CHRONIQUE ET PROCÉS DE LA PUCELLE D'ORLÉANS

piteusement et à grand martyre, qui fut une merveilleuse cruauté, et dont plusieurs, tant des gens de bien que du peuple, murmurèrent fort contre les Anglois.

Et le lendemain, ledit évesque, inquistteur et juges, cognoissants la rumeur et murmure qui en esloit en la ville, ct mesmesachants que par le rapport d’aucuns, estoient adyenus des signes en la nuit d'icelle Jehanne, cuidants couvrir leur malice et faux jugement, firent comme les Juifs, lesquels, non contents d'avoir fait mourir Nostre-Seigneur, s’en allèrent à Pilate, demandèrent qu'il leur baillast des gens pour garder le sépulchre, afin que ses disciples ne robassent le corps, et qu’ils signassent qu'il estoit ressuscité. Ledit évesque et juges firent faire une information par tous lémoins, qui avoient esté au jugement de son procès.