CHAPITRE LXXXVI
Comment le roy Ilenry d'Angleterre fut mis en tutelle.
Vous avez ouy la manière de la rendition et du traité que les habitants de la ville de Gand eurent avec le duc Philippe de Bourgongne, comte de Flandres, leur naturel seigneur , et comment, pour les fautes commises l’année précédente, 1l les punit criminellement, cruellement et honorablement. Si lairons-nous à prèsent de parler de ceste matière, pour dire qu’en ceste mesme année, le roy Henry d'Angleterre fut mis en tutelle par les trois eslats de son royaume; et pour le gouvernencement d’icelui fut ordonné, afin de régenter ledit royaume, le duc d'Yorck ; de quoy le peuple fut fort esmeu,
‘ Hunniadec.
se doubtant qu'il ne tendist à vouloir avoir la couronne, et en peu de temps se faire roy; et sembloit à aucuns , que pour cela il avoit fait mourir le duc de Glocestre.
o CHAPITRE LXXXVII.
Comment plusieurs banquets sc firent en la ville de Lille, en Flandres, par le duc Philippe de Bourgongne ct autres princes ; et comment le duc d'Alençon alla devers icelui duc de Bourgongne. |
Droit ès mois de février et de mars de ceste année mil quatre cents cinquante et trois, le duc de Bourgongne, estant en sa ville de Lillelez-Flandres, se firent plusieurs banquets ctassemblées, tant de nobles princes, chevalicrs et escuyers, comme de nobles princesses, dames et damoiselles; c’est à sçavoir du duc de
Clèves, nepveu dudit duc, qui fit le sien en
l’hostel du sieur des Ambiaux,un mardy ving-
tiesme jour de janvier. Le comte d’Estampes en fit un en son hostel, le mardy cinquiesme jour de février ensuivant ; ct ledit duc de Bourgongne, en son hostel lez-Saint-Picrre dans icelle ville, Ie dimanche dix-huitiesme jour dudit mois de février ; auquel banquet d’icelui duc, furent faits plusieurs vœux de la part de plusieurs grands princes et seigneurs, chevaliers ct escuyers estants là, pour aller en Turquie contre les Turcs et infidelles de nostre foy, comme ciaprès je vous en feray pleinement déclaration.
En ce mesme temps, environ le premier bouhourdich ‘, le duc d'Alençon arriva cn la ville de Tournay, où il estoit venu des contrées de France, d’où il partit un jour inconnu, et s’en alla en ladite ville de Lille , accompagné d’aucuns qui menoicnt les sommiers; et lui, de sa personne, en ce point, il alla des-
cendre, sans avoir autre compagnée, droit à
l'hostel dudit duc; et sans autrement se faire
cognoistre , il fut jusques à la chambre d'ice-
Jui duc, auquel , sans autre conduite, il alla
faire la révérence. Quand ce duc l’eut bien
cognu , il lui fit grande réception, et fut mal content du seigneur d’Arsy et d'Hervé Méliadès , lesquels il avoit envoyés en ladite ville de Tournay, devers icelui duc d'Alençon, afin de sçavoir sa venue de bonne heure, dans le dessein de vouloir aller aux champs au-devant de lui; lesquels de ce ne peurent faire leur debvoir, parce que ledit d'Alençon nese voulut oncques descouvyrir à eux de son despart.
‘ Tournoi.
Néantmoins il fut grandement receu et festoyé par ledit duc de Bourgongne, et les princes et seigneurs de son hostel. Et après qu’il eust esté ainsi receu, à son despart le duc fit payer tous ses despens ct de ceux sa compagnée, qui estoient en nombre de deux cents chevaux ou environ; de plus, il leur fit plusieurs grands dons de joyaux et vaisselle d'argent, se montant à grosses sommes de deniers. De là il print son chemin par la ville d'Arras, à Dourlens et à Abbeville, et tira son chemin à Rouen et en Normandie. Mais, assez tost après , 1l eut plusieurs grandes affaires de sa personne comme vous orrez, dont ledit duc de Bourgongne fut courroucé el desplaisant.
