrasin, qui s’est offert d'aller contre le Turc, ait son armée preste audit mois d'avril prochain.

« tem, parcillement, que ledit pape veuille tant faire envers le roy des Arabiens etles chrestiens de Serriques, à ce qu'ils veuillent ordonner ct préparer une armée particulière contre le Turc, et parcillement envers l’empereur de Trapessunde', chrestien ; qu’ils veuillent esmouvoir ceux de Raguse, Bulgarie, Albanie, Dalmacye , Croacie, Esclavonie, el faire-apprester pareillement leur armée audit mois d'avril.

» Item, 11 semble que l’armée de l'Empire ct

1 Trébizonde.

(1459) celle de Honguerie se debvroient assembler et

mettre leurs batailles, et ficher leurs tentes con-.

tre les plus prochains Turcs de la Danole !, afin qu'on les peust mieux secourir , et de gens et de vivres, en deffendant ladite rivière.

» Item, 1 semble nécessaire à l’Empire, que, durant ceste sainte besongne, toutes querelles meues et à mouvoir contre l'Empire, doibvent cesser , afin que l’on aye union ct paix en ce saint œuvre; ct c'est l’intention d’ordonner trefyes pour cinq ans, commençants icelles trefves au jour de Noël prochainement venant, sans les cnfreindre, sur certaines peines et grosses amendes, afin que toute voye de fait soit ostée, et que justice seulement aye lieu, et soit monstrée à un chacun.

» Item, il a voulu ct proposé , que quiconque altenteroit ou enfreindroit par voyes de fait lesdites trefves, qu’il escherroit en la peine ct scroit puny du crime, et abandonné par ban impérial ; et qu’en quelque lieu impérial qu’il fust trouvé, il fust prins, juslicié ct exécuté comme coupable du crime de lëze-majesté ; et que ceux qui Les recevront, conduiront, ouleur ‘bailleront confort ou ayde, fussent punis de semblable peine comme dessus.

» Item, donnera l’empereur privilége à ceux qui iront en ladile armée , à ce que leurs seigneuries, maisnies, et biens quelconques , par lesdits cinq ans, seront en la sauve-garde impériale, en Lelle manière que par juslice l’on ne les pourra travailler ni rechercher depuis leur départ, par action personnelle ou réelle, ni eux, ni leurs biens, moyennant que durant l’assemblée de l’armée, se auparavant , ils ne se départent et s’enfuient. Mais s’il advenoit que ladite armée se desfist et destruisist auparavant lesdits cinq ans passés, l’empereur veut que ledit privilége vaille, et aye encore effet, depuis que ladite armée sera desfaite partout, jusques à l’an ensuivant; ct que durant ladite armée, usures n'auront cours contre ceux qui feront ‘ou auront eslé audit saint voyage, par la manière et en la forme ci-dessus exprimée.

» Item, afin que toutes gens ayent meilleure volonté d’aller audit saint voyage, par la manière dessusdite , pour deffendre la sainte foy chrestienne, il semble queles prélats debvroicnl faire publier la bulle du pape , qui se nomme et appelle la croisie” , sçavoir un chacun à ses

2 Danube. — ? Bulle de la croisade.

subjets, et l’exposer et divulguer en grande dévolion et révérence, afin d’esmouvoir leurs cœurs audit voyage.

» Îlem, afin que toutes ces choses, et autres appartenantes à ceste matière, soient, pour le bien de l'Empire, de la justice ct du pays, micux ordonnées, l’Impériale Majesté a ordonné une autre journée pour s’assembler dans la ville de Franquefort, à la nativité Nostre-Dame prochainement venant, là où les esliscurs de l’'Empire ct autres princes, comtes, barons et communautés du saint empire se trouvent, ct où les ambassadeurs ayent plainière puissance de leur part, pour besongner en ceste matière, estants instruils, tant du nombre des personnes, comme des autres choses dessusdites: et qu’à laditejournée, le duc de Bourgongne ou ses ambassadeurs en sa place, lequel qu'il lui plaira pourle mieux, ne veuille faillir à s’y trouver; aussi aux ambassadeurs du duc de Savoye, à ce qu'ils lui veuillent reporter ce qui sera fait etordonné par deçà, et qu'ils veuillent l’induire, que lui, ou sesdits ambassadeurs en son nom, soient présents à ladite journée, et de s’y. vouloir présenter comme bon prince chrestien. |

