CHAPITRE LXXXY

D'une remonte ct destrousse des chrestiens sur les Turcs, ve-

nants el cuidauts mettre le siége devant une cité nommée

Négrepont; et comment le grand Turc manda au roy de Hongrie ct au Blanc que il lcs iroit visiter #,

Vous avez ouy la manière delarendition et du trailé que ceux de ladite ville de Gand eurent avec ledit Philippe de Bourgongne, comte de Flandres, leur naturel seigneur , el comment , pour les fautes qu'ils avoient failes l’année précédente, 1l les punit criminellement , cruellement et honorablement. Si lairons de ceste matière à parler, ct retournerons aux entreprinses que le grand Turc, dont devant avons parlé, faisoit en ceste année cinquante-trois. Vray est que, environ la Saint-Martin d'hyver, icelui grand-Turc mit sus grand nombre de gallécs et vaisseaux , fort garnis de gens de guerre et de vivres, à intention de mettre et poser le siége devant une cité, nomméc Négrepont. Mais ce venu à la cognoissance de ceux de ladite cité , et d’un gentilhomme nommé Jaspard Barbier , Vénitien, se assemblèrent grand nombre de chrestiens des marches d’environ , et se mirent tous ensemble au-devant dudit Turc, et sur le

‘ Chapitre ajouté d’après le manuscrit de la Bibliothèque royale.

chemin qu’il debvoit tenir à vouloir mettre sondit siége, où ils rencontrérent si l’un l’autre ; auquel rencontre eut merveilleuse rencontre el dure bataille ; car icelui Jaspard et les chrestiens, qui esloient en grand nombre en sacompagnée, s’y portèrent si vaillamment, que sur le champ y demeura morts, de la partie des Turcs, jusques au nombre de dix mille ou environ. Et furent iceux Turcs mis en fuite cten desroy, où les chrestiens gagnèrenten finance. Et ne peut à ceste heure, ledit Turc, fournir son entreprinse ; ct, par ce moyen, demeura ladite cité paisible, et sans avoir quelque siége. Et ne faut pas doubter si ledit Jaspard, à son retour en icclle cité, fut grandement festoyé cet honoré par les habitants d’icelle. Aussi y avoit bien raison ; et assez brief après, icelui Jaspard s’en retourna à Venise, et dit aux Vénitiens ces nouvelles, qui, semblablement, en furent moult joyeux, ect par eux fut grandement festoyé.

Mais, en brief temps après icelle desconfilure , ledit Turc manda ct escrivit au roy de Hongrie, el à un grand seigneur du pays, nommé Jonianus', Blanc de Hongrie, dont ci-devant avons parlé, que bref les iroit visiter, au cas que à lui ne voudroient faire obéissance. Et, sur ces nouvelles , icelui Blanc, du consentement du roy, lui manda qu'il n'attendroit pas sa venue, ct que, à l’ayde de Dieu , la saison d’esté venue, le iroit visiter, et le chasseroit aussi loin que il avoit oncques son père. Lesquelles besongnes on fit savoir à Philippe, duc de Bourgongne, à intention de sur ce donner ayde ct secours.