SEPTIÈME INTERROGATOIRE

(Du samedi 10 mars. )

Le samedy ensuivant, d’aprèsle dimanche de Rorate*, dixiesme jour de mars, ladite Jehanne fut requise de dire vérité, Respondit : «Je vous » promets que je diray vérité de ce qui touchera » vostre procès. Je vous prie, ne me contraignez » point à jurer ; car plus me contraindrez à ju- » rer et plus lard vous diray vérité. »

Interrogée en après, par maistre Jehan de la Fontaine , par le commandement de monseigneur de Beauvais en ceste manière : « Par le «serment que vous avez fait, quand vous ve- » nistes dernièrement à Compiègne, de quel » lieu estiez-vous partie ? » respond : «De Cres- » py, cn Valois.»

Interrogée ; quand elle fut venue en Com-

! Nom du quatrième dimanche de PAvent, tiré de l'introit Rorate cœli.

piègne, se elle fut à plusieurs journées avant qu’elle fist aucune saillie, respond : qu’elle vint à une heure secrète du malin et entra en la ville sans que ses ennemislesceussent, comme elle pense ; et ce jour mesme, sur le soir, fit la saillie où fut prinse.

Interrogée se en la saillie l’on sonna les cloches , respond : se on les sonna, ce ne fut point à son commandement ou par son sceu, et n'y pensoit point ; et se ne lui souvient sc elle avoil dit qu'on les sonnast.

Interrogée se elle fit ceste saillie du commandement de sa voix , respond : que en la semaine de Pasques dernière passée, elle estant sur les fossés de Meleun, lui fut dit par ses voix, c’est à sçavoir sainte Catherine et sainte Margucrite, qu’elle seroit prinse avant qu’il fust la Saint-Jehan ; et que ainsi falloit qu’il fust fait, et qu’elle ne se esbahist ; mais qu’elle prinst tout en gré el que Dieu lui ayderoit.

Inlerrogée si despuis ce lieu de Meleun lui fut point derechef dil par lesdites voix qu’elle seroil prinse , respond : que oui par plusieurs fois ; et comme tous les jours et à ses voix requéroit, quand elle seroit prinse; qu’elle fust morte tantostsans long travail deprison, clleslui dirent qu’elle prinst tout en gré et que ainsi il falloit faire ; mais ne lui dirent point l'heure ; et se elle l’eust sceu , elle n’y fust pas allée ; et avoit plusieurs fois demandé sçavoir l'heure, mais elles ne lui voulurent pas dire ; et pria passer oulrc. |

Interrogée, se les voix lui eussent commandé qu’elle fust saillie et signifié qu'elle eust esté prinse, sc elle y fust allée, respond : que se elle eust sceu l’heure qu’elle eust deu estre prinse , elle n’y fust pas allé volontiers ; toutesfois elle eust fait leur commandement en la fin, quelque chose que il lui en eust deu advyenir.

Inlerrogée se quand elle fit cesle saillie, elle avoit eu voix de partir ct faire ceste saillie, respond : que ne sceul point sa prinse ce jour et n’eut autre commandement de yssir ; mais lousjours lui avoit esté dit qu'il falloit qu’elle fust prisonnièrc.

Interrogée se à faire saillie elle passa par le pont, respond: qu'elle passa par le pont et boulevert, avec la compagnée des gens de son party, sur les gens de monseigneur de Luxembourg, et les reboutta par deux fois jusques au logis du Bourguignon ; à la lierce fois jusques à my le chemin; et alors les Anglois qui là

estoient coupèrent les chemins à elle et ses gens, entre elle et le boulevert ; et pour ce se retrahirent ses gens; et elle, en soy retirant ès champs en costé de Picardie, près du boulevert, fut prinse entre la rivière et Compiègne. Et n’y avoit seulement entre le lieu où elle fut prinse et Compiègne, que la rivière , le boulevert ct le fossé d’icelui boulevert.

Interrogée se en icelui estendart, le monde et les deux anges y estoient peintes , respond : que oui.

Interrogée quelle signifiance c’estoit que peindre au dit estendart Dicu tenant le monde et ses deux anges, respond : que sainte Catherine ct sainte Marguerite, lui dirent qu'elle le fist en ceste façon et le portast hardiment, et qu’elle fit mettre en peinture le roy du ciel ; et de la signifiance n’en sçait autrement.

