CHAPITRE CXXVII

De l'ambassade que le roy Charles envoya devers nostre saintpère le pape.

En ce mesme temps, le roy Charles envoya audit lieu de Mantua son ambassade devers nostredit saint-père. Si y furent députés comme principaux ambassadeurs, les évesques de Paris ct de Chartres , ayants avec eux un docteur en théologie, nommé maistre Thomas de Courcelles, et plusieurs autres gens notables, comme clercs et conscillers. Mais quand lesdits ambassadeurs de France furent arrivés à Lyon-sur-le-Rhosne, ct qu'ils sceurentl’ambassade dudit duc de Bourgongne estre devers le pape, ils conclurent de ne passer outre ladite ville de Lyon, jusques à ce qu'ils sceussent ct peussent sçavoir ce qu'avoicnt fait et besongné les susdits mentionnés ambassadeurs de Bourgongne. Et‘pour en estre acerlenés , ils envoyérent audit lieu de Mantua le susdil évesque de Chartres, qui à toute diligence s’y en alla ; d’où estant relourné par-devers eux, ils furent en volonté de ne passer les monts, et de retourner en France devers le roy ; car à ceste heure, par aucuns rapports, il y avoit cu aucunes questions entre lesdits roy et duc de Bourgongne. Et tant en sçay , qu'il estoit croyance queledit pape portoil plus le fait dudit duc de Bourgongne , et estoit plus enclin à lui

faire plaisir et honneur et à ses gens, qu’à ceux du roy Charles. Et bien y parut; car combien que lesdits ambassadeurs de France attendissent d'y aller, néantmoins si y furent à la fin; mais de la part d'icelui pape ils furent très pctitement receus; et de soy 1l leur dit aucunes choses, qui sembloient à plusieurs cardinaux et autres grands seigneurs, estre peu honorables, et desquelles il se deust bien avoir passé. Et quand le rapport en fut fait au roy Charles, au retour de sesdits ambassadeurs, 1l le passa légèrement ; car il estoit de soy-mesme sage, prudent, et non vindicalif.