» Îtem, à ladite journée de Franquefort, la Majesté Impériale aura ses ambassadeurs fournis de plainière puissance, tant pour les choses concernantes Jadile armée, comme celles touchant l'honneur et profit de l'Empire; et que pendant ledit temps, les besongnes et affaires fussent disposées tellement, que l’empereur peust estre en personne, comme il en a très grand désir, et qu’il fcra sçavoir en temps convenable, s’il sera à Franquefort ou ailleurs; ct s’il ne le fait sçavoir, ladite journée se tiendra à Franquefort.

» Item, la Majesté Impériale admoncste l’ambassade du roy de Pologne , de rapporter audit roy ceste conclusion, ct l’induire à ce qu'il veuille rescripre, avec combien de gens, à quel temps, et en quel lieu, sera son intention de dresser son armée, pour ayder la chrestienté.

» Item, finablement, ilsemblecxpédientetconvenable que les choses dessusdites soient intimées aux roys de France et d'Angleterre, de Casüille, de Ionguerie, de Bohesme, d’Arragon, de Portugal, de Navarre, de Danemarc et de Suède, afin que, de leur pouvoir , ils veuillent ordonner ct disposer leurs armées pour ayder et secourir la chreslienté ; et afin que les ennemis de la foy soient tant plus desroyés et déboutés hors

des melles etlimitesdes chresliens , par la force de l’union des catholiques, entreprenants contre ICeUX.

»ltem, que les choses qu'on ménera pour la nécessité et le besoin de l’armée {soient menées et conduites franchement, sans charge de payer aucunes gabelles, passages, ou autres quelconques exactions, et sans aucun empeschement.

» Ilem, qu'il soit pourveu à ce que ceux qui seront à ladite armée, ayent leurs vivres à suffisance, et autres choses nécessaires pour leur argent, et qu'ils ne fassent dommage à quelque personne que ce soit, ès {erres et pays par où ils passeront ; et qu’il sojt pourveu à ce que les bombardes et autres engins qui seront menés audit saint voyage, soient ramenés seurement et sans empeschement.»

Ainsi ct par ceste manière, futenvoyé icelui advis par l’empereur des Romains, audit duc de Bourgongne; sur lequel advis, ses ambassadeurs estants à Ragenbourg', firent response par escript, en la forme qui s'ensuit :

« Monseigneur le duc de Bourgongne a veu

les lettres de l’empereur, par lesquelles 1l lui mandoit qu’il se trouvast en personne en la cité de Ragenbourg, sur le fait de la provision qui est nécessaire à mettre pour le secours de la sainte foy chrestienne, veu la nécessilé de nostre sainte foy, comme il est bien au long déclaré et contenu ésdites lettres, lesquelles mondit seigneur a receues volontiers, et en grande révérence; et a eslé, et est très desplaisant des injures faites et commises par le très faux et cruel seigneur de Turquie, blasphémateur du nom de Jésus-Christ, etennemy de la foy catholique, dont les susdites lettres font expresse mention; dans lesquelles lettres, entre autres choses est contenu , que mondit seigneur ne se tienne pour grevé de venir en personne, jusques en ceste cité de Ragenbourg, qui a autresfois offert pour ceste cause personnellement de passer en Asie.

» Le contenu desquelles lettres estant bien veu et entendu, nostre très redoubté sei- -&neur, monseigneur le duc, a voulu abandon-

- ner tous ses pays et seigneuries, et ses gens, et ses pesantes et importantes affaires , en obéissant au mandement de l’empereur , son scigneur , et est volontiers venu , veu la nécessité . de la sainte foy catholique, car rien ne lui est