Inlerrogée sc elle avoit point d’escu ct d’armes, respond : qu’elle n’en eut oncques point, mais son roy donna à ses frères armes, c'est à sçayoir un escu d'azur, deux fleurs de lys d’or et unc espée par my; et a devisé à un peintre celles armes, pour ce qu’on lui avoit demandé quelles armes elle avoit.

Item, dit: que ce fut donné par son roy pour ses frères et à la plaisance d'eux, sans sa requesie et sans sa révélation.

Interrogée se elle avoit un cheval quand elle fat prinse, ct s’il estoit coursier ou hacquenée, respond : que elle esloit à cheval sur un demicoursicr.

Interrogée qui lui avoit donné celui cheval, respond : que son roy el ses gens lui donnèrent, de l'argent du roy, ct si dit : qu’elle avoit cinq coursiers, sans les trotticrs, où il y en avoit plus de sept.

Interrogée se elleeut oncques autres richesses de son roy que ses chevaux , respond : qu’elle ne demandoit rien à son roy fors bonnes armes, bons chevaux et de l’argent à payer les gens de son hostel.

Interrogée se elle avoit point de thrésor , respond: que dix ou douze mille francs qu’elle avoit vaillant n’est pas grand thrésor à mencr la guerre, et que c’est peu de chose; et laquelle somme ses frères ont eu, comme elle pense. Et dit que: ce qu’elle en a c’est de l'argent propre de son roy.

Interrogée que est le signe qui vint à son roy, respond : qu’il est bel, honnorable, bon ct le plus riche qui soit.

CHRONIQUE ET PROCES

Interrogée pourquoy elle ne veut aussi bien dire et monstrer le signe dessusdit , comme ella voulut avoir le signe de Catherine de La Rochelle , respond : que se le signe de Catherine eust esté aussi bien monstré devant notables gens de l’éslise, c’est à sçavoir archevesques ou évesques , comme les archevesque de Reims et autres évesques dont elle ne sçait les noms, et mesme y estoit Charles de Bourbon, le sire de la Trimouille , le duc d'Alençon et plusieurs autres chevaliers qui le virent et ouyrent, aussi bien commeelle voit ceux qui parlent à elle aujourd’hui, comme celui dessus dit avoir esté monstré à gens lays, elle n’eust point demandé sçavoir lesigne de ladite Catherine; et toutesfois elle sçavoit au-devant par sainte Catherine et sainte Marguerite, que du fait de ladite Catherine de La Rochelle c’estoit tout néant.

Inlerrogée se ledit signe dure encore, respond : « Il est bon à sçavoir qu’il dure encore, » et durera jusques à mille ans et outre. »

Item, dit: que ledit signe estunthrésor du roy.

Interrogéc si c'est or ou argent ou pierre précieuse ou couronne , respond: « Je ne vous » en diray autre chose; el ne sçauroit homme » déviser aussi riche chose comme est ce signe, » et toutes voyes le signe qu'il vous faut, c'est » que Dicu me deslivre de vos mains ; et est le » plus certain qu’il vous sache envoyer. »

Item, dit : que quand elle dut partir à aller à son roy, lui fut dit par ses voix : « Va hardi- » ment; car quand tu seras devers le roy, il » aura bon signe de te recepvoir ct croire. »

Interrogée , quand le signe vint à son roy, quelle révérence elle y fit, et se 1l y.vint de par Dieu , respond : qu’elle mercya Nostre-Seigneur de ce qu'il la deslivra de la peine des clercs de par delà, qui arguoient contre elle ; et se agcnouilla plusieurs fois.

Item, dit: que un ange de Dieu et non de par autre, baiïlla le signe à son roy, ct elle en mercya moult de fois Nostre-Seigneur.

Item, dit; que les clercs de par de là cessérent à l’arguer quand ils eurent sceu ledit signe.

Interrogée se les gens de par de là virent le signe dessusdit, respond : que quand son roy et ceux qui estoient avec lui eurent vu ledit signe et mesme l'ange qui le bailla , elle demanda à son roy se il estoit content, et il respondit que oui. Et lors il partitet s’en alla en une petite chapelle assez près. Et ouyt lors dire que, après son parlement, plus de trois cents

DE LA PUCELLE D'ORLÉANS

personnes virent ledit signe. Dit outre: que pour l'amour de elle et que ils la laissassent à interroger, Dieu vouloit permettre que ceux de son party qui virent ledit signe le vissent.

. Tnterrogée se son roy et elle firent point de révérence à l’ange quand il apporta le signe, respond : que oui d'elle; clle se agenouilla ct osta son chaperon,