1 Ralisbonne.

si cher, après Dieu et le salut de son ame, qu’à son honneur obéir à son prince, et s’employer à la deffense de nostre sainte foy chreslienne. Pour laquelle cause, eomme il est contenu èsdites lettres, il s’est offert de passer jusques en Asie, si les princes chrestiens à ce se disposoient, el que les pays et seigneuries que Dieu lui a donnés et commis à gouverner, fussent et demeurassent, durant son absence , en scureté, Pour laquelle choseil a fait depuis aucun temps plusieurs grandes diligences, tant de grandes cet puissantes armées sur mer, comme de notables ct solemnelles ambassades, au pape, à l’empereur, et auxroys de Honguerie et de Pologne, et pareillement aux roys de France et d'Angleterre, d’Arragon, ct ailleurs en plusicurs endroils, comme il est chose notoire à plusieurs gens. Et n’est en rien diminuée ni amoindrie sa volonté etson désir, mais il demeure et persévére en icelle plus qu’oncques. Si est-il ici venu en personne par très lointain voyage, c’est à sçavoir des marches de Flandres et de Bourgongne ; de Ià ès pays d'Allemagne, par les terres et régions de Soubaire ‘ et de Bavière, et par les cités et bonnes villes de l’Empire. Par lesquels pays d’Allemagae il a csté, grace à Dieu, aux nobles princes, seigneurs et bonnes villes desdits pays, fort notablement ct grandement bien receu dont il les remercie tant affectucusement qu'il peut, en s’offrant à leur service, et à leur faire plaisir en tout ce qui luisera possible.

» Item, après avoir ouy ce que de la part de l’Impériale Majesté a esté proposé, premièrement, par la bouche du révérend père en Dicu, l’évesque de Saintes, puis par le cardinal de Saint-Pierre-aux-Liens ; ouy aussi parcillement ce que de par Ie pape a esté dit et proposé par révérend père en Dieu, l’évesque de Pavie, légat apostolique, dont il se passe de faire récit, car chacun le peut encore avoir en fraische mémoire.

» Jtem, veu aussi la cédule baillée, par manière d’advis , par vous, très révérends pères, magnifiques seigneurs, orateurs et légals dela part de l’Impériale Majesté, nostredit très redoubté seigneur, monseigneur le duc, eust esté fort volontiers en personne en tous les conseils et conventions qui se sont tenus sur ceste matière , si ce n’eust esté l’empeschement de ma-

1 Souabe.

ladie que vous sçavez qu’il a eu par ces jours, et mesmement à la dernière journée, qui fut samedy dernier passé, à laquelle, à cause de sadile maladie, il ne peut estre ni comparoir, mais y envoya des gens de son conseil, qui de tout lui ont fait le rapport; sur quoy il s’est résolu, sur le fait de ladite cédule , avec messeigneurs et autres ambassadeurs des scigneurs et communautés qui sont ici présents, en la manière que de par eux il vous a esté premièrement récité ; par quoy il suppose que l’Impériale Majesté sera en personne à ladite journée comprinse en icelle cédule; car sa présence est fort nécessaire au bien de la matière. Et semble chose très difficile d’y prendre bonne conclusion, en l'absence de l’Impériale Majesté. Et si par aucun il lui estoit fait trouble ou donné empeschement , par quoy il ne peus ou aye occasion de n’estre pas à ladite journée, il semble à mondit seigneur le duc que vous tous, messeigneurs , qui estes ici, debvez travailler de vos pouvoirs à ce que tels empeschements lui soient ostés : à quoy mondit seigneur s’employeroit très volontiers avec vous messeigneurs dessus nommés.

» Après quoy il dit, ‘que pour ce qu'il est de

très lointain pays, et que depuis son despart il a sceu que les Anglois ontenvahi aucuns de ses subjets et seigneuries, pillé et desrobé son pays, bruslé et tué gens, prins prisonniers, et fait toutes œuvres qui sont ordinaires en temps de guerre ouverte, le lout néantmoins durant la trefve etseurelé qu’il croyoit avoir bonne et seure avec eux , il ne sçait en quelle disposition il trouvera lesdits pays. Pour lesquelles causes, et aussi pource qu'il a intention de travailler envers ses subjets pour l’exécution de ladite cédule au bien et adyantage de ladite matière , il ne lui est bonnement possible dese trouver en personne à la susdite journée, à laquelle toutesfois il envoyera de notables ambassadeurs en son nom, avec pleine puissance de faire el conclure sur le fait de ladite cédule et autrement , touchant le fait de ceste sainte matière, tout ce qui y appartiendra cet qui sera de besoin. Mais. pource qu'il est ici présent, il veut dès maintenant ouvrir et déclarer son intention et volonté touchant ceste matiére, comme il le feroit s’il cstoit en personne à la-

dite journée, ainsi qu'il avoit chargé et or-

donné à ses ambassadeurs de dire de sa part, s’il eust esté occupé tellement qu'il ne peust

ici personnellement comparoistre et s’y trouver en personne. |

» Item, 1 dit premiérement: que pour l’honneur et le service de Dieu son benoist créateur , pour la deffense de nostre foy chrestienne, et à l’exaltation du très glorieux nom de Nostre- Sauveur Jésus-Christ, s’il plaist à l'Impériale Majesté d'entreprendre le saint voyage en personne , à l'encontre du Turc ennemi de la croix ct de nostre sainte foy chrestienne , ct de se faire chef de l’armée chrestienne, mondit très redoublé seigneur le serviraetaccompagnera en personne accompagné de sa chevalerie, en la meilleure puissance que possible lui sera, et n’y espargnera corps ni chevance, ni les biens que Dieu lui a prestés.

» Secondement, il dit: que, veu et considéré que le roy de Honguerie est le plus prochain qui soit présent, si l’Impériale Majesté n’estoit disposée d'entreprendre en personne ce très saint œuvre, ct que ledit très excellent et très noble roy de Honguerie ct de Bohesme , auquel mondit scigneur cest si prochain parent que vous messeigneurs, Sçavez, voulust se disposer, veu sa jeunesse, à prendre les armes le premier, et faire sa première armée en personne contre ledit ennemi de Dieu el de nostre foy catholique, ce qui lui seroit chose méritoire envers Dieu et en perpéluelle gloire en ce monde , en ce cas, mondit seigneur l’accompagnera en personne, garny ct suivy de gens le mieux que Dieu lui en donnera la puissance, et n’y espargnera son corps ni sa chevance.

» Troisiesmement, il dit : ques’il advenoit, ce que Dieu ne veuille! que l’Impériale Majesté ct ledit roy de Honguerie et de Bohesme n'entreprissent ce saint œuvre, et que d’autres princes chrestiens l’entreprennent à puissance convenable, comme il est requis en tel cas, mondit seigneur le duc les y accompagnera et s’y employera de son corps et de ses biens, avec toute la puissance que Dieu lui voudra administrer, pourveu toulesfois qu’au regard des offres dessusdites, il n’aye empeschement Lel et si évident, que tout Ie monde cognoisse ct puisse juger que ce n’est pas par son défaut, laquelle chose lui scroit la plus desplaisante qu’en ce monde il lui peust advenir ; auquel cas il y envoyeroil aucun prince ou seigneur de son sang, accompagné de telle puissance que bonnement lui seroit possible.

» Si vous prie ct requiers mondit sei-

gneur, que de ceste response veuillez faire vostre rapport à l’Impériale Majesté, et de la prendre ct accepter en gré et l'interpréter en tout bien; ct vous exhortle en outre, très nobles princes, qu’ayez esgard et qu’il vous souvienne des grands degrés et prééminences que Dieu vous a donnés sur les hommes, par lesquels vous régnez et seigneuriez sur eux, ct que vous ne veuillez souffrir l’opprobre qu’on fait à celui dont tous les biens vous viennent, et par qui vous avez vie ct estat au monde, en ce que vous voudriez souffrir pour garder vosire honneur de la folle injure d’un vostre serviteur. Et vous, très révérends ct magnifiques scigneurs ct oraleurs, princes et communautés de cesle inclite nation, souvenez-vous du sang de vos progénileurs cruellement respandu par les mains des Turcs, et n'oubliez à le venger, avec celui de vostre seigneur el rédempleur nostre benoist Sauveur Jésus-Christ, qui sur toutes nations à vous prochaines et voisines vous fait croistre et mulliplier en puissance el en richesse; et évilez le très reprochable crime d'ingratitude, par laquelle la divine justice priva l’ingrat nonchalent serviteur du bien et du gré que Dicu lui avoit fait, et lui avoit offert. Et n’est pas au reste tant à redoubter la puissance de ce crucl tyran ; car Dieu , duquel vous portez la querelle, à encore à son service l'ange du ciel qui, tout seul, mit à mort trois cenls cinquante mille hommes en l’ost du lyran ct très puissant Scnnachérib, et lequel, sans doubte, combattra encore pour vous, et en remporterez la victoire, l'honneur el la gloire.»